【活著不是抗爭】
47人被政治迫害，唔少黃絲基於面對獨裁政權嘅無力感，開始提倡「活著就是抗爭」呢個口號出黎
我當然明白乜都做唔倒係一種好灰心嘅事，但唔代表將抗爭門檻降低到「活著」就可以提振士氣，咁樣只係自欺欺人──如果活著就是抗爭，咁藍屍係咪你手足？
講憤怒，唔駛今日，自從佔中、魚革後，所有香港人都應該Keep住憤怒。但舊年好幾次有人號召上街，每當我只係見現場只有寥寥一兩千人，就難免令我諗，你地唔係好憤怒架咩？點解兩百萬曾經上街遊行嘅黃絲，唔好話抗爭，就連只係「行街」一樣咁低風險嘅事，都只有0.x%嘅人願意去做？
因為唔係民陣搞就唔去？因為唔合法怕比人拉就唔出？因為覺得送頭on9寧願匿埋？因為人少覺得改變唔倒乜就放棄？
毛主席講過，革命不是請客吃飯，抗爭亦都不是食下黃店，課金比班黃標kol換啲精神鴉片吸下咁簡單，抗爭過程係要不停思考同付出，唔係網上留言寫個撐字，留幾句矯情留言就盡咗「抗爭者」嘅責任；更加唔會係一檔生意，抗抗下爭可以搞到月入幾十萬，響外國印印腳風流快活指點江山，留番你班on9課長響香港你死你事。
自從兩年前嘅6月開始，我無時無刻都走去諗，有咩做出黎係可以真正幫倒場抗爭／抗爭者；有好多嘢當然唔方便公開講，而且可以做嘅永遠係比做咗嘅多好多，但至少我每晚臨訓前都會提醒自己距離真正嘅「抗爭門檻」遠遠未夠，鞭策如何響怕死同懶惰嘅極限上面做得更多，而唔係掉番轉安慰自己「活著就是抗爭」
如果你為今日有47人還押而喊，我諗你要搞清楚，呢幾日搞嘅只係保釋程序，連正式審判都未開始。響5月底正式開審呢段期間，我經已講過大家最低限度可以做嘅，就係不停製造輿論表達「飯民其實從來配合政府施政，未有一刻顛覆政權嘅想法」，希望法官審案時有多一樣衡量嘅訊息，而你班深黃傻尻如家明之流仲響網上面執著邊個邊個Blame the Victim，走去不停將被捕者塑造成民主抗爭英雄，加深佢地被重判嘅風險
你話咁樣做得太少，應該可以做得更多，我歡迎大家示範任何更可行嘅做法，因為行動從來都應該靠互相鞭策而提升，而唔係愈做愈縮搞到「活著」都係一種抗爭；
同埋如果你真係對今日發生嘅事咁憤怒，萬一有人響下個、或者再下個星期「落街行下」，我係會響街上面見倒大家，定係你班撚樣只係繼續響Facebook趁我「唔得閒」果陣留言罵戰，響mewe見倒你班仆街響度「好嬲好嬲食住黃店幫手捉鬼」？
延伸閱讀：笑OMDB等如Blame the Victim？最鍾意Blame the Victim嘅，就係你家明
https://www.patreon.com/posts/xiao-omdbdeng-ru-48339642
