片係好真心咁介紹一下星群綠的有幾正, 佢未必係我2016第一最愛, 但一定係Tiny在2016做得最好近乎完美既車仔, 感謝忠誠車行Sonia及佢公司團隊在年多前膽粗粗信我們, 給我們一個機會, 今天我們還她一個承諾。We made it good together!
題外話, 夜深有心事想講一下
我們由第一天開始以做香港車香港景為心願, 兩年的路好似路得很急, 跌倒過不下十次, 跌倒既地方有很多, 好似Prius對門做左出來才知無彈弓, 貨車做到出來才知膠擔但合金斗...而成個開發最難係授權, 車廠授權一年比一年難, 亦一年比一年貴, 好多車delay, 大家以為係模型廠問題, 但有3成係授權問題, 車廠一轉制就停半年, 歐洲一放假就等1.5個月, 摧係無用既, 因為係set左auto reply...
而香港政府所有部門係無商品授權, 有授權的只限部門內部合作社/福利部禮品, 大家係不可能在一田Aeon買到。
公共私人機構, 好極端, 有D好好好有心撑做好模型, 有D好好好難傾, 有D等一個回覆就六個月...因為要將小模型帶到他們大世界, 在銀碼上的期望落差可以大到大家聽落以為笑話的時候, 他們其實係比認真更認真, 真的曾經有人問我可不可以俾5-6百萬授權一年, 嗰一刻我好冷靜, 一點都不激動解釋給他説我們香港品牌玩具界我估只有一家公司俾到就係美昌Maisto俾Ferrari平均每年係有這個數, 甚至唔止, 但Maisto係上市公司兼係全球Ferrari玩具車獨家授權, Ferrari 車仔Turnover上幾億一年計, 所以就算以Hot toys已超上市規模, 我個人估他們俾Marvel都沒有5-6百萬一年, 而香港款車仔銷量少到一個地部有時2千, 計出來可付的授權費連請人做份合約都唔止, 所以有時索性回饋車仔做授權。
不過我覺得香港公共同廣告授權車仔不普遍, 好多公司係無做開, 所以長時間溝通等待也是難以避免。
我想介紹大家Like一個Page叫"Artist都要開飯"
事源我們每一個月都收到大公司email或電話, 內容大概係 "我地公司有個全港性大型Campaign會送一D禮物俾參加既客人, 我們商量過想找D有香港特色既, 所以找你們, 我們禮物Budget係零, 要幾十至幾百份, 而我們會在所有Campaign 海報, fb post出你公司Logo...對你公司有好大宣傳既效果架"
當大家以為我吹水既時候, 我收到這些電郵/電話時也以為自己發緊夢...但每月都有, 真係有點同各Artist有同樣感覺...我都要開飯出糧....幾唏噓
所以當大家見到市面上公司用Tiny車仔/產品做禮品時, 他們一定係好有心用真金白銀買來送給大家的, 因為我們係無免費贊助這回事 (我私人買來送給母校除外)
我唸如果Tiny出一本"做香港車仔的甜酸苦辣", 好可能賣得多過車仔
今晚講住咁多先, 早抖
maisto香港 在 New Ace HK Limited 新雅香港有限公司 的推薦與評價
MAISTO 1/18 Lamborghini V12 Vision Gran Turismo Green Lamborghini V12 Vision Gran Turismo Blue. ... 香港灣仔軒尼詩道302-308號集成中心UG14舖 ... <看更多>