［今日寫呢啲］驚？驚都冇驚過。5%又股災？你買乜先？
呢篇就堅過石堅了，臨時號外（有唔臨時嘅號外？）。但講真，正如3月時有人叫晒救命咁，呢幾日又有人叫晒救命。我諗，WTF？美股剛剛先創新高冇耐，又股災？5%都冇呀大佬（納指就有嘅），下星期你就唔記得啦
＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝
但，有乜教訓？咪又係嗰啲（定你想年年有唔同？）。同舊年3月一樣，不過係迷你版。當然你叻到星期三晚撈底就勁（而未必做唔到的），但我根本唔使做到咁。我只需要唔好嚇到走咗，就已經夠。當然如果我有每月投資嘅，繼續做，自然撈到底。
其他教訓？寫到明啦。唔好成日睇股票，stay invested，don’t time the market，寫trade log，睇指標。係喎，列晒出嚟。但點實行當然係要你訂Patreon先知啦。正如你睇谷阿莫都唔等於睇咗套戲啦
下半部係我比較少寫嘅嘢。先講返最基本嘅問題：到底你一年期望回報幾多%先係合理？當然你可以話你巴閉，但現實美股回報有幾多，有數得計。基金經理回報有幾多，亦都見到。咁你覺得自己勁過晒呢啲人，仲要係by several sigma？祝你好運。
有咗歷史回報（送埋個Excel畀你自己玩），你咪知你大約期望應該去到幾多。但然後我都耐唔耐見啲人問（大意）：我有100萬本，「我唔貪心」（多數聽到呢句我就知唔對路），希望每個月搵到3萬蚊生活費。
固然，大家都知36%回報係搞笑。但即使佢調低到1萬蚊，都仲係有啲問題的。大佬呀，買股票嘅嘢，好似上山打獵出海打魚咁，分分鐘命都冇。你點可能預先target 「今晚我要扑低兩隻黑熊」？莫道你在扑七熊，熊亦能扑七你。隻熊一樣可以target今晚我要食兩件戰鬥原始人做晚餐。唔好笑，你玩期指 zero sum game嗰啲咪係咁。
根本，邊到你「目標」？村上春樹寫小說就可以咁，佢定死寫夠幾多頁就停。冇心情冇靈感都要寫夠，但好興奮亦唔會寫多。呢個明顯係因為佢跑馬拉松。但上山打獵唔係你控制到嘅嘢，你2008 2020嗰啲真股災，我一開波就輸一兩成，我點完成我目標回報？再買大啲？拳王泰臣話齋，every one has a plan until they get punched in the face。你踢波3分鐘就全餐 輸十二碼打少件，你仲點plan「悶到你和搏射十二碼」？
反而十分之戲劇嘅嗰啲，「我要四十歲有XXX萬」，係冇咁離地（當然你唔好38歲先講）。你計自己收入增長，計長期投資回報，都仲有個譜
當然更好嘅，係我早兩日都有講。你咪計下你自己啲回報，同個大市，相差幾多咯。要誠實喎，同埋成副身家計喎，記住你有100萬身家拎咗5萬買股票回報一個開，你投資回報係10%，唔係100%
咁如果係跑輸大市好多嗰啲，不可恥，最緊要面對現實，咁你不如買指數基金算啦。又或者幫襯勞蘇基金（未死的，有望今年開張，Patreon有詳情，FB置頂Post都有）。即是我本人嘅倉，唔敢話長期跑贏大市（視乎點計）—但，至少肯定今次冇高位跌到超過10%。（Roughly Speaking，即係跑贏恒指國指科指納指，但可能跑輸道指標指咯）
＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝
sigma excel 在 [算表] Sigma加總符號插入- 看板Office - 批踢踢實業坊 的推薦與評價
軟體: EXCEL
版本:2007 2010
公司換電腦後，找不到原先常常使用的SIGMA符號(非使用方程式編輯器)
麻煩知道得大大告知一下，使用插入符號 要換到哪一種字型會比較快找到(工作上急需)
--
※ 發信站: 批踢踢實業坊(ptt.cc), 來自: 123.193.102.232
※ 文章網址: https://www.ptt.cc/bbs/Office/M.1410095869.A.75D.html
... <看更多>