［多謝高生先］昨日推完分層收費，其實我就去咗訓覺（當時星期日下午三點半，而我之前嗰晚冇訓，寫文寫通頂）。但臨訓前已經發現呢樣嘢，亦即係我一推就有人做超級VIP！記住，嗰個40蚊 Tier 叫做I am rich．因為得到嘅嘢同20蚊Tier 完全一樣！我寫到明，純粹係你錢多，或者好想支持我。相信高生係兩者都係。
1. 其實我同高生點識嘅呢？我都唔係好記得，但應該係香港01（01真係好東西）（＊）。佢當然專寫波，亦有其他。我就寫其他，偶然寫下波咁。之後有去佢啲節目客串下，食過下飯打過下邊爐咁。
2. 點解要貼？一來好嘢介紹畀大家，聽講高生係單身的，女讀者可以諗諗佢。好嘢嚟的。另外，亦當然叫大家都支持下佢 體嘢 SportsYeah 嘅Patreon（https://bityl.co/4GE6）．或曰，「我都唔睇波嘅！」，冇問題，「其實我都唔多睇」，播雪花都支持嘅更加係鐵粉。仲有，讀者（特別女讀者）留意，高生其實係個文青，我同佢好少講足球的。我地多數講下哲學呀，國際經濟呀，高加索局勢呀咁的。
3. 仲有，更重要係話畀大家知，係真係有人訂的！你睇高生義不容辭即時就飛出嚟訂！我出個post一陣咋，都未話佢知（其實我冇PM任何人，已經支持咗嘅唔係幾好意思再R嘅）。仲有9個位剩！除左可以話畀人知I am Rich同本人是埃汾鐵粉外，有乜好處？咪就係我會好似而家咁出篇文寫你！果然做落就知有乜著數！（如果我本身唔識你，就要多啲時間了解啦，我唔係嗰啲冇睇過場戲冇睇過本書冇去間餐廳都食文嘅人）
4.大佬，你唔係以為我會回返水畀佢，其實係買fans引其他人下話？你咁諗都唔係唔合理，但，天地良心，我真係做嘅，就搵個靚女啦！
5. Anyway，40蚊超級會員，限量10個，仲有9個剩。最大著數除咗話畀人知I am Rich同本人是埃汾鐵粉外，就係我會寫篇文感謝你。另外，20蚊嘅頂級會員，限量20個，仲有14個剩，主要係可以搵我食飯，詳情自己上去睇。但，之前一直支持我嘅12蚊特級會員（＊＊），亦係最多最好嘅。感謝一直支持
6. BTW，高生真係鐵粉一號（可惜唔係女）。實不相瞞，我Patreon嘅一號會員亦都係佢！當然好重要原因係，我係半夜睇完波出嘅，佢都未訓。
（＊）當然好多人係唔鍾意01的，我都理解。但好大程度上，冇01，我就唔會搞呢個Facebook Page。故事係我在01寫咗篇文，「好多空姐睇仲話寫得好」（是真的），然後我覺得，哎吔，嘥晒，所以開個Facebook Page放低文。即係冇01就冇呢個Page，亦冇後來嘅Patreon．然後話說回頭，最初推介我去01嗰個係我朋友廖博士（識嘅自然識），我是十分感激佢的。咁固然，我唔係話我呃飯食，佢亦因為真心覺得我啱寫先叫我去，亦都冇令佢失望，本人在01都係最多人睇嘅作者之一。固然亦因為我寫得算好又夠力，同編輯呀Roy（＊＊＊）亦都夾（順手多謝埋佢）。咁但，都要有人幫你開度門。廖博士就係開咗呢度門，係好感激的。千里馬都要伯樂，當時我都自覺寫得不錯，但Facebook Page又冇，名氣亦唔係大到有人搵上門叫你寫文嗰種。總之，冇廖博士就冇我在01寫文，冇01寫文就冇呢個Page，冇呢個Page就冇Patreon。所以佢真係少數我認為significantly 改變咗我人生嘅人。
（＊＊）你估到了，其實係點心名，特點頂點超點。另外有冇人發現Tier嘅相係步兵騎兵？
（＊＊＊）01嗰期亦令我識到好多其他勁人，除咗高生，仲有陳廣隆，「寫影評嗰個」（我諗唔到點介紹佢）。如果我冇記錯，我第一次見到高生真人，陳廣隆都一齊。佢兩位講套關於足球嘅電影，本人就……去做觀眾，呢個組合完全係夢幻共演。嗰時01真係識到啲不同作者，有機會再講多啲。可惜真係世間好物不堅牢，彩雲易散琉璃脆，歡情太斬，寫咗冇耐就收檔，冇計（＊＊＊＊）
（＊＊＊＊）高生寫波，陳廣隆寫戲，咁我呢？我嘛，我甚麼都不是，但亦甚麼都是。我曾經以為自己係刺猬，亦都想做刺猬，但結果都係狐狸。冇得勉強的。火麒麟周身癮嘛，由我第一本買嘅鹹書係《火麒麟》已經注定係咁。唔知係我選擇咗《火麒麟》，定《火麒麟》選擇咗我。實不相瞞，近一兩年我係有諗過買本返嚟寫開箱文的。
—————————————————————————————
Ivan Patreon，港美市場評點，專題號外，每日一圖，好文推介。一個月一舊水唔使，三個月已近700人訂！仲有免費試睇：https://bit.ly/31QmYj7
significantly意思 在 有效數字| Significant Figures - YouTube 的推薦與評價
IDENTITY 網站：https://project-identity.hk影片內容：00:00 - 片頭00:05 - 咩係有效數字? | what are significant figures?02:39 - 以有效數字作 ... ... <看更多>