昨日收到呢條絕密影片。 差唔多係30年前我喺澳洲讀中學時候嘅通識科功課，課題系拍一條廣告，最後搞咗條5分鐘嘅片，我完全冇諗過佢會突然間再出現會有人keep住。
警告⚠️我自己睇到頂唔順自己停咗兩次休息吓抽筋的胃再睇先勉強睇完，建議大家如果真係睇肯定1:55之前應該已經頂唔順停機。
30年前沒有iPhone、iPad, 所有拍攝同剪接都係用菲林做, 再加埋特異功能嘅特技效果, 真係嘔心瀝血。 印象中啲鬼仔同學非常不滿點解我哋個廣告係成5分鐘，而且完全唔知我哋想點（因為佢哋冇睇過賭神同埋賭聖🤣）
片中嘅賭聖到今天都係我最好嘅朋友之一，當年我哋坐隔離，最後佢澳洲會考HSC考到100分，上報紙頭版入咗雪梨大學醫科，後來一直留在澳洲生活，仲做埋澳洲華人醫學會會長。 佢同我講琴日比個仔睇呢條片，個仔睇到分半鐘講咗句：”you are so dumb daddy” 就走咗去。
我冇佢咁叻會考只係得97.7分，在新南威爾斯大學讀完土木工程系之後就選擇咗返香港做工程師, 後來轉行做餐飲, 諗唔到眨吓眼就差唔多30年. 更加估唔到呢30年世界同社會嘅變化, 仲變得誇張過片裏便嗰啲特異功能嘅效果.
係呢個時候收到呢條片，唔通係提醒我人生本來就係一場戲，無論中間嘅劇情幾咁曲折離奇戇居匪夷所思，最後睇返都係笑到胃抽筋。
#大家見到口型同配音唔夾因為原版係講英文要交功課
#希望無論我哋面對什麼困境祝大家都surewin
hsc醫學 在 醫療系統聯盟Healthcare Systems Consortium - HSC - Facebook 的推薦與評價
HSC 宗旨為促進產官學研與醫界的醫療相關事物交流及媒合，為台灣醫療系統努力。 ... 2021/11/08至中山醫學大學附設醫院手術器械辨識會議 #中山醫學大學附設醫院 ... <看更多>