配音工作小分享：
《Enchanted 》，這是我第一套電影主角配音的角色，原來已經14 年前...
我仲記得當時cast 中 Giselle 呢個角色，我開心到喊咗出嚟。可以配迪士尼電影，可以配公主係我細個嘅夢想，當時嘅喜悅單靠文字係形容唔到。不經不覺已經14 年，當時配音技巧仲係好幼嫩嘅我，第一次配主角，因為太緊張，NG 咗無數咁多次，一句對白可以講十幾次都講唔好，講嘢把聲又成日吊到9 樓咁高，把聲又尖，總之一個字，差。
當時有d 難聽說話，有前輩話：「點會比你cast 中架？ 你淨係得把聲好聽啫，冇技巧，冇acting , 你死好彩咋， 迪士尼可能覺得你把聲夠新，先揀你，唔係因為你好lor 」
當時自尊心跌到落谷底，自己都知自己做得唔好。越做越冇信心，越冇信心越配得差...
好彩我師傅-謝月美May姐 ，一句都冇鬧過我，無論我配得幾差，佢都會好有耐性教我點樣配得好啲。當時嘅配音過程好痛苦，配咗好耐好多take，出嚟嘅結果雖然唔係最好，但我經過呢一次之後，學咗好多嘢，亦都因為呢套電影之後，我嘅配音開始慢慢進步。
任何行業，我相信冇一個新人，係一開始就做得好，每個新人都需要遇到伯樂，遇到懂得給予機會比佢哋學習嘅人，咁先會進步。
師傅名言： 人唔可以冇信心，冇信心就乜嘢都做唔好。
希望仍在配音路上努力追尋夢想的你，繼續加油❤️
#14年後拍續集
#好期待
#呢套戲我當時覺得好好睇
#配音員 #配音員日常 #kitty配音小分享 #粵語
kitty配音小分享 在 黃紫藍Kitty Wong - 配音工作小分享： 《Enchanted 》，這是我第一 ... 的推薦與評價
配音 工作小分享： 《Enchanted 》，這是我第一套電影主角配音的角色，原來已經14 年前... 我仲記得當時cast 中Giselle 呢個角色，我開心到喊咗出嚟。 ... <看更多>