關於 hkfoodie_life_蜜瓜 ，我們在網路上蒐集到這些相關的討論、資訊與評價

📍ᴍᴏɴɢ ᴋᴏᴋ, ʜᴏɴɢ ᴋᴏɴɢ 🇭🇰
<郊遊打卡必備花花三文治|和菓治>
日式水果三文治其實都已經唔算係啲咩新鮮嘢，喺日本都已經興起左一段日子，但香港就好似一直都冇一間舖頭真正賣呢一類嘅產品，對於超級懶嘅小編來講絕對係福音，因為想買來打卡已經好耐，而且啲花花水果三文治真係好靚呀！難得見到香港終於開咗一間專做水果三文治嘅專門店，當然要去試一試啦！
和菓治 Wakashi係一間由日籍總廚監修做日式水果三文治嘅店舖。水果三文治以兩塊日本生吐司麵包夾住新鮮水果同鮮忌廉製成，而且店舖嘅水果三文治標榜每日新鮮製造，亦唔會留過夜，所以有啲特別款式係會比較搶手，想試或者有興趣買來打卡就要留意啦！
-
🍴台灣金鑽鳳梨三文治 / 靜岡蜜瓜三文治
評分：7.5/10
呢一款單一日式水果三文治算係店舖入面買相最平實嘅一批，口味方面除咗有金鑽鳳梨同靜岡蜜瓜之外，因應各種季節亦都會有唔同嘅調整，就好似之前都有推出過黃金櫻桃、無花果等等口味，所以定期都會有啲新口味可以嘗試一下。
水果三文治入口食落個生吐司非常鬆軟濕潤，而且有淡淡嘅奶香味。鮮忌廉嘅份量適中，而且忌廉嘅味道同質感亦都唔會太甜和太膩。兩款水果三文治所帶出嘅感覺亦略為有少少不同，鳳梨本身帶有少少酸酸甜甜配上味道香甜嘅鮮忌廉令整件三文治味道變得比較清新；而靜岡蜜瓜本身味道清甜多汁配上奶香味十足嘅鮮忌廉，成件事真係超級夾呀！整體來講每款水果三文治嘅味道都各有特色，雖然味道方面一般唔算話太特別，但買來野餐都係一個唔錯嘅選擇！
價格：HKD $36
-
🍴 草莓奇異果三文治 / 蜜柑奇異果三文治
評分：7/10
花花水果三文治絕對係打卡必備嘅選擇，除咗以上呢兩款花花款式之外小編亦曾經有見過黑提奇異果呢一個配搭，但真係甚少出現啦。除此之外店舖亦都有曾經推出過熊熊花三文治，真係每一款都非常可愛㗎！
花花水果三文治嘅外表真係超級靚呀，用草莓同蜜柑扮花朵，而奇異果就扮柄，真係少啲心機都砌唔到出嚟啊！不過兩款花花水果三文治嘅生吐司質感上都略為有啲乾身，而且為咗填滿水果旁邊嘅空位用上左大量鮮忌廉，所以整體感覺都有啲膩。兩款返返水果三文治來講小編就會較為鍾意草莓奇異果嘅配搭，因為本身草莓味道酸甜會令整體嘅味道更加突出，相反蜜柑奇異果本身係一種比較淡味嘅水果，而且比較多汁感覺上就較為一般，而且都唔係好食得出有蜜柑嘅味道只係食得出柑嘅質感相比之下就有少少比下去嘅感覺。整體來講，花花水果三文治真係超級靚，打卡影相絕對係不可或缺，但味道方面就真係比較一般，性價比略為有啲低。
價格：HKD $42
——————————
店舖名稱：和菓治 Wakashi
環境：3/5
服務：4/5
地址：旺角亞皆老街8號朗豪坊4樓K403號舖
交通：港鐵旺角站C3出口，步行約5分鐘
——————————
#hkfoodie_life_旺角
附近鐵路沿線仲有咩食👇
#hkfoodie_life_觀塘綫
#hkfoodie_life_荃灣綫
同類型食物嘅介紹👇
#hkfoodie_life_日本菜

📍ᴄᴀᴜsᴇᴡᴀʏ ʙᴀʏ, ʜᴏɴɢ ᴋᴏɴɢ 🇭🇰
<銅鑼灣新開玩味美食實驗室 EatDarlingEat>
係上個月尾銅鑼灣新開左呢一間重新演繹中式糖水嘅餐廳，玩味十足😎而且全部甜品都非常IG-able🥰就連店舖嘅裝修都非常科幻。咁所以都當然亦都即刻吸引左小編嘅眼球要去試吓啦🤤
Eat Darling Eat以藝術甜品做主打，賣相似西式甜點，但入口係中式甜品的味道🤔玩味十足。不過店舖本身亦都有提供少量嘅鹹食，配搭同樣非常創新😋
-
🍴酥炸豆卜釀香草芝士
評分：7/10
呢一款前菜以忌廉芝士🧀配搭炸豆卜，佐以傳統甜醬，絕對係一款中西合璧嘅小食😳
酥炸豆卜嘅外型有啲似迷你臭豆腐咁，的的骰骰非常可愛😁入口嘅質感亦都有幾分似臭豆腐，不過中間就由滑溜嘅豆腐變咗做口感幼滑滑嘅Cream Cheese😆味道方面，由於酥炸豆卜表面均勻咁塗上左甜醬，所以豆卜一入口先會食到甜甜地嘅味道😜其後就會帶出有少少香草味，最後就可以食到有淡淡的芝士香味，味道非常豐富😉
價格：HKD $58
-
🍴磨豉醬雞頸肉飯
評分：7.5/10
師傅會將雞頸🐓去骨，並以磨豉醬醃味，佐以脆香惹味的炸雞皮🤤絕對係又惹味又邪惡啊！
雞頸飯一上枱就已經香氣四溢😋有好香嘅磨豉醬香味。雞頸肉入口肉質非常有彈性，亦富有嚼勁😉而且雞頸肉入口亦都帶有少少焦香嘅味道。另外雞嘅飯表面亦都配上左一塊炸雞皮☺️雞皮嘅口感非常香脆，而且質感亦都唔會覺得好油膩😝個白飯底質感軟硬適中，而且白飯本身亦有沾染上磨豉醬，所以入口同樣會有啲焦香嘅味道😊整體來講雞頸飯嘅份量都充足，可以夠兩個人食，而且雞頸飯亦都非常惹味😚
價格：HKD $98
-
🍴蕃薯糖水
評分：8/10
蕃薯糖水🍠以朱古力蛋糕🍰、薑汁蛋白脆餅同香芋雪糕🍨配搭而成，旁邊再以番薯粒、蜜瓜粒🍈同食用花瓣🌼砌成一個小圈，可以喺中間倒入薑汁番薯糖水。
其實小編個人來講真係幾鍾意呢一款甜品，因為除咗影相打卡靚之外🤫個糖水入口辣辣地咁亦非常美味🤗不過底部嘅朱古力蛋糕會吸左少少啲糖水變淋咗，質感變得有啲怪🤔但個薑汁蛋白脆餅同香芋雪糕都挽回左唔少分數，因為個蛋白脆餅入口真係有淡淡的辣薑味，而且質感亦都唔會太硬😚至於個香芋雪糕方面，入口有好重嘅香芋味，質感亦都比較幼滑😌
價格：HKD $68
-
🍴木瓜雪耳糖水
評分：8/10
甜品以糖漬木瓜、雪耳配上意大利軟芝士🧀，喺軟芝士表面插上片片香脆嘅木瓜脆片同放上食用花瓣🌼，再灑上少少薑餅🍪碎作裝飾，而且碟上面更加預留左空位俾客人淋上糖水。
講真呢一個配搭望落實在有啲奇怪，不過原來入口個味道有幾夾個喎😯甜品入口嘅木瓜冰糖味比較突出，配上有淡淡芝士香味嘅意式軟芝士，入口味道出奇地夾😚而且係軟芝士表面嘅木瓜脆薄片雖然一片薄薄地咁，但原來入口有超級重嘅木瓜味😎所以入口成個甜品都毫無遺和感😝另外半碟的都真係放上左木瓜同雪耳，而且仲加入左啲薑餅碎，所以甜品入口亦都有少少辣辣地嘅感覺😜
價格：HKD $68
-
🍴雪葩菠蘿包
評分：8.5/10
師傅會喺自家烘焙嘅菠蘿包中間切一刀，放上左一球菠蘿雪葩🍨同吉士醬，碟邊再放上蜂蜜焦糖脆脆🍯同菠蘿粒🍍作點綴。
菠蘿包嘅表面焗得好鬆脆，而入口就有啲似食緊泡芙咁😉配合埋質感幼滑&帶有少少奶香味嘅吉士醬一齊食，不論質感定係味道都非常豐富☺️再者，菠蘿包裏面嘅雪葩入口有好重嘅新鮮菠蘿味😍連埋伴碟上面嘅菠蘿粒一齊食絕對係「真菠蘿包」丫😘而焦糖脆脆方面，入口味道唔會太甜帶有淡淡蜂蜜香味，質感亦非常香脆，絕對係錦上添花😆整體來講菠蘿包嘅味道真係好有驚喜，因為入口真係有好重嘅菠蘿味，而且味道亦偏向比較清新唔會太甜😎
價格：HKD $68
-
🍴短笛鮮奶咖啡
評分：8/10
咖啡中嘅Espresso☕️係以意大利既Astoria咖啡機萃取，按咖啡豆既特質調整沖泡同打泡嘅力度，再加入一份鮮奶🥛，製成呢一杯Piccolo Latte。
Piccolo Latte落嘅鮮奶份量雖然冇咁多，不過入口口感仍然都算幼滑😋而隻咖啡味亦相對比較易入口，個人來講係幾鍾意嘅😳再者，Piccolo Latte入口亦會比較重咖啡香味，相對奶香味會比較少🤗
價格：HKD $36
-
🍴甜心
評分：8.5/10
Mocktail🍸以血橙果泥🍊、酸橙柚子汁、檸檬汁🍋同薑汁糖漿調配而成，製成呢一款味道清爽嘅非酒精飲料😜
Mocktail入口有比較重血橙橙香味同清新嘅檸檬香味，不過每一啖嘅最尾都會飲到有辣辣地嘅薑汁味😆但味道就比較似係薑汁汽水嗰種🤔所以Mocktail入口嘅味道會偏酸，而且感覺上亦都比較清新，因此亦都會越飲越開胃😚
價格：HKD $48
——————————
店舖名稱：Eat Darling Eat
環境：5/5
服務：4.5/5
地址：銅鑼灣百德新街27-47號及記利佐治街11-19號Fashion Walk地下17號舖
交通：港鐵銅鑼灣站E出口，步行約5分鐘
——————————
#hkfoodie_life_銅鑼灣
附近鐵路沿線仲有咩食👇
#hkfoodie_life_港島綫
同類型食物嘅介紹👇
#hkfoodie_life_Café
#hkfoodie_life_Coffee
．
．
．
．
．
#EatDarlingEat #MingFatHouse #PineappleBun #親愛吃 #真菠蘿包

📍ᴋᴡᴜɴ ᴛᴏɴɢ, ʜᴏɴɢ ᴋᴏɴɢ 🇭🇰
<史上最失望嘅季節限定茶飲 茶狼>
見茶狼喺觀塘開咗新分店😏本來就諗住再次一嘗岡山巨峰提子白露茉莉奶蓋茶嘅滋味☺️點知原來個季節限定已經完咗，超傷心😢不過都俾咗咗個機會小編試吓佢哋新出嘅季節限定飲品同順便試埋佢哋既茶飲蛋糕😂
-
🍴凍頂烏龍茶軟芝士蛋糕
評分：7.5/10
其實蛋糕由佢哋喺中環店開店嘅時候都一直已經有供應😏不過鑒於中環店無位坐，所以一直都冇試過😂蛋糕大致可以分為三個部份，分別係凍頂烏龍茶海綿蛋糕、軟芝士🧀同曲奇餅餅底🍪。
蛋糕入口確實有陣陣嘅烏龍茶味😍不過就略嫌蛋糕嘅質感有少少乾🤔軟芝士方面，入口雖然冇乜芝士味😅但質感非常幼滑😚同烏龍茶海綿蛋糕配搭出嚟個效果都幾特別。但係個曲奇餅餅底真係超級唔掂😔完全係同個蛋糕分離左，真係得啖笑😎不過其實整體嘅味道來講都算係相當唔錯，至少真係食到有烏龍茶味😂
價格：HKD $28
-
🍴日本九州蜜瓜梔子花奶蓋茶
評分：6.5/10
飲品將蜜瓜汁、九州蜜瓜粒🍈同梔子花茶混合及打成沙冰🤗然後喺飲品表面再加上一層紐西蘭cream cheese🧀製成嘅芝士奶蓋。小編印象中今次好似係茶狼第一次用梔子花茶做茶底，個人都覺得幾特別😎
九州蜜瓜梔子花茶既每一啖入口一開始都可以飲到有味道清甜嘅蜜瓜味😝其後梔子花茶個餘韻先會慢慢走出黎😳另外飲品中亦都可以食到細細粒嘅蜜瓜粒，口感都算係幾豐富🤔不過感覺上呢一個蜜瓜梔子花茶同芝士奶蓋嘅鹹香味就唔多夾😅奶蓋變得可有可無，可能如果今次小編係叫冇奶蓋嘅版本會比得更高分😔
價格：HKD $45
——————————
店舖名稱：茶狼
環境：5/5
服務：4/5
地址：觀塘觀塘道418號創紀之城五期APM大堂層C-41號舖
交通：港鐵觀塘站A2出口，步行約4分鐘
——————————
#hkfoodie_life_觀塘
附近鐵路沿線仲有咩食👇
#hkfoodie_life_觀塘綫
同類型食物嘅介紹👇
#hkfoodie_life_茶飲
#hkfoodie_life_蛋糕
．
．
．
．
．
#chalonghk #chalong #cheesemilktea #cake #蛋糕 #茶狼 #芝士奶蓋 #奶蓋茶 #茶飲 #タピオカ