關於 nonaffiliated ，我們在網路上蒐集到這些相關的討論、資訊與評價

繼續為您推介我自己真實用家經驗，絕非廣告，真心大愛嘅母親節禮物點子，希望幫到仲未諗到送咩驚喜俾媽咪/太太嘅您喇！！

Day 7 - 每一位母親

嚟到正日喇！！！！終極禮物係咩呢？？

YOUR PRESENCE IS THE BEST PRESENT!!!!!

就係您！！！
您嘅時間，您嘅心思，您嘅同在，您哋在一起嘅時光！！！

冇一份禮物，比得上您肯花時間陪伴媽媽，全神貫注哋俾晒一日嘅 attention 佢，用行動證明您有幾愛佢！！

其實好多媽媽都係 basic moms, 好簡單。
您激少佢一日，就已經覺得好幸福！
您俾佢休息一日，就有如大確幸！
您放下手機一日，就如淋初戀！！

今日兩位美沙小姐，一早瞓晏啲（開心！）等媽咪做完電台節目「玩玩星期天」，就去咗我最鍾意嘅咖啡店 REACTION Coffee Roasters 買杯 nutty flat white（貼心），仲去埋我最鍾意嘅麵包舖 Proof Hong Kong. 買 salted caramel cinnamon roll（窩心）。

全程再加埋甜到漏嘅笑容（融咗），媽復何求呢.....???

希望您生命中最重要嘅女人，今日同您過一個最開心嘅母親節喇！！

#nonaffiliated #mothersday #giftideas

想睇希兒點樣買咖啡，即睇 stories！！

繼續為您推介我自己真實用家經驗，絕非廣告，真心大愛嘅母親節禮物點子，希望幫到仲未諗到送咩驚喜俾媽咪/太太嘅您喇！！

Day 6 -口罩妝媽咪

Jess Eyelash Beauty

幫襯咗 Jess 好多年㗎啦，點解咁忠心？因為佢哋真係好努力為客服務！！

做得植睫毛，都係對自己外觀有要求，有少少懶，但係又鍾意靚嘅。
做得植睫毛，都係希望用一個鐘頭，換期後每朝唔駛搽 mascara 所慳返嘅時間。

做襯呢間嘅 treatment，可以 last 到起碼三個禮拜！！！即係幫我慳返（20分鐘化眼妝 x 7 x 3 = 420分鐘！！）

佢哋定期去韓國觀摩入新貨，對自己要求好高！毛嘅質地，植嘅方法，鋪頭嘅舒適度，去親都有驚喜！！咁勤力，要讚！！

點解推介呢份禮物？

日日戴住口罩，冇乜機會有理由化全妝。我當年臨生之前都去植，就係預咗自己坐月唔會有心機化妝，但係又會有好多人嚟睇BB，而家睇返啲相，覺得自己有啲先見之明 😁😁

希望您生命中最重要嘅女人會鍾意喇！！

#nonaffiliated #mothersday #giftideas

繼續為您推介我自己真實用家經驗，絕非廣告，真心大愛嘅母親節禮物點子，希望幫到仲未諗到送咩驚喜俾媽咪/太太嘅您喇！！

Day 5 - 實幹型媽咪

Rainbow Hong Kong SRX 高效吸塵機

（男女平等，冇分邊個主內/外！但係屋企乾淨整潔，係一家人嘅幸福，當係送埋俾自己喇！）

事先聲明，今日嘅推介，係全個系列中最貴嘅。但係，亦係全個系列入面用得最多嘅！

自從添置咗張棉花糖地氈之後，體驗到咩叫做「先甜後苦」。好舒服，好好玩，好好睇，嘅背後，係每日吸塵，每日保養！

喺揾吸塵機嘅過程，遇上兩個冇得喺實店買，要上門示範嘅品牌。

開頭諗住揀平啲嗰部德國機，覺得佢哋差唔多。但係收料聽聞原來佢哋十年唔換一次摩打型號，無新改進，售後亦麻麻。

最後豪豪哋，買咗 Rainbow，送鹼性濾水器，送床褥吸塵蟎大配件（我用嚟吸埋地氈☺️），送陶瓷刀，送濾水花灑頭，送香氛精油等等，開心晒！

最鍾意用佢嚟清潔小朋友玩具，自家屋企乾洗枕頭被芯毛公仔，換個嘴吸雪櫃底衣櫃角落。睇住每次用完嗰兜水，真係心甘情願都要講，係一分錢一分貨！！

為自己幫屋企做咗個啱嘅多功能選擇，有少少沾沾...

點解推介呢份禮物？

疫情期間我每日都靠佢做埋空氣淨化，唔知幫唔幫到（因為香港人真係好叻叻，已經做得好好！）但係橫掂呢款最低嗰檔咁靜，開咗都唔覺，why not?

希望您生命中最重要嘅女人會鍾意喇！！

#nonaffiliated #mothersday #giftideas
#rainbowSRX