【龔成問答信箱】(Q16981-Q17000)
Q16981:
老師~近期1211升得唔錯,我男朋友又問我幾時放,但我覺得應該要keep住長線投資,唔應該見到賬面賺左啲就急住放,因為1211真係有潛力。
我地之前入左中生,見佢升少少就忍唔住放左,點知最後升左一倍,到而家都買唔返
不過我男朋友問我等到幾時先放1211,我又答唔出,所以想請教下老師,我地如何判斷一隻股票既收成期? 求賜教
龔成老師︰
你想法係正確,一隻優質股應出線持有,才會有最大增值效益。特別係比亞迪(1211)這類潛力企業,投資一定是長期的。
如果你持有較多,就可以等佢再升多少少時,賣部分。但我會比較建議大部分都是長線的。
我主要最睇好佢電動車部份,有環保的概念,這點令政府會加以幫助,而市民亦會支持,但其實,電動車真正的價值並非在環保,而是慳錢,用電比起用油平得多,因此只要各種配套都完善,車主沒有理由不選擇電動車。
只要有金錢利益推動,人們的習慣將輕易改變,在70年代的石油問題,完全改變了美國人使用汽車的習慣,由一向追求大汽車的習慣,轉變到鐘情於小排量慳油的日本車,令日本車大舉入侵市場,當其他車廠發覺時已經太遲,最終成就日本車霸主的地位。
雖然將來的油價難以估計,但到經濟好景,各國都大量用油的情況下,石油需求大增,電動車的優勢亦愈來愈明顯。
另外,比亞迪在中國發展電動車,可說是佔盡地利因素,因發展電動車必需要有完善的配套,政府的支持十分重要,另外,若政府肯帶頭使用對推廣很有幫助,現時比亞迪的電動巴士已經行走在中國多地的公路上,由公共交通開始發展,可見政府對電動車是正面及支持的,然而,中國政府在支持電動車背後亦有個重要因素,就是石油。
中國並非產油大國,未來的石油供應難以滿足中國的汽車需求,而發展電動車就成為辦法,同時中國在西藏擁有不少能生產電池的鋰資源,若能用電動車取代傳統燃油車,中國對石油的依賴可減少,對別國的依賴能減少,從整個國家發展的戰略角度分析,中國發展電動車的誘因並不少。
同時,中國是政府主導的國家,要建立配套及支持業界,比資本主義國家更容易(在西方國家,石油業的既得利益者並不希望見到電動車的出現)。
投資中國的企業有一個要點,就是順從中央的方向,這不是指個別一兩個政策,而是一個大方向,因這會對企業的長遠發展有重大的影響。
比亞迪在新能源汽車方面,經過幾年的發展開始有起色,混能車銷情理想,而電動大巴在政府支持下銷量亦理想,而部分歐洲國家亦開始試行比亞迪的電動大巴(這是有利的指標,因歐洲的標準甚高的),雖然只屬起步,但情況不錯。
現時比亞迪的新能源汽車遍佈全球6大洲、 多個國家和地區,其中包括美國、德國、 英國、日本等主流汽車強國市場。
所以,我睇好這企業的電動車,但並不是一兩年就見到收成,講緊係預期3年、5年、7年,後先有真正的爆發情況,要有耐性。
但要留意比亞迪這類潛力企業,總存有不確定性,所以,這企業長遠雖然正面,投資亦要注意風險,不能太大注,這是一直所強調的。
至於中生(1177)現價已有點貴,你可以等佢回到$10倒才分注入貨。
------------------------------------------------
Q16982:
你好,我40歲,月入$18000 住公屋。
1.供緊$1500 15年基金 暫供了五年半 2.另有8萬保險基金儲蓄可隨時攞出來 3.有35萬流動資金 4.想用$5000作長期月供股票。
之前有買股票 輸多賺小 現想作個中長期投資。
問題一.月供$5000 我想供 盈富基金 同 領展 或只供$5000落領展 怎分配較為合理?
問題二.35萬流動現金 怎樣投資? 我有打算攞一半出來 買置富 或 盈富 來增值及收股息,這樣處理35萬合理嗎?有沒有其他更好提議? 謝謝!
再補問題二 置富 我改打算 利用35萬 月買一手 看情況 但持續起碼一年咁入 咁增值正確嗎?
龔成老師:
1)你應該供較多資金在盈富(2800),始終這是組合,風險能有效分散。例如$3000,而領展(0823)則供$2000。
2)現時喻市的平貴情況,可以用合理來形容,你如果現金較多,可以適度將現金投資在股票,只要分注入,同時留有現金就得。建議你投資盈富,再加多2、3隻其他股,置富(0778)都可。
置富每月買一手可以,但你要留意地產相關類的股票比例會否過多。
另外,銀娛(0027)、中銀(2388)、港鐵(0066)、煤氣(0003)、粵海(0270)、領展(0823)、港交所(0388)等,你可以了解下這些股票,然後從中選股。
------------------------------------------------
Q16983:
老師,本人在$35買入1797新東方在綫,請問目標價是多少,謝謝你!
龔成老師:
新東方在綫(1797)主要在中國提供線上教育服務。
睇翻佢的業務,主要向學生所提供的在線教育課程包括大學教育、K-12教育及學前教育。當中,大學及K-12教育分部課程都係課外活動性質,不計入大學或中學文憑要求。大學教育服務主要包括大學考試備考、海外備考及英語學習。
業務增長快速,不過未有盈利,估值難,同時市場對佢價值未能有統一的睇法,因此股價變化會較大。只可以話,潛力是有的,但風險亦不少,因此,這股唔建議太注,無特別目標價,只可以話,如果佢發展得好,股價增長的確可以理想,但風險同樣存在。
------------------------------------------------
Q16984:
龔Sir,想問下如果今年有拆股合股新發行既動作,咁我地睇果啲財經網,佢前幾年果啲數據會唔會自動調整,定係不變?E.g. 每股盈利,市盈率
龔成老師:
佢地會調整的,但具體調整的時間,我地唔清楚,可能先個財經網不同,最好當然是除淨後立刻調整,但由於部分數據要人手調整,所以未必該財經網會否立刻進行,還是等年尾年一次過進行。
------------------------------------------------
Q16985:
龔成你好好,想問下,如果買入多隻優質股,怕唔怕太分散?因畢菲特好似講過話將雞蛋放係同一個籃?
我持有
5 匯控 1手@78.6
175 吉利 2手@10.48
1810 小米 2手@16.5
1113 長實 2手[email protected]
941 中移動 2手@66.6
548 深高速 1手@11.2
1928 金沙中國 1手@31.2
823 領匯 1手@59.95... 得100 股,後悔買太少
1368 特步 2手@2.54
2018 瑞聲科技 1手@63.6
會否太散或太貴嗎?
有部分是2018 年貿易戰時買入...
當年亦是我第一年買股票,匯控、瑞聲等都是當時買入
龔成老師:
其實巴菲特都持有多隻股票,佢最想帶出的意思,就是—不要過度分散,同時,不要無意義的分散,如果不斷買入無價值的股票,又或自己不認識的股票,不如不要投資盲目分散是無意義的。
現時,你持有10隻股,並不算好散,大部分所素都不差,只是有些股的買入價有問題。
如果你這刻仍有現金,其實這個組合問題不大,但部分股買入價較貴,要上翻去並不易,你要睇翻該股佔你組合的比例是否適合。初步睇,暫時唔需要有特別調整。瑞聲(2018)仍有機會上翻去,但就要耐心點,匯豐(0005)就難D。
------------------------------------------------
Q16986:
現在手上股票 要等長遠回升才考慮放出 因價格低於入價 ?
如果出售 會lose money 要月供
等疫情及社會運動完結 價值升值?
龔成老師:
你唔好比「買入價」影響。
首先你要明白,我地繼續持有一隻股票與否,與你的買入價無關,因為這只是一個心理因素,最重要是企業的質素、前景。
買股票就是買入一間企業,原理就是買入企業等佢成長,因此,你根本不用理中短期因素,保持長線投資就得。
你要睇翻,由這刻起,持有那些資產,才是最有效令你財富增長。
------------------------------------------------
Q16987:
你好..我今年40歲,都有投資,但都冇乜增長,老師可否比一啲意見給我
我有人民幣20萬,做左8年定期,但計埋匯率,幾乎沒有增長(因為現在只有1.4%利息)
另持有4隻股票
1)1398
2)777
3)3330,跌了50%
待老師回覆
龔成老師:
人民幣只是貨幣,長期只會貶值(其實全球的貨幣也是如此),因此,你長期持有,作用不會太大。
你長遠可轉成優質股。當然,要同時持有現金,不能全部持股。
至於你現時的持股,工行(1398)有質素,但只是收息股,增長力不強。
網龍(0777)都有質素,但業務變化較大,唔建議持有太多。
靈寶黃金(3330),只是商品類企業,持有的價值只算中等,你可以等佢上翻多D時賣出。
------------------------------------------------
Q16988:
成哥,想請教
1. 請問2382現在入貨係咩太貴?
2.請問6185,你覺得如何?有潛力嗎?之前升得非常高價!我209入左2首貨。
3. 9996,你點睇?
麻煩你
龔成老師:
1)舜宇光學科技(2382)有質素,有增長力,現價算是合理區中上部,分注投資仍可,但這刻就未必好大注。
2)康希諾生物(6185)有增長力,但估值難,因為無盈利基礎作全面分析,市場都只是「估估下」,只可以於,這股唔能夠大注,如果2手佔你財富比例少,就守住先。
3)沛嘉醫療(9996)同樣是難分析,只可以話有潛力,但同樣唔建議太注,業務變化大。
------------------------------------------------
Q16989:
Hi, 我30歲,現在暫時有一位小朋友!想問下現在應該換層三房單位定加按買多層二房?邊個好d?
龔成老師:
從財富累積的角度,持有較多資產項,長遠會對你更有利,所以,買多一層2房出租會較好。
當然,每個人都有佢的需要,如果你這刻真的唔夠住,就可能要換,但如果都住到,就住現時的地方先。
------------------------------------------------
Q16990:
老師,你好!想請教如何理財令資產升值?
背景:
38歲女士,有家室,與丈夫共同養育一位小朋友
平均月薪三萬一左右,個人資產大概有現金四十萬多
現時持有5手滙豐,大概預留多十多萬等低價入市,餘下現金暫時放入銀行作定期存款
曾聽說有一位理財專家說,長遠不適宜持有恆指股票,應多投資內地A股,請問老師看法如何?Thank you so much
龔成老師:
恆指成份股有香港及內地的股票,仍有持有的價值,香港股票部分的增長力,的確不及過往年代,但不是無投資價值的,只要適當配置就得。
你持有較多匯豐(0005),唔好再增持,更則會太過集中。另外,匯豐只是收息股,唔好對股價有太大期望。
以你的年齡,財富仍有增長的能力,但就不是進取,你可以投資平穩增長股,你可以考慮盈富(2800)、銀娛(0027)、恆基(0012)、中銀(2388)、港鐵(0066)、煤氣(0003)、粵海(0270)、領展(0823)、港交所(0388)、希慎(0014)、太古地產(1972)等,你可以了解下這些股票,然後從中選股。
總之,你唔好用盡現金,分注入,同時要留有一定的現金在手,咁就得。
------------------------------------------------
Q16991:
龔老師 我想拎10000內既用黎投資
有咩建議?
龔成老師:
盈富(2800)是最平衡的選擇,不過一手都要$12000。
另外,你可考慮領展(0823)、港燈(2638)、置富(0778)。
------------------------------------------------
Q16992:
我唔識買股票,我以為沽股票落盤後就會沽出,但原來要有人接貨才沽出,我現在還持有2908,我輸哂所有錢了。
我唔識玩股票,跟人玩就死得了。
龔成老師:
環亞國際實業(2908)你可以睇下佢業務,年年虧損!
你買股票就是買入一盤生意,你買一盤年年虧損的生意做甚麼?
你最好賣出這股。
另外,買股票要學習的,建議你多增加投資知識,在選股、企業估值、投資時機上落功夫,對你長遠財富有好大影響。最初只投資盈富(2800)及一些穩健股。
另外,建議你睇《股票勝經》。
------------------------------------------------
Q16993:
老師你好,知道你有為屋企人投資的經驗,想問問你喺幫佢哋投資時,會用聯名户口,定係佢哋會直接俾錢你幫忙?
想知道多啲因為嚟緊想幫屋企人投資,但又想啲錢分清楚啲。另外,請問你對331 豐盛服務有咩睇法呢?值得投資嗎?謝謝~
龔成老師:
當時用佢地的戶口,只是我發出指示,叫佢地自己去做買賣,因為我地是長線投資的,所以好耐先會做一次買賣動作,因此都唔算麻煩。
你最好佢地戶口,同你戶口,是兩個戶口。
豐盛服務集團(0331)主要係於香港、中國內地及澳門,從事機電工程服務、建築材料買賣、環保產品貿易及提供相關工程諮詢,亦於香港從事清潔及廢物處置管理服務、回收及環保處置服務以及洗衣服務。
過往生意都有穩定的增長,而盈利都是,但企業的規模較細,因此風險較大,同時規模效益不高。但以佢現時的估值計算,價格是在合理區。
你可以投資這股,分注買入就得,長線持有,但就不建議投資得太多,始終這企業有點風險。
------------------------------------------------
Q16994:
龔生,1337無盈利但值100億又算否貴?
龔成老師:
好問題。市場預期這股有一定的增長,以將來做基礎,但這種估值的模式,存有好大的不確定性,所以根本無法有絕對的答案,就要用市銷等與外國同行比較,其實計到後,都要明白只是「參考下」,所以,如果要幫這企業做估值,其實要研究得好仔細,同時作大量的預測。所以坦白講,這刻我都唔敢講,面對這類股,我就會「唔投資」。
------------------------------------------------
Q16995:
老師你好,我係你學生,我有d問題想問問老師你。
1: 如果基於上題既數據,係1211估值上,我用近呢5年既EPS,乖以係10年內中抽出既合理p/e,我計到合理價為$42-63 (未計10% buffer),但係就好似唔太對路咁,所以想老師你比下意見。
2: 呢題學術d,係1211中,點解明明EPS keep住跌左4年,但p/e會keep住升左幾年既 ? 背後有冇話有咩因素咁ga?
感謝你,keep safe and healthy
龔成老師:
1)比亞迪(1211)是較難估值的,因為這是潛力股,在估值中,會用更多「預期」的模式,如果只用過去的數據作推算,就無法反映真實價值。
其實你估值數都大致正確,無問題。
2)因為市場用「預期」的模式進行,當市場以數年後的預測數據為基礎,就算當刻的盈利下跌也沒有問題。
例如,市場以數年後盈利作核心,計出這股值$50,如果今年EPS$2,市盈率就是25億,下年EPS$1,市盈率升到50倍。表面上,由25倍升到50倍,實際上,市場並不是以這刻的盈利作計算基礎,而是以之後,所以,估值根本無變過,都是$50。
另外,你可以同時記翻課堂教過的現金流折現法,當中是預測之後的現金流,近1、2年只是其中一些數據,因為計算時是假設無限大的。
------------------------------------------------
Q16996:
你好,268點睇?
龔成老師:
金蝶國際(0268)主要業務為在中國境內開發、製造及出售軟件產品及提供軟件相關技術服務。業務增長快,同時市場預期佢有一定的發展力,對佢期望唔從細。
睇翻財務數據,其實是不錯的股票,生意同盈利都有明顯的增長,而且行業仍處增長階段。
不過,這股的股價太高,現價處貴水平,對這刻投資有所保留。如果真的投資,小注好了。
------------------------------------------------
Q16997:
龔sir,你好…我是生興的苦主……高價接了洩了25萬………而家跌到呢個位我走都無謂
好想死……
龔成老師:
其實投資是一個學習過程,每個人都會經歷輸錢,我20年前都因為無知,試過輸左成副身家,但如果你可以從中學習,保證你賺得翻!
你這刻要理性面對,這股要上翻高位,已經無可能,這股無獨特性,不如這刻賣出止蝕,算是交學費。
你要記住這次的學費,到下次投資時,要自己做足功課,買股票就是買企業,如果現時有個朋友叫你入股做生意,你會問佢咩問題?這就是你買股賈前要了解的。
理財是長期戰,一次失敗不代表甚麼,成功投資者都會犯錯,只是他們會從中學習,之後不會再這樣犯錯。
------------------------------------------------
Q16998:
Hello. 我係半年前由對股票一無所知 更加唔識龔成係邊個 去到我屋企人叫我報讀你課程 我先開始接觸股票 雖然報讀完你課程之後只是接觸港股一段好短時間
就轉左去美股市場 而好快我就買左fb v tsla 好多優質股 去到依家tsla我已經番左一倍幾
我好記得你話只要係優質股 就唔好放手 所以我依家已經賺到一筆好好好可觀既profit。越睇越多income statement balance sheet annual report 同上堂講既估值 最後都係好多謝你
龔成老師:
可以幫到你實在太好,我股票班所教的是投資教育,以「價值投資法」作核心,港股美股都適用的。
相信你已經掌握了投資知識,買股票就是買企業,長線持有,你保持學習,進步!
另外,你都要有風險意識,可能你知識上已提高左,但經驗上,就只有半年,股市要你親身感受,先會明白的,這點要留意。
------------------------------------------------
Q16999:
老師你好!!現時3月入手既股票終於有正回報!只係月供緊既帳面仲負回報,但我相信一定得!
問題如下 又要麻煩老師幫忙!!
1)老師認為現時有需要將合理區估值要調低嗎?因為風險大左
2)現時分注入仲得唔得?現金大約仲有3成
3) 計算回報率時,$28.3買入1928,如果股價$34,回報率是否(34-28.3)/28.3 *100% = 約2成??
如果係既話,難怪老師書入面講年回報8~10%係好簡單
4)若然我遲兩三個月將加薪到$20500,扣減支出後,月儲大約$12000,算是很好既儲蓄率嗎?
龔成老師:
1)當風險系數大左時,我地的合理價都有可能調整,因為我地的「要求回報」會高左。但具體多少,則沒有絕對的答案,只可以話當「不確定性」愈高,要求回報就會較高。
2)現時恆指合理,你如現金多,可分注,如果3成現金,就適合,不用心急入市。
3)對,大約是2成回報,之後要化做「年」為單位。
不過,你唔好比短期的回報太過作準,股市波動,其實要睇長期先得。反而我想講,唔好太心雄去追求過高回報,可以用10%作基礎。
4)算。我一般建議年輕人,儲收入的一半。
------------------------------------------------
Q17000:
老師,我信你講1928 係優質股,所以想平價買入再長線持有,但我早前miss左$29買入1928嘅機會,而家升左好多,請問應該大概咩價位算係可以再試入貨呢,謝謝你
龔成老師:
金沙(1928)有質素的,就算$3X仍是合理區,可分注入。而到了$27就是便宜區。
或者你可以這樣,算回少少入一手,之後等去到$30以下再加注,這是較為平衡的策略。股市波動,無人知股價會點走的。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
同時也有10000部Youtube影片,追蹤數超過2,910的網紅コバにゃんチャンネル,也在其Youtube影片中提到,...
miss you 3000意思 在 茱力&Black Music Lovers Facebook 的精選貼文
GOOD MORNING, my sweet world. 不曉得那些在爾宣、JULIA WU、豹子膽、J.SHEON、MISS KO的社群媒體下的酸民,remember to delete your hate speech and pointless comments?又短又小的酸民們,看到茱力還會張開雙手嗎?💌還是會轉過臉讓我打腫呢?您是可以張開雙手的^U^ Do I look like an agent to you?截圖您檢舉您告您嘴您是您自作自受RRR,您自己要「先」攻擊我們藝術家的喔,我走墨子哲學兼愛非攻但你留言下去,言行不用負任何責任?跟 stu sis 一樣被冒用不積極處理?冒用他的人最好也小心啊,#快去刪留言啦💘 PAPAPA是我用心理健康權=基本人權=基本動物權=人也只是動物的一種打黑特臉的聲音啦^U^ 貓咪打蟑螂也能引起這麼多人注意,#真是臺灣嘻哈奇譚啊。再叫我們天王OO娘的,「娘」是您什麼意思要不要說清楚講明白咧?我會請您用3000字定義你是褒是貶、過年回娘家那是啥種家?跟作家陳O華一樣厭女?#您是厭女還是小時候壞榜樣比較多了點?改過自新啊,Do not START A WAR WITH AN ARIES LIKE ME,自刪吧,#發言前多想九秒,#往後九年你真的可以活得很輕鬆,不會18歲的成年禮就是傳票一張,律師說這是可能發生的喔,#我們家天王天后心胸寬大,茱力是貓咪所以器量比較小^//////U////^不、好、易、事~惹。
miss you 3000意思 在 Le Josette Facebook 的最佳貼文
终于超过3000个LIKE啦啊啊啊 (。>﹏<。)
最近很少更新真是不好意思啊啊啊,不知道你们有没有想念我呢 ❤(ӦvӦ。)~ 我真的很感谢大家在这段时间里对我的支持 TTATT 话说在接下来的日子,我会继续努力的把我的每个cosplay做得更好,也希望大家会继续喜欢和支持我的cosplay作品,请大家多多指教 (*^^*)
Finally hit over 3000 OF LIKE yooo, and the number are keep growing (。>﹏<。) I still find it really unbelievable tbh xD
I'm sorry about less update on my pages recently, do you all miss me? >/////<❤ By the way, I want to give thanks, a lot of thanks to everyone of you who keep support me in these days (ToT)/~~~ I will do my best on every of my cosplay in coming days, hope you all like it and keep support on my cosplay, minna yoroshiku (*^_^*)
Here's a Remilia Scarlet cosplay for all <3 First time doing underwater shoot but thanks to all the awesome and thoughtful folks who were around that time, I'm able to complete to shoot :D Also, i don't know how to swim because my immense fear of going into the water due to watching to much horror movie about water too >< gomen gomen.
Remi Photog : Rico Lee Wei-Jie / ASD-Photography
Assistant : Tay Candy , Wong Wei Jan , Brian Toh
CN : Me.