[KFC回歸香港上市]仲有我同KFC,Pizza Hut以及百事嘅恩怨情仇
1. 美國上市中資股回歸香港,一浪接一浪,唔一定要科技股 百度 網易 阿里巴巴 京東先得嘅。最新係呢隻,Yum China。
2. Yum China,可能有少數人唔知係乜東東。就係KFC同Pizza Hut.其實仲有Taco Bell (從冇食過)。仲有小肥羊都係佢嘅—小肥羊曾經在香港上市,但私有化咗。
3. 咁你話,唔係美資野咩?KFC喎。其實原本都係,Yum China獨立上市唔係好耐,係由Yum Brands分拆嚟的,2016年尾拆出嚟。原因當然係投資者要求,覺得拆出嚟先反映到價值。拆出嚟之後,股價係跑贏嘅。
4. 咁而家Yum China,講緊200億美金市值左右。Yum Brands講緊都未夠280億。喂,中國VS全世界其他喎,可見中國市場幾咁好賺。嘩,如果十三億人個個都中產,一個星期食一次KFC,真係不得了呀!(呢類呃鬼佬嘅廢話,雷曼爆煲前我都寫過唔少)。
5. Yum China 200億美金市值即係幾多?又比較下。麥當勞,講緊1400億市值。係Yum Brands 加埋Yum China 三位咁滯,單品牌咋。之前講過嗰間Chipotle,就280億市值。Wendy’s Shake Shack Jack in the box(全部都單品牌上市公司)之類就太細了。
6. 又,我好細個已經估KFC,Pizza Hut同百事係同一檔嘢。因為小埃汾係可口可樂支持支,細個係唔肯飲百事的。但KFC同 Pizza Hut就偏偏只係得百事七喜,應該係有路。正如細細個我已經發現,大家樂係用維他汽水的(!)。事實就係,Yum Brands,原本就係百事嘅快餐部門。亦即係,當年根本KFC Pizza hut係百事旗下嘅公司,當然而家已無直接關係。聽聞而家澳洲KFC Pizza Hut係可口可樂的。
7. 不過其實我到而家都唔係好知,點解吉野家係用百事七喜,應該唔係同一老細,至少香港唔係,只係因為平啲?外國吉野家呢?其實我台灣同日本都有食過,但唔係好肯定係咪百事,因為好似飲烏龍茶,同埋大個咗我已經冇咗呢種堅持唔飲百事嘅執著。呼,人大咗,放棄咗幾多堅持呢。在那些開放的路上,踏碎過多少理想。呼,我曾經餐餐都要食飯添,而家開始耐唔耐cold sandwich做午飯—唔係因為健康,係因為快,同埋冇咁易眼訓。我曾經只係鍾意東亞女仔添,呼,但而家覺得鬼妹都幾好睇。
8. 講返,應該好多人知,KFC在中國做得好成功,比麥當勞成功。其中一個原因亦係因為早入,應該係87年大陸已經有KFC,第一間西式快餐店—甚至係八九六四之前。麥當然就要八九六四後先有,舊文都講過,蘇聯麥當勞仲早過中國(https://bit.ly/2V9LNUP)。KFC在大陸成功之道,除咗入得早外,都好多人知,就係十分「在地」。有粥食,有涼茶飲,仲有其他古靈精怪嘢,可以問下常返大陸嘅版友。
9. 另外有個講法話,麥當勞呢啲係外來嘢,但炸雞本身都係中國人有嘅嘢云云。我係有啲懷疑嘅。「肉夾饃計唔計先?」。另外,就算個講法成立,都係任你講。如果係麥當勞跑出,你一樣可以話麥當勞係藍海,唔使同成堆中國炸雞爭。所以呢啲企管嘢都係任你鳩up,吹下水可以,但唔好當自然鐵律咁。我都係比較相信係因為早入,同埋在地。
10. 仲有幾樣嘢我想講。首先,本人並不算特別鍾意食KFC,但其實埃汾個人Facebook有個玩意,叫做KFC全球試爆。就真係食咗幾十個國家嘅KFC。比較出位嘅可能係柬埔寨同越南KFC,另外我在京都都係有食嘅,「一場嚟到古都食啲特色嘢」(唔通食古都光咩)。舊年生日我就在暹粒叫雞(炸嗰啲)。2017年平安夜就在鹿兒島食KFC!啲日本人真係當聖誕餐的!
11. 但,信我,除非你食嘅國家多過我。本人權威地講,最難食嘅,必然係香港,沒有其他。絶非偏見,有機會做個blind test,呢樣嘢甚至係發生在我仲係幾鍾意香港嗰時。另外,for some unknown reason,韓國KFC同台灣都係比較唔掂嘅。大陸嘅反而算中間水平。
12. 而仲有,得罪人我都要講。香港KFC啲員工,真係廢撚到一個點。咁你梗係屌,收你好高人工咩,你去做丫笨(而埃汾就真係做過麥當勞,拿呢啲到九十歲都仲講呀)。但我當然唔係同咩米芝蓮三星啲女比,我就蘋果對蘋果,同麥當勞之類比。KFC啲員工,真係唔知做乜撚的。永遠我未撚講完就同我講多謝幾錢,同佢講加多個葡撻又即時當你講完,漏單之類更係常見。啲員工各自各吹水亦都固然。係呀我知,拎你雞碎咁多人工比條命你好味嘛,咁我肯撚定大陸台灣日本嗰啲好撚高人工的。所以真係唔好問點解日本人得香港人唔得。(又,在日本有返元祖味道嘅鬆餅的說,好似仲有吉士布甸朱古力布甸)
13. 呀仲有一鑊,我叫外賣,個KFC外賣仔,居然走去調戲埃汾太。自此我就唔再叫KFC外賣,改為叫埃汾太落街買—係喎,寧願佢在舖頭畀人調戲,眼不見為乾凈(講笑,其實根本冇叫過佢買外賣,原因係我唔鍾意外賣,嗰次應該某啲特別原因)。
14. 至於Pizza Hut啦喎,其實係童年回憶。埃汾屯門置樂附近某中學讀書(得嗰兩間),細個呢,如果午餐去椰林閣呢,就好高級架啦(呢間嘢居然未死,仲一度傳上市,可見香港地做生意幾咁好)。去到Pizza Hut?喂,好撚大件事架,真係溝女先去。而我冇女溝。正如我話,我大學年代,溝女去百人一朱(原諒我對百人一朱十分執著)。但我啲名校同學?屌,中學已經去百人一朱,大學去有馬去友和去水車屋。真係階級分野。
15. 但亦都好肯定,當年嘅Pizza Hut,並未變到而家咁劣食嘅。我都幾肯定唔只係細個回憶美化,或者嗰時見識少。即係同一個忌廉磨菇雞湯,你可以比較下當年嘅濃度,同埋雞仲有菇嘅數目。都唔好講價錢。
16. 至於小肥羊云云,香港都有食過(你老味嗰時旺角店排鳩你個幾鐘,訂咗位都仲要等)。但我居然又係唔記得佢係唔係百事。不重要。但想講,小肥羊就真係衝出中國,打入日本(說好了的日本人崇優),開撚到去宮古島開撚到去札幌,甚至開到去美國開到緬甸。
17. 講咗一大輪,講到啲餐廳好唔掂咁。咁但,又未必。講真,快餐店啫,米芝蓮三星咩。主要係香港嘅KFC不知所謂,外國嘅,你見我去到京都都仲會食就知身體最誠實。
18. 況且,分析員第一戒:千其唔好用你自己嘅喜好去衡量個市場。你覺得狗也不屌嘅,可能大把人食。而好唔好食,同賺唔賺錢,同股票得唔得,往往冇乜關係,甚至係負相關。《食神》都有講啦。你嘅全世界最賺錢嘅,都係麥當勞,香港就大家樂。係靠呢啲流水作業機械式生產,先將啲成本壓到最低。或者好似美心咁,味將軍集團,多品牌經營—即係Yum Brands其實都係咁玩法,拎啲百事去KFC賣咁,美心就拎美心西餅啲排包去美心MX做早餐賣—是真的!我有鑊真係見佢話冇晒排包,就去隔離美心西餅買!inter segment sales 呀!
———————
版務:收費專欄已減價。支持埃汾高質文章。
一星期三篇,$175睇到6月22號,加埋過去兩個幾月所有文章。
請去呢度訂:bit.ly/2wVXndj
課程編號填: CC01
報完會有email通知,繳費後有Login及Password
逢一三五入去 homebloggerhk.com (入到去就睇到《事先張揚》)
亦睇得返以前嘅文。一般我都係會黃昏出文嘅。
「reason login」的推薦目錄:
- 關於reason login 在 君子馬蘭頭 - Ivan Li 李聲揚 Facebook 的最佳解答
- 關於reason login 在 君子馬蘭頭 - Ivan Li 李聲揚 Facebook 的最讚貼文
- 關於reason login 在 君子馬蘭頭 - Ivan Li 李聲揚 Facebook 的最讚貼文
- 關於reason login 在 Is the New Login process any good in Reason 12.6 - YouTube 的評價
- 關於reason login 在 LOGIN newState: DISCONNECTED, reason ... 的評價
- 關於reason login 在 Age of Origins - #AoZforFun And what is your reason login... 的評價
- 關於reason login 在 An attempt to login using SQL authentication failed. Server ... 的評價
- 關於reason login 在 Login failed for user 'sa'. Reason: Failed to open the ... 的評價
reason login 在 君子馬蘭頭 - Ivan Li 李聲揚 Facebook 的最讚貼文
[空中暢遊]看見令你想要 像支歡樂波板糖(其實關唔關事?)
1. 真係only in 台灣。台北松山機場,搞咗個扮坐飛機活動。做戲做全套,出境,上埋機,再落機,入境。古語有云,A Liverpool to London return faster than Robbie Keane(http://dailym.ai/2YIGRap)。不過唔知有冇飛機餐(怕且都冇)。
2. 華航長榮任揀,制服撚佳音。華航空姐不錯的說,長榮我就唔識欣賞。抽90個,可能難過中網易?
2.5 不過台灣都幾多呢啲與民同樂嘢。之前桃園機場捷運開都有試坐(搞咗有冇廿年?),埃汾太都有玩
3. 松山機場,如果你坐過,都真係勁。本人都冇坐過(但去過)。好多人以為係國(首先我反對台獨)內線機場,但其實唔係,有國際線的,好似國際線仲多過國內線(台灣有幾多國內線呢?飛去台中乎?)。只係香港唔會飛松山。
4. 有得揀我都揀飛松山(可惜冇)。正如識飛就飛羽田(飛過),虹橋(唔係屯門),Gatwick,金浦(呢個居然都飛過)(*)。當然係因為近。我甚至連倫敦City Airport 都飛過!唔好以為國內線呀!飛去慕尼黑的(**)
5. 又,彩蛋就係,應該都好多人知,日本都有個松山(唔止,澳門都有),在四國。而四國嘅松山,都係有機場的!仲要有得飛台北。但當然唔會係松山飛松山咁神經(***),係桃園飛四國松山。但台北松山車站同JR松山站就真係有結盟有印仔(****)—「唔止,韓國都有松山站,真係人都癲」
6. 又,真係內銷轉出口,作為台灣公民配偶嘅埃汾,居然係睇鬼媒先知呢單新聞。但,信我,台灣啲新聞紙,真係睇死人的,真係拎去包狗屎。我點知?因為我嗰時日日都睇三份。除咗蘋果之外,真係包狗屎都嫌臭。臭你又奶…..睇?咁就係要了解多啲生態嘛,講過啦,唔好圍爐。
7. 呀同埋,有戲院放映表!我想講呢樣嘢極之偉大。香港報紙冇咗多年。我知,有app有網頁,但我想講,咁耐我都冇見有任何一個app或網(有你話我知),取代到當年半版戲院放映表嘅功能。Low tech low 嘢。我係真係講功能,唔係風味。例如我可以圈低幾套想睇,幾個唔同嘅plan,就已經唔易做到
8. 而埃汾當然係冇玩過空中暢遊的(空中小姐就有嘅)(好出奇?不過誰玩誰都未知)。實情我呢啲反社會人格,點會參加啲咁益智嘅活動。2000年我22歲去英國讀Master,先第一次坐飛機。咁已經係我學曉打飛機之後嘅10年。
(*)關於首爾金浦機場仲有個故事。話時有次在仁川機場,有個港仔同條港女講《逆權司機》套戲,話點運個菲林出境,幾乎在機場畀人截—即係,1980年,何來有仁川機場呢?
(**)件事仲係因為cancel 咗我班機,搞到Gatwick定Heathrow變咗 City。咁個副作用係,結果我好似兩點先去到慕尼黑酒店—但第朝八點在市效開會!德國人是CLS的。而更大鑊係,嗰次係同個鬼佬同事一齊,被迫兩條友在機場對咗幾粒鐘,可惜又冇乜計傾。
(***)其實有冇呢啲例子?兩國同一個地名互飛?例如英國曼徹斯特飛美國曼徹斯特(Manchester by the Sea嘛)咁?
(****)如果冇記錯,For some reason,四國JR松山站,個站牌係寫「松山驛」唔係「松山駅」,相當少見。
———————
版務:收費專欄已減價。支持埃汾高質文章。
一星期三篇,$175睇到6月22號,加埋過去兩個幾月所有文章。
請去呢度訂:bit.ly/2wVXndj
課程編號填: CC01
報完會有email通知,繳費後有Login及Password
逢一三五入去 homebloggerhk.com (入到去就睇到《事先張揚》)
亦睇得返以前嘅文。一般我都係會黃昏出文嘅。
reason login 在 君子馬蘭頭 - Ivan Li 李聲揚 Facebook 的最讚貼文
[比利時法郎都佔6%,我真是醉了]順手講埋IMF投票權,意大利多過印度。
TL:DR – 班歐洲佬食老本,搞佢幾十年先肯起身讓倍
1. 上次講美匯指數篇文,反應不錯(https://bit.ly/2AzvVDP)。
2. 咁再講多啲。正如篇文提過,而家美匯指數嘅比重,歐元58%,日圓14%,英鎊12%,加拿大9%,瑞典克郎瑞士法郎各4%左右。呢個比重係極之混帳,而且好隨意嘅。
3. 重溫一次,最初係金本位制,有幾多金就有幾多貨幣,錢不能任印。後來二戰後,歐洲日本打到爛晒,英國又元氣大傷,退下舞台,中國就褲都未有得著。美國係唯一大國,仲要最多黃金。所以二次大戰後,就行Bretton Woods system。人人對美金固定匯率,而美金就對黃金固定,冇得貶值偷雞,亦冇得亂印。
4. 呢個系統,玩咗30年不夠,就玩完。去到1973年後,就美元唔再固定黃金,其他貨幣亦都自由浮自由貶,你可以話係進入咗任印嘅年代,甚至你可以話正因為咁,呢50年間股票升,樓升,金價升。因為狂印,基本上而家都係呢種體系。所以買唔起樓嘅,知道去邊度示威啦。
5. 而美匯指數,亦係1973年後搞出嚟的東西。以前固定匯率,使鬼美匯指數?日日都一樣整嚟把托?
6. 不過呢個美匯指數,真係過期到不得了。講過啦,1973年到而家,差不多五十年,個比重同成份,只係變過一次!就係1999年,歐元面世之時。但當其時,亦只係將以前嘅西德馬克(OK,99年唔係西德啦)法國法郎等等加返埋,變成歐元。
7. 然後結果,我係搵得返1973年嗰時嘅成份:就係呢個圖。介紹返,留意西德馬克法國法郎意大利里拉荷蘭盾比利時法郎,呢五個加埋,就係57.6%—就係而家歐元嘅比重。而其他咩瑞典瑞士,亦係1973年到而家冇變到。即係1999年嗰次,都冇順手再調整,只係將五大歐洲貨幣加埋一齊。幾咁求其
8. 但如果你觀察力強嘅,應該仲會有一個問題。西班牙呢?未建國?
9. For some reason,美匯指數係冇西班牙比薩塔嘅,原始版本都冇,之後因為冇改當然亦都冇。但點解冇?
10. 歐元區四大天王,德法意西。人口最多係呢四國,經濟規模(計GDP)又係呢四國,好長期都係呢四國。但點解連咩比利時荷蘭都有,而西班牙比薩塔冇份入美匯指數?
11. 詳細原因我唔知,但我估,應該係同西班牙好遲先加入EEC(歐洲經濟共同體)有關。
12. 呢度講少少二戰後嘅歐洲歷史。二戰後,歐洲打到殘晒,美國獨大,英國亦都仲撈到啲地位。歐洲各國開始覺得,再咁你打我我打你真係冇著數,打打殺殺冇前途,不如講和。而歐洲一體化嘅推手,當然係德國法國兩大強國。呢度指嘅歐洲一體化,係和平嗰種,唔係拿破崙或俾斯麥希特拉一統江湖嗰種。亦其實,即係歐盟嘅前身。
13. 歐盟之前已經有歐洲一體化嘅組織。最早就係甚麼歐洲煤鋼共同體,歐洲原子能共同體,加埋呢個EEC。
14. 而歐洲一體化嘅先行者,除咗德法外,仲有傳統上重貿易嘅荷比盧。另外就係,聞到著數即時仆埋去嘅,意大利!估唔到。例如歐洲煤鋼共同體,就係德法荷比盧加意大利。EEC最早期六國,亦係呢六國。所以講歐洲一體化先行者,就係呢六國,雖然係冇獎嘅。而我相信因為西班牙遲入,所以1973年嘅美匯指數就冇份了.
15. 另外仲要講,你見,呢個籃子,真係只反映1973年嘅世界秩序,而家五十年都嚟緊頭。一個美匯指數,可以冇人民幣,都係幾神奇。OK你鍾意講冇民主呀唔自由兌換呀等等,隨你。但,印度呢?巴西呢?澳洲呢?墨西哥呢?韓國呢?全部唔見影。
16. 同樣嘅問題,在IMF都有出現。咪講過咯,IMF,亦係二戰後出現嘅東西,戰後嘅秩序。
17. 咁所以,在IMF,都有呢類搞笑嘅問題。例如在2010年之前,啲投票權,都仲係極之舊世界嘅秩序。西班牙嘅票多過巴西,比利時多過印度,意大利多過中國,奧地利多過韓國。而明明呢堆新興國家,經濟規模超過啲歐洲舊朋友。咁點掂?
18. 幸好,經過啲新興國家嘈一大輪,卒之改革。改完之後,而家金豬四腳嘅中印巴俄,先在頭十名入面。但日本依然多過中國,意大利依然多過印度。繼續努力。一步一步嚟,朕不給你不能搶。
19. 不過又要講下,其實呢次改革,係多得美國成全。應該話,根本係美國獨力促成。是咁的,餅就咁大,咁有人拎多,當然有人要減,歐洲佬礙於形勢比人強,自己真係唔掂,亦想R著數R貿易,唯有被迫放棄啲投票權。況且道理上,金豬四腳咁大,你仲玩比利時多過印度,亦講唔通。
20. 但,最大嘅,當然係美國。有趣嘅係,IMF任何呢啲票數嘅改革,要85%成員通過—而美國自己就渣住超過17%票。實務上即係有一票否決權,佢可以否決任何佢唔贊成嘅嘢,那怕全世界所有國家都支持。
21. 但事實上,美國係讓咗步嘅。咩原因任你估,不外乎都係著數。但最重要係,美國投票權減咗少少,但依然係超過16%,繼續保持佢嘅veto power
22. 所以呢,改革唔緊要,唔好搞到大佬就得。
———————
版務:收費專欄已減價。支持埃汾高質文章。
一星期三篇,$175睇到6月22號,加埋過去兩個幾月所有文章。
請去呢度訂:bit.ly/2wVXndj
課程編號填: CC01
報完會有email通知,繳費後有Login及Password
逢一三五入去 homebloggerhk.com (入到去就睇到《事先張揚》)
亦睇得返以前嘅文。一般我都係會黃昏出文嘅。
reason login 在 LOGIN newState: DISCONNECTED, reason ... 的推薦與評價
when I am trying to login with my mail id it's logging in and instantly disconnected Why it's happening can you please tell? ... <看更多>
reason login 在 Is the New Login process any good in Reason 12.6 - YouTube 的推薦與評價
Is the New Login process any good in Reason 12.6. 723 views · 4 months ago ...more. PoohBear's Reason Channel. 2.62K. Subscribe. ... <看更多>