📍Mr. Steak Buffet à la minute
🔍銅鑼灣告士打道280號世貿中心6樓
-----
返新工之後幾個月都冇放過年假🥲，上個星期五終於可以抽到一日，比自己放個假recharge一下！剛好朋友仔話Mr. Steak 嘅Buffet最近開返又做緊優惠🤩，就即刻打電話黎book返張靠窗口嘅海景位食Dinner!!😊
佢哋嘅晚市分為兩段，兩段嘅唯一分別就係晚市第2段會多咗生蠔、鴨肝、和牛鐵板燒、和牛壽喜燒、燒牛肉、長腳蟹蟹腳同開邊龍蝦，而其他熟食、刺身、冷盤同甜品等等，款式就係一樣嘅🍽。
🔥回本必食：
◆「生蠔、龍蝦、鴨肝、和牛、北海道帶子、珍寶甜蝦、和牛鐵板燒、蒸扇貝等等」
🥄自助餐除咗好食之外，有冇容易回本嘅食物，亦都決定咗一個自助餐抵唔抵食。想要輕鬆回本，我就建議大家食晚市第二時段，因為呢個時段只係比前一個時段貴百幾蚊💰，但係多咗生蠔、🦞龍蝦、鴨肝、🐄和牛同長腳蟹等等嘅選擇。生蠔全部即開即食夠新鮮，鴨肝肥嫩幼滑、龍蝦同蟹腳則爽口彈牙，滲透微微海水味，全部都幾高質，仲有非常推介嘅珍寶甜蝦，記得一開場就好攞多幾隻，因為好搶手，當日大概個半鐘左右就冇晒貨。（除咗甜蝦之外，其他keep住都有Refill）
🍲熱食推介：
◆「薑蔥炸蠔、焗酥皮牛肝菌忌廉湯、蟹粥、荷葉蒸蝦、清蒸比目魚、豬腳薑、北芪黨參螺頭湯」
🥄薑蔥炸蠔肥厚蠔鮮，炸完之後撈埋薑蔥汁黎煮，惹味度出色，雖然生蠔好食，但係呢一款炸蠔都真係唔輸蝕。🐟清蒸比目魚魚質細膩，嫩滑非常。北芪黨參螺頭湯則非常足料，每一盅入面都有原粒螺頭同埋我最鍾意食嘅軟爛雞腳，正！
🍮甜品推介：
◆「心太軟、法式焦糖燉蛋、麵包布丁、北海道牛乳布丁、泰式椰汁斑斕糕」
🥄食過Mr steak嘅朋友仔都知，呢度嘅心太軟有幾咁出名，焗到微脆嘅表面下，係濃濃嘅朱古力🍫熔漿，一切開就會澎湃湧出，另外仲可以用紙仔寫低你想要嘅字句，比甜品師傅幫你寫喺碟上面，非常有心思。👶🏻B仔就中意加上一球Häagen-Dazs朱古力，一熱一凍嘅冰火配搭，感覺幾得意。另外煙煙韌韌嘅椰汁斑斕糕都係令我就算驚飽，都忍唔住要食幾件嘅高質甜品。
-----
👶🏻B仔整體評價：8.1/10個👍🏻
👶🏻B仔抵食程度：8/10個👍🏻
👶🏻B仔環境評分：8/10個👍🏻
👶🏻B仔味道評分：8/10個👍🏻
👶🏻B仔回頭機會：8.5/10個👍🏻
#swallowhongkong
☺️快D跟住B仔一齊吞食香港啦！🤤
#swallowcwb @ Mr. Steak Buffet à la minute
mr. steak評價 在 史堤克先生 - Facebook 的推薦與評價
【MR.STEAK星光熠熠】第一週 - 出！爐！啦！ 恭喜本週超級幸運兒！ 趕快通知親朋好友！ 每週抽20頂免費【璀璨碎鑽帽】！ - 讓你新的一年更加耀眼特選自帶高級感的緞 ... ... <看更多>