【有錢大晒呀？】 嬲到一個點
是咁的。話說有間Media agency皇恩浩蕩咁係send email 嚟話有個客想喺我個page度落post。wow，好日唔發市，咁梗係照覆啦！以下係timeline同email recap啦！
.
Email #1 - 8月31日：N某send email嚟問資料，普通business email啫，照覆無誤。
.
Email #2 - 9月19日：自稱同N某同一間公司嘅M某，又嚟email問返差不多同一堆野。心諗：well，有時客都係要攪好耐先覆嘅，我又再無野咁照覆。
.
Email #3 - 10月18日：一個月之後，又有個自稱同N同M某同公司嘅C某，又send email嚟問埋同一堆野。最正係咩？12:18pm send 嚟，叫你2pm要覆呀！你班友真當我唔駛返工架？見咁啱睇到，我又覆你，仲話明你知我有份full time job架，你哋要俾leadtime我覆嘢呀，唔該！
..
Email #4 - 11月5日 / 11:30am：真係多L謝佢半個月後又再搵我，N某突然嚟個佢自稱urgent嘅email嚟，話要個page ID。喂，見到呢個urgent字真火都滾啦，咪講咗話人哋要返工架囉！而且又無上無下無左無右，我要自己ref個email subject知係你邊個客，但完全唔知你做咩。
.
Reply Email #4: 11月5日 / 11:43am：見你咁趕我就覆你，喂，要資料首先請你有禮貌話俾人聽你想做咩。你係咁問我攞資料但唔知做咩，你估家陣差人抄身份證呀？請問你有咩咁大權力理直氣壯咁不斷問我攞資料而唔話我知發生咩事？
.
Email #5: 11月5日/ 12:53pm：真係唔好意思要你飯前都同我舌戰。或者我英文唔好啦，我點睇都只睇到grant access to your page. 喂，我夠知你係想access my page啦，我問緊你access嚟做乜春呀！
.
Reply Email #5: 11月5日/1:04pm：我就連飯都唔食，用我哋嘅母語話你知我其實問緊咩！一個正常嘅agency，俾個brief contractor有幾難呀？我唔係話要你confirm先至做，但個Campaign做乜野？Brief係咩？幾時要Post，係咪都可以話聲俾人知呀？
.
Email #6: 11月5日 / 2:23pm：N某都覺得母語係最好嘅溝通工具，我亦從呢堆母語中感受到佢有錢大L晒嘅霸氣，同類比喻即係：依家我要你個銀行戶口number先，不過我暫時無請你同唔會俾生意你架，咁如果第日我覺得想俾囉就入錢入你戶口架啦！
.
多L謝你呀！多L謝你搵我，我先有可能係我份長工之外有機會睇western mouth western face賺少少錢呀！既然大家互相唔like就老死不相往來吧！請你去搵返你咁樣做野法又對你好態度嘅KOL啦！
.
其實如果你想搵我做野，你就實在太唔了解我個page啦！無錯我都好鍾意錢，但我開呢個page嘅目的係鬧爆你呢啲無禮貌唔Professional攞住啲錢以為自己大L晒嘅客呀！
.
其實基本上我都無可能靠呢個page搵食，想我為個Post fee低聲下氣，你都禮貌啲啦唔該。既然你個客係賣professional service，come on！ Be professional！搵人做野首先要有禮貌，然後俾lead time人覆，有清楚嘅brief同埋timeline是常識吧！
.
或者係你哋心目中，我哋班係網上寫下嘢嘅人同賣菊花係無分別，有人俾錢你駛，要你寫咩咪寫咩囉！但唔好意思，雖然我不是文人，但寫文嘅風骨我仲有；如果你覺得錢可以買起我，我已經有份做到我就死嘅長工買咗我用錢買得起嘅部份。其他的部份，唔係你肯買我就肯賣。
.
尊重，真係唔係人人都識。
#btw我最憎人寫中文係無標點符號 #中文老師無教你架咩 #最勁嘅係咁無禮貌嘅email都夠膽CC佢同事定唔知佢Senior #嬲得我 #客戶對唔住我唔係唔想做你生意但我實在不能接受沒有專業的deal #你叫夜更公關小姐出鐘都要brief人攞手袋先架 #食物鏈嘅最底層都有火
leadtime中文 在 「交貨期」要用lead time 還是delivery time? / 不一樣的英文 的推薦與評價
... <看更多>