關於 rent seeking例子 ，我們在網路上蒐集到這些相關的討論、資訊與評價

［誰人又借故發揮 雙春悲秋］一個時代的終結，呵欠。

TLDR：恒指60年死剩4間，直頭太多。同期道指差不多死清光。呢啲先係　創造性破壞。熊彼特呀。請支持 Patreon （https://bit.ly/31QmYj7）

1. 不如問下，到底太古係一間做乜嘢嘅公司？遲下講多啲。但，太古基本上就係一家地產公司，養住一大堆其他蝕錢嘅業務。所以除非你玩價值投資，或鬥長命，或搏重組私有化之類。否則，請買太古地產（1972）

2. 講返，太古被踢出藍籌，又嚟「一個時代的終結」云云。而我唔多明，照計你最有感情都係因航，咁因航被踢出嗰時，就已經終結咗一次啦。

3. 不過太古仲有少少唔同，首先太古係老母。真係好一個親子丼，搞完個女搞老母，仲令我諗起一個十分bad taste嘅段子，請睇附注（＊）

4. 好啦，仲有，太古有一樣唔同，老店喎，恒指開檔佢已存在，令我諗起德甲嘅漢堡足球會（冇錯，林源三嗰間）。漢堡外號「恐龍」，德甲開檔佢已存在（留意而家嘅德甲只係58年歷史，戰後產物），仲係唯一一家從未降班嘅，以前佢地主場有個鐘，數住在德甲幾多年月日時分秒—但大家知道最後恐龍絶種，漢堡2018年降咗班，個鐘去到54年261日就收咗皮。

5. 講返，唔少人都提到，太古在恒指成立時已經係成份股，1964年（同德甲差不多）。當其時其他成份股如下：

6. 聯合企業，中華電力，均益倉，城市酒店，牛奶公司，青洲英坭，香港中華煤氣，香港上海大酒店，滙豐銀行，黃埔船塢，香港電燈，香港置地，香港信託A，電話公司，電車公司，九龍倉集團，油蔴地小輪，和記企業，怡和洋行，
7. 怡和証券，九龍巴士，連卡佛A，南洋紗廠，生力啤酒，南海紗廠，天星小輪
8. 太古洋行A，會德豐A，會德豐船務A，屈臣氏

9. 應該好多大家都知係乜，唔知亦費事解。而家仲係藍籌嘅，有四間—中電，煤氣，匯豐，同埋太古（呢一刻太古仲係）。九龍倉應該唔算，而家藍籌嘅係九龍倉置業。

10. 我想講嘅係，差不多六十年，一甲子。死剩四間，根本係正常過唔正常！甚至係死剩太多。我地可以睇下美國嘅例子，張圖就係1959年嘅美國道指成份股，費事一間一間打

11. 但，呢30間道指公司，有幾多間而家仲係道指成份股？答案係：1間，正係Procter & Gamble　P&G。其他　AT&T，美鋁Alcoa，柯達，GE，GM，早已被踢走。另外右邊嘅標準石油乜乜乜，以及德士古，後來就 ExxonMobil同Chevron。前者已踢走，後者計唔計，隨你，但應該唔計。否則屈臣氏或油麻地小輪天星小輪又唔知點計。

12. 冇錯，1964年至而家，恒指成份股有4間仲保住地位，我話直頭就過多！道指由1959年到而家，得1間（計埋Chevron兩間，但應該唔計），保得住地位。

13. 咁你可以話，做乜我用1959年，計多幾年。因為之後道指去到1976年先再變動，多咗間叫做Minnesota Mining & Manufacturing嘅東西—即係，3M，而家仲係道指，所以多一間。但如果咁計，恒指都計1976，就已經有恒生同新世界。

14. 講返個核心思想：差不多60年，道指成份股差不多全部變晒，先係正常。社會係進步嘅，企業係創新嘅，改變係永恒嘅，永遠都係新公司顛覆舊公司，而唔係食老本食足一甲子。

15. 香港嗰啲呢？不幸地，就正係食老本食足一甲子。你睇嗰四間公司，基本上都係壟斷嘅，或者係rent seeking（＊＊）。中電同煤氣唔使講啦，官方容許甚至係御准嘅壟斷。匯豐？其實都係，英殖年代點會唔係？大班坐立法局當然議員添。太古？冇咁屈機，但情況都差不多。仲有當時亦係一家獨大嘅國泰。

16. 根本，以香港過去一甲子咁大嘅轉變，由英國人作主，到中途有華資勢力，到中資，環境變化比美國大好多。但反而美國道指啲成份股換晒，香港就仲有幾間可以做恐龍，當然係多得壟斷。

17. 所以，我絶對唔討厭太古（＊＊＊），但亦唔知有乜好懷念。再講一次，太古咪係地產霸權，加一大堆唔賺錢嘅雜崩冷業務咯。係咪懷念先？太古廣場以前係乜？域多利兵房嘛，當然係英資接手。咁太古坊以前係乜？糖廠嘛（太古方糖，糖廠街）。太古城呢？咪太古船塢。都係地產嘢分餅仔啫，幾時又變咗巧懷念？又話講地產霸權打殘創意，人人要創業Start Up？

（＊）昨晚在酒吧，邂逅了一位半老徐娘。雖然46歲，但她依舊風韻猶存，我們推杯換盞，打情罵俏了一會，她用迷離的眼神看著我，問我有沒有試過母女雙飛？我說沒有。我們又喝了一會酒，她說，今晚算你走運了哦。於是她領著我去她家。她進門，打開燈，對著樓上喊了一句：「媽，你還醒著嗎？」

（＊＊）rent seeking唔係收租啦，唔好咁。

（＊＊＊）寫到呢度，先醒起，本人大學一年級係住港大嘅Swire Hall．即係總唔會Swire留個位MT位畀你，會都唔到我，畀十個都未輪到我，我懷疑一百個都未到（本人second lower喎）。不過又要講，當年都有個Swire 獎學金，好似去劍橋定乜，本人因為A Level成績好，都有申請，舍監都推薦（因為本人係宿生會）。最後雖則撻Q，但舍監都真係有出過下力寫下嘢講下嘢，都唔係行貨。呢個舍監雖則畀學生覺得好摺，但畢竟冇在宿舍勒死老婆，好人一生平安。

＝＝＝＝＝＝＝＝＝＝＝＝＝＝＝＝＝＝＝＝
Ivan Patreon，港美市場評點，專題號外，每日一圖，好文推介。一個月一舊水唔使，三個月已近700人訂！仲有免費試睇：https://bit.ly/31QmYj7

＝＝＝＝＝＝＝＝＝＝＝＝＝＝＝＝＝＝＝＝
instagram @ivanliresearch．七成金融（短打）兩成嘢食一成其他嘢。

===============================
【李聲揚課程】題目:「美國大選全攻略」 影片/課程編號：CC011 費用: $400

由基本嘢講起，邊個會贏，民調準唔準，幾時有結果，冇乜時間嘅睇邊幾個洲。仲有邊個黨對股市好，侵侵連任股市又點，拜登上台又點。咩時間買。同埋最重要，買乜股。

出售平台(有埋影片簡介)：https://bityl.co/4FHC
付款及收看步驟：
1/點擊報名收看 [影片/課程編號：CC011
2/利用信用卡網上付款
3/及後有登入資料可以立即收看
查詢：whatsapp 63832145

［科技園嘅嘢］根本優質資產有價有市，使鬼科技園去低價批地益人

1. 一貫作風，導讀長過正文。明報原文在此（https://bit.ly/2Ojn0d5　數據中心有價有市 不用政府介入），反正免費。文末亦都會貼埋。

2. 上星期冇乜人留意嘅新聞（https://bit.ly/32aStpJ）。火炭工業官地拍賣。結果總額同尺價都破紀錄！咁嘅市況下喎！對上紀錄係3600蚊尺，咁今次其實原本都預會破紀錄，反正火炭啲工廈而家都有啲去到4000蚊尺。市場亦預今次去到咁水平左右—但結果，中標價係6000蚊尺！高出預期50%！

3. 仲有，中標嘅，係中移動。咁即時就估到係乜啦。總唔會中移動起樓（＊）。況且都話工業地。咁有乜生意要用咁多空間（100萬尺！）。就梗係數據中心data centre。

4. 之前都寫過data centre（https://fbook.cc/3C7I）乜東東，不再重覆。「咪server房」，不過高端啲，要求高啲，要散熱要保安要供電穩定之類，況且大科企就唔係租個房仔咁細啦。咁香港有幾間公司營運，都大家知。

5. 門檻就當然高啲（對投資者係好事），阿豬阿狗都可以炒車位，咁炒工廈炒舖門檻咪高啲，去整間酒店玩（波叔個仔）咪再高啲—但你總唔會聽到有普通人搞個data centre出嚟

6. 亦都事實係，至少國安法前（呼），香港都係有啲優勢嘅。你大陸科企，想做外國生意，唔會想放大陸。掉轉，外國科企做大陸客，都唔會想放大陸。

7. 咁你話香港地貴？就唔好咁表面。鬼唔知柬埔寨印尼地平，多多都有，但你總唔會在嗰度起個data centre．啲基建配套保安全部唔同水平，你忽然停電我咪仆街？同一道理，新加坡亦都係區內另一data centre重鎮。唔好以為地貴就冇人搶咁膚淺，根本係掉轉，個地方有吸引力，地先貴。你總唔見巴基斯坦啲地好貴。

8. 加埋呢個疫情，你就更加知上網緊要。個個又睇片又work from home 又zoom，隔離十四日如果冇網上，都真係慘過坐監（坐監都有得放風）。

9. Anyway，市場嘅嘢，冇死錯人。其實都好多大細地產商一齊入。咁中移動志在必得，或者做水魚，就佢嘅事。但真金白銀拎出嚟，勝過啲友得把口。

10. 好啦，搞笑在乜？搞笑在，香港地，個個反政府（建制嘅都話政府廢架！）。但但凡有乜事，就係話「政府應該介入」「政府應該扶持」。講到尾，就係政府應該支持本人，即係R著數。拍戲又係（睇咗《爆3俏嬌娃》未？），搞中藥又係（記唔記得「中藥港」？），物流又係。但凡乜乜港乜乜園，最後乜下場，大家心照。
11. 潮流興創科，興start up，興講tech，就又梗係「高地價阻礙創科」，就梗係「政府要扶持行業」。於是就有咗科技園之類嘅東西。

12. 本人短暫在科學園返過工，檔嘢如何，大家心照。當然有啲網友話我唔係科技人你隔行隔重山，有乜資格批評（＊＊）。但，有一樣嘢，就八重山隔重山都知。

13. 科技園其中一個「扶持」政策，就係低價批地畀人做data centre。而我唔明係冇人識搞定點。明明出面就有價有市嘅東西（中外各大電訊科技地產公司在香港都有玩），就忽然要「政府介入」。

14. 最後就簡單啦，尋租（＊＊＊），我梗係老死分租出去啦。你幾百蚊批畀我，我6000蚊分租出去，簡單之極。咁批畀咩人？外資巨企？你話呢？結果反而排擠小型本地數據中心營運商，完全冇因應資助政策扶持科技發展，只係幫非常有錢嘅科技商家圖利

15. 反市場嘅「左翼」，會話「市場失衡」，所以政府要「介入」。即係，你2008年10月講，或者2020年3月講，我可以同意。但，8間公司入標呀，邊part 失衡？你投唔到你冇錢就失衡？

16. 同樣地，大家都知萬惡嘅HKMC，你買樓做按揭保險必然識。我以前幫襯（九成按嘛），祖先開眼，而家已找清（轉咗七成），加上我去見工佢地唔請我（十幾廿年前），所以可以大力鬧。同樣道理，呢舊嘢，搞出嚟，又係有人話個「市場失衡」，有人買樓拎唔到按揭，所以要政府「介入」。哇哈哈，當年銀行員工年初一都開工，去賣樓處R人上會，銀行搶按揭爭住畀回贈。原來係有人買樓拎唔到按揭。

17. 講到尾，優質資產，有價有市，又何用科技園甚麼去介入？專心整你嘅　雪糕機　奶茶機啦。科學園食飯而家用得八達通未呀？

（＊）未咁痴線，但第時未必冇可能。做發展商呢，其實都細有細玩。主要你有人（$就請到），有啲關係，同埋最緊要，有錢。起樓？有建築公司。李嘉誠自己去落石屎咩大佬。

（＊＊）但好好笑地，我好歹返過半年科學園，但嗰啲友冇做過金融，但一樣好多意見，嘻

（＊＊＊）Rent seeking 呢樣嘢真係好奇妙。例如六四嘅導火線「官倒」亦係好好嘅例子。換著而家，如果你有特權，可以將香港20蚊嘅中國人壽H股（2628），變成40蚊嘅A股（601628）（＊＊＊＊），咁你在香港買完拎去上海賣，必然發達。「官倒」就係咁爽嘅一回事。當然其他人就唔係太爽。真的，六四最初，係反「官倒」。

（＊＊＊＊）啲股價是真的，亦都係一股H股等於一股A股。但當然而家不能咁樣直接轉。但第時呢？

--------------------------------------------------------------------------
李聲揚：數據中心有價有市 不用政府介入
文章日期：2020年7月13日

【明報專訊】上星期看到一單看似無甚特別的賣地新聞，值得和大家分享一下。說的是火炭工業官地拍賣。值得留意的，是呎價和總金額，均創歷史新高。另一看點是，中標者是中移動（0941）旗下公司。中移動也搞地產發展？當然不是如此簡單，請讓小弟解釋。

在如今經濟環境下，仍有破紀錄的價格，當然令人嘩然。是次官地，可建樓面近100萬方呎，中標價是56億元。以呎價來說，接近6000元，破盡紀錄。舊紀錄保持者是億京，當年（2018年）的粉嶺區工業用地，中標價「只是」每方呎樓面地價約3600元，總金額才7.3億元。

其實市場早已預期今次火炭呎價將會創紀錄，根據本報報道，同區工廈市價也可以去到呎價近4000元──這也是今次市場預期。結果中移動的中標價，比預期高出整整50%。

固然你可以取笑中移動做了「水魚」買貴貨，朋友也笑說中移動香港辦事人應會被訓斥。但小弟看到的是，中移動覺得有買貴，冇買錯。出價如此進取，是志在必得，千金難買心頭好，不能空手而回。今次賣地吸引了中資、港資及外資大小發展商（不再一一列出），結果中移動成功擊敗8家財團。讀者可以現象，港資大孖沙背後取笑有人做水魚，但亦有可能在想，中資每次出價均如此狠，其他公司要成功投地就不容易了。

生意門檻高 港基建有優勢
話說回頭，中移動高價搶地，意欲為何？既然是工業用地，當然不是起私人樓。但，中移動有何業務，需要近100萬方呎樓面？答案是：數據中心。

香港人比較熟悉的物業，不外乎住宅、寫字樓、商場、街舖、酒店、停車場、工廈。數據中心就是比較特殊的物業，但原理也不難理解，其實和大家公司的「Server房」，本質並無很大分別。

問題是，大型科企，總不能隨意在某商廈單位設置「Server房」。數據中心要求的配套有一定門檻：散熱要好、保安要嚴密、數據傳送速度當然要快、電力供應也要穩定。而且租用數據中心的，往往是大公司，不會只租一間房仔。所以此門生意門檻相當高，你或會聽過友人去炒商舖炒工廈，但應該絕少聽到散戶搞數據中心。

另一方面，香港在數據中心行業，享有一定優勢。很多人聽到這個講法，第一反應是，香港地價如此昂貴，怎可能有優勢？香港地貴是事實，但凡事不能只看表面價錢。試想想，外資企業或會有中國業務，但將數據中心放在內地，定會令客戶和投資者感到緊張。同一道理，中資公司若想做外國生意，數據中心也很可能選擇放在香港，以減除疑慮。不錯，很多國家地皮極平，但，配套又如何？網速基建能否及得上香港？供電穩定呢？所以，香港地價雖貴，但仍然坐享優勢。同一道理，區內另一數據中心大國，正是同樣寸金尺土的新加坡。不要以為價錢就是一切。

話說回頭，經常有人批評香港產業單一，沒有工業沒有科研云云。此話未必全對，但也有一定道理。但有趣的是，提出的人，說了「高地價窒礙科技發展」（真的？）後，下一句就是，「政府應該介入」。

政府項目 十居其九效率低下
小弟其實相當奇怪，特區政府官員的水平，有目共睹，就連政府支持者也頗有微言。說實在也不用人身攻擊官員，怎樣的制度便有怎樣的人。小弟不明白為何不少人一直說政府「廢到無倫」，但卻是衣食住行仍要「政府介入」？

這問題也不是香港獨有。政府官員不用跑數，不用和股東交代（在香港就連和選民交代也不用），但凡大搞什麼港什麼園，十居其九必然效率低下，甚至成為大白象，以及利益輸送。例如說數據中心，香港科技園也有「扶持」行業，說穿了就是用低於市價批出地皮。若是供小型科企自用還好，但最後卻演變成為集體分租潮流。

大政府主義者，往往聲稱市場「失衡」，所以政府需要「介入」。看看今次火炭工業地的拍賣，即使如此市道，仍然吸引大量公司入標，最後中標價更是去到每方呎6000元。試想想，若延續科技園的玩法，這地皮就會以廉價批出（例如每方呎1000元），然後中標者就以分租出去，這才是真正的牟取暴利。至於以何因素篩選中標者，更是大家心照。

為何要有政府？不同學派有不同答案。但相當肯定，沒有學派認為政府存在是應該與民爭利。今次事件的教訓是：優質資產是有價有市，人人爭崩頭，何用政府「介入」？

——————————————————————
收費短片第三擊，暫時斷次買。80蚊，講足半個鐘，有圖有表有筆記。
都係一周思考課題，當然唔會就咁報新聞呃錢，係講有乜啟示。

今次內容簡介，可以睇呢度（https://bit.ly/3iGuMeP），或者睇置頂post（https://fbook.cc/3BqP）。
i. 首先係講，2020年，好可能係同2009年走勢相似，會話你知點解。
ii. 仲有講我對移民嘅睇法，點解多人話移民但唔會令樓市跌。
iii. 仲有之前講過Facebook，結果爆鑊，同你分析之後又點。
iv. 最後同你回顧返第二季表現，如果錯過咗嘅之後點好。

以下係報名方法：
【最新李聲揚收費影片】題目:「回顧第二季，有咩啟示？」。
影片下方會有內容撮要，唔想睇片可以睇字
影片/課程編號：CC004
播放平台：https://homebloggerhk.com/web-class-player/
付款及收看步驟：
1/點擊報名收看 [ 影片/課程編號：CC004 ]
2/利用信用卡網上付款
3/及後有登入資料可以立即

收看
查詢：whatsapp 63832145

［人工得返四份一］昨日明報經濟版，最多人睇就係呢篇文

1. 登登登登，隆重推介呢篇文。講我搞移民台灣嘅種種。明報文，昨日出，所以我今日先貼。反正亦免費。Link在此，（https://bit.ly/3gwlZdB），最底下我都會貼全文。

2. 咁文中講過嘅不再全部重覆。但想講啲場外花絮。

3. 首先，呢篇文收視係好好嘅，昨日係明報經濟版網上第一。仲要其實我未在呢度貼出嚟的。問返朋友，佢話可能因為上一期個主角係三哥個仔（https://fbook.cc/3BgR），講兩萬蚊人工可以買樓娶老婆，一般讀者就冇乜代入感了。但我呢啲比較真實個案，素人，大家投入到。

4. 留意，其實個訪問好長，好似講咗成粒鐘，我係唔知邊啲部份會出街的（＊）。記者朋友本身我都識，當普通傾計咁，結果佢好詫異我居然成個鐘一句粗口都冇講過！話「早知拍段片出街啦」。即係原本其實怕我講到一半太興奮爆粗，雖然唔係直播，但總不能「嘟」咗佢嘛。

5. 我覺得，篇文咁好反應，除咗時機（但其實訪問係七一之前做的），主要係因為個題起得好。先頭部隊固然正，但最重要都係：忠告你，金融人或只「搵得番四分一」。呢個真係一個好好嘅bite

6. 四分一呢個概念，你見我講台灣嘅文必講。仲咁啱大約就係台幣對港紙嘅匯率。我唔止一次識得在港嘅台灣金融行家講，返台灣？人工不變，不過由港幣變台幣。

7. 真的，之前貼過我同事（其實係姐妹公司），台灣女仔，反服貿訪問（https://bit.ly/2VPlKCs），不介意公開自己收入（當然因為高就唔介意），香港就年薪百萬港紙，台灣就百萬台幣都冇。

8. 其他行業可能折讓冇咁多（你搵到的話），但金融業，真係四份一係magic number。冇法，香港就金融業發達，台灣就金融業較弱，一來一回，好係嘢。咁其他工種可能好啲，但，可能都係三份一咁上下？

9. 所以，我就認為，文中有講，香港人「係台灣返工唔係一個Option」，我真係冇乜見香港人走去打工。一係就退休金或有樓收租食過世，一係就可以在台灣做香港嘅freelance收香港客香港錢。創業嘅，就梗係香港人「三寶」：茶餐廳、燒味店、咖啡店。但，固然唔少執笠，最慘係，賺錢嘅，識個朋友間嘢賺到三四皮嘢港紙，但做到PK，朝七晚十星期一至星期七，畀你班文青嚟打卡小確幸匠人精神。咁不如返香港打工算啦。

10. 當然有啲人，我地稱之為　鄧小平粉絲，係包拗項，又會話唏我有個朋友在台灣搵幾十萬港紙個月，唏我個朋友點點點。唔拗，大家都知鄧小平係煙鏟但好長命。但我講in general，我做台資公司時，睇埋啲高層嘅人工（上市公司嘛，邊有咁多秘密），亦見到台灣同香港比，真係四份一都未必有。

11. 另外，你見有個移民開支表（好似網上版睇唔到，我在comment貼），講用咗30萬港紙—原來好多人見到話平！我想講，我已經用得多。要更平都得。原來真係好多人誤解咗，你台灣嗰600萬台幣，係開公司，唔係食咗你的。你搞掂晒護照（當然我唔會叫你一搞掂就執笠），然後公司結業，係可以拎得返大部份。

12. 點解我話我已經係用得多？首先有6皮嘢畀咗移民顧問。固然我都建議你搵，但以前真係亦有唔少人自己搞。係慳返錢的，你諗你。另外，由我地開始搞到埃汾太辭工過去到開業，都用咗啲時間。有啲人係可以好快手的。仲有，我係有租實體舖，亦有請兼職員工—就係用錢買certainty，我間公司完全四正，有實店有貨賣有請當地人，移民官冇可能質疑到我。咁有啲人唔租舖唔請人嘅，又係你諗你（但而家好似唔得了）。

13. 記者朋友仲有問到，「幾時先走」。實在有少少敏感，你想像下我老細見到會點諗？但本人都係選擇光明呂樂，照買。咪且戰且走，在香港有得撈，有份接受到嘅工咪留多陣。冇人要嘅，咪收工走人。

14. 記者朋友話，咁土生土長香港人，在香港金融圈，仲有冇得發圍？冇嘅，睇你點睇。鬼頭年代一樣係冇得你發圍，就係鬼頭執包伏，大陸佬又未玩熟，中間大約有十幾廿年，係香港土炮嘅黃金年代—「亦即係地產霸權年代」。我04年先做銀行，中資添。06年先做股票，當時已經好多中資，就睇你點走位咯。＼

15. 但，唔好有口話人冇口話自己。咁你同廿年前三十年前比，土炮當然更加暗淡。唔講政治都好，都話我舊公司啲煙腸，個個中文又好過我，英文都好過我！又勤力過我！但人工係我N份一。優勝劣敗啫，睇你點走位，老咗唔夠人爆，咪踢法經濟啲，食腦。再講白啲，四十幾歲人仲日日開個Excel砌model玩macro玩VBA咩，唔夠人鬥的。「但我識吹水」。咁睇你想做乜咯，你要好巴閉嘅，係難啲。但我又唔係要點巴閉做CEO做乜，搵餐晏仔，一年去幾次日本食幾次米芝蓮供層樓之類，總走到位。當然你唔順超人，就另一回事。

16. 另外有朋友睇咗，話我批評台灣喎。實情你見我都唔少批評台灣。例如文入話「人治」—喂咁的確係咁喎，你睇台灣移民審批，極不透明。永遠都只係傳：呢期乜乜乜專業收，呢期乜乜乜行業唔收，呢期非香港出世嘅全部落閘—但永遠唔話你知。

17. 咁當然，去人地度梗係跟人地玩法。但我亦只係實話實說，我咪跟你玩法，搵移民顧問—其實有冇諗過，呢啲咪rent seeking！（＊＊）．真喎，你全部跟制度嘅地方，邊使咁多呢啲乜乜顧問？你見啲腐敗國家（唔係講台灣），咪最多人幫你填form呀教你寫野呀咁咯

18. 況且，幾時都係身體最誠實。你見我成日話台灣，但我都係選擇會搬去住嘛。梗有好處，爭在未必係你估嘅好處。天地良心，埃汾係BNO持有人，我仲要係好多年前已經拎返再續（咁中間係有停過嘅，我在英國回港後，4年先再去旅行），夠晒忠心。但我完全冇諗過走去英國—即使，天地良心客觀睇，我在英國搵到工嘅機會，一定大過台灣—甚至計及在我台灣減一大截人工添。如果我在英國肯拎台灣咁人工，應該好易搵到。始終英國亦係金融業發達，當年出trip都見唔少黃皮膚人睇返亞洲股票　—　「但你要嘈話做唔到最大粒嗰個就隨你」

19. 最後一樣講，你見成日話台灣經濟唔好。但經濟唔好先係好！對外來人嘅好。台灣經濟好就唔得嚟畀你咁爽過去做皇帝啦下話。香港經濟夠好，但你問香港人係咪受惠到？係咪開心？

20. 當然，亦都好睇你在人生咩階段。正如你搵男女朋友就搵件刺激嘅，但搵老婆老公就唔好咁刺激。你要搏殺要上位要搵食嘅，在台灣死得，香港梗係搵錢好。但台灣就生活好。

21. 咁如何在台灣又可以生活好？就梗係，搵香港錢在台灣洗啦！就靠你地啦！收費專欄好快重出江湖！而家玩住收費短片先！

22. 最最最底有明報篇文全文。或者你開link睇又得 （https://bit.ly/3gwlZdB）。

（＊）我發現好多人以為記者會畀份稿公司／受訪人睇先出街。答案係唔會的，基本嘅行規或守則。你要指指點點嘅，就自己賣廣告或開個記者會咯。不過我在唔同公司都見有不同嘅人，用啲不同嘅濕鳩借口去叫人畀份稿佢睇咗先（例如「想確保啲嘢冇錯啫」），我都話，香港人，係從來唔尊重其他人嘅專業的。我就唔係悍衡新聞自由乜柒，但我尊重記者朋友嘅慣常做法，而唔會用香港人例牌嘅：「拿新聞嘅嘢我唔識啦，不過我覺得呢……」

（＊＊）而唔少人真係以為rent seeking就係租間屋畀人。不過咩係rent seeking都有啲深，但到見到嗰時，你就明白。呢度嘅例子，你移民要搵顧問嘅，就好大機會佢地係rent seeking嘅行業。你諗下當中幾多油水幾多勾當？

——————————————————————————————
收費短片第二擊，暫時斷次買。80蚊，講足半個鐘，有圖有表有筆記。
都係一周思考課題，當然唔會就咁報新聞呃錢，係講有乜啟示。
影片簡介：https://bit.ly/2ZILRwf　
或者睇置頂 post都得：https://fbook.cc/3BRq
講銀行加按息係咪睇淡樓市，美股有冇泡沫，奧地利發100年債券有乜啟示。
仲講樓，講埋Growth vs Value．

以下係報名方法：

【最新李聲揚收費影片】股市係咪真係太貴? 要買究竟邊隻係抵?
*影片下方會有內容撮要，唔想睇片可以睇字
影片/課程編號：CC003
播放平台：https://homebloggerhk.com/web-class-player/
付款及收看步驟：
1/點擊報名收看 [ 影片/課程編號：CC003 ]
2/利用信用卡網上付款
3/及後有登入資料可以立即收看
查詢：whatsapp 63832145

----------------------------------------------------------------------------------------

分析員李聲揚擬移台 忠告：金融人或只「搵得番四分一」

「港區國安法」由提案到實施不過一個多月，香港似乎重演80年移民潮，搬錢、撤資成為中產熱話。已「半邊身」移台的金融人李聲揚直言「細個好鍾意香港，但環境愈來愈擠迫」，故自2014年由太太做「先頭部隊」著手移民台灣，並在兩年前取得護照。不過，他忠告想移民台灣的香港人或金融人需有心理準備，因為隨時「搵到工都得番香港三分一或四分一」。

目前李聲揚暫未計劃正式動身去坐「移民監」，作為金融人，他坦言全因香港賺錢易，「係台灣返工唔係一個Option（選項）」，因為香港經濟遠比台灣好，「重災區」金融業對比更是強烈，「人工完全係天同地比」。但土生港人在香港金融圈還有機會嗎？他說，香港金融業在外資離開、中資未到時，亦曾有港人黃金時代，「但我入行時已經係好多中資，所以（最終）都係睇香港人識唔識走位」。

香港金融人「最緊要識走位」

不少人因為喜歡到台灣旅遊而決定移民台灣，但李聲揚坦言，與太太行動前卻並無到過台灣多少次。他說，下決心關鍵源於2014年台灣取消「存款移民」，即港澳人士不可再用「敘造定期存款500萬新台幣（約131.6萬港元）滿一年」為由申請長期居留，現已改為需投資移民600萬元新台幣（約151.9萬港元）開設公司，兼有經營繳稅紀錄才可申請居留權。

李聲揚有感當時移台人士有增無減，相信門檻定會逐步收緊，因此「快快手、聽完移民講座」就在2014年底決定由太太先行一步搞移台手續。他指出，相信不少港人與自己一樣，開初是「諗多過做」，因為就算在台經營香港人「三寶」茶餐廳、燒味店、咖啡店，「都係過癮，但要賺錢唔係咁易」。

他認為，移台港人除退休人士或剛入職場、薪水較低的年輕人外，與他同齡或背景的人、三十多歲已結婚生子、或在港有資產的都要考慮更多，他以自己為例，「（本來）兩公婆都返工，移民就要有其中一位辭工，所以多數係在台灣較難搵到同類工作、又或者人工較低嗰個去」。

寧願多付點成本 找移民顧問代辦
縱然台灣門檻較低，但李聲揚與太太仍決定選擇成本較高但較方便的途徑，以約6萬港元聘用移民顧問，皆因他覺得台灣「人治的特質比較高」，「其他國家移民係好似剔點心紙咁計分，但台灣就不一樣，像專才移民，就無好清楚透明話邊啲行業高分低分」，因此需要聘請移民顧問教路或提供門路。

他說，與太太到台灣投資移民時，就嘗試揣摩當局的諗法，因此不考慮經營網店，改為經移民顧問開設實體時裝店，並聘請兼職員工，「好聽係創造就業，又交稅，唔係過去爭飯食、爭工返、爭福利」，令審批更易。他又指出，移台有很多文件手續，需到不同政府部門、銀行等「敲門」，自己處理的話可能要不時親身到台灣，但移民顧問則會代辦各類事宜，因此他寧願多付一點成本，但可節省回不少時間。

談到他覺得台灣吸引的地方，「所有嘢都好抵，但正因為經濟唔好先係咁宜居」，又笑言「好得意，香港經濟係好，但香港人又係咪開心？又係咪受惠到？都真係未必。」

「（留在）香港的代價就係人工高、人多又逼，無咩人情味、樓又貴啲。」他說。

[是去是留系列之二]