聖誕紅葉遊🍁
聖誕有2日假期，氣溫唔算好凍，我哋今日下午帶咗魔王芊即興近近地去大棠睇紅葉。
呢兩日Yoho I 仲有特別班巴士不停站直去大棠山道，我哋就更方便～
大約車程半小時唔洗就去到大棠山道，我哋就跟人群上山行往楓葉園。今日天氣清涼，好多人都一家大細或帶埋毛孩咁行個小山，沿路經過郊野公園仲好多人燒嘢食。
Wilma媽路過小食亭仲買咗包薯片獨食🙂
大約行咗45分鐘，就開始見到有楓樹出現，每一棵滿掛紅葉嘅下面都總有大量人群聚集排隊影相呢。如果大家想影到冇乜人做背景嘅相，就要一早就嚟喇！
不過我哋咁啱去到最多楓樹嘅時間，就到日落時份，所以影到嘅風景都相當靚，只係可惜比較人多我哋就冇乜影人為主體嘅相～
今日目測楓葉開始轉紅，不過未到最盛開，詳情大家要留意漁農署網站。
大家可以趁機帶小朋友去呼吸一下新鮮空氣呢！
交通：
68R 形點I 開出 至 大棠山道
平均20分鐘一班（相有時間表）
*此為特別班次，聽日（26/12）係最後一日喇
K66 朗屏 開出 至 大棠山道 下車
平均15分鐘一班
*下車位置係山道口，距離比68R遠15分鐘路程至楓葉林
