近期日本熱播木村做廚師嘅新劇《Grand Maison Tokyo》，我每個星期都會緊貼日本去追。劇中主要係講煮法國菜，自然亦令我想食法國菜的意欲大增，咁啱呢期香港做緊第二屆「法國牛肉節French Beef Festival」，就去咗數碼港嘅Le Meridien酒店嘅Prompt試試。
法國牛肉喺香港相對地冇咁易食到，睇返資料原來30年前已禁用荷爾蒙，而且採用天然的飼養方法，八成飼料是草及乾草，啲牛喺農場也會有較多地方走動，肉質比較lean，唔會好多脂肪，所以法國人唔多肥人，除了有飲紅酒之外，當地牛肉比較健康也可能是原因之一
今次試了兩道主菜，首先是Shoulder Blade Steak，一個比較少見的牛扒部位，取自牛的肩膊肉位，肉質非常鮮嫩，而且juicy，牛味亦濃，不比牛柳遜色。而另一道主菜是Beef Cheek，以慢煮方法烹製，肉質非常稔，而且完全吸收了大廚的布根地醬汁，味道非常濃郁而且有層次。
法國牛肉節會一直做到今個月30日，會有24間本地餐廳，推出至少一款限時法國牛肉菜式，而且亦有4家網購店、2家指定熟食店以及3家超市可以買到由法國新鮮空運到港的法國牛肉，有興趣可以去 French Beef - Hong Kong and Macau 睇睇！
#FrenchBeefHK #尋找香港的法國牛肉 #FrenchBeef #法國牛肉 #prompt #lemeridien #cyberport
