#在日落前交換日記
0306 《朋友技》
不同班同學 oscar
我有個去咗英國做救護員嘅小學同學，因為係最好嘅朋友，所以我好小心翼翼咁唔俾佢知我去咗英國，因為一俾佢知道，道義上，我就一定要去搵佢。旅程短短，實在係唔想將時間放喺唔洗見面都維繫到嘅友誼上面，可惜紙係包唔住火（咁講有啲唔公平，因為火都包唔住紙。），都係俾佢發現咗，唯有去搵下佢啦。
我去佢度住咗晚，對上一次喺一齊過夜，已經係小學嘅事，童軍啲camping嗰啲，唱埋啲鬼五馬六嘅童軍之歌；中學佢追女仔，份勞作係當時未追過女仔嘅小弟整嘅；唔同大學嘅我地，又出現咗喺同一個ocamp，因為佢想嚟睇啲讀art有藝術氣質嘅女仔，所以嚟幫手做攝影師；出嚟做嘢，聽過佢太多心事，但已經不再重要，因為佢做嘢用嘅術語我開始聽唔明，而我亦冇扮聽得明，但係佢講完似乎就ok，而家佢每年番嚟一兩次，我地會約四次，甩底兩次，哩啲細水長流但係又可有可無嘅關係，應該每個人都有一段。
佢唔係嗰種作為備份，得閒拎出嚟攝攝時間嘅friend，計番總和，其實我地相處時間唔多，可以loop嘅嘢唔多，只係每段時期，佢都出現咗喺一啲容易記得嘅回憶入面，先成功搶到咁多分，搞到好似真係好好朋友咁，所以做friend其實都好睇技巧，見得啱時間好過見得多時間。
不同班同學 檸
ocamp過夜 在 Ocamp一定要過夜？ - 港澳u life板 - Dcard 的推薦與評價
自問自己係一個比較摺嘅人social太耐就會想抖吓，知道啱啱入u係應該識多啲人，但都好驚冇咁多精力去應付埋夜晚嘅房game，大家都話過夜可以了解得深入 ... ... <看更多>