唔止家家有本難唸的經，其實行行亦有一本難唸的經，好多嘢唔係表面睇得咁簡單。
有位任職Marketing嘅朋友同我講，老公話佢份工好易做，每日聯絡下啲KOL問價錢，做下中間人line up個廣告又話出糧，不過啲KOL同埋page仲好賺，匿埋寫幾隻字又執廣告費。
聽完之後沉思咗幾日，一直喺度諗：「我係咪收太貴呢？」唔通文字工作真係唔值錢？咁我應該收幾錢出一隻廣告呢？500蚊？1000蚊？如果對方睇唔起你嘅工作，其實你收5蚊都一樣有說話聽。
大部分人只會見到風光一面，完全忽略咗別人前期工作同埋過程中嘅辛酸，好簡單，一個月30日，冇可能日日有廣告，亦唔會一開新page就有廣告，要吸引客戶畀job，首先要寫嘅嘢好睇，有營養，唔係周圍左抄右抄扮原創，呢啲嘢都要一點一滴累積，大部分時間白做，假設出錯一個post演變成公關災難，成個page甚至可以一夜間消失。
至於話Marketing份工易做，咁係因為佢老公未做過啫，一面受KOL氣，一面受客人嘅氣，夾喺中間做磨心，受委屈嗰陣唔通喊住開live直播咩！
唔止我呢行，任何行業都會有人睇你唔起，又或者覺得：「唓，有幾難做呀，簡單嘢。」
有個朋友做CS，近排人人stay home，online shopping變成生活習慣，故此佢嘅工作量亦大增，煩惱同埋激心嘢當然相應增加啦，不過佢阿哥就成日覺得CS呢類工係手板眼見功夫：「你份工真easy，夠鐘就收工，我嗰份要拎埋嘢返屋企做呀！」
我都曾經做過CS，絕對明白呢行有幾無奈，首先你係對客嘅第一道防線，人哋有咩唔滿意第一個開你波（明明唔關你事，不過你代表得公司，份糧包埋受氣，收聲！）仲有啲情況比起兜口兜面問候你更加煎熬，我朋友分享咗最近一個經歷，話說有位客人買完件product之後，經佢公司fb inbox問：「頭先我買咗個袋呀，想問下係咪另外送散紙包？」
朋友一如以往隔住個mon打字回覆：「你好，暫時冇送散紙包嘅優惠，請問你喺邊度睇到？」
客：「冇呀，我自己諗住會有嘢送咋。」
我笑到gap gap聲，朋友話佢當時口中念念有詞，不過仍然要咁樣回覆：「下次有優惠會第一時間通知親愛嘅會員，有問題隨時聯絡我吖。」
有時CS份糧未必夠cover睇醫生㗎......😂
睇低別人工作嘅風氣無處不在，表妹閒時會整啲手作仔放上網賣，佢阿爸成日都講埋啲打擊士氣嘅說話：「嘥時間！無謂嘢！邊個買呀？」而當我表妹真係開到單喺度包貨寄嘢之後，佢老豆又會執返個尾彩：「咁嘅嘢都有人買？而家啲後生真係傻傻哋，想當年我哋嗰代呀......（下刪一萬字回憶錄）」
唔好想當年喇，喺一個足不出戶已經可以拯救地球嘅年代，好多嘢唔同晒㗎喇，搵到可信賴同埋有保證嘅網店，真係腳骨力同口罩都慳返，如果表妹問你攞一大嚿錢出去開實體舖，會唔會仲驚呀？點解咁多人都鍾意先批評對方嘅工作同專業，而唔係去好好了解當中嘅細節呢？
其實我最近都有去Rakuten HK - 樂天市場香港網購，因為母親節就快到喇，細佬生日又想要個「長財布」喎，即係長方型銀包，日本興吖嘛，佢娶咗個日本老婆之後當埋自己係日本人，仲指定我去呢間人氣皮革店Hallelujah，大家可以經呢條link睇下👉👉👉 https://bit.ly/2VuCEoU ，iPhone case、keyholder、證件套乜都有， Made in Japan同埋自家設計，細佬揀咗呢款熱賣嘅長財布 https://bit.ly/3clXWMx ，另外買多個散紙包畀阿媽（冇R人哋買銀包送散紙包㗎），而家有全店9折優惠碼：SXQG-JQZP-2FN4-LRGR，同店購物滿1萬yen以上更加免運費，講緊由日本直送到你府上喎！ *優惠由4/16 00:00 – 4/30 23:59 (日本時間)
作為日本最大嘅網上購物平台，無論喺電子付款同埋貨運方面都做得好好嘅日本樂天市場，仲有好多產品係made in Japan，不妨去佢哋個網站行個圈，冇辦法飛去日本，都一樣可以買到當地嘅嘢。
任何行業都係一樣，Marketing、賣文字、CS、會計、IT，甚至係自己生產product，好多人都係用「一生懸命」嘅心態去做，當中嘅認真、努力、堅持，同埋執著，只要你用心就會睇得到，feel得到。
✨ 樂小編購物教學→ http://bit.ly/2IybvZM
kol好易做 在 KOL唔易做 的推薦與評價
... <看更多>