【長文慎入】每年必做，檢討＆展望。
.
👨🏫 #數學補習 ：模式已經成熟－－1對1面授/Skype補習、SKX平台online課程、YouTube免費娛樂型video，已經上曬軌道。2020年開始唔會再搞新project，完成埋之前開始咗嘅project就暫時劃上句號。我甚至準備將珍藏嘅數學課外書，全部送曬出去，請留意YouTube。放心，我會繼續教，但唔會再諗點樣由 #數學考試 去改變香港了。
.
🎥 #YouTube ：呢個平台已經越嚟越唔好玩，經歷埋政治洗禮，相信大家亦有體會。2020年開始，我會翻新返啲舊片，然後就正式丟埋佢喺一邊，唔會再搞新project，就算之後再搞，都會開過個講英文嘅Channel，轉戰國際。
.
📚 #寫書 ：2018出咗3本、2019出咗1本，2020會出多3本，全部都已經寫好曬，只待出版。暫時唔會再寫了，好多最後心聲都放曬落最後嘅《 #賭馬男人嫁得過 》裏面。就等呢7本書，成為 #賭Sir 初嚐作家滋味嘅一個系列。
.
👨👩👦👦 #家庭 ：屋企啲長輩越嚟越老，身體越嚟越弱，其實我呢幾個月的起心肝健身，唔係為咗證明畀自己知，而係想感染屋企兩老做吓運動。可惜似乎都係唔掂，仲以為自己係十八廿二，又夜瞓又唔郁，又無相關知識，淨係信埋啲三姑六婆嘅謠言，再唔係就信吹水佬 #嚴浩 嘅偏方，我完全唔知點解釋 #Progressive #Overload 嘅健體概念畀佢地知。長輩嘅健康問題，係縛喺後輩身上嘅計時炸彈，大吉利是咁講，問題隨時轉嫁落我度，唯有喺2020年搵啲社會企業幫吓手。
.
🦸♂️ #自我挑戰 ：我喺下半年已經Kickstart咗 #踩單車＆#行山 😂英文亦都進步咗好多，仲有六舊腹肌😂2020年我會學 #煮嘢食 ，繼續玩好啲 #花式足球 、#乒乓球 、 #桌球 ，同埋 #七人足球 ，仲有練返啲 #結他 ，希望2020年可以自彈自唱返首歌放上YouTube。另外，我衷心希望喺2020年學埋 #游水 －－ 唯一令我自卑嘅事😂各位如果都同我一樣，學嘢有舖癮嘅，可以聯絡我，有人互相鼓勵會再好玩啲的！
.
🎲 #賭博數學 ：同戒賭機構嘅合作越嚟越緊密，非常感激中心主任嘅賞識。2020年1月會有一連4堂 #數學戒賭 嘅課程，將會直接幫助受賭博問題困擾嘅朋友。2020年開始，我會將主力放返喺賭博數學，拯救世界嘅入口應該就喺呢度。數學補習嘅舊project埋曬尾之後，我就會開始用 #英文 撰寫《賭博數學密碼》，將會成為賭Sir三十而立打後嘅Icon。
.
世界變得好快，我嘅經歷亦都唔慢，幾年前想一直做落去做到老嘅嘢，已經唔想做了。或許世界變得快， #BeWater 真係尤其重要，人生都要 #流水 ，君子不器，先至適應到呢個世界。
progressive單車 在 Progressive bike | Facebook 的推薦與評價
PROGRESSIVE BRAND STORY 昭和25年(西元1950年) 杉村商店正式成立於東大阪市稲田新町， ... 單車樂與路part 2 - 香港電台RTHK 街道風景系列Bicycle Documentary. ... <看更多>