【龔成問答信箱】(Q22021-Q22040)
Q22021:
上了你的初班,我已明白唔好追逐平貴,而是睇企業的質素。
但因我太過集中,特別是669,而上次大升時,無把握沽貨,到大跌市,我真有d驚,所以問問咩價位沽貨比較合適,我持有一定比例。
你教的內容真係好有質素,深入淺出,但至於我,我覺得透過實際操作比較易上心,或許這就是我需要活學活用,不停用同一方法去理一些事,然後才能進步。
就好似小孩寫字,一點一筆一畫,做線條練習先。
因為當時我仲未掌握到平貴的計算法,所以有此一問。
龔成老師︰
其實,我係地係決定買入一隻股時,會考慮到佢質素、當時平貴水平、是否適合自己和組合配置等因素,去下決定。
但當買入後,我地著眼點,就會只放係質素和組合平衡性上。
創科實業(0669)有質素,有品牌,有銷售網絡,長遠有發展,這股值得長線投資。
但由於佢已佔你組合不少,個別企業和行業,不要佔組合15%和30%以上,否則會有過度集中性風險。
因此,就算現時係任何價格,你都應該開始分段沽出部份持股,去平衡這個風險。
此股現價已略貴,你已可以分段沽出部份持股。但緊記係分段,調整唔好一次過做,以減低股價波動造成之影響。
------------------------------------------------
Q22022:
早晨老師 18年開始學你投資理財...現已進賬了少許需然離目標還有很遠 不過會用長線投資方法繼續
現在月供緊 2800($4000)0066($3000)0012($2000)
以上組合須要更改嗎?
另持有︰
700 700股
0066 1000股
現金150萬 希望等大跌市入貨 不過等了很久。本人和先生月入約70k 供樓11k 扣除所有開支月儲30k
我現金放在戶口用按揭戶口有2厘 但係好似有啲浪費 我想問如何令資產增值會快些?
另外700越跌越低 我平均價$601.5 應該繼續溝貨定可繼續持有 可否比些意見呀
龔成老師︰
你月供組合都可以,但以你們每月可以儲$30000計,建議再加大多少少月供供款,至每月$15000。
而新加資金,可以投入一些潛力股,去加大你個組合的增長潛力。
潛力股︰中生(1177)、福壽園(1448)、小米(1810)、安碩恒生科技(3067)、港交所(0388)、阿里(9988)、騰訊(0700)、GX中國電車基金(2845)、三星FANG ETF(2814)。
現時大市只係合理水平,現金佔比重大約3-5成。餘下資金,就等大跌市出現,才加大力度掃貨。
雖然放係度等,好似浪費左一些投資時間。但由我地唔知幾時會出現機會,故必需保留一些流動性高的資產,去把握這些時間。
現時騰訊(0700)在合理區,你本身持資佔近組合全部,比重過高。就算再跌,你都唔好再加注,因為只會增加你過度集中性風險。
記住,我地唔好成個組合,只集中係1,2隻股票身上。
最重要是建立一個長期的「財富組合」,要優質,要平衡,要適合你的年齡與風險承受程度,新舊經濟各類股都要有。
同一行業不能高於組合30%,同一股不能高於組合15%。要平衡,建立後長期持有,不是買賣賺差價,而是成為你財富組合一部分。
------------------------------------------------
Q22023:
Hello啊Sir,其實我報左你股票班,不過都想盡早比你睇下我現有既Profile同埋我既諗法正確與否?
1. 我應將中國鐵塔換至港交所嗎?因為我見啊Sir你極力推薦。而如果本身我未有費,第一注應幾錢左右入呢?
2. 5月見比亞迪回落了不少,在$142左右開始月供,但現在又回升了,那我應該停止月供嗎?
3. 我目標每年額外投放$100萬至組合,我的策略應該是如何?
4. 阿里巴巴雖然已佔組合約12%,但我見潛力股黎講佢既值博率幾高,我應再在那個價位入市。
5. 福壽園我只得少量貨(佔組合3.01%左右),我應在那個價位再加注呢?
6. 最後,就是啊Sir你覺得現有組合對於年紀30歲左右的我可以嗎?
問題多,麻煩哂啊Sir你
現有股票組合
優質股:
1. 煤氣x3,000@$14.5
2. 銀娛x1,000@$52.25
3. 港鐵x3,204@$38.93
4. 領展x2,137@$62.83
5. 金沙x5,322@$28.78
6. 盈富x2,[email protected]
-潛力股
1. 鐵塔x90,[email protected]
2. 小米x5,400@$25.89
3. 舜宇x600@$135.9
4. 雅生活x3,250@$31.92
5. 中生製藥x12,[email protected]
6. 福壽園x6,000@$7.67, 4.96%
7. 阿里巴巴[email protected]
8. 3067x4,900@$18.78
龔成老師︰
1) 港交所(0388)有質素,你預回多1,2成才到合理區頂,才可分注。而中國鐵塔(0788)都質素,但增長力就弱左,長線持有價值依然係有,只係無以往增長咁快。
如果你想部份,換至港交所(0388)係可以。但建議都保留部份,畢竟此股都係有投資價值。
2) 比亞迪(1211)現價略貴,如果你已經儲到一定貨,你可以停一停。但若果你持貨只有好少,你暫時可以照供,但只可小注。
3) 以現價計,大市算係合理區,你可以先將50萬,分注買入「平穏增長股」 + 「潛力股」。餘下一半,就等大跌市機會。
平穏增長股︰盈富(2800)、金沙(1928)、恆基(0012)、平安(2318)、中銀(2388)、港鐵(0066)、長建(1038)、粵海(0270)、領展(0823)、希慎(0014)、太古地產(1972)
或潛力股︰比亞迪(1211)、中生(1177)、福壽園(1448)、小米(1810)、安碩恒生科技(3067)、港交所(0388)、阿里(9988)、騰訊(0700)、GX中國電車基金(2845)、三星FANG ETF(2814)。
由於「潛力股」係一定波動性,以你30歲計,大約佔組合5成左右。若你經驗較淺,只宜投資約3成比重。
你現時持股,過半數係「潛力股」類。因此,新資金應優先投入「平穏增長股」,去平衡翻個組合。
4) 阿里(9988)有質素,你預每回10-15%,就可以加注。但你要留意,再優質股票,都不可以過量持有(個別企業﹐不可超過組合15%)。否則,會有過度集中性風險。
5) 福壽園(14488)現價合理,可以加多少少。之後都是,每回10-15%就再加注。
6) 現有組合過於進取,因為潛力股佔比重偏高。當然,你還年輕,想進取點係可以,但你要明白當中風險。
最理想,潛力股係維持3-5成左右,會較穏當。
股票班見!
------------------------------------------------
Q22024:
老師,想問下京東物流同攜程。 呢2隻股票分別前者系43.3 買入, 後者是303.6買入。 兩隻都只是買了一手。 請問現價是否繼續持有?
本身睇好呢2隻股票,但買完就系咁跌。
是否未跌出5%就放番止蝕?
龔成老師︰
記住,不要用自己的買入價作為何時沽出的指標,也不要以回本後沽貨作為策略,同時,更加不要抱著「賺了多少就沽貨」這心態去投資。
坊間經常用買入價作為何時沽出的標指,這是極度錯誤的。沽出是基於這股已偏貴,又或沒有前景,質素有問題,而絕非由買入價決定。
因此,若你分析該企業的前景一般,就可沽出。
京東物流(2618)都有質素的。
京東物流係中國領先的技術驅動的供應鏈解決方案及物流服務商。通過科技賦能提供全方位的覆蓋各個業務領域的供應鏈解決方案和優質物流服務,從倉儲到配送,從製造端到終端客戶,涵蓋普通和特殊物品。
根據一些調查報告,按總收入計,這企業係中國最大的一體化供應鏈物流服務商。
2018、2019 及 2020 年,京東物流營收分別為人民幣 379 億元、人民幣 498 億元和人民幣 734 億元。
京東物流於 2018、2019 及 2020 年產生的虧損淨額分別為人民幣 28 億元,人民幣 22 億元及人民幣 40 億元,不過,如果扣除一些非現金流的開支,又未算太差。
佢表示,上市集資所得,部分將用於升級和擴展該企業的物流網絡;部分將用於開發與供應鏈解決方案和物流服務相關的先進技術。
企業有優勢的,長遠發展正面,但中短期股價未必有好強的表現,這股都有投資價值,但現階段未必值得大額投資。
攜程集團(9961)有質素。
佢係全球領先的一站式旅行平台,可提供一套完整的旅行產品、服務及差異化的旅行內容。
用戶可以通過平台進行任何類型的旅行預訂,從目的地內活動、週末短假及短途旅行,到跨境旅遊及商務旅遊。
產品及服務組合涵蓋經濟、高端、定制化及精品產品。集團經營一系列品牌,包括攜程(Ctrip)、去哪兒(Qunar)、Trip.com及天巡(Skyscanner)。
根據報告,以商品交易總額(或 GMV)口徑統計,佢係過去10年內一直為中國最大的在線旅行平台,近年更為全球最大的在線旅行平台。
財務數據方面,收入都有不差的增長,但盈利就比較波動,有時會出現虧損,反映企業仍處於投資期。
這企業有獨特性,長遠有投資價值,但估值難,未能確定這刻的平貴度。只可以話,潛力度是有的,但預期股價都會波動,因此投資要控制注碼。這股宜長線,等企業成長。
由於這2隻股票,你都係得1手。我建議你超長線持有,咁就可以。同時間,你要明白這2隻股票,都係有一定不確定性,若你資金唔算充裕的話,暫時不要考慮加注。
------------------------------------------------
Q22025:
老師,我在分析3 號煤氣,我留意到公司在2020 年的收入及毛利都比2019年高,但盈利就大幅下跌。
查看損益表及附註發現,對比2019 年,2020年在 " 投資(虧損)/收益淨額 " 一項有數目變化,而該變化是來自 "上市證券" 的虧損。
我想問:
1. 從何得知這些虧損及盈利是否一次性?
2. 有考慮有代表盈利時,是否不需要計算此項?
3. 在那裡可以看到 " 國際金融中心投資物業之重估減值" 的數值?
龔成老師︰
1) 其實這部份,是一些集團持有的金融工具,其帳面價值的變化。
這部份基本上,每年都係會出現,唔算係一次性因素。但由於當中部份只係帳面值變化(有點似物業重估),故這個項目,不用睇得太重。
2) 對,要調整。
因為佢主要受市場影響,令佢每年數字都好波動。只要你拿較長期數據作參考,就可以將這個部份,對分析盈利所造成的偏差淡化。
3) 你將年報中(P.6-7),"集團稅後溢利(未計集團所佔國際金融中心投資物業之重估減值)為港幣64億8千4百萬元" ,
減去"計入該投資物業重估減值後,本年度集團股東應佔稅後溢利為港幣60億零7百萬元",就會知道大約個重估數字是多少。
------------------------------------------------
Q22026:
龔sir,你好!我最近看了你那本《財務自由行》,明白持有越多資產越有利,借取越多現金越有利,本人最近思考如何實踐。
本人情況:租住朋友一間三房物業,月租$7000,有一層第一城物業放租。雖然本人是銀行職員,尚未使用員工優惠,享用低息高貸款額。現在面對以下兩選擇:
1. 繼續租住朋友屋及放租第一城,但儲了很多現金,又沒有名額買第二層資產,但細單位升值潛力高,又可以盡快財務自由。
2. 賣出第一城,用公司員工優惠,買入更大單位自住,可實踐借取越多現金越有利,但大單位升值潛力較細。
謝謝龔sir
龔成老師︰
我較建議用方法1,因為香港買賣物業成本,都比較高。一來一回,會唔見左好多錢。而且,你現時朋友屋租金好平。可以為你節省更多現金流,去進行投資增值。
除非你個單位質素好差,租金回報率好弱,否則你照放租,用"以租養樓"的模式。
再用現有資金,去投資優質股增值,集中以股票,作為財富增值的核心。之後,如果日後有人名,才再思考怎樣用你員工優惠,去加入第二個物業,咁會較好。
------------------------------------------------
Q22027:
老師,想問問你對於保單融資的意見
龔成老師︰
保單融資,其實就係透過借貸,去以槓桿形式放大回報。相比傳統儲蓄保險,佢增長潛力會相對較大,同時風險會相對較高。
而且,回報和利率都係不保證。因此,最終回報未必是預期中咁理想,你要明白這個風險。
其實比較建議,"保險"只用作防守,買足夠保障就可以。儲蓄成份架保險,唔係唔可以買。如果你個人風險承受能力好低,或者完全無投資能力,這類保險都有持有價值。
但始終係財富增值角度,佢幫助好有限,一般我都就唔建議太多。做財富增值,應集中投資在優質資產(如優質股、物業等),效果才會理想。
------------------------------------------------
Q22028:
老師,A股隻002352順豐.買唔買得過?
龔成老師︰
順豐控股 (002352.SZ)為內地快遞物流綜合服務的提供商,主要提供倉儲管理、銷售預測、大數據分析和結算管理等綜合物流服務。
此股有質素,集團在內地有領先規模。在電商近年高速發展下,集團長遠發展正面。
但此股現價不平,過往佢股票波動都比較大。此股有投資價值,但現時值博率唔算高,同時要控制注碼。
------------------------------------------------
Q22029:
龔SIR, 你好呀,又要請教你供股既問題喇, 因為我老公唔識股票, 所以佢係每月比5K我供股, 我就幫佢供緊3K 2800 + 2K 66, 黎緊佢可以再加多3K, 呢3K放響邊類股票好呢?
我係用自己個中銀AC同佢一齊供既, 成個AC供緊既野如下,
2800 6K 我地一人一半
66 4K 我地一人一半
823 2K 我自己
1810 1.5K 我自己
1211 1.5K 我自己
佢果3K好唔好放去2隻科技股 , 每隻1.5呢? 你認為將佢放埋入1810 同1211好定再揀過2隻幫佢供會好D呢? THX
龔成老師︰
你現時計劃,已經係可以。
由於現大市只在合理區,你唔好每月全部儲蓄都動,要留有部份,等大跌市機會,才出手入平貨。
另外,任何股票、任何行業,我們都不應太過集中,因為一個行業就算更有優勢,也有機會面對行業週期及突發風險,太集中會對你整個財富組合不利。
因此,你要建立一個平衡的投資組合,當中有不同的類別、不同的行業,這是最好的平衡風險方法。相同行業不可佔組合多於30%,而單一企業不要高過15%。
銀行業營運模式較特別,風險會比一般行業為高。必需堅守30%這個準則,如果可控制在20%以內,會更好。
而盈富(2800)係不受此限,因為它是一個包含58間優質企業的基金,這些企業來自不同行業。因此,盈富(2800)就算在組合中佔較大比重,都唔會造成過度集中性風險。
你現時組合,領展(0823)和港鐵(0066 - 算半隻地產股)都係地產相關行業,雖然都尚在合格水平,未有超過標準。
但未來有機會再加新股票,就要先避開地產相關行業,以免有過度集中性風險。
------------------------------------------------
Q22030:
龔成老師你好,我係你股票班舊生。小妹今年28歲,月入九萬可存6-6.5萬,有車,無家庭負擔。
3年前上完股票班開始投資,多數係月供股票以及少量低位買入。85萬成本賺左60萬左右,真係衷心多謝您。
有個問題想請教下。
較早前購入1750萬物業樓花(建期),套現左部分股票,支付左訂金,印花稅及律師樓雜費等,用左240萬。
樓花期2年,家人承諾會幫忙支付部分首期(還剩樓價40%)。我都希望在2年內盡量存錢,希望可以達到270-300萬,上會前分擔部分首期。
本身月供24k,分別係
12 @3000
27@3000
66@3000
788@2500
1177@2500
1810@2000
2388@3000
2800@5000
另外套現後宜家剩翻股票如下,大約63萬
66/691股 @42
590/1000股@16.7
788/15000股@1.17
1177/8500股@7.3
1211/2100股@41.5
美股15萬左右,現金35萬
想問下應該加大月供計畫金額,定係存現金好。
龔成老師︰
你現時持股和月供計劃,都係適合你的。
以你每月可儲6-6.5萬計,你應該再加大少少個月供金額,去到每月可儲資金一半。
假設投資回報有10%(連股息再投資),你每月投資$60000 + 現有資產(約115萬),2年後大約會增值至280-290萬。
但問題是,2年係一個好短架時間。就算再優質的股票,中短期都會出現波動,影響你最終回報,你要明白這個風險。
因此,你加大的月供部份,我建議集中係收息股類。而餘下資金,除非大市有明顯回調,否則不要出手。
收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)。收息基金(3110)
當然,如果你想再穏陣D,唔想2年後太多變數。這個新增月供部份,可以由收息股,更改為定期。同時間本身月供組合,都可以將部份股票轉為收息股。
但這樣,你個組合增長性,就會減弱左,你要從風險與回報間,取個平衡點。
------------------------------------------------
Q22031:
老師你好,自從認識到你的Facebook後,開始看你的書籍,了解自己的習慣,比較適合月供股票,目前31歲。
目前已經開始月供半年左右。在整個組合中,盈富4000 ,比亞迪3000 ,海螺3000 ,中電3000 ,騰訊3000 ,安踏2000。
1)個人希望以穩定為主,慢慢累積財富,少量投資增值股。目前組合需要調整嗎?符合我的年齡?
2)當中海螺水泥,目前虧損比較多,長遠水泥股發展老師的看法是如何?需要先暫停月供還是繼續?
謝謝老師指導。
龔成老師︰
1) 我地投資增值會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。
你31歲,應以增值為主。你現時月供組合,都係有質素的股票,大致都適合你年紀。
但有2點要留意,中電(0002)主要係收息,增長力唔高,唔係太適合你年紀。(當然,你想個組合穏陣少少,留佢係度都可以。)
比亞迪(1211)有質素,但現價略貴。暫時不宜月供太大注,最好暫時將供款,下調至$1500-2000,到佢回到$17X左右,才慢慢大加。
現時大市只在合理區,每月資金唔好盡用。最好留有部份,等大跌市出現時,可以用來掃貨。
2) 安徽海螺(0914)有質素,有增長力。
佢主要從事生產和銷售熟料和水泥製品,業務地區包括中國東部、南部、西部、中部及海外。而安徽海螺是水泥行業中,全球最大的單一品牌供應商。
水泥屬於基礎原材料行業,對建築行業有很高的依賴性,同時亦會與經濟增長速度有較高的相關性,特別與固定資產投資相關。即是說,當中國基建及房產市場不景,水泥行業會比一般行業處較大的不利狀態。
另外,水泥企業在生產過程中,燃料成本佔總生產成本中約佔了超過一半。若能源價格出現較大變動,就會對企業成本造成較大影響。因此,當能源價格出現較大上升時,將引致安徽海螺的成本增加,影響其中毛利。
綜合來講,佢擁有相當規模、生產能力,有一定的質素及賺錢能力,而水泥行業長期將因中國城鎮化以及一帶一路的建設,仍然會增長,但不會像過往般快速,而是進入較平穩的時期,在本質上此企業不差。
現價勉強合理的,但要留意盈利有潛在波動。
你要明白一個概念,我地持有一隻股票與否,關鍵位是企業質素、前景,不要被買入價(或者買入成本)影響。買入價只是一個心理因素,如果企業核心因素未被影響,我地係唔需要理,照持有就可以。
------------------------------------------------
Q22032:
龔成老師你好,本人剛結婚,現有有關買樓一事想請教。
我和老公三十頭,二人月入共十一萬、冇計劃要小朋友,打算過多十年移民外地。老公買左土瓜灣一手私樓自住(300呎),打算日後過了禁售期再售出圖利。
我們現金約有一百萬,外幣一百萬(之前唔識投資,只會買外幣放銀行但冇息)。但其實賣出後我們還有自住需要,所以我在想以下那個方法比較好
1) 要否以我的名再買一層居屋/二手私樓自住,等待大約十年後移民外地前再賣出。如果買第二間,啟德跑道的一手樓花好定大圍二手居屋會易點升值呢?
2) 定係用買第二層樓的首期來投資股票會更好?但我們都不太懂買股
3) 定係現在用土瓜灣一手私樓換另一間大點的私樓會更有升值空間?
另外,我在$249買左1手9988, 你覺得現在@205可再買點嗎?謝謝老師
龔成老師︰
其實香港買賣物業成本唔細,加上你們之後都會移民(相信不會保留本地物業)。除非現有物業非常不適合你們需要,或者質素好差,長線計無乜升值能力,否則唔建議沽出換樓。
反而,你用現有資金,去買入一些優質股作增值,咁會較好。
我地投資增值會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。
你3X歲,應以增值為主,建議你用「平穏增長股」 + 「潛力股」作組合,去創造一個增值平台。
你可以用每月空閒資金,做月供股票。每月先用5成儲蓄做月供。其餘先儲起,用一邊月供一邊儲蓄的策略。
由於「潛力股」係需要一定經驗和有一定波動性,如果你經驗較淺,可以先小注,大約佔組合3成左右。若你係有一定經驗,你可以投資到約5成比重。
現時大市只是合理區,你現有萬資金可以先投入一半,用"分注"形式,慢慢買貨。餘下一半和每月所儲倒的資金,就等大市出現一定程度的下跌,才大力度掃貨,然後長線投資。
至於外幣,唔係一個好的增值渠道。貨幣係可以無限印制,長線只會一直貶值。除非你有明確用途,否則應換回港元,去做投資。
阿里巴巴(9988)適合你年紀,現價合理,加上和你上一注有一定距離,故現價加1注係可以。
------------------------------------------------
Q22033:
午安,龔成,經常有留意你頻道,所以入左小米和中生製藥,小米27時入了一萬股,中生製藥在8.6時入了三萬股,但一直唔明為什麼業績好,公司有潛力,
但股價一直下跌,這幾日還連續開八連陰,現在還有廿萬現金,應再補貨,後續應如何部署
龔成老師︰
我地投資股票,其實等同投資一間企業。希望透過其自然增長,以達至財富增值的目的。
所以,我地投資一定係長線,而唔係短期炒賣,去賺差價。
你唔好用股價升跌,作為判斷一隻股票優劣的標準。你應著眼佢本身有無質素,如果有,中短期價格波動,令到出現帳面虧損,係無問題,照可以長線持有。
但如果係無質素,就算而一刻是賺定蝕,你都要將佢沽出。重點分析的地方,係企業質素,而非股價上。
你現時持有這2隻股票,都係有質素的潛力股。若你係年青至中年人士,這類潛力股,你照持有就可以。
但我地唔好成個組合,只集中係1,2隻股票身上。
最重要是建立一個長期的「財富組合」,要優質,要平衡,要適合你的年齡與風險承受程度,新舊經濟各類股都要有。
同一行業不能高於組合30%,同一股不能高於組合15%。要平衡,建立後長期持有,不是買賣賺差價,而是成為你財富組合一部分。
未來時間,現分散投資多幾隻不同行業股票,去平衡風險。
現時大市只在合理區,未到好平,不宜盡用資金。餘下廿萬現金就先儲下,等大跌市動用。
------------------------------------------------
Q22034:
你好 龔成老師!由2018年開始幫家人(現時50歲)投資幾隻房產信托基金-主要收息 由於當時投資知識不足 所以組合比例分配的唔好
而且投資的幾隻現時都跌左好多 最近幾個月開始認真閲讀老師的幾本書同專頁 開始對股票組合有少少頭緒並作出調整 在此萬分感激老師!
有以下問題想請教老師︰
家人年紀約50 預計5-10年後退休,有醫療保險 強積金約50萬 ,現金30萬
現持有股票:
越秀房產信托基金 11000股 平均價$5.23
置富產業信托2000股 平均價$8.93
匯賢產業信托 23729股 平均價人民幣2.64
煤氣 1000股 $11.38
香港電訊 4000股 平均$10.82
粵海 4000股 平均$11.77
6月開始月供$3000盈富基金 $2000港鐵 $2000金沙
每月可儲現金$6000
1.請問以上組合比例適當嗎?有需要再調整嗎?
2.房產信托越秀同匯賢質素如何? 應繼續持有或趁低增持嗎? 因為87001 自疫情開始就跌近半 一直都上唔返去維持人民幣1.76左右 本來打算收息 但現時賺息蝕價
以往一直選擇以股代息增持 但現時擔心這股質素已改變 請問係暫時受大環境經濟影響定真係質素變差 唔會再上返去?
3.若果越秀上返買入價 應該賣出再增持置富嗎?
另外請問呢個年紀小注加入3067適合嗎?股價幾多係便宜至合理?
粵海 煤氣現價係合理區 到幾多先係便宜?
感激老師解答!
龔成老師︰
1) 以上月供組合和資金分配,都係可以。但這組合,不是用至退休。
由於你家人開始要為退休準備,你要慢慢將一些收息股,換入月供組合中。到退休時,收息股都應佔100%。
另外,任何股票、任何行業,我們都不應太過集中,因為一個行業就算更有優勢,也有機會面對行業週期及突發風險,太集中會對你整個財富組合不利。
因此,你要建立一個平衡的投資組合,當中有不同的類別、不同的行業,這是最好的平衡風險方法。相同行業不可佔組合多於30%,而單一企業不要高過15%。
你現時房託和部份股票,都有超標情況。你要用新資金,慢慢將個比例拉翻平衡。
2) 匯賢產業信託(87001)雖然是不錯的房託,但這房託比其他房託有點特別,可長線持有收息的。
匯賢現時主要資產:包括於2011年收購的北京東方廣場之零售、寫字樓及服務式公寓業務;以及兩家酒店(北京東方君悅大酒店及瀋陽麗都索菲特酒店)。
加外有新增投資,於2015年才收購的重慶大都會東方廣場。
但要留意,根據北京市人民政府於2006年6月26日發出的國有土地使用證(京市東港澳臺國用(2006出)第10128號),該發展項目總土地面積為7萬7千平方米的土地使用權已授予北京東方廣場公司作綜合用途,到期日為2049年4月21日。
從整體及本質上,這房託是不錯的,適合長線投資。雖然有上述所講的潛在風險,但高股息率,可說能抵償當中風險,同時反映部分物業有「到期」因素。
簡單來說,就是佢的股價,會慢慢長期向下,因為有些資產會到期。不過,如果佢餘下的資產在這段時間增值,咁股價就不會向下。
簡單而言,越秀(0405)和匯賢(87001)都係可以持有。由於你目的係用來收息,你係唔洗太在意個股票變動。
3) 你可以將部份換碼,現價計置富(0778)值博率係高少少。同時間,你都可以將2隻股票比例,變得更平衡。
50歲以上,我唔建議買安碩恒生科技(3067),因為波動性太大。若真係好想買,都係好小注好了。
粵海(0270)和煤氣(0003)現價合理,你預回多1,2成,才開始算係初步平宜區。
------------------------------------------------
Q22035:
老師您好:本人今年50, 因為做得唔開心, 所以打算辭職, 進入半退休。我持有:
1. 現金$400萬
2. 公積金$200萬
3. 股票$80萬, 包括:
a. 1398: 100000股
b. 808: 20000股
c. 435: 10000股
d. 0006: 2000股
e. 1038: 1000股
4. 自住物業: 未供完, 每月供5千。
除工行, 都係近排買入, 會再分注買入。
辭職後收入大減, 希望透過投資維持每月20-30K收入 (包括供樓支出)。
龔成老師︰
如果你希望8年後每月有2-3萬蚊現金流,以股息率6%計,你需要本金400-600萬。
以你現時資產規模,是可以做到你的目標。
現有持股,你長線持有就可以。你可以再將這$400萬現金,分成4部分。
第一部分投資收息股,你可以建立一個收息股組合,你可考慮港燈(2638)、香港電訊(6823)、工行(1398)、建行(0939)、置富(0778)、陽光(0435)等,大多有5%股息或以上(你可睇下我本《50穩健收息股》當中仲有好多)。
你可以用"分注"形式,慢慢儲貨。平均的投資這些股,除了可以得到穩健的收息收,同時可有效的分散風險。這部分可佔你財富$100萬-$200萬。這些股票唔洗理佢股價波動,只要一直持有收息就可以。
但由於工行(1398)已經佔你組合很大比重,暫時不要加注。
任何股票、任何行業,我們都不應太過集中,因為一個行業就算更有優勢,也有機會面對行業週期及突發風險,太集中會對你整個財富組合不利。
因此,你要建立一個平衡的投資組合,當中有不同的類別、不同的行業,這是最好的平衡風險方法。相同行業不可佔組合多於30%,而單一企業不要高過15%。
但要留意,銀行業營運模式較特別,風險會比一般行業為高。必需堅守30%這個準則,如果可控制在20%以內,會更好。
第二,投資債券,你可以選擇A評級的債券,年期較長都可以,但利息卻不高。你可以到銀行問問。
第三,投資年金,你可以睇睇,這是適合你們的產品,零風險,可以有穩定回報。另外,你亦可投資銀行低風險類的產品,你可自行到銀行了解下,總之是「低風險,持續現金流」的。
第四,持有現金,這可以為你的後盾,以備不時之選。同時可以等投資機會。
你可以將資金,平衡地分配在上述的項目上,對你來說是最好平衡風險,同時有穩定的現金流。
------------------------------------------------
Q22036:
龔sir 你好, 我今年31歲發覺自己儲錢好慢+投資初哥, 股票比例輸多 想請教你投資方法同&意見
我月入HKD20,000, 每月可儲HKD8,000左右
現持有以下資產
Cash :HKD85,000
股票 : 9988 (291.55買入) X 400 股
941 (48.5買入) X 500股
1928 (35.6買入) X 800股
Q1: 9988見你話佢潛力都大 但我好高位入左, 有需要止蝕/加注 由得佢擺住先 ?
Q2. 941 同1928 值得長期持有/加注/ 咩位就要放呢?
Q3. 小米可以入手嗎?
Q4. 另外, 想請教我呢個年齡有咩投資方法/組合可以儲錢有效率啲. 我見你推介供股為主
多謝您的解答
龔成老師︰
1) 阿里巴巴(9988)係有質素的潛力股,你買入價係貴左,但此股有增長潛力。當企業盈利上升,佢股價再回向上,你照長線持有就可以。
但由於佢已經佔你組合,一個好高架比重。就算股價再回調,你都唔好再加注。
2) 我地投資增值會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。
你31歲,應以增值為主,建議你用「平穏增長股」 + 「潛力股」作組合,去創造一個增值平台。
阿里巴巴(9988)和金沙(1928)都適合你,但中移動(0941)只係收息股,增長力好一般,唔適合你。但你只係有1手,照持有都得,就唔好再加注。
3) 小米(1810)有潛力的,佢的產品性價比高,相信在全球好多個國家都會有市場,佢長遠只會進一步增長。
同時,佢建立的平台是佢長遠的增長動力,先賣手機,再利用手機的平台延伸銷售小米家電。長遠正面的。
這股可長線,現價合理區頂位至略貴,小注分注可以,但唔好入得太急,預佢股價仍波動。回多1-2成更有投資值博率。或者月供都得。
4) 你現時無投資知識和經驗,對企業估值,點去定平貴未必會太了解。所以你先利用月供模式,去做增值,可以減低買貴貨風險,對你而言會較理想。
目標係一些「平穏增長股」 + 「潛力股」,現在你每月先用5成儲蓄,即$4000做月供。其餘先儲起,用一邊月供一邊儲蓄的策略。
由於你投資知識不高,因此可較集中在平穩增長類股,至於潛力股,只宜小小注(不多於3成)。最好是你先提高投資知識,等到你有一定知識和經驗,才慢慢增加潛力股比例(大約5成)。
大市現處於合理水平,那8.5萬現金和每月儲蓄,就等大跌市機會出現,才大力度掃貨,並長線投資。
------------------------------------------------
Q22037:
龔成老師你好!本人34歲,月入20000,月儲2500,因過往實在缺乏規劃理財,零投資經驗,單純地以為買了份儲蓄保險就足夠(供25年,每月1200),
於是便成為月光族了,因最近結識女朋友,當開始為未來籌劃時,實在十分旁惶,驚覺一切已太遲!想向你請教一下,如果我想3年內儲20萬,我該如何做呢?萬分感激!!
龔成老師︰
其實34歲,未算遲,只要你用正確方法去做財富增值,一樣可以有唔錯效果。
我地投資增值會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。
其實"保險"主要係用來防守,買足夠保障就可以。儲蓄成份架保險,唔係唔可以買。如果你個人風險承受能力好低,或者完全無投資能力,這類保險都有持有價值。
但始終係財富增值角度,佢幫助好有限,一般我都就唔建議太多。做財富增值,應集中投資在優質資產(如優質股、物業等),效果才會理想。
現時份儲蓄保險,若已供了一定時間,我建議你保留會較好。但就最好不要再加大這方面投入,以免拖低財富增長力度。
你34歲,應以增值為主,建議你用「平穏增長股」 + 「潛力股」作組合,去創造一個增值平台。
由於你係初學者,對企業估值,點去定平貴未必太了解。我建議你先利用月供模式,去建立一個股票組合,以減低買貴貨風險。
現在你每月先用$1500做月供,其餘$1000先儲起,用一邊月供一邊儲蓄的策略。
餘下的現金,就等機會,當大市出現一定程度的下跌,就可以動用現金去投資,在平宜價加大力度掃貨,然後長線投資。
我假設投資回報有10%(連股息再投資),你每月投資$2500,3年後大約會增值至10萬。故要達成目標,你最少要加大供款1倍。
而且3年唔係一個長時間,最終回報有機會受股市波動所影響,你要明白這個風險。
------------------------------------------------
Q22038:
老師你好,本人現在收入不穩定, 有大概九萬幾現金, 市值十一萬港股加美股.另外有一小型saving account, 再加五萬六左右在基金投資.
現在有一創富難題:
想盡快儲首期買到一層650萬或以下的樓來投資
如果想創造穩定被動收入來供樓, 唔駛驚自己收入唔穩定供唔到樓.
老師你會有甚麼建議?正在閱讀"80後"中不過還是想麻煩老師你, 真不好意思
龔成老師︰
有兩個方向,第一,你將物業出租,利用租金去供樓,但如果你造高成數按揭,有機會租金少過供款,就會出現負現金流,因此,如果你想較有保障,就不能以高按揭成數去進行這動作。
當然,這就要求你有較多首期,因此,你要在這方面,自己取平衡。
第二,如果你想創造被動收入去供樓,你只要將投資一些收息股,用佢地去創造現金流,咁就可以。
假設你每月要有2萬蚊現金流,以股息率6%計,你需要本金400萬。因此,你現時重點,就係要去累積這400萬。
但一般我地會建議讀者,運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。
若你係年青至中年人的話,你現時應把握時間優勢,先做財富增值部份。除非你預買樓時,你年紀都已較近退休之年,你才好考慮原先被動收入的計劃。
至於儲置業資金,你可以投資「平穏增長股」和「潛力股」。你每月5成儲蓄做月供。其餘先儲起,用一邊月供一邊儲蓄的策略。
如果你現時無太多投資經驗,潛力股這類風險較高的股票,你就不要持有過多,最多維持2-3成好了,甚至先集中係平穏增長股類。
若你有一定投資經驗﹐潛力股比重可以相應調高,佔組合約3-5成,視乎你投資經驗多寡和了解這些股票程度而定。
現時大市只是合理區,你現有9萬資金和每月所儲倒的資金,就等大市出現一定程度的下跌,才大力度掃貨,然後長線投資。
至於基金,你可以衡量基金的投資策略,所投資的資產類別、投資策略、風險程度、市場、費用成本、以及過往的表現(可以睇佢過往5-10年)。
如果整體係優於大市,你都可以投資。
------------------------------------------------
Q22039:
龔成,我想請教一下怎樣實現財務自由,夫婦二人打算明年帶小朋友移居英國。丈夫現已辭去工作,本人兼職收入約每月$8000,每月開資約兩萬。
打算用400萬元在英置業後,餘下資產應該投資甚麼可以製造每月30,000元的現金流呢?
資產:
香港有3個物業:
1.銀行估價480萬元,打算明年賣出用來購英國物業,現每月收租$13000)
2. 市場價約330萬,沒有按揭,現奶奶及老爺收租作生活費。
3. 市場價約330萬,有100萬按揭,收租可cover 供樓費用。
強積金:夫婦共100萬元(移居5年後獲取)
儲蓄保險:24萬本金
藝術品投資 : 現時價值大概 80萬
流動現金: $50萬
虛擬貨幣: $5萬
月供基金: 現價值約40萬,上月已提取其中20萬作為流動現金,並已申請延期供款,餘下20萬會滾存到20年後方可再次提取。
龔成老師︰
若你希望移居英國後,每月有3萬蚊現金流,以股息率6%計,你需要本金600萬。
你可以考慮將部份資產賣出,再轉換成收息股,去創造這筆現金流。例如部分原本無現金流類別的項目如藝術品投資,以及剩餘現金。
收息股︰你可考慮港燈(2638)、香港電訊(6823)、恆生(0011)、工行(1398)、置富(0778)、陽光(0435)、深高速(0548)等,大多有5%股息
另外,有些更有超過8%的高息股,但股價就略有風險,你可以小注考慮,例如佐丹奴國際(0709)、中石化(0386)、互太紡織(1382)等(記住,股價略波動,不能太過大注)。
(你可睇下《50穩健收息股》當中仲有好多)。
但由於英國對股息,係會收取一定稅項,故實際回報會係低少少,你要自己了解翻。
英國稅制比香港複雜,你最好了解清楚。要沽出的資產,就盡早處理,以免受英國稅項影響,令你資產價值被打上折扣。
另外,你移居到一個新地方,生活不確定會大增。建議係投資同時,都留有一定現金,以備不時之需。
------------------------------------------------
Q22040:
龔SIR, 可不可以對我的股票 portfolio 比些意見? 以下大概總值三百多萬, 應該繼續持有, 還是套現買樓?
股票#(買入價)
3988 (3.20)
6 (42.7)
8(4.22)
883 (8.2)
17 (36)
19 (40)
1113(41)
1044 (55.5)
308(1.23)
52(17.)
175(29)
THANKS!
龔成老師︰
你現時持股,質素上都可以,算係一個平穏增長組合。若你係較中年人士,算適合。
香港中旅(0308)、中海油(0883)質素較中等,不宜持有太多。
若你係較年青人士,我建議你加入一些潛力股,去增升組合的增長能力。
潛力股:安碩恒生科技(3067)、阿里(9988)、 騰訊(0700)、港交所(0388)、舜宇光學(2382)、小米(1810)、中生製藥(1177)、GX中國電車基金(2845)、三星FANG ETF(2814),但就要明白波動性比上述會高左,同時風險大左,你要自己平衡。
至於是否置業,要睇你本身有無實際需要。若係自住樓,你可以套現,但緊記要嚴守"供得起"這個大原則。另外,在置業同時,必須確定尚有一定股票,可以保持增值,以免成個財富組合,偏重晒係物業上。
若你置業目的係為左投資,我就唔太建議。因為現時租金回報率,唔算好高。相比股市,值博率係較低。故暫時將資金投資優質股,會較好。
當然,你此期間找到旬盤,租金回報率高,升值潛力又唔錯,你都可以入市。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
同時也有27部Youtube影片,追蹤數超過0的網紅Paulo Guinoza,也在其Youtube影片中提到,今回は友人のダイアネさんが緊張しながらも素敵な歌声を聞かせてくれました。 ポルトガル語で歌っていますがメロディーだすごく良いので聞いててよかったじゃないでしょうか? 次もありますのでまた楽しみにしてください☺️ Desta vez, minha amiga Daiane esta cantando...
「portfolio cover」的推薦目錄:
- 關於portfolio cover 在 龔成 Facebook 的最佳貼文
- 關於portfolio cover 在 Facebook 的最讚貼文
- 關於portfolio cover 在 龔成 Facebook 的最佳貼文
- 關於portfolio cover 在 Paulo Guinoza Youtube 的最讚貼文
- 關於portfolio cover 在 Laura Ribeiro Youtube 的最讚貼文
- 關於portfolio cover 在 Areej Makeup Play Youtube 的精選貼文
- 關於portfolio cover 在 230 Best Portfolio cover design ideas - Pinterest 的評價
- 關於portfolio cover 在 Portfolio Covers for ARCHITECTS! InDesign Tutorial - YouTube 的評價
portfolio cover 在 Facebook 的最讚貼文
EVERYONE wants to retire comfortably. However, it would be difficult to enjoy your golden years without any worries if you do not have sufficient funds to support yourself during retirement.
While many are complacent with their retirement savings that have been set aside through their mandatory retirement contribution, it may not be enough to sustain you throughout your retirement years. Moreover, you may even find it difficult to earn an income to replenish your savings and cover any shortfalls once you have retired. Therefore, you need to save and invest to generate multiple sources of income during retirement.
The following are some other reasons why you should take steps to bolster your retirement fund today.
1. Long-term sustainability
Malaysians have a rising life expectancy, thanks to medical advancements, and this means that you will need to support yourself for a longer retirement period. At the same time, healthcare costs are escalating, which can lead to increased costs in retirement. As such, you need to take these factors into consideration when planning for your retirement.
2. Be self-reliant
As family sizes may have become smaller nowadays, it will take a lot more for children to support their parents during their retirement. You do not have to be a financial burden on your loved ones, especially as your children may have their own family to support, when you are able to generate your own income through your savings and investments.
3. Manage the impact of inflation
Inflation will erode your retirement fund as the value of your money today will not be the same in the future. By having a diversified savings and investment portfolio, you may hedge against the effects of inflation to protect your retirement fund.
To supplement your retirement savings for your future self, you may consider contributing into private retirement scheme (PRS) funds. Apart from building an additional income stream, you can also enjoy up to RM3,000 tax relief per year until 2025 and have peace of mind as your money in PRS will be protected from creditors.
#unittrust
#unittrustconsultant
#moneyworkforyou
portfolio cover 在 龔成 Facebook 的最佳貼文
【龔成問答信箱】(Q21381-Q21400)
Q21381:
龔Sir 你好! 請問如何計算企業價值呢?
700 騰訊為例,用NAV (778M/9.6bn no. of share)去睇,2020 佢只值八十幾蚊人仔,化返做HKD 都係一百蚊左右。
而家股價$600, 係咪當中包括左好多市場情緒同對未來憧憬既估算?想請教你通常點去量化。 感謝
龔成老師︰
你上述所講的價值,只是企業的「資產價值」,這是衡量企業平貴的其中一個方向,但絕對不是唯一的方向,同時,並不是所有企業都適用的。
在些企業,其資產價值與盈利能力、長遠發展未必有太大的關係,市場會較著重企業的長遠發展力,多於擁有多少資產。
簡單來說,有些資產有一定的市場價值,有些資產無太大的市場價值。有些企業長遠的發展及盈利與資產有一定的相關性,有些企業則無太大相關性,有基本的資產後,長遠的發展較受大環境影響,而不是有多少資產。
騰訊(0700)偏向係潛力股類,市場會著重將來,而不單是過去資產,同時會著重其業務價值。
至於點去計企業的價值,過程比較複雜,好難三言兩語就講到,就算在我的股票班,都要講5小時,裡面會講3種估值方法,有難有易,但同學都用到的。
簡單來說,你要考慮企業的生意、盈利、現金流、資產、負債等財務數據,同時要比較行業,考慮這企業的經營情況,之後的環境又會如何。這都是計算的基礎。
例如,我地會考慮佢有多少生意,有多少盈利、現金流,有多少資產,從而計算該業務值多少錢,同時會推算將來的盈利情況,去推算這企業長遠的價值。
如果要深入計算,基本上要好仔細的研究企業,要分析好多財務數據用比率,先至有較完整的答案。
------------------------------------------------
Q21382:
老師現年48歲,月入4萬8,想每月投資2萬
有一層做咗400萬按揭嘅樓,已租出,租金可cover 每月銀行還款。
有現金50萬
冇股票(因曾輸過)
有保險基金單50萬
想5年後移民,想喺呢幾年做進取嘅投資!睇咗你嘅資料,但遲遲未決定到點入手!
銀行職只又不時想我買保險產品!
請問有咩建議?
龔成老師︰
我地進行理財,應說建立一個平衡的組合,你現時有物業、保險基金、現金,但就缺少了股票,因此應該增加翻股票。
你過往投資失利,相信是由於未了解股票最基本原理,只要你往後明白,投資股票就是持有優質企業,長線持有等企業成長,就得。同時,要建立平衡組合,不是賺差價。
另外,你話「想5年後移民,想喺呢幾年做進取嘅投資」,要留意,財不入急門,加上5年時間不算長,反而不能過度進取。
以你現時情況,我建議你以「平穏增長股」 去創造一個增值平台,在這5年為你的財富增值。
現在你每月先用5成儲蓄,即$10000做月供。其餘先儲起,用一邊月供一邊儲蓄的策略。
月供方面,你可以選擇投資這些平穏增長股︰盈富(2800)、金沙(1928)、恆基(0012)、平安(2318)、中銀(2388)、港鐵(0066)、長建(1038)、領展(0823)、希慎(0014)、太古地產(1972)
大市現處於合理水平,那50萬資金,你可以先用一半,以"分注"形式慢慢入貨。餘下一半和每月儲蓄,就等大跌市機會出現,才大力度掃貨,並長線投資。
到你將要移民的一年前,再慢慢沽出手上持股套現,就可以。但唔好到要走個一刻才一次過沽貨,咁樣會令股價波動性風險大大提高。
至於"保險"只係理財中防守部份,買足夠保障就可以,增值可以留比優質資產(如優質股、物業等)去做,個效率會較好。
你現時那份保險基金單,可以睇翻基金的投資策略,所投資的資產類別、投資策略、風險程度、市場、以及過往的表現(可以睇佢過往5-10年,只回報係比主要投資市場高,就可以考慮繼續投資)。
------------------------------------------------
Q21383:
Hello 龔sir!我現有大概HKD3百萬現金及數百萬股票。
一個人租樓住(租每月HKD20K),無小朋友,考慮3 年內退休,其實應唔應該再考慮買樓自住(死後層樓冇用)?
如買樓就無晒現金同要賣股票了(50 歲,就退休好難做按揭),變咗3年後唔夠錢退休。。。
繼續租又好似好唔安穩因為租金會一路升,同業主可能會收樓...矛盾中 (退咗休會想讀吓書,所以都有不少洗費)
龔成老師:
以你的情況,租樓會較好,第一,你現時做按揭未必做到,因此去唔翻現在的生活質素,第二,你無後人,因此投資物業的誘因會減少左。第三,買樓後會用盡資金,反而風險提高左。
租樓雖然較好,但坦白講,每月$2萬的租金,長遠都會對你有一定的生活壓力,所以,可能要轉一些較平租的地方。
如果利用$300萬,投資不同的工具,收息股、低風險基金、年金、債券等,建立一個組合,如果能平均有5%現金流回報,$300萬即是每月收息$12500,都算是可以幫你提高現金流。
當然,你到時可以再利用手頭上的股票,進行配置,調整一下,如果持有一些現金流強的類別,就可以增加你到時的現金流。
你要思考一下長期的收入及支出情況,是否要調整生活質素,又或要日後想方法增加收入,或略為延遲退休。
------------------------------------------------
Q21384:
我大學嗰時讀嘅Investment,好似無乜用。
龔成老師:
大學課程,其實我都有讀過「財務系」,坦白講,學校教的是學術,我會認為有基本作用,但睇巴菲特相關書,以及年報,會有用得多。
------------------------------------------------
Q21385:
我想問阿sir,睇youtube聽講你以前未價值投資法時,試過儲一筆錢又蝕左佢,儲一筆又蝕左。
其實,因為我剛剛炒衍生工具蝕光了投資户口的錢,一陣約見了心理醫生了,想問下你當年總共蝕左幾多錢?
同埋蝕左幾多次,可以分享下你的心路歷程嗎?
我蝕左本金十萬,還有14萬儲起在家人到,以前都試過買牛熊證蝕曬錢,所以無將所有錢拿去投資
因為以前蝕曬錢,所以好幾年吾再投資,今年2月入返市,你都知呢排跌市,一買就蝕,實在無法子,又買返衍生工具,結果賺13萬,但後來又蝕返,想追又一直蝕,最後 total lose
睇醫生是因為炒牛熊證心理承受吾住了,需要求醫,好後悔買返衍生工具,但跌市蝕自己又控制吾住
龔成老師:
我20年前,都是短炒者,投機,玩幾年,輸足幾年,當年未算好有錢,相信蝕$10萬左右(其實唔記得),但當年已是全部身價,應該話輸左幾次身家。
之後我明白,衍生工具原本發行商食水好深,散戶只有做水魚,所以,我決定以為唔玩衍生工具。之後只做優質股,長線投資,就開始不斷賺錢。
我之後做銀行同證券行,見大部分輸錢的客,都是偏向短炒、玩衍生工具的!
當然,你問我有無人贏錢,是有的。但就我觀察,長線投資贏錢的人,比短炒的較多。
你這類人,我在過往做銀行時見唔少,因為玩衍生工具輸身家,所以,點解我現時,不斷強調再強調,不要短炒。要買優質股長線持有!
另外,如果你分析全球真正賺錢的投資者、經金經理,佢地都無人短炒,都是長線投資的,巴菲特都是反對短炒的,佢都唔用技術分析。
因此,我相信長線投資,是真正助我地贏錢的方法。
我建議你倍止所有衍生工具投資,你現時同賭錢無分別!
之後,慢慢儲現金,月供一些穩健的股票,或ETF,例如盈富(2800)、高息基金(3110),我相信是適合你的。
------------------------------------------------
Q21386:
龔成老師你好,多謝您一直鼓勵我地要投資理財,同時經常比正面的信念我地,實在感恩, 自從留意你FACEBOOK後
本人33, 由2019年開始投資,開始時都有小小升調,但最近大部份買入的股票都回落,現時股票價值同入的資金差不多,之前跣時用了大部份資金,現時手持現金好小,
以下是我的股票組合,希望你能給予意見應該如何調配, 感恩
2800 @ 25.82 4000股
3067 @18.52 4700股
1038 @53.72 1600股
0066 @43.95 1706股
1177 @7.21 2800 股
3033 @ 8.005 1600 股
1810 @26.65 400 股
3188 @52.6 200 股
1038/3067 虧得最多,是否需要減持,謝謝
龔成老師:
最重要不是睇「賺蝕」,不是睇「買入價」,而是睇質素。質素不好,增長力弱,就有可能賣出,蝕都要賣。
你要分析「之後的組合情況」,不是過去,是將來。應該持有那些優質股,比例如何,能為你帶來怎樣的長期財富。
你要分析你的投資目標,你想潛力股的比例多少?平穩股的比例多少?組合風險程度如果?
即是你想設計一個怎樣的投資組合?長期、優質、平衡、適合你。
股票中短期上落好正常的,不用太過理會,睇「企業長期質素」就得。
現時你的組合,都是有質素的,可以持有。但我見比例上,潛力股類別開始有點多,你要注意翻,因為這類股的風險較高,股價上落會較大,因此在比例上不能太過多。
長建(1038)是不錯的企業,有一定規模,資產亦有一定質素,並擁有相當充足的現金,而過往的發展亦很理想,能平穩發展及再投資的回報亦不算差,而開拓新業務亦能平衡當中的風險回報,整體有相當的質素。不過,規模大,國家保護資產,都令這企業增長力有所減弱。
長建有不少歐洲及英國業務,脫歐因素、歐洲經濟較弱難免對其造成影響,反而,脫歐情況明朗化會更有利企業,可說是最壞情況已過,之後將會慢慢向好。
其實長建近年仍不斷進行投資,但由於歐洲業務較弱,令股價並沒有顯現,但只要歐洲情況慢慢好轉,當中的資產價值就會更有效反映。
不過,歐洲的經濟,總不能用「強」去形容,所以長建並不是高增長類,只是最弱時期相信已過,往後會平穩向上。但回勇之路,仍然較長。
另外,由於企業已有一定規模,加上作風穩健,發展的速度不會太快,但平穩增長則無問題,手持的現金相信會逐漸收購其他海外業務。
是收息及平穩增長類,現價是合理的。你持有就得。
至於安碩恒生科技(3067),有長線投資價值。
這基金追蹤恆生科技指數之表現,而恆生科技指數,都是一些有質素的潛力股,例如阿里(9988)、騰訊(0700)、小米(1810)、美團(3690)等的新經濟類公司,長遠有潛力。所以有長線持有價值。由於基金有30隻股票,比起單一股票,風險能減低。
不過,現價都唔平,大約在合理區頂至略貴,因此,這刻不能大注投資。最好的策略,就是月供,或自行分注小注慢慢收貨(例如每月買一次、或2個月買一次),總之慢慢入,不能用盡現金,原理如同不斷儲貨,這樣就能平均買入價,減少風險。然後就長線持有。
你一定要睇長線,不要太著重短期股價,同時由於現價仍唔平,所以如想加注,一定要慢慢分注。
最後,如果你現時持有現金比例太多,就不要投資住,儲下現金先。
------------------------------------------------
Q21387:
龔成, 您好! 手上持有渣打2888 兩年 - 500 股 @HK$54唔係好多, 見派息不好, 又沒甚麼特別消息.......是否應該放晒佢呢? 謝謝 (私人回覆OK)
龔成老師:
渣打集團(2888)質素只是一般。
雖然未到劣質,但質素不高,但本地銀行股中,賺錢能力算是較弱。加上銀行業近年的環境不及過往,賺錢能力不及以前咁好,相信佢之後,都只是好基本增長,不要對股價有太多期望。
投資價值只是一般,我會建議考慮其他更有質素的銀行股仲好。
因此,你可以考慮部分或全部,轉其他。
------------------------------------------------
Q21388:
您好!現時手上有800股1928(金沙)於$32時買入,現考慮趁行業復甦前增持。
不過看過它2020年剛出爐的年報,它的年末現金由2019年的24億美金,大跌至8.6億;這個數字比起它的流動負責14.1億還要少。
一直以來您都看好澳門博彩股,但面對現時的情況,自己對它變得有所保留,甚至企業本身「捱唔住」。請問您認為這個想法是否恰當?
龔成老師:
上述的情況,會令風險度略有提高,因此會少少扣分,但未至於對佢有倒閉影響。
第一,佢規模好大,品牌、資產、現金流強,要在市場進行集資,好易。
第二,佢負債比率未算好高,要再問銀行借貸,有好多空間。
第三,佢持有的酒店等資產好有價值,如果真的經營環境差,要賣出套現救企業,絕對可以。
第四,佢本身現金流好強,只要澳門好翻少少,佢都有一定的現金流,不斷有資金翻。因此,唔需要太過擔心。
------------------------------------------------
Q21389:
龔sir你好。Follow左你好耐,亦上過你堂,好遺憾無早啲認識你。
之前有買1211,但因為唔夠耐性錯過左佢爆升時間,之後16左右買吉利升左一倍都無放。
因為唔想再錯過,而家佢跌到得$20左右,請問你覺得吉利前景如何?值得再長揸嗎?謝謝
龔成老師︰
記住,我地投資優質股,一定會係長線。因為賣出股票最大的風險,就是買唔翻。
不少人會以為「若果現在賣出 到時再以低價買入」,中間可以賺到個波幅。
但「到時再以低價買入」?真的一定會預期中發生嗎???
就好似我經常說,700多年不斷上升,388升100倍。如果我地升少少就沽貨,而唔係用質素,去決定是否持有,我地就無可能賺到近100倍回報。。
所以,你現時長線持有吉利(0175)係正確。
吉利(0175)本身的質素不差,擁有一定的銷售網絡及品牌,不錯的市場策略及定位,而又能把握中國汽車市場增長的機遇。
長遠來講,佢的品牌與發展在中國仍理想,2018年,吉利透過旗下海外企業,動用超過$500億人民幣收購戴姆勒股份公司9.69%股份。由于戴姆勒股權結構分散,所以吉利已經成為了戴姆勒集團最大單一股東。
另外,佢早前杭州灣新工廠正式發布純電動新品牌新車「極氪(ZEEKR)001」,宣布吉利進軍高端電動車。
這些動作不單有利佢有中國發展,同時長遠,可能加快了海外發展速度。因此,這股長遠仍是正面的。
現時價位在合理區頂位,股價波動,現貨可長線。如果現價入貨,小注都得。
------------------------------------------------
Q21390:
老師你好,一直遵從你的指導每月將資金一半用來月供,另一半用來儲現金等大跌時入貨。
由於不知道等到何時大市才大跌,可能一等就半年甚至一年或更長時間,就覺得把這筆現金放在銀行的回報率太低了。
請問老師有沒有推薦的現金替代品,可以令這筆現金可以比放在銀行有更高的回報?謝謝!
龔成老師︰
無錯,我地唔會知道下一個大跌市,係何會出現,可能係1,2年後,但同時間可能就是下一天。
因此,我地最理想係持有現金去等待,因為現金流動性最高。
若你將這筆資金,用來買了其他理財產品,要贖回可能需要些時間,甚至會被收取一定的提早贖回費用。
而用來先買部份較穏定的股票(如收息股),我都唔建議,因為再穏定的股票都有波動性,到時會跟隨大市下跌,以你可投入資金減少。
所以,我建議你都係持有現金最好,最多可以將部份用作短期定期。我地投資唔好睇太中短期,要用整個組合的長線發展機會,去做考慮,因此用現金等待,會係較理想的做法。
------------------------------------------------
Q21391:
龔Sir您好,我夫妻倆在澳門從事教育工作
對於投資沒有太多觀念之前都是拿錢給長輩在國內買樓買車位。
1. 去年疫情開始後股票大跌後,開始學買股票,我該如何學起?
2. 該從你的哪本書看起?
3. 之前做過一些短炒確實賺到錢,但是現在回頭看若當時沒賣掉那些股票的話現在賺更多,現在決心要開始好好學理財放長線。
我現在這組合可以嗎?會不會太保守還是太高風險?
4. 我該繼續專心供一隻還是先分散幾隻建立好組合後再慢慢提高持有比例?
夫妻倆32歲 未有子女
夫妻倆年收入:約110萬hk
現有流動現金約: 20萬
儲蓄險:40萬
(今年剛繳完2025年後開始拿利息)
國內放租樓盤:廣州2樓、中山1樓、中山3車位
(租金拿來當作給長輩的家用,全部以交清貸款)
固定支出:
在澳租樓(11000HK)
兩人保險每年約:10萬hk
年收入至少15~20%捐給慈善機構
無負債
之前
每月供 5000
00066 港鐵 或 00388 港交所
現在打算每月拿8000出來月供股票
00270粵海 或00066 港鐵 $2000 2選1
00087 太古股份公司B或 港交所 $3000 2選1
9988 阿里巴巴、 00175 吉利汽車、01211 比亞迪$3000 3選1
現有股票 組合總值約16萬HK。組合總表現: 約+7%
分配如下
00066 港鐵@45.172 18.9%
00388 港交所@406.930 19.4%
00694 北京首都機場@5.240 7.28%
00883 中國海洋石油$7.648 10.02%
01398 工商銀行@5.240 3.32%
02588 中銀航空租賃@60.9 8.67%
02800 盈富@24.2 17.6%
00270粵海投資@12.240 2.4%
01810 小米集團 @28.109 12.33%
龔成老師︰
1) 就初學者而言,你要加強吸收知識,多閱讀理財類別的工具書,以及多接觸財經新聞,而進修相關課程亦是重要的知識來源。
另一問題是價格,初學者未能捕捉股價的高低,所以,策略上宜用分注買入的方法,將一注資金分成多注,然後在不同的價位分別買入,這樣就可避免一次過在高位買入的風險。
2) 你可以先睇我寫架"80後百萬富翁"、"財務自由行"和"股票勝經",都適合初學者。之後,才看我其餘9本書。
以下是我的12本書:
《80後百萬富翁》(第9版)
《80後2百萬富翁》(第4版)
《80後3百萬富翁》(第2版)
《財務自由行》(第7版)
《大富翁致富藍圖》(第5版)
《50優質潛力股》(第4版)
《50穩健收息股》(第3版)
《50值博倍升股》(第3版)
《股票勝經》(第3版)
《選股勝經》(第2版)
《年報勝經》(第2版)
《5年買樓4部曲》(第2版)
3) 正確,優質股的確係長線持有,才會有最理想的增值效果。
我地做財富增值,除左講增值能力外,也要注重成個組合的平衡性,當中要包含不同的優質資產(如物業、優質股等)。
你現時組合,明顯係偏重左係物業類,未來要增加優質股的投入,去令組合平衡翻。
而"保險"只係理財中防守部份,買足夠保障就可以,增值可以留比優質資產(如優質股、物業等)去做。現時供完的保險可以不變,但未來唔好投放太多資金在儲蓄類保險產品。
我先講你現時持股組合,北京首都機場股份(0694)、中銀航空租賃(2588)和中海油(0883)本身都有質素的,但只屬中等,不宜持有太多,暫時唔好再加注。
另外,我地組合唔好太偏重係個別企業或者行T%,因為一個行業就算更有優勢,也有機會面對行業週期及突發風險,太集中會對你整個財富組合不利。
因此,你要建立一個平衡的投資組合,當中有不同的類別、不同的行業,這是最好的平衡風險方法。相同行業不可佔組合多於3成,而單一企業不要高過15%。
你現時有個別股票,港鐵(0066)和港交所(0388)係超過這個比重,但由於佢地好優質,所以唔需要沽出,只要暫時不要加注,讓新資金慢慢調節就可以。
但盈富(2800)係一個包含55間不同行業的股票組合,故不受15%所限。
新月供組合方面,你可以用粵海(0270),因港鐵(0066)已有一定貨。再加港交所(0388),而餘下3隻,阿里巴巴(9988)會係3隻中波動性較低,如果你想進取D,可選另外2隻。
但現時比亞迪(1211)偏貴,不宜做月供。你可以用吉利(0175)或GX中國電車(2845)代替。2845這基金的目標是追蹤Solactive中國電動車指數NTR「相關指數」表現緊密相關的投資回報。
持股中最重就係比亞迪A股(002594),以及與中國電動車產業有關的股票,中國因為能源問題,長遠一定要發展電動車,這是大方向,故此股有一定投資價值。
另外,我建議你加入一隻盈富(2800),用佢做主力,可以令你個組合平衡性高D。
你現時用於月供金額,相對你們收入比例唔算高。以你年紀,應盡力做好財富增值,盡可能將閒錢,都放在投資計劃上會較好。
現時大市只在合理區,每月儲蓄宜先用一半去做月供。餘下一半和20萬就等大跌市機會,才入市。
4) 我地唔好成個組合,只集中係1,2隻股票身上。(當然,盈富除外。)
最重要是建立一個長期的「財富組合」,要優質,要平衡,要適合你的年齡與風險承受程度,新舊經濟各類股都要有。
同一行業不能太多,同一股不能太多。要平衡,建立後長期持有,不是買賣賺差價,而是成為你財富組合一部分。
------------------------------------------------
Q21392:
老師,我今年32歲,有兩個小朋友,家庭每月收入30K,持有下列股份。
想問個倉比例合唔合適?有無邊隻唔應該再等?要唔要減持?
如果想睇你啲書,你推薦先睇邊本?
多謝!
9988阿里巴巴248 @300
9618京東集團327 @200
3888金山軟件60 @1000
0285比亞迪電子52.6 @1000
0327百富環球8.2 @4000
0880澳博控股9.8 @5000
3988中國銀行2.9 @120000
0914海螺水泥50 @2000
1530三生制藥7.55 @5000
龔成老師︰
我地係創建一個財富組合時,最重要係有優質,要平衡,要適合你的年齡與風險承受程度,新舊經濟各類股都要有。
同一行業不能太多,同一股不能太多。要平衡,建立後長期持有,不是買賣賺差價,而是成為你財富組合一部分。
現時你持股中,三生製藥(1530)和百富環球(0327)質素算係中等,不宜持有太多。
安徽海螺(0914)佔組合比例開始多,不宜再加注。
另外,我地個組合唔係可太偏重於個別行業或企業,相同行業不可佔組合多於3成,而單一企業不要高過15%。
你現時中行(3988)明顯係佔比過重,而且此股主要用來收下息,唔會有太高增長力。以你32歲計﹐此股太保守,你應先做好增值部份。
因此,你可以慢慢將此股,換碼至其他較有增長力的優質股。
其餘股票都有質素,長線持有就可以。
以下是我的12本書:
《80後百萬富翁》(第9版)
《80後2百萬富翁》(第4版)
《80後3百萬富翁》(第2版)
《財務自由行》(第7版)
《大富翁致富藍圖》(第5版)
《50優質潛力股》(第4版)
《50穩健收息股》(第3版)
《50值博倍升股》(第3版)
《股票勝經》(第3版)
《選股勝經》(第2版)
《年報勝經》(第2版)
《5年買樓4部曲》(第2版)
你可首先睇:
《80後百萬富翁》
《股票勝經》
《財務自由行》
之後再睇其他。
------------------------------------------------
Q21393:
龔Sir,我啲股票比較高位買入,家陣坐晒艇,想你幫忙睇睇
9988,均價285
1810,均價29.27
1833,均價116.7
1024,1手價291(250入見穿左240即斬,導致均價升到呢個位)
除左快手之前想短炒(但依家都變長揸),其他一直都打算長揸或再加注。
龔成老師︰
現時你全部股票都在虧損狀態,好明顯你投資方法上,出現左核心性的問題。
首先,記住我地投資係長線持有優質股,而唔係做短炒,去賺差價。
見你不少股票都是較高位買入,相信你較易受市場氣氛影響,同時你由於未有企業估值能力,因此在貴的價位買位。
這些股票雖然帳面值係虧損,但有質素,你可以守。但若個別股票,係佔組合比重好多,就要沽出部份去平衡風險。
建議你在再投資前,先學好正確的財富增值理念,和投資相關知識。你可以睇我寫架"80後百萬富翁"、"財務自由行"和"股票勝經",都適合你這類初學者。
就算學好,在經驗較淺時期,我都建議你先用月供,或分注的投資策略。等你真正有企業估值能力後,先一手手買,會較好。
------------------------------------------------
Q21394:
龔sir 我而家20歲 Year2
兩年前喺Facebook見到你,努力儲咗兩年錢,今年開始Value Investing。
目前持倉
$70.45 一手領展
$44 一手港鐵
$26.5 一手2388中銀
$7.43 一手置富
$5.41 一手工商銀行
1. 想請問可唔可以比少少意見我嘅portfolio
2.同埋港鐵公佈業務去年虧蝕。現價會否太貴? 我需要換股嗎?
龔成老師︰
1) 你現時持有股票,都係值得長線持有。
但我地投資增值會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。
因此,以你現年20歲計,你組合持股有少少保守。置富(0778)和工行(1398)主要係用來收息,增長力麻麻。你現時應先著力增值部份,故這類收息股就唔係咁適合你。現貨可持有,但不要加注了。
將來,你可以加入一些潛力股,去提升組合增長力。例如中生(1177)、福壽園(1448)、小米(1810)、安碩恒生科技(3067)、港交所(0388)、阿里(9988)、騰訊(0700)、GX中國電車基金(2845)。
但由於潛力股有一定波動性,你投資經驗較淺,暫時不宜持有太多,大約3成好了。到你累積到較多經驗,才慢慢將比重提升至5成。
同時,現時大市只在合理區,資金唔好盡用。最好留有部份,等大跌市出現時,可以用來掃貨。
2) 我地去分析一間企業時,要用「長線」質素和發展去考量,唔係只係集中係1,2年數字。
上年由於疫情關係,對不少企業都造成嚴重的負面影響,港鐵(0066)也不能幸免。
但上年度佢虧損的主要原因,係因為物業重估數字,這只是一個會計上的數字。如果扣除這個因素,其實佢在營運上,是有錢賺的。
但睇翻佢長線,有質素。佢是全港唯一的鐵路營運商,加上政府會比佢地產方面的優勢。長遠正面。
雖然近年有不利因素,影響了中短期盈利,雖然會扣分,但最核心的本質不變。
睇翻資料,港鐵過往正常年份,一年可以賺$160億,就算扣除物業重估,都有過百億,當中包括了鐵路經營部分,以及物業的發展、物業的租金收入。基本上,每年都過百億的。
物業發展部分,長線正面,收租部分,無問題。
因此,長遠發展仍是正面的,可長線持有。現價大約在合理區中上部,未算貴。但由於你有貨係手,如果想加注,要等佢回多1成以上,才出手會較好。
------------------------------------------------
Q21395:
老師你好, 因為不經意 在facebook 發現你, follow你 一段時間也有購買你的書籍, 對我不善理財的人, 實在獲益不少!
因為最近工作 非常艱苦 應該很快失業, 我先生已經因為身體問題,去年年尾已經失業!
所以希望用手上的現金資本,向你請教適合的投資方向。
以下是我的 財務背景, 請你多多指教!
本人50歲 ,目前仍然有Part-time工作, 但因為全球因疫情影響經濟,公司業績非常差。我應該估計會在兩個月內失業, 基於經濟問題及身體狀況,應該再有工作機會。
丈夫56歲 因為身體健康問題,2020年尾被迫退休
沒有子女
目前有資產如下:
1. 4個物業(1個自住,2個放租私樓及1個工厦放租)
所有物業合共市值 HK$2300萬
4個物業合共尚欠銀行貸款 HK$750萬
租金扣除每個月銀行供款差餉管理費及物業稅 (包括自住物業在內)剩餘HK$3600.00
2. 已經投資基金 (高風險 )$80萬
每月派息HK$3600.00
3.股票
過往20年投資股票,已經很有耐性等待,持有股票回報欠佳,種種原因,輸了很多錢 !
因為近1年看 你facebook 和你的書本 所以決定賣了已經持有十多年 的股票, 希望重新再計劃好 ,才重新買股票作遠投資 。
目前手上只持有:
2638*5000
1038*1000
2800*1000
4.現金:HK$200萬
因為手上持有四個物業 ,仍然有銀行掛鉤存款,大概1.3%
即每月利息合共有HK$1500元
希望 保留100萬現金作為日常全活備用金
5. 人壽及各項醫療保險(所有共2人):HK$10,000.00
6.月供高風險基金: HK$5000*10年(2020尾開始供)
7.日常家庭支出:HK$20,000.00( 不包括保險和月供股票及基金)
8.投資目標:
希望利用手上200萬現金,投資股票,作為未來十年退休日常生活費。
若是中途此現金投資回報不夠支付10年生活開支, 五年後可以,減持基金換取現金 作生活費 或提取 保單內的 儲蓄 價值 昨日常生活費。
估計10後,我先生可以提取mpf大約有HK$150萬( 因為目前有接近100萬) ,希望盡量減慢賣物業資產的日期, 以作日後長遠生活開支。
9. 由現在至未來十年投資計劃-銀行月供基金:
月供費用HK$20000.00
目標 計劃月供股票分配組合內容:
1.2800盈富*$6000(30%)
2.2638港燈*$4000(20%)
3.1038 長江基建*$4000(20%)或1113長實, 請提供意見 二選一 ,那一隻較可取?
4.3140 領航標普500*$3000(15%)
4.3067 安碩科技*$3000(15%)
計劃年期: 3-5年(最少36月=HK$720,000.00)
拜託你提供意見,直接評價,我們目前的財務組合 是否恰當作為長遠退休計劃安排?
感謝你經常分享你的經驗和意見
期待你的回覆
龔成老師︰
以你和你先生的情況,由於未來就業收入不確定性較高,加上你們都較接近退休之齡,投資策略唔可以太進取。
你現時物業算係有正現金流,可持有。但考慮到若不幸有部份物業不能出租,會出現額外開支。
另外,你在整個財富組合中,太過集中物業類資產,因此在之後的財富配置,不要再增加物業類的比例,而之後亦未必適合投資太多地產相關類的股票。
係你成個財富配置上面,我地會保守少少。你係投資前,先儲下一筆最少等同半年開支的應急錢,會較理想。
而所講的高風險基金,雖然以派息率計,尚算可以。但你要了解這部份回報是否保證,而當中又有什麼風險,背後是投資什麼股票、債券或工具,你要了解清楚。
例如債券,佢是否投資的都是A級債券。唔好投資一些高收益債券,其實這些是一些評級不高的垃圾債券,風險不少。
至於現有持股可以,但佔整個財富組合比重太少。現時太偏重左係物業類,未來你要加大翻股票部份,令成個組合健康。
月供組合方面,盈富(2800)和港燈(2638)係可以,而長建(1038)和長實(1113),我會建議你用1038,佢主要係投資一些公用事業,相對較穏陣,而且派息都理想。
而領航標普(3140)和安碩科技(3067)就波動性較高,以你現時情況,我唔係太建議你用。同時3140將會退市。
你可以在以下的「平穩增值股」+「收息股」去選擇。「平穩增值股」有平穏增長力,加若干股息。而「收息股」則主要係收息,無乜增長力,但波動性較低,會較穏陣。
但緊記,隨著年齡增加,慢慢要增加收息股的比例,去減少波動性風險。
平穩增值股,例如盈富(2800)、金沙(1928)、長建(1038)、中銀(2388)、港鐵(0066)、恆基(0012)、平安(2318)。
同時,可以建立一個收息股的組合,目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)。收息基金(3110),都可以。
另外,有些更有超過8%的高息股,但股價就略有風險,你可以小注考慮,例如佐丹奴國際(0709)、中石化(0386)、互太紡織(1382)等(記住,股價略波動,不能太過大注)。
現時大市只在合理區,資金唔好盡用。最好留有部份,等大跌市出現時,可以用來掃貨。
若然你在月供中途不幸失業,可以先停一停月供都無問題。所有投資的大前題,都係用閒錢。如果資金係用於日常生活或一些短期的必需性開支,就不要動用。要先確保好基本生活,才可以進一步做財富增值。
------------------------------------------------
Q21396:
龔成老師,本人27歲,文職工作,月入約$17000,現在想讀兼讀制大學(外國大學提供的課程,讀商業和英文的範疇,但在香港讀,有資歷架構QFlevel5,今年9月開學,學費共$12萬,讀兩年)
本人現持六萬現金,諗住半工讀。想讀大學的主要原因是增值自己英文的程度,同埋希望有張沙紙多點自信有多點保障。
但又擔心冇咩錢投資,因為要交學費同埋應該會少時間學投資(本人初學,只投資過債券),加上,27歲才開始讀又好似好遲又唔知讀唔讀得黎。
好迷惘,想請教老師意見,會否覺得我應該全副心機集中儲錢同學習財務知識/還是覺得值得一試去讀?先讀一個學期試下?
大學學歷是否很重要?
謝謝!
龔成老師︰
其實學習係無分年紀,但最重要係,這個學習所得到的,是否對你長線發展,係有實際的正面影響。
例如你現時工作的行業,要升職加薪係好需要一紙較高學歷的證書。或者課程當中某些知識,對你將來發展有好大幫助,你都可以考慮進修。
相反,如果你係純粹感覺有張紙會增加安全感,或者你是抱著"人有我有"心態",我就有保留。你要先認清楚,這個大學課程是實質上,還是心理上幫助你。
另外,如果想增值英文,其實有好多方法,未必一定要上課程。而學習財務知識和報課程係無衝突,你係可以2者並行。
你自已先認清個情況,再決定這些錢,是進修,還是投資。
若然投資,你應該買入一些有質素的優質股,把握在年輕時,累積一筆較理想財富。債券增長力有限,不太建議你用。
------------------------------------------------
Q21397:
你好,我是新讀者,看見板面內容後,真係增長好多股票知識。謝謝你的無施分享。
本人43歲,有2個小朋友,同丈夫供緊層樓。之前貪快,已經係0175,3800,0788虧錢離場。
現手上有貨
2138 :6000股
2333 :1000股
0788 :20000股 (1.27入)
3333 :2000股 (22.3入)
請問這個股票組合適合嗎?想放棄3333 改入1516,3988適合嗎?
或是直接入你提議嘅3067(安碩恒生科技)好?
感謝你的意見。
龔成老師︰
記住,不要用自己的買入價作為何時沽出的指標。坊間經常用買入價作為何時沽出的標指,這是極度錯誤的。
沽出是基於這股已偏貴,又或沒有前景,質素有問題,而絕非由買入價決定。
因此,若你分析該企業的前景一般,才可沽出。
你已沽出的3隻股票,除了保利協鑫能源(3800)質素一般,其餘吉利(0175)和中國鐵塔(0788)都係有質素,你係應該長線持有。
現有持股方面,香港醫思醫療集團(2138)都有質素的。不過業務中短期會有少少波動,除非你現時現金好充裕,否則我建議你沽出部份,去平衡一下你的風險。
至於,中國恒大(3333)業務本身不算差,但中央有時會出打擊樓市政策,加上佢本身負債極高(這是最大問題,風險太高),相信會對佢有一定的影響。
你預佢中短期都會波動,你現時小注持有,都算勉強可以,但都要明白風險。
融創服務(1516)有質素的,主要在中國提供物業管理服務及增值服務。
財務數據唔差,生意與盈利增長快,現金流強,整體正面,這股有長線投資價值。不過,現價貴,如投資,真的小注好了。
而中行(3988)而價合理,但佢主要係用來收息,唔會有太高增長力。以你年紀,這類股票只宜小注。
安碩恒生科技(3067)都有質素,佢係追蹤包含恆生科技股指數,有投資價值。
但留意你上述股票(除了中行3988),普遍波動性風險都係較高。我地創造一個財富增值組合時,最重要係平衡性,唔可以偏些係一些波動性高股票。
以你43歲,都可以投資安碩恒生科技(3067)這類潛力股。但若果你投資經驗不多,或者較年長,比例就不宜太多。
同時組合上,應加入一些平穏增長股,並以之作為主力。這類股票波動性無咁高,但有平穏增長能,可以令組合更平衡。
平穏增長股︰盈富(2800)、金沙(1928)、恆基(0012)、平安(2318)、中銀(2388)、港鐵(0066)、煤氣(0003)、長建(1038)、粵海(0270)、領展(0823)。
------------------------------------------------
Q21398:
Hi 老師,你好,想請教你,買咗以下股票,可以比一些意見嗎?
同睇到你post 又想月供,我39歲,月糧$19,000每月可儲$2000,如果月供可揀什麼?謝謝
778
$9.09 @2000
$8.92 @3000
11
$177.9 @400
1928
$44.55 @1200
$42.5 @800
9988
$285 ,$254.4 各1@ 100
1833
$117 @100
6820
$3.78 @8000
2400
$97,$90.4,$67.8 各1手
1918
$35.95 @1000
6088
$3.18 @6000
1024
$306,$283.6 各1手
龔成老師︰
我地投資增值會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。
你39歲,應先以增值為主。你現時買股票,都質素。
但當中,融創中國(1918)業務不差,有規模、品牌、銷售網絡,但同時有一定風險。
首先,中國樓市如果逆轉會有很大打擊,另外,這股的負債超高,無事就無事,有事大件事。
因此,投資這股不是不可,因為不是完全無質素,但要明白背後的風險,自己要控制好注碼。
IT HON TENG(6088)質素中等,雖然都有投資價值,但企業不是最高質之列,因為企業的賺錢能力始終唔算好強,每件產品賺錢唔多。
同時業績有回落情況,不過,這股始終不是無質素,現貨可持有,但暫時不宜再加注。
我發現你主要問題不在於選股,而是手上不少股票的買入價跟現價都有相當距離。雖然部分可以守,但你要預起碼等一段較長時間。
其實你的情況,都是不少投資新手會犯的錯。第一、買入當炒股;第二、在市況最旺(即是最多人認為市場好景的時候)以最貴的價位買入。
其實這些問題,係可以避免。方法其實好簡單,就是投資較穩健的股票,又或是盈富基金(2800),分注買入,例如透過月供股票方式,每月買些少,會是較好的策略。
所以,你暫時最好先用月供去投資,每月可以用$1500供盈富(2800),餘下資金就儲起,等大跌市機會。
另外,你組合波動性股票係佔較多(1024, 6820, 9988, 1833, 1918),故你長遠要加入大盈富(2800)比重或加一些平穏增長股,令組合更平衡。
平穏增長股︰盈富(2800)、金沙(1928)、恆基(0012)、平安(2318)、中銀(2388)、港鐵(0066)、長建(1038)、領展(0823)、希慎(0014)、太古地產(1972)
此期間,你要努力學習投資知識,要學好如何選擇優質股,點為股票定平貴。這些技巧,對你長線投資增值,係十分有幫助。
------------------------------------------------
Q21399:
你好,請問2352,順豐怎樣看
龔成老師︰
順豐控股 (002352.SZ)為內地快遞物流綜合服務的提供商,主要提供倉儲管理、銷售預測、大數據分析和結算管理等綜合物流服務。
此股有質素,集團在內地有領先規模。在電商近年高速發展下,集團長遠發展正面。
但此股現價不平,過往佢股票波動都比較大。此股有水資價值,但現時值博率唔算高,同時要控制注碼。
------------------------------------------------
Q21400:
龔成老師,請問1088 是穩陣的收息股嗎?見今年派息over 10%, 派息比率是100%
謝謝!
龔成老師︰
中國神華(1088)佢始終有一定規模,但政策不是好支持行業,的確會對佢有影響,但已經在股價反映左。
另外,由於佢地的產品自主力較弱,因此不算好高質。
所賣出的是商品,當中沒有差異性,令佢地處於被動狀態,只能睇市場價,沒有價格自主的能力,這令佢的獨特性有限。
所以整體來講,這股不算差,但又不算非常好,唔好對股價有太大的期望。
如果是收息的,都可以。但留意佢派息會跟隨利潤,而有所變動。因此,就唔建議太大注。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
portfolio cover 在 Paulo Guinoza Youtube 的最讚貼文
今回は友人のダイアネさんが緊張しながらも素敵な歌声を聞かせてくれました。
ポルトガル語で歌っていますがメロディーだすごく良いので聞いててよかったじゃないでしょうか?
次もありますのでまた楽しみにしてください☺️
Desta vez, minha amiga Daiane esta cantando para nos com uma maravilhosa voz de cantora.
Esta cantando em português, mas a melodia é tão bonita que quero que ate o Japão ouve ela então ajuda a nossa amiga Daiane aqui !!!
Há também o próximo video de Daiane que esta em projeto, então por favor aguarde novamente para muito mais
コメント・グッドボタン・チャンネル登録よろしくお願いします!
Singer : Daiane Cateli
Instagram : https://www.instagram.com/dai_20c/
Facebook : https://www.facebook.com/daiane.cateli.7
Youtube : https://www.youtube.com/channel/UCg8LB4Iqh0TA4Myv9rx6Ohw
【CONTACT】
pgfilmbusiness@gmail.com
【Portfolio】
https://pauloguinozafilm.myportfolio.com/
【FOLLOW ME】
YouTube
https://www.youtube.com/channel/UCp91V27nkMDQr9zXSOP8edA?view_as=subscriber
Facebook
https://www.facebook.com/pauloguinoza
Instagram
https://www.instagram.com/pauloguinoza/
Twitter
https://twitter.com/pauloguinoza
note
https://note.com/pauloguinoza
【My GEAR】
-Camera-
Sony α7Ⅲ - https://amzn.to/32Tu2gC
Nikon D5600 - https://amzn.to/3jixQxK
-Lens-
-Drone-
DJI Mavic Pro - https://amzn.to/3i5W9O9
-Gimbal-
DJI Ronin SC - https://amzn.to/2FLnIPF
-Backpack-
VANGUARD ALTA FLY 55T - https://amzn.to/3dAXo78
-Mike-
RODE VideoMic Pro+ - https://amzn.to/30kxfnV
VideoMic Pro+専用ウインドシールド - https://amzn.to/3kIOC9E
HyperX QuadCast - https://amzn.to/369oOPE
-Headphones-
BOSE QuietComfort 35 wireless headphones - https://amzn.to/32UGTza
-Apple-
MacBookPro (13-inch, 2019) 8GB 2.4 GHz Intel Core i5 - https://amzn.to/304HjBc
Apple iPad Pro 64GB - https://amzn.to/2RWQH5a
HDD Lacie 5TB - https://amzn.to/2FLoE6D
-Edit-
Editing Soft Adobe Creative Cloud - https://amzn.to/32UTH8w
-Music-
Artlist https://artlist.io/Paulo-112551 (初年度2ヶ月無料延長)
#ミュージックビデオ#MV#Brasileira
#PGFilm#PGFilmaker
#映像クリエイター#宜野座パウロ
#Video creator#Paulo Guinoza
#動画編集#動画撮影#映像制作
portfolio cover 在 Laura Ribeiro Youtube 的最讚貼文
*New videos every Tuesday 7pm JST* Click the bell to get notifications!
Subscribe to my channel: http://youtube.com/lauraribeirotv
Don't forget to LIKE this video to help my algorithm, thank you!
––––––––––––––––––––––––––––––
Hey guys! This is a video of me going through my model portfolio with you guys! Including my cosmopolitan cover , h&m campain, diesel campaign, etc.
This is a continuation of my How to Model in Japan Q&A - https://www.youtube.com/watch?v=1qQF2S7VNCc&t=372s
––––––––––––––––––––––––––––––
●FOLLOW MY SOCIAL MEDIA●
▹Laura’s Instagram - http://instagram.com/lauraribeiro.x
▹Laura’s Twitter - http://twitter.com/lauraribeiro_x
––––––––––––––––––––––––––––––
●LISTEN TO MY MUSIC●
▹Spotify - https://spoti.fi/32gT32B
▹Soundcloud - https://soundcloud.com/lauraribeiro-x
––––––––––––––––––––––––––––––
Hey, I’m Laura Ribeiro. I am Brazilian-Portuguese, raised in London. I moved to Tokyo in 2014.
I work as a full-time model, and a singer-songwriter musician. My channel is based on lifestyle, beauty & fashion videos. I have always loved documenting everything, and being able to look back.
Love xox
thanks for watching, don't forget to subscribe ♡
––––––––––––––––––––––––––––––
●MUSIC IN THIS VIDEO●
––––––––––––––––––––––––––––––
Campfire by Roa https://soundcloud.com/roa_music1031
Creative Commons — Attribution 3.0 Unported — CC BY 3.0
Free Download / Stream: http://bit.ly/al-campfire
Music promoted by Audio Library https://youtu.be/lxdDvNO5aD0
––––––––––––––––––––––––––––––
Track: Discovery — JayJen & ASHUTOSH [Audio Library Release]
Music provided by Audio Library Plus
Watch: https://youtu.be/yAK3dUiv-DQ
Free Download / Stream: https://alplus.io/discovery
––––––––––––––––––––––––––––––
#TokyoVlog #Japan
I WAS COSMOPOLITAN COVER GIRL | My Model Book Portfolio | Life in Japan
portfolio cover 在 Areej Makeup Play Youtube 的精選貼文
IG: https://instagram.com/areejtaufik
Makeup Portfolio: https://instagram.com/menareejnya
Twitter: https://twitter.com/irrereejtable
*****************************************
Hi everyone!
I did a bit of shopping in July and figured you would want to see these interesting stuff! Also, I received a huge PR gift! Check out the video for reveal and first impression. Do leave comments below! Let me know if you'd like me to review any of these.
Note: I will be doing a demo video on the LM brushes. Don’t forget to hit the bell button okay!
xx
Products mentioned ( in order of appearance):
Primera Miracle Seed Essence 225ml with cotton pad 100 pcs https://shopee.com.my/product/4397277/2211002234
Paula's Choice 10% Niacinamide Booster 20ml https://shopee.com.my/product/64920654/5316551554
Tudung Bawal Cotton Voile https://shopee.com.my/product/52260397/1473487072
Silicone Soft TPU Fitbit Versa 2 Silicone Strap https://shopee.com.my/product/101625396/6535812576
Soft Silicone TPU Case For Fitbit Versa 2 Watch Shell Cover Screen Protector https://shopee.com.my/product/101625396/3536251133
Anastasia Beverly Hills Mini NORVINA® Pro Pigment Palette Vol. 3 , Purchased at the Sephora store, NOT AVAILABLE on Sephoramy
Ginzing Oil-Free Energy-Boosting Gel Moisturizer 30ml https://www.sephora.my/products/origins-ginzing-oil-free-energy-boosting-gel-moisturizer/v/30ml
Kat Von D everlasting liquid lipstick code Lolita (mini) https://www.sephora.com/product/everlasting-love-liquid-lipstick-P384954
Bimsquare Satin Silk Shawl in Moss Green https://www.bimsquare.co/products/bss-3
Bimsquare Melur Print - Dahan (Shawl) (SOLD OUT) https://www.bimsquare.co/products/melur-print-dahan-shawl
LM BEAUTY COSMETICS BRUSHES (demo video coming soon!):
1. https://www.mylmbeauty.com/products/eyessential-3-0
2. https://www.mylmbeauty.com/products/lm-eye-precision-set
3. https://www.mylmbeauty.com/products/lm-browssential-set-2pcs-eyebrow-brush-set
4. https://www.mylmbeauty.com/products/angled-buffer-gf01
5. https://www.mylmbeauty.com/products/lm-set-glow-f08
6. https://www.mylmbeauty.com/products/lm-concealer-buffer-f09
7. https://www.mylmbeauty.com/products/lm-angle-blush-contour-f07
8. https://www.mylmbeauty.com/products/lm-fluff-powder-f06
portfolio cover 在 Portfolio Covers for ARCHITECTS! InDesign Tutorial - YouTube 的推薦與評價
Download the cover templates here: https://showitbetter.co/ portfolio - cover -templates/Courses: https://showitbetter.co/courses/Resources: ... ... <看更多>
portfolio cover 在 230 Best Portfolio cover design ideas - Pinterest 的推薦與評價
May 3, 2021 - Explore Foroogh Dini's board "Portfolio cover design" on Pinterest. See more ideas about portfolio design, portfolio design layout, ... ... <看更多>
相關內容