最近睇咗Emily in Paris，可能我港女底，覺得唔係大家講到咁差，甚至某啲位寫得幾好，例如以下呢一段。
當芝加哥女孩Emily被公司派到巴黎負責marketing，佢嘅熱情同幹勁換嚟嘅只有法國同事嘅無視同冷嘲熱諷，令佢好無力同困惑，有一日其中一個有份揶揄佢嘅阿叔Luc同佢講：
「其實我哋都有啲怕你。」
「怕我？點解呀？」
「你帶嚟嘅idea好好，甚至可能係the best，你嚟到，令我哋覺得要加倍努力，賺更多嘅錢。」
「可以平衡㗎嘛。」
「冇錯！就係平衡！我覺得美國人唔識得平衡，你係為工作而活，我哋係為生活而工作。賺錢係好，但你口中嘅成功，對我嚟講係懲罰。」
「但我真係享受工作，享受成就喎！」
Luc非常不可置信咁話：「你享受工作⋯⋯？」
「係呀！所以我先會嚟巴黎，係工作帶我嚟呢個咁靚嘅城市，工作令我感到快樂——」
「咁可能你唔知道咩叫快樂。」Luc笑笑口咁講。
世界上冇絕對嘅好人同絕對嘅壞人，我諗大部分人一早都已經明白呢個道理，所以大家會話要以事論事，唔好因人廢言，但再深究落去就會發現，原來連絕對嘅好事同絕對嘅壞事都並唔存在：好似Emily咁付出一百二十分嘅努力工作，原來會令共事嘅人感到壓力，成為其他人嘅夢魘。
每個人都有自己嘅立場，每個人都有自己嘅愛惡，世界上其中一件最公正嘅事，就係每個人都存有偏見。
關於善惡，一百萬個人有一百萬個標準，最近睇過最有趣嘅演繹，就係Tik Ka嘅全球網上作品展，無論係畫工、特效、音樂定整個概念，都係意想不到嘅體驗，真心推薦！
《善惡》- Tik Ka from East 全球網上作品展 by tbc…ART ONLINE
日期：30.10.2020 - 13.11.2020
購票：https://ticketing.tbcstory.com/tikkafromeast
TBC story Tik Ka from East Playtinite
playtinite 在 Playtinite - Facebook 的推薦與評價
《次元超載》已開始眾籌! 同時已放上steam 平台, 歡迎大家到Steam 頁面加願望清單喔! Kickstarter : https://www.kickstarter. com/projects/playtinite/overpower ... <看更多>