//這條掃黃路線先由葵涌開始，去到位於石籬大隴街的Oh My Dog，一間熱狗漢堡包專門店，主要做街坊生意，已經開了11年。老闆Jonathan表示疫情嚴峻的時候，該區人流大減，加上限聚令，而且店舖又細，索性暫停堂食，只提供外賣，生意即跌了4成。他說：「好彩我哋係家庭式經營，冇請員工。我相信而家所有行業都告急，我哋仲捱緊，冇錢食飯就食粥囉。」
……
到了下午茶時間，轉移到荃灣荃新天地商場，好好懲罰黃到金的雪糕店Sogno Gelato，主打意大利雪糕，每日有近廿種不同口味的雪糕出售。榴槤雪糕是鎮店王牌，若果想試其他特別口味，可選催淚彈、香檳等，會有驚喜。店舖開業一年半，原本生意一向都能收支平衡，直到武肺爆發，商場人流大減，生意急挫近8成。老闆阿華表示，現時每個月都在蝕錢。「 而家每月生意額，找貨錢都未夠，何況交租？坦白說已經沒有資金，可套現的都套了，也要問銀行借錢周轉。」雖然生意慘淡，但阿華仍然想盡辦法撐下去。「我仔細老婆嫩，還要供樓，一定要堅持落去。如果放棄，就即係向政府認輸。」現時阿華力推外賣家庭裝雪糕，並提供送貨服務，希望救到生意。
嘆完雪糕，不妨到附近荃灣海濱長廊散散步，或由荃灣乘搭61M或53巴士到黃金海岸，消磨一個悠閒黃昏。直到晚飯時段，前往屯門華都商場內另一告急黃店，水飯鏜。餐廳由Kenny和太太於8個月前所開，希望亂世之下做一間有人情味、與香港人同行的平民食堂。原先生意不錯，不過受疫情影響加上限聚令，最近生意跌了4成。雖餐廳生意轉差，但老闆Kenny沒有想過裁員：「我的夥計和拍檔都很好，佢哋知道最近生意唔好，自願放多啲假幫補一下，但我話唔好，大家都辛苦，如果放假，員工就會賺少咗啲錢啦。」於是幾個月來，Kenny就這樣與員工齊上齊落，對抗逆境。
//
#香港五一黃金週 #黃色經濟圈 #黃店 #OhMyDog #SognoGelato #水飯鏜
https://hk.appledaily.com/…/202…/7APSPHWRDFW54WN2A6HF5VEH7M/
oh my dog外賣 在 Oh My Dog | Kwai Chung - Facebook 的推薦與評價
Oh My Dog, 葵涌. 6289 likes · 169 talking about this · 915 were here. Oh! My Dog! 位於上葵涌麗晶中心對面,係一間開左大約10年多o既美式熱狗漢堡包. ... <看更多>