關於 k11烏冬 ，我們在網路上蒐集到這些相關的討論、資訊與評價

#小編食好西：咁耐冇得飛✈️，相信大家同小編一樣，都好掛住外國嘅種滋味🥺

今次小編就嚟到尖沙咀凱悅酒店，一試最近佢哋嘅「味遊亞洲自助餐」，分別有韓國菜、日本菜、越南菜同埋印度菜，等大家可以用味蕾嚟一晚亞洲之旅🤩

🎊預訂網址🎊 https://flyagain.la/ptm5

📍環境：
酒店位置方便，一出尖東/尖沙咀站K11個出口，行幾步就到。咖啡廳位於酒店lobby層，雖然係lobby，不過餐廳環境都十分安靜，卡位嘅設計俾人多一種私隱度😌

🍱食物
食物選擇中規中矩，有日式壽司魚生天婦羅、韓式炒年糕、海鮮煎餅、鴨肝多士、印度咖哩、馬來西亞肉骨茶、新加坡叻沙、越南生熟牛肉河、中式燒味、小炒、一般冷盤沙律、牛扒羊架、甜品等等，都幾夠食

🤩🤩🤩🤩回本位1： 🦞即煮「悅新鮮」生猛龍蝦區，無限量供應波士頓龍蝦，即叫即煮，目測係全場encore率最高 (特別配左泰式風味汁，點左都唔錯）！😋 龍蝦好多膏，肉都幾彈牙，無平時涷食咁乾身，而且唔會好乾，不錯！

🤩🤩🤩回本位2：🍰甜品選擇十分之多多多😍😍😍，不過最推介一定係咖啡廳蛋糕系列，由馬達加斯加雲尼嗱、泰式芒果糯米、港式奶茶風味到馬來西亞榴槤口味、厄瓜多爾朱古力味，有蛋糕卷、法式千層酥😋

小編覺得馬達加斯加雲尼嗱口味最好食，食得出同平時食開D雲呢嗱味係唔同既🤩！第二名小編會揀港式奶茶口味 同🍫厄瓜多爾朱古力味，兩隻都好好食🤤，各有特色，真係好難分高下😂 不過大家一向好鍾意既馬來西亞榴槤口味就一般，蛋卷偏腍但榴槤味都幾足🤔

🐟刺身：有5款選擇：三文魚、帶子（偏大粒）、吞拿魚、魷魚同鯛魚，全部都幾肥美！帶子都幾大粒下😍，吞拿魚新鮮又無筋，全部食落都好新鮮呀，真係要encore！🤩

🍣壽司：壽司選擇反而好少，得鯖魚同埋魷魚壽司，連卷物都無乜🥲🥲 不過就有提供平時少見既雜錦魚生飯，不過小編覺得D飯都有D大舊，少食為妙🤣

🦀海鮮：凍盤海鮮都係中規中矩，有青口、🦐蝦、🦀蟹同埋小龍蝦，食落唔太多肉😫，不過小龍蝦都幾鮮味🤓

🥩燒烤：有即場碳烤乳豬、牛扒、羊架，仲有燒菠蘿！！！即切再碳烤，食嗰時仲熱辣辣，鍾意碳烤風味嘅朋友可以一試！😍

🇰🇷韓國菜區：主打韓式海鮮蔥餅同韓式炸雞配年糕，海鮮蔥餅有魷魚同蝦，中間柔軟外邊都幾酥脆，可以一試😋！

🇯🇵日本菜區：有即炸天婦羅，有蝦🦐、粟米🌽同埋番薯🍠，皮好薄而且岩岩炸出黎好香脆，可以encore！不過小編覺得如果有埋冷麵／冷烏冬配天婦羅就好啦🥢😆！

🇲🇾🇸🇬星馬泰區：東南亞美食有🇲🇾馬來西亞肉骨茶、🇻🇳越南生熟牛肉湯底河同🇸🇬新加坡叻沙湯底，肉骨茶味道偏甜，鐘意新加坡重胡椒同馬來西亞藥材味就可能唔太啱🤭 生熟牛肉河湯底，湯底唔算好濃，粉麵檔配料有時菜、牛丸、魚蛋、蝦等等，面就有油麵同米粉，湯麵麵質爽口，白魚蛋彈牙，不過粉麵同配料種類選擇就比較少🤭

🇮🇳印度菜區：點少得咖喱同薄餅，有牛油咖哩雞、印式咖哩羊、果阿咖喱魚等等，咖喱香料味都幾足，唔算辣，中意香料既朋友可以試下，但就未必好啱香港人口味😅

👧🏻👦🏻兒童區：小朋友都唔擔心無嘢食！有幾款簡單西餐選擇例如肉丸、魚柳、pizza🍕、南瓜餅等🙋‍♂️

🍨甜品：呢度甜品真係好多多多呀！🥞班戟甜品😋😋😋，有原味同朱古力兩種pancake皮選擇，即叫即整，6款口味雪糕、水果可以配搭，仲可以揀放係雪糕筒🍦入面，打卡唔錯📸！另外仲有一般果d甜品， 不過今期仲加左豆腐花、泰式三色冰同芒果糯米飯。不過強烈推介留肚試下酒店嘅切餅：貓山榴蓮、厄瓜多爾朱古力、奶茶口味、馬達加斯加雲呢拿都唔錯！

💬 結論
呢餐buffet美中不足嘅係，未有一向受歡迎嘅泰國菜，可能係因為空間有限，整唔到咁多款🧐 但可以一次過食到唔同嘅亞洲風味，好似✈️飛左一轉咁，一解相思之苦，都幾值得一食🥲

[海陽。居酒屋 KAIYO] @kaiyo.hk
Address: 尖沙咀梳士巴利道18號Victoria Dockside K11 Musea 1樓103-103A號舖

💙 明太子冷烏冬 $128
明太子冷烏冬簡單得來反而係最好食 😳
💙 免治雞肉棒盛盒 $128
雞肉棒係好食嘅，不過其實太細條， $128都有啲貴
💙 碎蔥吞拿魚腩卷 $118 冇特別嘅吞拿魚腩卷😂 喺壽司廊食可能幾十蚊就有
💙 美國和牛豚肉壽喜燒 $438
壽喜燒都唔係特別推薦，雖然有啲菜食下好開心，但係味道一般，冇乜驚喜
💙 其實呢間餐廳性價比都唔係幾高🧐 食咗幾樣野，埋單加一都要成$900
環境都係一般，佢哋俾咗張好細嘅二人枱我哋，根本都擺唔晒啲食物🙈
唯一有機會再食嘅係明太子冷烏冬🤣
#唔算係負評_不過唔係好抵食姐
#但係預咗餐廳喺musea就係會貴少少
#竟然撞到中學同學
#littletummyjapanese #littletummytst #KAIYO

@ KAIYŌ Beyond Izakaya

-
📍食在西營盤 - 人氣藍調Cafe 主打生酮飲食
💎性價比(CP值): 🌕🌕🌕🌑🌑
———————————————————
成日聽人講生酮飲食，但自己又唔了解，點算好？呢間色彩繽紛既人氣生酮餐廳都幾幫到我🥳。先要讚下佢地既野食賣相真係好靚，而且環境寶藍色調，打卡更顯高雅美麗；另一方面，食物飲品甜品選擇廣泛，可以全面體驗生酮飲食，亦都令人有種「原來食生酮，都有咁多選擇，都可以食得好開心」既感覺。
－
1⃣Smoked Salmon & Beetroot Risotto 💰148（👅: 7.4/10）
紅菜頭既意大利飯配煙三文魚。飯質地有咬口，黏黏煙韌咁，味道唔錯。
-
2⃣Mushroom Spinach 💰148（👅: 6.8/10）
無麩質班戟🥞，口感結實，少少似食煙韌貝果咁，不過幾中意佢個醬汁，鹹鹹甜甜咁，連菇同班戟食又幾夾。
-
3⃣Blue Seafood Soup Udon 💰168（👅: 7/10）
加入藍螺旋藻天然染色，打卡一流😍 配料豐富，有帆立貝、大蝦、八爪魚、青口等，全部都好新鮮，有海海鮮甜味，幾高質。而烏冬就用上無麩質日本糙米烏冬，口感同食烏冬差唔多，略厭味道會淡左少少。
-
4⃣Tirmisu Keto Cake 💰88 （👅: 7.4/10）
呢間生酮蛋糕好有保證，之前食過一次已經覺得幾唔錯。而tiramisu味道都做得幾出色，味道濃而creamy。
-
5⃣𝗠𝗮𝘁𝗰𝗵𝗮 𝗖𝗵𝗼𝗰𝗼𝗹𝗮𝘁𝗲 K𝗲𝘁𝗼 𝗰𝗮𝗸𝗲
💰88 （👅: 8/10）
抹茶控必點‼️抹茶味都幾濃，仲有得淋上抹茶醬🍵。甜度適中，配朱古力蛋糕都幾夾，味道濃郁，都幾cream同鬆軟。
-
6⃣Pink Salted Pop corn Mocha 💰58 （👅: 7.5/10）
爆谷香脆帶焦糖香，Mocha朱古力味濃，飲落幾香口，唔錯！
-
7⃣Rose Kombucha 💰78 （👅: 7/10）
清爽Fresh ，飲落幾開胃。
-
8⃣Osun Sparkling Energy Water 💰58 （👅: 7/10）
玫瑰味身體能量水，無麩質無糖淨化。口味用24小時浸著唔同晶石制成。
－
🌟整體黎講，如果冇食開生酮既朋友，可能唔係好慣食物既味道同質感。而個人覺得食物其實整得幾唔錯，係班戟質感真係唔係好慣，而生酮蛋糕確實又靚又好食。
-
👅味道: 7.3/10
🍽賣相: 7.8/10
🏰環境: 7.6/10
🙇🏻‍♂服務: 7.3/10
💎CP值: 7/10
⚖人均: $300
🔺服務費: ⭕
↩回頭值: 90%
———————————————————
📍Infiniti C By October
西環西邊街38號明德山地下A店 (西營盤地鐵站C出口右轉直行)
🚇港鐵西營盤站 B2 出口, 步行約4分鐘
🕓星期一至四 08:00 - 21:00; 星期五至六 08:00 - 22:00; 星期日 08:00 - 21:00
📞24682848
-
其他分店
📍 西環堅尼地城科士街40號浚峯地下6號舖
📍 尖沙咀K11 Musea 2樓LA202號舖
-
🔎✨ #hkfs西營盤 #hkfscafe @ Infiniti C By October

一講起日本，大家都知道有好多縣分，而長崎縣都係其中一個我好鐘意嘅縣分！因為我覺得佢係一個融入左多個不同國家文化嘅地方，同我地平時去嘅日本係好唔同。

今次帶大家去嘅「K11 生活館」，除咗有好多日本嘅野買之外，直情係將成個長崎縣特產帶哂過嚟香港！除咗有過百款波佐見燒產品之外，我仲即場試食日本三大烏冬之一嘅五島烏冬、試飲使用來自世界遺產「平戶春日棚田」嘅稻米所釀造嘅純米酒，究竟我喺香港可唔可以「輕」感受長崎之旅？

#日本 #九州 #長崎縣 #平戶 #世界遺產 #春日棚田 #波佐見燒 #波佐見 #五島 #五島烏冬 #日本三大烏冬

@長崎玩樂新發現
https://www.facebook.com/discovernagasaki.hk/
嗚謝 : K11生活館

記得Like Share Subscribe ??
Camara&Editor: Edwin Tam 
Hair: @mingleungcm @chillworkhair

■Instagram
hirokihong
https://www.instagram.com/hirokihong/​

■FB專頁
https://www.facebook.com/hirokihong​

========工作聯絡========
工作聯絡請電郵到 [email protected] （Rai）

日本語のお問い合わせ・お仕事依頼はこちら（hirokihong@hotmail.com）にお願いします。