[絶非廣告]天地良心,寫廣告寫成咁,一定畀客或者公關黑名單。本人一般係好識撈的。
1. TLDR:星州唔炒輪,唔通炒米?正如馬克吐溫唔吐溫,唔通吐痰?山口素弘唔素弘,唔通掃黃?(呢個句式明顯抄林振強,但我已唔記得佢原文係用乜嘢例子)
==============
一週年!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1900人訂! 畀年費仲有85折,20/40年費VIP 送本人著作一本。
==============
2. 香港嘅新輪商,登登,就係我舊東家(唏一夜夫妻都百二蚊,何況我做咗年幾,拎咗好多個百二蚊),星展銀行。這不是愚人節
3. 個重點唔係 星展咁XX 都學人出輪—大把更加XX 嘅公司都出輪啦,星展喎大佬,好長時間係東南亞最大市值公司(唔肯定而家仲係咪,視乎SEA你當唔當東南亞公司),好失禮你?
4. 咁你咩Macquarie都出做輪商啦(死咗未?我對上一隻買嘅輪就係Macquarie,十幾年前嘅事),「我知Macquarie在澳洲好大」(其實都唔係,迫科CBA NAB ANZ WestPac後都未到佢,有冇話你知我係睇銀行股的?),但,we talking about 新渣坡 ok?新加坡LP(*)咁大嘅地方,600萬人,又唔似香港咁有大陸公司上市(坡國上嘅大陸公司就算鳩數啦),但股市市值好長時間係東南亞最大—大佬你印尼講緊3億人呀!(其實印尼GDP係坡國4倍,see?坡國係金融中心呀)
5. 同朋友講起呢,個重點當然唔係「星展都學人出輪」,而係「而家先出」?
6. 的確,星展當然夠資格出輪有突,樓上都講咗。反而你可以奇怪係,做乜而家先出?朋友話頭,「個個炒美股啦仲有人炒香港窩輪牛熊證?」
7. 不過朋友此言我又唔係完全同意,首先,why not both?炒美股都可以照炒港股。況且,窩輪牛熊證可以買跌嘛,咁覺得騰訊爆煲嘅,咪瞓身家put 咯(Just saying,而星展出嘅正係騰訊輪,有call有put,可以幫襯下)。
8. 況且你睇港股每日嘅輪證成交,當然仲有大把人炒輪炒牛熊證。可能因為覺得自己眼光好準,可能唔想捱夜(但,邊個話買美股要捱夜?好多人以為買股票要日日望住佢,但你見我有時瞓到四點港股收市先起身),可能係覺得美股交易費貴(其實唔貴),或者覺得升咗好多,或者覺得「唔熟美股」(你以為自己好熟港股?)。Whatever.總之,睇多次呢段第一句。
9. 而另一方面,過去十幾廿年,最大嘅轉變係:發輪已經成為commodity business.呢個亦係商業社會嘅殘忍,或者進步。最初你就「認股證認法興」,後來就「買得準里昂輪」(行家戲稱「買得準你戇卵」,後來里昂都冇埋,變咗「買得準匯里輪」),仲有遠近馳名嘅「波法比餅店」(自己google)
10. 講過了,多數係歐洲嘢。里昂法興比聯(KBC,好多人都唔知點解係K,行家俗稱Kredit Bank),歐洲公司。最初就係請晒啲巴黎第X大學嘅數學家,法國出名多數學勁人,真的。
11. 但後來,人人有得抄啦,你識請法國佬我唔識?況且後來亦都有大陸仔印度仔嘅quant,一樣識講法文(嗰時匯理個quant頭同我舊老細相熟,係個踢拖但一口流利法文嘅大陸佬),點做pricing,用乜software,點行銷,點搞講座上電視,人人都識抄。波法比甚麼,只能搵第一輪水。
12. 任你講乜都好,呢啲鬥到最後係commodity business,你唔會因為A行輪后對波大啲就幫襯(我唔會啦下,我鍾意細胸),散戶都係睇貼唔貼市,多唔多成交,睇引伸波幅(**)
13. 鬥到最後,咁鬥乜?就鬥funding cost,銀牙!呢啲就係歐洲行唔夠鬥嘅地方啦。眾所周知(你唔知嘅我話你知),波法比等等,在香港邊有deposit base?咁你出輪當然要有貨打底,錢從何來?歐洲行就只能靠問匯豐中銀之類日日借,當時我做蕉行都拆唔少出去。(有啲戇鳩仔真係以為輪商要同你對賭,錯,人地食硬你,使撚同你對賭睇好定睇淡騰訊)
14. 但星展,就係個funding cost夠低,見唔見張相寫撚住亞洲最安全銀行?信貨評級好多的說。況且,quasi 國企啦。我都話我去坡國,淡馬錫都肯見我聽我鳩up—何晶識我老鼠咩(當然我亦唔會見到佢),畀面星展之嘛
15. 你見到嘅係,之前N年好多歐洲行都收晒皮,開始少人競爭,亦都有返啲肉食,所以可能而家想入場咯。
16. 仲有一樣嘢,睇嘢不能咁狹窄啦。你出輪之餘,又掃埋正股做對沖,但你又可以出埋產品畀private bank嘛。成套咁睇的。得罪講句,你KBC啲private bank,同星展點比?我唔止淨係賣香港喎,坡國馬國仲有大把……客。
17. 以上種種,只係我猜測,冇任何內幕,冇問過任何做星展嘅人。但星展啲嘢,OK架,可以幫襯下。
18. 話時話,做quant我就冇料啦,星展搵唔搵人做廣告post?Inbox我,一場舊相好,畀個特價你,保證唔講粗口。
19. 正文講完,但,當然後記仲好睇。
=============================================
20. 首先講個好簡單嘅故事:話說我在星展嘅年代,真係有次有間PR公司搵我,叫我宣傳某銀行嘅產品,問得幾問,原來係星展。成件事好似你上Tinder Match返自己老婆咁。PR問我介唔介意,我梗係唔介意,但我話你去問下你個客aka星展介唔介意,當然成件事就冇咗下文。但,我真係覺得something is wrong,星展肯畀錢街外人,然後街外人搵我喎。
21. 不過講返,我對星展真係無仇無恨,固然佢有大公司嘅老味嘢,但亦有大公司嘅好嘢。人工高(還好啦,陣間講)福利好(廿鳩幾日假,仲有士大夫供樓,搞到我幾乎買咗太古城)。你見我同啲星展舊同事都仲有食飯(你估我好得閒?),同啲舊客都仲有傾計,星展as a company 係OK的,「我係同我舊老細唔妥之嘛」
22. 遲下再寫個故事,但聽啲小朋友見工,話HR「壓佢價」,come on,C朗都減人工啦,supply and demand,老細當然係壓價,兩萬八請到嘅人點解要畀三萬?正如你想叫高人工,甚至有人吹大上一份工嘅人工(我從來唔會),咪又係昆鳩人賺到盡。哦,唔同,人地係仆街資本主義巨獸—咁你就米撚去做啦。
23. 我想講,我去星展嗰時,我開嘅人工,佢冇壓價之餘,仲加多咗啲畀我。「多五百都係多丫」(唔止五百嘅)。呢啲先係做大事嘛。其實我請人都係咁,一般你叫幾多我再畀高你,「又唔係我啲錢」。
24. 當然,入到去我冇加過人工,就係後話,一個仙都冇,雖然都只係年半。食得鹹魚抵得渴啦,喂但你條鹹魚越食越渴喎。咁你可以話我辦事不力廢撚柴,你做星展年年都加好人工,的確好多人係咁。但我又話你知,我去第間公司都係年年加人工,即使康宏咁XX都仲有加我人工(託我老細洪福,多謝)—結論?都係八字唔夾,早走早著。
25. 真的,唔夾咪分手,唔通我仲要去「好,我要好努力,證明畀你睇係你睇錯」,仲十八廿二咩,我使撚靠你「證明」咩,我去搵過份工咪最好嘅證明。
26. 其實唔應該講,但最後我都係忍唔住講。到我當時轉去星展呢,我啲朋友就叫我delete 晒以前啲Facebook Post,我話咩回事?佢地話,「你成日話人地係「保險箱都掉撚埋你嘅亞州最安全銀行嘛」」
27. 心諗,係喎,雖然我覺得我冇「成日」講(但今日又講多次),但,即係好似啲球員轉會咁,「咁轉去利物浦就梗係delete咗之前係咁串人嘅ig post」
28. 不過還是要講,「保險箱」呢單嘢真係太經典,開埠以嚟第一次喎!威唔威?更要留意,當時(2004年尾)我剛由教書轉去做銀行(蕉行嘛),真係深深震憾我心靈。我仲記得當日係標哥睇睇下報紙,自己在個位度講,「哈,啲坡佬咁撚樣都得喎」(原文照錄),當然仲要係有女同事在場。咁留意,當時我只係返工個幾月,試用期都未過,當然唔敢回佢「點撚樣呢?」。但以佢性格,當然自己主動講畀我地知。
29. 不過呢,諗深一層,扯,人地講「亞州最安全銀行」,講個credit rating嘛,講借錢存錢畀佢好安全之嘛,nothing to do with 保險箱喎。況且,to be fair,班友個個都拎一大舊錢和解啦,幾大舊冇人知,non-disclosure 嘛,但,肯定好大舊掩口費啦。Fair enough 啦。
30. 拿,有呢段,你可以肯定唔係廣告post啦。
(*)這很經典 — https://bityl.co/8SED
(**)我成日都話,香港地呢,屯門街市師奶都識講引伸波幅,金融普及程度肯定全球首位,啲咩學者話香港人金融知識不足都戇鳩。Try me,你去紐約去倫敦街市,試下問人咩叫縮vol?
==============
一週年!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1900人訂! 畀年費仲有85折,20/40年費VIP 送本人著作一本。
==============
rating電視 在 新‧二七部隊 軍事雜談 Facebook 的最讚貼文
日經民調:74% 支持日本介入台灣海峽
日經和東京電視台的一項民意調查發現,日本絕大多數公眾支持日本政府介入台海,保障該地區的和平與穩定
自1969年以來,美日兩國首次在聲明中列入台灣問題,在媒體民意調查中,有74%的受訪者支持日本參與保障台海的穩定,而13%的受訪者表示反對
政黨方面,80%的自民黨支持者及約70%的執政聯盟支持者公開支持介入,日本介入台灣問題在反對黨支持者中也很受歡迎,有77%的人讚成
在年齡層方面,日本對參與台灣事務的支持都非常高漲,約有74%的60歲以上、80%的40至50歲受訪者,以及69%的18-39歲的受訪者均表示支持日本政府介入台海
rating電視 在 劍心日劇廣告娛樂情報 Facebook 的最佳貼文
週二收視報告:http://kenshin.hk/rating-200916
《沒錢是戀愛的開始》開播雖然不及上作《我的家政夫大叔》但已是同檔較好的成績,當然這劇有特別意義難作比較。《龍之道 雙面的復仇者》結局雖然回升,但整體還是低迷,演員陣容大升級後收視卻沒有寸進,關西電視台連敗了三年還未知劇本不濟這原因嗎?另外晨間劇《聲援》復播後持續不及停播前水平。內文送上收視數字及排名。
rating電視 在 週六首播電影快報| 電視情報讚| Timely.tv電視精靈 - Pinterest 的推薦與評價
我的狗蚪蚪(2012)Singapore__My Rating:3.1/10__Director:黃世勇. DO Lin. 68 followers. More information ... 週六首播電影快報| 電視情報讚| Timely.tv電視精靈 ... ... <看更多>
rating電視 在 Rating TV - 首頁 的推薦與評價
El verdadero Rating de la televisión Peruana y noticias mundiales. 198人說這讚. 205人在追蹤. http://Ratingtv.com/ · 電視網 ... ... <看更多>