#薛宅日常
投選你最鍾意嘅感想啦！
《Isa姐2020東京奧運感想 - 全集》
1. 又係奧運，好悶。（每四年先一次，到底有幾悶？今次仲要五年。）
2. 8強都好犀利啦，唔好咁貪心。（劍擊）
3. 啲參賽者太執著。（綜合）
4. 跌親咁慘仲要0分，係我就唔跳。（滑板）
5. 運動要開心，唔應該競爭。（綜合）
6. 我摺衫睇睇到我好緊張，我唔想咁緊張。（滑板）
7. 好心就帶返個護膝，係咁跌，父母電視睇到會擔心。（滑板）
8. 男仔咁cute叫紅豆，唔知佢父母係咪本來想生女。（滑板）（that‘s why i m 晉寧）
9. 啲劍藤條咁樣，咁可能我都玩到。（劍擊）
10. 啲運動員都冇話過「抖抖先」但啲評述員成日都話「抖抖先」。（廣告）
11. 你仲記唔記得你細個我點打你：）（劍擊）
12. 哩啲咪知足囉！銅牌都開心！（體操）
13. 唔知啲運動員有冇得stay behind。（體操）
14. 如果你參加奧運你會唔會買手信？（綜合）
15. 啲女子體操衫好靚，可惜著唔到出街。（體操）
16. 自由式快過蛙式，有優勢。（自由泳）
17. 香港運動員個個都好叻仔叻女！（綜合）
18. 唔知淘寶有冇得賣減速眼鏡，聽落似有。（乒乓）
19. 減速都得，咁減肥都得啦，不如淘埋。（乒乓）
20. 啲衫攝晒落patpat咪好唔舒服囉，抆返出嚟唔知會唔會扣分⋯⋯（體操）
21. 我覺得呢，哩個項目好似喺度撩事鬥非咁。（劍擊）
22. 喂！你個friend！（單車）（咁啱經過高達）
23. 明明你細個都係泳隊⋯⋯（自由式）
24. 點解第四名有得叫殿軍，但係冇殿軍獎牌？（綜合）
25. 原來大人踩細路單車都係一種運動！（BMX)
26. 人哋打出界就唔打，好似冇乜體育精神。（羽毛球）
27. 我覺得第四位個獎牌可以係鐵色，金銀銅鐵吖嘛。（獎牌）
28. 傻嘅，一開始就跑咁快，一陣點衝刺？（5000米）
29. 頭先睇咗跳繩比賽。（唔知佢睇咗啲乜）
30. 咁快就玩完晒？唔玩耐啲？（奧運）
2024 see you all in…still facebook i guess.
