［除凈雷］十厘息都嚟緊，你拎到的話。但匯控除咗凈喎，點算？
1.快手畀個update 你。係喎，有啲友公司都未返到，或者仲係同人吹緊水，埃汾已經食埋早餐食埋篇二千字文再寫第二篇。有能力的人不早返嘛，梗係我冇能力。
2.講返，都不止一個人問過個問題，就係：除咗凈喎（應該係），咁點算？
3.答案係，冇架，冇乜點算。「除凈」呢樣東西本身就好artificial，太技術，有機會深入講，但其實根本唔除凈都得的，只係交易所費事混亂嘅一種安排。唔想有啲人盲中中（咁事實真係會），買嗰時都唔知en唔en title，唔知係ex dividend 定 cum dividend （＊）。極端啲，我一次派廿蚊特別息，但你冇睇住邊日除凈嘅，買賣都幾混亂下
4.咁，除咗凈會點？答案係，冇乜點，貴客自理。以前都試過，我記得以前試過有啲除權定分拆舊大嘢出嚟派，最後撻Q嘅，冇架，貴客自理
5.又，我見唔少人屌匯控，就真係冤枉。搞清楚，唔係公司唔想派息！係英國政府唔畀你派！
6.當然呢期英國興講「下好大盤棋」（＊＊），你鍾意嘅亦可以話匯控順手推舟推個波落英國政府度。但我相信就唔係的。而都講過匯控應該係力爭過，講真唔派息對管理層都冇乜好處。但明顯政府大石壓死蟹，「我知你冇拎我錢我知你派到，但要一視同仁嘛，委屈你了。國家會記得你的」
7.所以，真係要講，聽日滿街口水講咩匯控經營不善（有冇發現屌人經營不善嗰啲自己就最窮？）時，我就話你知呢啲係另類嘅moral hazard（至撚憎人譯道德風險，道乜撚德？畀我就寫M. 夏薩特算，反正都係誤導）
8.有何moral hazard？就係鼓勵銀行搞到大大鑊等國家救咯！喂，我自食其力你都唔畀我派息喎，咁使乜咁辛苦？學RBS咁玩到大一大然後等打救咯
9.所以你睇英國幾咁多笑料，先有herd immunity首相中埋招，後有國家管晒銀行派息。鍾意嘅真係移民過去，好過留在香港呢啲Failed State。不過我見個個都係英國仆返香港喎，十分惹笑。正如人人話「大灣區咁好你唔搬上去？」，我就問，「英國咁好做乜返嚟？」
10.BTW，其實停派息唔係咩世界末日。蘋果N咁多年都唔派息添。你冇咗一年兩年息，或者推遲一年，咪睇下成個discounted cash flow點，但總唔會爭咗幾成。
11.關於「派息vs不派息」，蔡東豪寫過（我早排問返公司小友，居然係聽都冇聽過此人，陰功）。M&M都寫過，唔係朱古力，係Modigliani-Miller theorem 。係扮晒嘢架啦，但即係醫生講學名咁，你冇聽過嘅，咪即係唔係行家咯。我就話派息等於上床，係「singalling」。有機會詳解
12.你係行家都冇聽過？咁證明你公司待你不薄。呢啲真係corporate finance 101了。唔識Modigliani-Miller theorem真係唔好話人知你出嚟行，正如冇食過天香樓都唔好話人知你出嚟行。上星期我先請咗同事食（幫埃汾工作幾好的說，我自己畀錢架！唔係開公數），千鳩幾銀一位架，佢兩個而家就可以出嚟行了。
（＊）當年我打呢個字畀人話我用不雅用語，呢個世界好多人係腦撚殘的。見到cum就興奮，真正literally 五行欠屌
（＊＊）英文係乜？Play big chess？其實應該係read between the lines
