梧：唉，做contrarian有時候都唔係一件好受嘅事。
15/06/2015：不負責任感想：FOMC同希臘crunch time先係主菜，政改前菜一碟而已
今朝應該有唔少朋友見到在下嘅即市留言：「你要驚嘅唔係政改唔過，係希臘。講完。」
有留意在下嘅評論嘅朋友一直都知道，由今年1月Syriza上場起在下就好似隻蚊咁不停咁喺你耳邊講希臘，就算當全世界嘅財演同埋你地嘅老友都喺度high緊滬港通呀，decoupling呀，乜乜乜嘅時候，在下從來無停過警告大家唔好睇少希臘事件嘅嚴重性。仆街真係講到口都臭，但係無辦法，大家睇得呢個page，在下就有obligation去叫大家睇路。好啦，由幾個月前好似唔會發生咁，到而家俾在下講到真係爭埋門嗰腳就要出事。
先俾條timeline大家睇睇：
6月18號：歐元區財長開會，呢個係如果要有deal嘅話就一定要有嘅最後限期；
6月25號：歐元區領袖峰會；
6月30號：希臘要還16億歐元俾IMF，second bailout extension legal deadline。
7月20號：希臘要還35億歐元俾ECB
注意：ECB會係每個禮拜三（即17同24號）都會開會討論希臘嘅ELA（Emergency Liquidity Assistance）
當然啦，之前都講過，希臘default IMF嘅話係唔會即刻死架，仲有一個月時間，但係大家亦都要知道嘅係，之前2月傾好嘅4個月bailout extension亦係30號到期，即係話如果慘到連呢個extension都唔再extend嘅話，歐元區喺法律上無得再幫希臘：即係話一定要傾多一個全新嘅bailout，又或者要放棄希臘。
Tsipras喺國內都備受自己黨內極左嗰邊嘅壓力，Merkel又何嚐唔係？佢嘅junior coalition partners喺上個週末係咁圍住希臘嚟屌（以往佢地對希臘嘅態度係比較友善），連Merkel同Schauble之間都開始公開有分歧。（題外話：在下認為，過咗呢件事之後，無論結果如何Merkel喺德國政壇嘅領導地位都應該會受到動搖，but that's another story）
今日希臘已經「嗮咗冷」：基本上而家佢地剩係要削債同有限度嘅緊縮，改革免問。在下認為而家根本無可能再削債，因為2012年嘅PSI已經haircut咗大部份私人hold嘅債券，但係而家啲債券大部份根本係Troika揸住，佢地無可能haircut因為到時分分鐘連佢地都有事。2012年做PSI嘅時候ECB已經講到明佢個portion無可能削，而削歐元區政府個portion...唔好玩啦，根本唔會過到任何一國嘅國會。
而家兩邊都企到咁硬，喺18號之前應該唔似會有（正面嘅）突破性進展；反而負面嘅突破性進展可能最快會喺今個禮拜三出現：如果ECB唔再加碼希臘嘅ELA而要抽飛嘅話，希臘嘅債市股市同銀行體系一定會即刻跪低，到時Syriza班友就係「唔見棺材唔流眼淚」。
而家希臘根本已經唔係好夠錢還俾IMF，唔好唔記得佢地仲要出糧。咁你地話啦，呢單嘢仲係咪狼來了？呢個就係點解在下成日講：狼來了只係increase咗個pain threshold但係絕不代表可以當無咗件事，而當隻狼真係嚟到嘅時候，仍然係要人踩人，仍然係要死嘅。
政改點解唔洗驚？佔中實際對市況幾有影響當然係其一，但只要諗深一層就明白點解唔會有影響：
1）過到政改係perceived as base case outcome；
2）過唔到政改嘅話就用番2012年嗰套，即係more of the same；
3）無論結果如何，香港嘅政治環境係唔會因此而變得唔同，都係北京直接操控香港。
有人話過唔到政改大六就會推冧香港個股市，雖然在下唔能夠排除呢個可能性，但係認為呢樣嘢唔會發生，因為：
1）滬港通同深港通係大六入MSCI Emerging Market Index嘅主要criteria之一，如果你因為政改推冧個市而嚇走嗮啲鬼，到時邊Q個同你接貨？
2）今時已經唔同往日：4月股市大升夾咗大把老散入市，如果真係推冧個股市嘅話，所有反對政改嘅人同事都唔洗旨意過到「民意」嗰關，因為大把人會同你博命。好荒謬？呢度係香港。
在下都唔想講呢句話：大六而家喺上面搭緊個世紀大雞棚，所以香港呢啲小前菜佢地根本唔會放在眼內，唔好睇得自己咁重要，起碼呢一刻個主角有排都未輪到香港。
至於美國FOMC加唔加息，就睇禮拜三（禮拜四凌晨）個post-meeting press con，就算唔係即刻加（如果6月加到嘅話一定唔係unanimous decision一定有dissenting votes），Yellen講嘅嘢都有可能變得hawkish咗，即係話今年內要加。唯一嘅安慰獎就係睇下張dot plot有無郁低到，因為3月份嘅dot plot imply咗今年要加兩次息，可能6月份嘅update會變到得返一次，如果係嘅話分分鐘即刻出個relief rally。
總之都係嗰兩句：1）餘下嘅六月會chok到飛起；2）下半年同上半年嘅市況將會係兩個世界。
msci emerging market index 在 What is MSCI Emerging Market Index ? - MSCI Index Explained 的推薦與評價
... <看更多>