【打機 / 彈琴 / 打功夫 / 學英文】
唔知各位同學有冇入手到Overcooked 2呢款遊戲呢？
都係最近入手依款switch遊戲，宜家玩緊頭果幾關，手腳極其笨拙、反應又慢既我破關梗係難過登天啦！所以我就趁着我個friend行開咗，自己努力苦練頭果幾關，令自己咁熟啲制，希望之後合作嘅時候玩得順啲。
玩玩下就發現，其實打機同學英文嘅道理都有共通之處啵！
雖然我打機好廢，但我認為打機同好多嘢一樣都係「有路可捉」嘅。你要打機打得叻呢，首先要將某啲㩒制嘅sequence㩒到熟咗，當怪獸出現嘅時候，你就要完全唔使諗咁將呢個撳掣嘅sequence施展出嚟。
個道理就好似彈琴彈scale同appegios 咁，等你彈scale彈到熟之後，彈歌嘅時候邊個位要出邊個scale，即刻就要出到。特別係sight reading嘅時候，因為你個腦嘅ram已經用咗喺閱譜上面，手指上嘅郁動，就唔可以再花費腦力去諗㗎啦。
同樣道理，作文嘅時候，唔可以再花時間去諗He後面係跟is定係are，passive voice既組成係點樣，你個腦嘅RAM要留返黎諗啲到時先有得諗嘅嘢，例如要寫咩內容先回應到題目。
換而言之，用英文要流暢，平時一定要練熟一啲常用嘅字嘅組合，唔好輕視一啲睇落好基本嘅組合：He is、 he was 、she is 、she was 、it is 、it was 、they are 、they were，諸如此類，有啲同學把口話想學好英文，或者佢哋腦裡面記得好多深字點樣解，但it is、is It、it was、was it、呢啲組合都未練得好熟，講嘢、寫作又點會流暢呢？
攞打功夫來做比喻， 學英文時練好常用組合，就好似打組合拳一樣，要打功夫打得好，一定要定時定候大量地反覆練習，jab-jab-right hook，ABC， CDE，每一個組合都要練熟佢，練到有如反射動作一樣，到比賽嘅時候，你只需要判斷施展邊啲組合就可以了。
passive voice練習 在 Passive Voice 練習題在PTT/Dcard完整相關資訊 - 你不知道的 ... 的推薦與評價
新东方在线题库提供动词的被动语态练习题及答案,有详细的试题知识点解析,新东方在线 ...國中被動語態題目完整相關資訊| 星星公主-2021年7月The passive voice is used ... ... <看更多>