有留意開哩個page嘅朋友,大約知道柯豬家姐自9月開學就病倒,感冒咳嗽時好時壞,啲菌仲傳染給些莉妹同埋我自己,我哋3個人加埋睇咗不下6, 7次醫生,見過3個不同的醫生,西藥,中藥,dietary supplement, 煲湯燉品,咩方法都出齊,最後到咗11月情況終於有起色,thank God~!
哩兩個月與病菌的搏鬥真係好辛苦,最慘係睇見兩個小朋友輪住病,家姐嘅面珠墩同肚腩仔都唔見晒,得番層皮。些莉妹由原本有笑容嘅baby變到唔多笑,有時見到我仲大喊,可能以為我又要迫佢飲藥水。做阿媽嘅唔駛講,一定係無覺瞓,日夜照顧兩個病童,黑眼圈加深,毛孔粗大,最激氣係又唔見啲脂肪減少!
而家即使柯豬已經痊癒,番學時我都會要佢戴口罩,希望唔好咁易又中招,真係唔想經歷多次,雖然我諗一定唔止一次。。。(哭)
不過都有啲開心事,就係柯豬嘅分離焦慮似乎已經過去,由上星期開始準備番學和出門都沒有哭鬧,好乖咁同我講"媽咪byebye, 我放學番嚟揾你呀", 阿媽放心晒 ☺
講開supplement (其實都唔知係咪真係有效用) ,不妨同大家分享吓我買俾柯豬嘅補充劑,大部分目的都係增加身體抵抗力。
左:Black Elderberry Syrup 接骨木漿果糖漿
有一個星期柯豬感冒情況比較輕,我就嘗試俾哩款糖漿佢飲,每次5ml, 一日4次。食咗大約一個星期,可能因為始終感冒菌未清,仍然有流鼻水同咳,唯一神奇嘅地方令柯豬由無胃口食嘢變成有胃口,每日都主動同我講想食嘢 (以往好少問我攞嘢食,除了零食)。
中:Echinacea liquid formula 紫錐花液體配方
暫時只飲用過2次,未知效果,每次滴10滴入口,一日4次。
右:Chewable Probiotic tablets 益生箘咀嚼片
益生菌係眾所周知對腸道健康有正面幫助,雖然平時都有食吓Yogurt, 但藥片勝在方便收藏,每日1粒,柯豬好樂意食,更會提醒我俾佢食哩個藥。
柯豬媽揀補充品主要睇成份,選擇不加糖份和酒精的,因為同樣係兒童補充劑,有啲product會有酒精,額外添加糖,防腐劑等等,所以家長真係要花時間睇下成份表。另外就係用家review, 因為柯豬媽之前未買過,所以要閱讀其他用家意見再下決定購買與否。
另外仲有款兒童用嘅cough + mucus syrup for nighttime, 有一晚柯豬瞓到零晨2點突然咳嗽,喺咁咳令佢瞓唔番,好憫憎。我抱佢起身俾佢飲咗一茶匙哩款藥水,可以緩和咳嗽同令佢瞓得好啲。柯豬媽覺得效果不錯,但佢主要成份係黑蜜糖,只建議2歲以上兒童飲用。
(唔記得影相,有需要話俾我知我後補相片)
#柯豬媽媽 #柯豬姐與些莉妹 #自費非廣告
同時也有10000部Youtube影片,追蹤數超過2,910的網紅コバにゃんチャンネル,也在其Youtube影片中提到,...
nighttime baby formula 在 Nighttime Baby Formula vs. Nighttime Breastfeeding 的相關結果
Some say nighttime baby formula before bed helps babies sleep longer. Dr. Bill shares his outlook on why breast before bed is best. ... <看更多>
nighttime baby formula 在 Supplementing with Formula at Night - A Step-By-Step Guide 的相關結果
Introducing formula at night can help get your baby used to taking the formula and drinking from a bottle so that there is an easier transition ... ... <看更多>
nighttime baby formula 在 Is it ok to breastfeed during the day and give formula at ... 的相關結果
Since formula is safe in the fridge for 24 hours after it's prepared, you can make that middle of the night bottle before going to sleep so it's ... ... <看更多>