【日記；無錢嘅嘢就咁好心機寫】尋日因為要去還有線解碼器，還掂都行到旺角道，於是直接去埋旺角購物，雖然隨路其實買咗唔少漫畫（主要係補番D缺咗期嘅一拳超人同JOJO）但貼出黎實在太毒，所以剩係講我主要行程，就係買Earphone。
本身之前響日本買咗兩對好Q平嘅入耳式，一個係SONY MDR-EX650愛黎粗戴，一個係鐵三角 ATH-CKR10 響屋企或者想「聽好D」嘅時候用。點知個MDR-EX650可能真係用得太粗，竟然唔夠半年壞Q咗，因為響日本買香港無保養，所以唯有搵機會買番個。
響香港買耳筒真係唔係好得。當你買到六七百蚊以上嘅時候，當然係希望試聽下唔同Model表現係點，但香港好多號稱耳機專門店，都只有大耳筒有得試，inear就只得某幾個Model嘅demo，唔似日本咁每一隻Model都有得你試。不過金雞12樓金聲其實經已好唔錯，因為更多地方係連試都無得試，而且店員好有心機講解（雖然齋吹參考價值有限）、就算無得比你試你想買果款，至少都會拎番差唔多價位嘅產品比你試聽。
結果發現，音響呢樣嘢有比較之下真係番唔倒轉頭。聽咗好一排CKR10，然後叫店員由推薦EX650同級嘅產品開始聽，一路聽到千幾蚊，發覺真係有好明顯分別：主要係比較複雜少少嘅音效就會拿埋一舊，然後你想較大聲D聽清楚D就爆。結果由隻德國牌子一路聽到DUNU DN-1000都係唔滿意──但又可以掉轉講，EX650點解一直我都好滿意呢？就係因為佢響我最常聽嘅兩首歌：春擬き同ユキトキ嘅表現都非常之好，只可惜呢款耳機好多地方已買唔倒，原來想買EX750，但店員話基本上已係另一構造，又無得試，所以唔敢買。
最尾一路試上去，終於試到JVC HA-FX850開始滿意：其實呢隻嘢我之前HMV試聽過，不過當時因為賣成$25XX太貴唔捨得，今次呢度話賣兩千頭就得，既然試咗兩次都咁啱心水，終於突破咗心理關口決定扑槌──但好彩查一查Price.com.hk，原來行過兩步去Bodyshop友誠樓上，幾間都只係賣$1590！然後真係充份感受到而家果D價格網站嘅威力，然後真係好對唔住D大舖，即使你幾好服務，又有得試呢試路都好，我都無理由唔走去細舖買……所以你話反競爭法打沈細舖，似乎仲未蔓延到去影音產品方面。
其實去到友誠第一間舖都係無貨，不過個店員提我，下次睇住Price.com.hk個電話打黎問有無貨就得，因為個網提嘅價錢都會即時update，唔怕黎到先有第個價，似乎呢個網對佢地吸客真係好有幫助，因此佢地亦唔敢亂咁破壞響網絡累積起黎嘅商譽。之後再去另一間細舖，發現呢個木製Headphone Series原來已出到FX1200，不過要賣成$22XX，又無得試聽究竟好幾多，所以響性價比考慮下，都係買番FX850，跟住番屋企查下資料，先知道原來FX850之前都賣到二千幾，係同ATH-CKR10差不多同級產品，不過之後因為有FX1200先壓價壓咗咁多出黎，咁我心裡面當已覺賺咗了。
結論：貴耳筒無得試真係唔敢買；買電器要善用Price.com.hk；終於有動力將陳年買嘅CD拎哂去電腦轉做MP3
sony有線入耳式耳機推薦 在 2023年15款最佳SONY耳機推薦：PTT網友熱議SONY耳機大盤點 的推薦與評價
SONY耳機推薦 1：【SONY 索尼】LinkBuds S主動式降噪真無線藍牙耳機WF-LS900N(台灣公司貨保固12+6) · SONY耳機推薦2：【SONY 索尼】WI-C100(無線入耳式藍牙耳機). ... <看更多>