《要選公司最可有可無department，非HR莫屬》
畢業季節，經常睇到自稱「任職人事部多年」嘅人，俾fresh grad搵工貼士。呢啲HR老屎忽除左俾貼士，最鐘意in 完啲fresh grad，笑鳩fresh grad有幾戇鳩。最近有HR 老屎忽笑鳩fresh grad 「見工等interviewer 是常識吧」，仲有HR笑鳩啲 fresh grad個名騎呢等等。想講好耐，一間公司最可有可無嘅department，根本就係HR，HR笑鳩人見工點點點，我想笑鳩HR 好耐。
對我來講，HR 只係一個篩...
first interview，HR通常擺出一副「你in 唔in 得成，食粥食飯都係睇我」嘅咀臉。HR 成日無料扮四條，根本你無任何技能先會做HR，成間公司最唔了解公司業務嘅就係HR。舉個例，麥當當HR連炸薯條都唔識，但佢哋就負責請「炸薯條的人」。IT公司嘅HR幫手請programmer，但HR 嘅人，好可能連excel 都搞唔掂。
HR所謂in 人，極其量只係perform 緊一個「篩」嘅功能。收哂CV，篩走「完全無可能的人」，call interviewee，that’s it。而「篩人」呢個動作，各個department 可以自己做返。計假同人工，各個department admin 都做到；HR 安排嘅training 大多數係廢嘅；員工gathering 同做義工有CSR嘅人負責；請專才可以靠headhunt。HR 根本可有可無，甚至洗廁所個呀姐都比HR 重要，你想像吓，個日無人洗廁所大鑊啲定無HR 大鑊啲？
※※※
明明可有可無，HR仲覺得自己好重要...
HR總覺得自己閱人無數，佢哋唔明佢哋只係一個「篩」，所謂閱人，只係first interview 個幾分鐘，普通人去clubbing 識朋友都傾得深入過佢，有幾閱人無數？HR知道哂公司上下員工幾錢人工就以為自己「咩都知」。除左人工，公司業務佢哋咩都唔知。知道人工有咩咁叻？我唔知，都估到公司唔會出得多啦。
HR成日講「你好似無相關嘅experience」...
每次見工見HR，都覺得好忟，搵全公司最無技能嘅HR，話我無相關experience。相關experience，我講HR 都唔明啦。你去見份IT 工，你講識咩program，HR 識條鐵咩？見親工，我都當HR first interview係YouTube個ad，想盡快「skip ad」KO你。
HR成日講「你好似好jumpy」 …
HR係最無資格講「你好jumpy」 ，我唔jumpy，你點會有嘢做。HR之所以仲存在，就係因為啲人轉工。
HR成日用中文叫人用英文介紹自己
HR好多時笑啲 candidate 英文差，佢哋in 啲位有時根本無需要講英文，都要人用英文自介，成日當人哋英文自介係entertainment 咁。
睇到啲大公司任職HR 高層多年嘅人俾貼士，甚至教訓後生仔，覺得份外好笑...
做HR本身就無任何技能，仲要任職多年，即係多年都無咩技能。而做到大公司HR 高層，多數都係咁多年來都無轉過工。一個咁多年來都無技能，又成世唔轉工嘅人，可以俾到咩搵工貼士你？
最後係，HR總覺得壓人價係一份成就...
一間公司想請嘅，唔係「最平的人」，而係「最啱的人」，但有啲戇鳩 HR 覺得壓到價，減人5舊水都係一種成就，呢啲咪戇鳩囉。
PS. 我明明寫哂CV，print 埋俾你，未in又叫我重新填張水蛇春咁長嘅application form ，真係多撚餘，你真係請我先叫我填資料啦。
interviewer interviewee中文 在 Job Interview in Chinese | Easy-to-learn and follow my ... 的推薦與評價
理查老师的 中文 直播课-Richard Chinese Language ... After the interview : Saying goodbye to the interviewer. 非常感谢您。 ... <看更多>