［史上最成功嘅騙局，一樣都玩唔到落去］講嘅係鑽石。
其實有冇諗過鑽石點解咁貴？罕有？痴線啦。首先鑽石完全唔算罕有，另外一早有蘇聯石，以假亂真，你真係分到？我估你老婆都分唔到。況且而家仲有人造鑽石，基本上同「天然」一樣—除咗平好多
仲有，邊個話你知物以罕為貴？要有價值先得。燒鵝髀點解貴？唔係因為罕有，唔係因為一隻鵝得兩隻。係因為好食。一隻鵝得一個頭添，你唔見鵝頭好貴？
咁鑽石點解值錢？靚？咪話有蘇聯石有人造鑽石。罕有？講咗唔係啦。另外，發唔發現，鑽石係冇乜resell value嘅？舖頭會唔會同你收返？會嘅，原價兩三成啦。同其他嘢好唔同噃。如果真係咁值錢，做乜去咗你手上一個圈就唔值錢？你話呢？
其實就係一個世紀最出色嘅marketing，同埋壟斷。
De Beers之前一路壟斷成個市場，上中下游，近一百年，就不用講。但留意壟斷唔代表就必賺，大把國企都蝕到趴街。都仲要搵個方法昆你啲友落搭
就係史上最成功嘅行銷：A Diamond Is Forever，鑽石恒久遠一顆永流傳。話時話，中文到底邊個譯架呢？高手。
但，扯上永恒，都未足夠昆你錢。仲要將佢扯上愛情，求婚必備，咁就成功啦。因為人總要結婚，唔結婚都要呃蝦條。
你諗下，穿金戴銀，黃金作為地位象徵，點都有幾千年。但鑽石呢？你有冇見古裝片有鑽石？根本我阿爺阿麻嗰代都唔會有呢啲嘢。即使係在美國，求婚結婚訂婚要有鑽石，都係近百年嘅事。亞洲甚至係五六十年。
但，上面都講過了，即使係壟斷，都仲有個譜的。結果De Beers都頂唔住，做咗兩樣嘢。第一，自己賣埋人造鑽石。第二，減價。
都係不得不做，但亦睇到殺到埋嚟，唔到你唔引刀成一快。賣埋人造鑽石，擺明係cannibalization自己爭自己生意，仲「整cheap」自己。但Facebook啲冷氣公關識條鐵咩。照佢地咁講，你唔會見到國泰買快運，唔會見到LV買Tiffany添。
減價亦係。其實好得意，企業加價，就人人鬧，話賺到盡只為圖利。但大佬，企業有幾時唔係為圖利？唔通減價嗰時佢就唔係想賺到盡？一樣之嘛。況且，price elasticity嘛，收入=件事X單價。加價賺得多定減價賺得多，都真係未知。
全文可以睇：
https://bit.ly/34BoIg4
照舊了，未like獨角號Page記得like，盟友嚟的，獨家出嘅文。支持獨角號等於支持本人。
仲有，嚟緊嘅seminar，我做講者，都係佢地有份
----------------------------------------------------------------------------
【2020美股攻略投資講座】召集中！🇺🇸
美股作為全球最大的金融市場，吸引了不少全球巨企赴美上市，更是科技股集中地，想投資FAANG等熱門股？想了解學習投資美國股票？「2020美股攻略投資講座」為你提供投資美股投資知識及分析心得。走出香港，放眼環球，從今天開始。
講座嘉賓包括：友信證券研究部副總監 - 林嘉俊、知名證券研究策略師李聲揚、《信報》美股專欄上善若水作者姚穎謙、以及主持林海茵。
講座內容：
✅美股市場基本知識
✅市場現況及板塊推介
✅2020年美股前瞻
日期：2019年12月7日 (星期六)
時間：14:30 - 16:30
地點：觀塘觀塘道414號1亞太中心22樓 (觀塘地鐵站A2出口)
費用全免，請填妥以下表格報名，座位有限，先到先得。
▶️ https://bit.ly/37o39le
#uSMART #友信證券
