［有錢，梗係拎］證監會持牌人留意
1. 話說呢，早前政府就有一大輪嘅乜乜措施之類。咁其實金融從業員都有份嘅，但我貼出嚟時都有同事質疑，因為好似新聞冇乜報。其實又唔係冇，但的確唔在當眼位，因為當時太多不同嘅東西
2. 好啦，當時宣佈（https://bit.ly/3ekBRil），首先就係B/C組經紀行（＊），每間5皮嘢，呢啲當然係公司袋。
3. 然後，持牌人呢，RO又好，普通rep又好，每人2000。好過冇。
4. 留意返，人頭計啫。即係你1,4,6,9牌都好，都係兩千。而RO亦都係一樣，唔會多一份。總之係持牌人就兩千，唔係就冇。我覺得還算公道。咁固然有啲係非持牌人咁點？咁就冇。睇下你公司會唔會在嗰5皮嘢分畀你，但most likely都唔會
5. 我就唔使幫證監或HKSI（陣間會講）或政府或乜做打手，但我覺得呢個安排都算公道。最好嘅地方就係佢直接畀個持牌人，唔係畀你公司，否則公司就梗係自己袋。
6. 咁當時最初出，已經研究，點拎呢？後來冇耐就知，係經HKSI（https://bit.ly/2ZFz9Q6），呢個到底係乜東東可以另文講。但嗰時我都估到，經HKSI就最正路。一係就逐個寄支票
7. 講咗咁耐，做乜今日講？因為今日有得申請！去啦喂，（https://bit.ly/2LS2fnw），自己去填，有錢唔拎就笨。不分黃藍We connect
8. 作為一個正常人，我當然係online做。基本上填你嘅牌照冧把，名，身份證，做個電郵確認，填驗證碼就得，然後填銀行戶口就得。唯獨一樣，佢仲會叫你影張相畀佢證明。呢步都係必要嘅。而我相信呢度明顯就係佢要人手去逐張睇，辛苦晒。但照計都係冇辦法之中嘅辦法。
9. 係古代人嘅，你可以郵寄。但以我理解都係直接入你戶口，唔會寄支票畀你咁煩。
10. 講咗咁耐，其實我覺得呢壇派錢都算做得好好睇睇。你知政府做嘢幾甩碌架啦。不過又當然要講，持牌人，其實有晒你資料啦（至少有身份證號碼同名）。同埋最重要係，持牌人先5萬個唔夠。同你派幾百萬人又唔同了
11. 點都好，有錢記住拎。而成個流程都算OK。話online申請，三個星期收到。郵寄呢，就四至六星期。還好啦。今朝最早好似有啲塞車，但之後都順了，冇搞到down 機
12. 然後，我就梗係用盡現代資本主義最偉大嘅發明，Time Value of Money，去金鐘Ruth’s Chris Stake House食咗餐勁嘅，咁就已經洗晒嗰兩千蚊。「一條友食咁多嘢？」「梗係請埋啲細架啦」「雖然佢地都有兩千」。
13. 唏，有得食梗係食咗先啦。你點知聽日唔會加價十倍？你點知聽日唔會貶值？你點知聽日唔會唔開？可能港紙聽日跌九成呢。你點肯定唔會？
14. 不過，雞蛋剔骨頭，廢事有人以為係公關稿。嘻。做乜會有”citibank＂？明明我戶口唔係花旗。我估九成係set up嗰個照copy人地段嘢（正常做法），但唔記得改返—都人之常情，但，留意返好喎。唔好影響香港金融從業員專業嘅形象（如有）嘛。
（＊）根據個交易量market share 嚟排，1-14 A組，15-65B組，打後嘅C組
------------------------------
版務：收費專欄已推出，支持埃汾高質文章。幾舊水睇三個月，一星期三篇
請去呢度訂：bit.ly/2wVXndj
課程編號填: CC01
科咗水後後有Login及Password畀你
逢一三五入去 homebloggerhk.com （見到就睇到《事先張揚》），亦睇得返以前嘅文。一般我都係會黃昏出文嘅。
