暑假已經過左一半，芊嶠雖然未開始返學，但都有返到暑期班。芊嶠係7月17號開始係 Ludus Club 一連返左兩星期既 Summer Day Camp，每日13:30 - 16:30，返3個鐘，開頭嶠媽仲擔心芊嶠會喊，點知佢竟然冇，仲每日都開開心心返學，勁開心放學！
第一日去到學校，發覺環境真係好好，芊嶠充滿好奇心。最記得係姐姐幫芊嶠換完indoor shoes之後，佢本應要入課室，但佢見到車車又想去玩，之後見到有煮飯仔又想玩，我就話唔玩住架，要去左課室搵老師先，之後就跟左姐姐入課室，媽媽就要走，因為3個鐘都係佢地自己上。
嶠媽第一日去接芊嶠放學，芊嶠好開心咁跑住出黎，話玩得好開心，我就知，芊嶠真係好鐘意返學。Ludus Club 既 Summer Day Camp 有好多野玩架，有烹飪、英語、數理、中文、日語、普通話、瑜珈、運動、美藝、音樂等多個範疇既趣味課程。其實有好多範疇我都未必會專登帶芊嶠去學，上左哩個暑期班，芊嶠可以每樣都接觸到，真係好好，可以咩都比佢試下，嶠媽睇返d相就知道好玩，唔怪得芊嶠咁開心，原來每日都有新鮮野學，有得玩住學野，係小朋友都鐘意。
嶠媽都好鐘意，因為佢地糅合蒙特梭利(Montessori) 教學概念，n班同todder，佢地都教導小朋友親力親為，老師就會從旁協助，嶠媽係由佢入學校門口，要自己拎indoor shoes出黎，再自己著已經睇到。芊嶠返左幾日，有一日出街前，佢竟然自己著襪著鞋，著襪我真係教左好多次，佢每次著兩著就話唔識，叫我幫佢著，個日佢竟然自己著，我真係覺得好欣慰。
而且芊嶠每日放學都會同我講佢係學校做左d咩，玩左咩，仲同我講每日老師都會帶佢去廁所，但其實芊嶠仲未戒片。嶠媽覺得老師們好好，就算知道芊嶠著住片，但都會帶佢去廁所，比佢知道vv要去廁所。唔知芊嶠係咪去慣左，有一日返到屋企竟然同媽媽講想vv，媽媽當然帶佢去，佢又真係vv到，唔似以前成日得個講，但冇料🤣🤣講多樣野比大家聽，芊嶠日頭已經冇著片幾日喇，每次想vv都會同媽媽講，連夜晚都話想唔著，但我就話你成功戒左一個月先，先再努力夜晚啦！
以前成日聽人講，小朋友返左n，返左K，就會戒到片，就會變得聽話，成長得好快。嶠媽真係信，係 Ludus Club 上完兩星期 Summer Day Camp，芊嶠成長不少，仲幫助到佢戒片，講野都叻左好多，嶠媽真係好開心。
有興趣報佢地 Summer Day Camp，可以去以下網址：http://www.ludusclub.com/page.php?cat_id=2&c_detail=83。仲有最後一期可以報，8月14號開始，可以既就返學前比小朋友去玩下都好👍🏼👍🏼😊😊
#LudusClub #LudusKindergarten #蒙特梭利 #Montessori #九龍城沙浦道 #芊嶠與細佬雞蛋仔 #成長日記
ludus中文 在 Ludus Tonalis Accademia - Facebook 的推薦與評價
MASTERCLASS 2021 ‼️ Qualche modifica circa le date! Ultimi giorni per partecipare alla selezione del corso del M° Ivan Fedele ➡️ Iscrizioni già aperte ... ... <看更多>