關於 hkfoodie_life_桃 ，我們在網路上蒐集到這些相關的討論、資訊與評價

📍ᴍᴏɴɢ ᴋᴏᴋ, ʜᴏɴɢ ᴋᴏɴɢ 🇭🇰
<郊遊打卡必備花花三文治|和菓治>
日式水果三文治其實都已經唔算係啲咩新鮮嘢，喺日本都已經興起左一段日子，但香港就好似一直都冇一間舖頭真正賣呢一類嘅產品，對於超級懶嘅小編來講絕對係福音，因為想買來打卡已經好耐，而且啲花花水果三文治真係好靚呀！難得見到香港終於開咗一間專做水果三文治嘅專門店，當然要去試一試啦！
和菓治 Wakashi係一間由日籍總廚監修做日式水果三文治嘅店舖。水果三文治以兩塊日本生吐司麵包夾住新鮮水果同鮮忌廉製成，而且店舖嘅水果三文治標榜每日新鮮製造，亦唔會留過夜，所以有啲特別款式係會比較搶手，想試或者有興趣買來打卡就要留意啦！
-
🍴台灣金鑽鳳梨三文治 / 靜岡蜜瓜三文治
評分：7.5/10
呢一款單一日式水果三文治算係店舖入面買相最平實嘅一批，口味方面除咗有金鑽鳳梨同靜岡蜜瓜之外，因應各種季節亦都會有唔同嘅調整，就好似之前都有推出過黃金櫻桃、無花果等等口味，所以定期都會有啲新口味可以嘗試一下。
水果三文治入口食落個生吐司非常鬆軟濕潤，而且有淡淡嘅奶香味。鮮忌廉嘅份量適中，而且忌廉嘅味道同質感亦都唔會太甜和太膩。兩款水果三文治所帶出嘅感覺亦略為有少少不同，鳳梨本身帶有少少酸酸甜甜配上味道香甜嘅鮮忌廉令整件三文治味道變得比較清新；而靜岡蜜瓜本身味道清甜多汁配上奶香味十足嘅鮮忌廉，成件事真係超級夾呀！整體來講每款水果三文治嘅味道都各有特色，雖然味道方面一般唔算話太特別，但買來野餐都係一個唔錯嘅選擇！
價格：HKD $36
-
🍴 草莓奇異果三文治 / 蜜柑奇異果三文治
評分：7/10
花花水果三文治絕對係打卡必備嘅選擇，除咗以上呢兩款花花款式之外小編亦曾經有見過黑提奇異果呢一個配搭，但真係甚少出現啦。除此之外店舖亦都有曾經推出過熊熊花三文治，真係每一款都非常可愛㗎！
花花水果三文治嘅外表真係超級靚呀，用草莓同蜜柑扮花朵，而奇異果就扮柄，真係少啲心機都砌唔到出嚟啊！不過兩款花花水果三文治嘅生吐司質感上都略為有啲乾身，而且為咗填滿水果旁邊嘅空位用上左大量鮮忌廉，所以整體感覺都有啲膩。兩款返返水果三文治來講小編就會較為鍾意草莓奇異果嘅配搭，因為本身草莓味道酸甜會令整體嘅味道更加突出，相反蜜柑奇異果本身係一種比較淡味嘅水果，而且比較多汁感覺上就較為一般，而且都唔係好食得出有蜜柑嘅味道只係食得出柑嘅質感相比之下就有少少比下去嘅感覺。整體來講，花花水果三文治真係超級靚，打卡影相絕對係不可或缺，但味道方面就真係比較一般，性價比略為有啲低。
價格：HKD $42
——————————
店舖名稱：和菓治 Wakashi
環境：3/5
服務：4/5
地址：旺角亞皆老街8號朗豪坊4樓K403號舖
交通：港鐵旺角站C3出口，步行約5分鐘
——————————
#hkfoodie_life_旺角
附近鐵路沿線仲有咩食👇
#hkfoodie_life_觀塘綫
#hkfoodie_life_荃灣綫
同類型食物嘅介紹👇
#hkfoodie_life_日本菜

📍ᴍᴏɴɢ ᴋᴏᴋ, ʜᴏɴɢ ᴋᴏɴɢ 🇭🇰
<以櫻花入饌嘅春日菜式 UrbanCafeCommune>
櫻花季節又到啦🌸，好多唔同餐廳都會推出櫻花產品🤭近排小編就睇中左間西餐廳，佢哋個櫻花豬扒真係好似好正咁，即刻心心眼丫😍
URBAN Cafe Commune係Urban Bakery既副線😚店舖以單車做主題，主打做西餐，而Urban Bakery嘅招牌牛角酥喺Cafe都食到☺️
-
🍴櫻花粉紅豬扒
評分：7/10
豬扒🐖唔算太大件，食完都唔算話太飽肚😂而入口味道方面，豬扒入口帶有少少爽口，入口隱若會食到有少少酒香味🥂。即使沾埋個醬汁一齊食，但其實入口都唔係太食得出有櫻花香味😅同普通嘅燒汁味道差唔多😎只不過係再淡味少少。但豬扒旁邊亦都有一個類似蘋果果蓉嘅東東😝配埋個豬扒一齊食，整體嘅味道都變得比較清新😋而且果蓉配豬扒都非常特別，口感亦相對比較豐富😉整體來講，豬扒嘅味道都算幾好，不過櫻花味就真係唔太食得出啦😌
價格：HKD $168
-
🍴紫椰菜帶子意大利飯
評分：6/10
意大利飯嘅顏色同張相都有幾大出入下，相當失望😞入口味道方面，意大利飯入口有淡淡的忌廉香味😙而且紫椰菜嘅味道都幾突出😝不過意大利飯嘅口感就相對比較一般，因為裏面其實並無紫椰菜喺度😅純粹得個顏色，所以整體嘅味道亦相對比較單一🤫至於個帶子方面，雖然個帶子唔算好大粒，帶子本身煎到表面輕微脆脆地，所以帶子入口亦有少少外脆內軟既感覺🤗而且帶子入口亦相當Juicy。整體來講，意大利飯入口嘅味道唔算太特別😣顏相對比較淡色，相比之下就較為失望🤨
價格：HKD $128
-
🍴海鮮意大利燉飯
評分：7.5/10
海鮮意大利燉飯出嚟個樣完全同張相一模一樣🤪非常驚喜。入口味道方面，意大利燉飯入口有淡淡的龍蝦汁香味😉而且店舖用嗰隻飯真係意大利米，所以入口口感非常豐富😌至於表面嘅海鮮方面，青口較為乾身，相對就比較一般🤷‍♀️；鮮蝦入口爽口，而且亦非常大隻，不過本身冇作太多嘅調味，所以味道就較為單🤫；帶子入口Juicy，而且同樣外脆內軟。整體來說，意大利燉飯既味道都算係相當唔錯🤔雖然味道上就冇乜驚喜，但食落都好味😋
價格：HKD $178
-
🍴櫻花粉紅甘露
評分：7/10
櫻花甘露以櫻花醬🌸、檸檬🍋、鹽漬櫻花同梳打水調配而成，夢幻嘅粉色真係非常吸引🥰
飲品入口味道偏甜，可能櫻花醬嘅份量有啲多，但入口其實冇乜好重嘅櫻花味😆不過整體感覺亦非常清新，因為飲品入面加入左檸檬，所以會有少少酸酸地嘅感覺😉而且個鹽漬櫻花本身亦都帶有少少鹹鹹地嘅味道😏所以成杯飲品嘅味道都非常特別。但整體來講飲品嘅櫻花味確實係唔重😌只係有淡淡的鹽漬櫻花開水味，不過配埋個梳打水，所以整體亦比較清爽😎
價格：HKD $48
-
🍴桃茶
評分：7.5/10
桃茶入口有好重嘅蜜桃果香味🍑，味道唔會太淡，而且桃茶入口亦甜度適中。雖然飲品入面都幾多冰下😌但即使啲冰融左都唔會溝淡成杯桃茶嘅味道。雖然飲品聽落就普通左少少，而且亦冇乜特別😬不過飲品都幾消滯解膩，同餐飯嘅味道都非常夾。
價格：HKD $29
——————————
店舖名稱：URBAN Cafe Commune
環境：4/5
服務：4/5
地址：旺角太子道西193號MOKO新世紀廣場一樓121及181號舖
交通：港鐵旺角東站D出口，步行約4分鐘
——————————
#hkfoodie_life_旺角
附近鐵路沿線仲有咩食👇
#hkfoodie_life_觀塘綫
#hkfoodie_life_荃灣綫
#hkfoodie_life_東鐵綫
同類型食物嘅介紹👇
#hkfoodie_life_Café
．
．
．
．
．
#urbanbakery #urbanbakeryhk #urbancafecommune #urbancafe #意大利飯

📍ʏᴜᴇɴ ʟᴏɴɢ, ʜᴏɴɢ ʜᴏɴɢ 🇭🇰
<桃園天然健康茶飲店登陸香港 沐白小農>
近呢一年台式茶飲店越開越多😂當中亦不乏一啲真正嚟自台灣嘅茶飲店😝最新登陸香港嘅就有堅持選用天然新鮮用了嘅沐白小農🥳
沐白小農係一間嚟自桃園嘅茶飲店☺️店舖創辦人希望透過沐白擺出天然簡約嘅自然本質，傳達茶飲美學嘅理念👏所以店舖堅持唔加奶精、奶霜，甚至係一滴水😯絕對係一杯可以飲得健康既茶飲😎
-
🍴沐白黑糖波霸鮮奶
評分：7/10
店舖嘅黑糖波霸以獨特手法將台灣黑糖同珍珠融合，每次珍珠都要製作至少2小時😯每一杯嘅珍珠都會確保達有160g，再配以日本明治4.3特濃牛奶🥛，絕對係幸福嘅味道🥰
飲品攞到上手入口嘅第一啖黑糖珍珠口感會比較軟糯🤔而且仲有少少暖暖地咁。將鮮奶同黑糖珍珠攪勻之後，珍珠會變得比較Q彈😆而且黑糖味亦都會越咬越出😚雖然飲品個鮮奶味比較微弱😅但飲品入口味道唔係太甜，而且黑糖嘅味道都足夠😉所以亦都挽回左唔少分數🤫
價格：HKD $30
-
🍴蜂蜜檸檬
評分：7.5/10
據聞呢一杯蜂蜜檸檬係最受歡迎嘅果汁飲品😁呢杯果汁飲品採用左台灣雲林嘅純天然蜂蜜🍯，配上味道清新嘅檸檬🍋，飲品入口清新解膩又健康🤗
由於飲品係加咗蜂蜜落去，所以甜度係固定左嘅😞飲品一開始入口味道會比較酸，其後先可以慢慢品嚐到蜂蜜嘅甜味☺️飲品整體嘅味道都係酸酸甜甜酸酸甜甜咁😋飲品個酸甜既比例拿捏得唔錯😝所以味道都清新而且非常消暑☀️。
價格：HKD $24
-
🍴決明大麥珍珠鮮豆乳
評分：7/10
估唔到呢間台式茶飲裏面會有豆乳茶飲😱都係市面上比較少見，素食者或對奶製品敏感人士都可以飲用😚小編今次就揀咗不含咖啡因嘅決明大麥配以幼滑豆乳😙呢個配搭特別得來又比較少見😜
飲品入口嘅每一啖一開始都會飲到大麥清新嘅香氣同一浸類似炭燒咖啡既味道🤔到中段就會飲到豆乳嘅香味，之後就會有一浸估計應該屬於豆乳嘅甜味走咗出嚟🤫所以飲品overall對於小編來講其實有少少甜😳另外今次小編仲係呢杯鮮豆乳裏面加咗珍珠，珍珠入口口感Q彈煙韌😎而且珍珠嘅份量都算係偏多，小編飲到最尾都仲有少少珍珠剩🤣小編個人就覺得呢個配搭都幾特別，而且飲完之後唔使驚瞓唔着☺️
價格：HKD $22（決明大麥鮮豆乳）+ HKD $4（珍珠）
——————————
店舖名稱：沐白小農
環境：4.5/5
服務：5/5
地址：元朗裕景坊27-31號金倫大廈地下4號舖
交通：港鐵朗屏站D出口，步行約10分鐘
——————————
#hkfoodie_life_元朗
附近鐵路沿線仲有咩食👇
#hkfoodie_life_西鐵綫
同類型食物嘅介紹👇
#hkfoodie_life_茶飲
．
．
．
．
．
#twfood #桃園美食 #沐白黑糖波霸鮮奶 #沐白小農沐場 #沐白 #沐白小農 #台式飲品 #タピオカ