［西洋鏡］仲有En passant，不過用文字有啲難解，唔解算。
一盤國際象棋，係可以有9隻黑王后的，理論上。
TLDR：本文講西洋棋四大怪雞（相對於中國象棋）棋例（唔包括基本點行之類）：王車易位，升呢，將軍，同埋En passant。En passant用文字實在有點難解，從略，只講另外三樣。至少學咗唔會出醜，唔好亂咁話人錯，唔好同人打交。
其實原本想寫另一樣嘢，但寫咗呢篇先，不喜勿鬧
1. 呢期興講西洋棋（或曰國際象棋）。我相信百份之九十九嘅人，之前都唔知咩叫The Queen's Gambit。國際城市喎。照計知咩叫炮二平五或者重炮將嘅人多好多。都係開局啫。
2. 埃汾冇Netflix（但張家輝啦，遲下會有，因為在台灣14日，寫文都寫唔到咁多）所以一集都冇睇，但棋倒係識捉下。呢篇文講棋。可能Netflix都有介紹呢啲例？但我估佢冇講廣東話。
3. 又返返去，好多時咩叫做「識踢波」「識捉棋」「識寫文」甚至「識吹蕭」，都真係睇你咩context 下用，亦睇對住咩人。斷估唔係識得用腳踢個波就叫識踢，亦唔係落過場踢就叫識（否則我都識）。咁有時我地會用啲quick and dirty嘅方法去判斷。埃汾屎棋，很屎，但應該都算「識捉棋」，但我唔算「識踢波」。
4. 例如我唔明做乜見工會有人問「你識唔識Excel？」，唔通答你唔識？但在我心目中，「識」，咁至少睇你識唔識用Pivot Table Value Look Up，你可以話「下？好基本咋喎，識寫VBA先叫識」，甚至話「邊有人用Excel？」，隨你。你亦可以話「喂我覺得識用SUMIF已經算識」（＊），隨你。我只係講我工作請新仔嘅量度。
5. 咁同樣地，咩叫「識捉西洋棋？」，咁我估，都至少你識晒啲基本規則。「即係最基本嘅擺皇后就唔使講啦」「亦都唔好問到底西洋棋有冇撓馬腳，仆街，人地鬼佬啲馬先進啲，況且嗰隻係騎士，唔係馬，雖然都係騎馬」
6. 包括你要知道王車易位Castling（其實嗰隻係Rook，或者叫城堡，但是但）。留意王車易位十分常見，八九成棋局都會用。因為十分有用，一方面將隻王縮埋一角去冷氣房指點江山，另一方面開咗隻「車」出嚟中間大殺四方。
7. 當然你應該係識埋所有Castling嘅規矩（唔好講到要郁邊隻先咁複雜啦，正式比賽有規定郁王先，然後仲要用同一隻手郁「車」，當然不能雙手齊用）。首先，兩邊嘅「車」都可以做，但只能做一邊（下面解）。另外，隻王同隻「車」都係由頭到尾未郁過嘅（亦所以每人只能用一次），中間亦不能有其他棋（不能穿牆，不論敵我），另外，你用完後，隻王當然不能被將軍（很基本吧）。呢幾個好多人都知。
8. 不過，我發現唔少人唔知仲有呢條規矩：你車王易位，隻王穿過中間嗰堆空格，全部唔可以有敵軍攻擊緊，一格都唔得。你當人地會中途截劫老笠你個王啦下。留意人地有皇后好易可以封晒你兩邊，令你做唔到Castling（附圖嘅右邊）。仲有，被將軍時，你係不能出呢招大逃脫解圍的。王走佬要郁趁早
9. 仲有一條好奇怪，看似多餘嘅rule：Castling只能kingside，或queenside。左邊或右邊．你心諗，既然兩隻嘢都要冇郁過，仲有第三種玩法？有！就係，唔打橫，不如打棟？我如果有兵仔升呢（下面會講），變多隻「車」，就在王正前面，咪符合晒以上條件！兩隻都冇郁過喎（隻兵變車後冇郁過！）！又冇嘢在中間，可唔可以vertical castling？係唔得的。呢啲東西我就真係冇見過有人做，但當然前人有玩過。
10. 但留意有啲人矯枉過正，明明得嘅情況都有人話唔得。首先，你隻王畀人將過軍，冇問題的，冇郁過就得（例如你搵人頂住中間，或者食走攻擊你隻棋）。仲有，隻「車」被攻擊時，一樣可以用Castling甩身—唔係隻王被攻擊緊就得（附圖左邊）。仲仲有，之前講過，Castling時，你隻王郁中間嗰堆格，不能被敵方攻擊中，一格都唔得，但，隻車郁嘅格就冇呢個限制，甚至郁完你隻車畀人食走都得，你肯咪得。
11. 係咪好複雜呢？係！
12. 另外，當然包括你知道十分麻煩嘅兵仔升呢，以及更麻煩嘅En passant。En passant實在不能三言兩語解，自己查維基，唔少人連有呢樣嘢都唔知。可能因為法文難讀（大約讀做安趴桑，冇T音，法蘭西文）
13. 但兵仔升呢就值得一講。亦好多人知有呢樣嘢，兵仔踩到最底可以變身，但亦有唔少誤解。
14. 首先，可唔可選擇唔升？weirdly，係唔得的，隻兵一定要變第隻嘢，佊得定律，冇得唔升。另外，當然不能變多隻王出嚟啦，雙辦事人咩，點將死？
15. 咁除咗唔變，同埋變王外，係變乜都得。基本上任何人都會叫你變皇后，因為係最勁嘅棋子，冇得傾。一般rule of thumb，「車」5分，皇后9分，一隻頂兩隻。事實亦係，97%嘅賽局，啲友都係變皇后（但，剩返嗰3%先有趣，陣間講！）
16. 但，如果我先後有兩隻兵達陣呢？可唔可以兩皇后？答案係，可以！話唔可以嘅係錯解。理論上幾多隻皇后都得，regardless of 你原本嗰隻死咗未，亦regardless of 你之前有冇其他變咗后—唯一條件當然係對手未將死（唔好笑，你變幾隻后仲唔整得死人，都唔易，人地亦可能投降）。
17. 我記得教電腦有最基本嘅8皇后問題，咁理論上，一盤棋，黑子可以有幾多隻皇后？係9隻！一隻原本，8隻升呢。
18. 咁你話，喂，冇棋喎，邊度變多隻畀你？如果正式比賽，就要停鐘，然後個主持人搵隻皇后畀你，幾多隻都有，應該一定要有8隻後備。但一般衞生玩法，咪求其搵隻棋打橫放當係，或者自己拎個銀仔落去啦。
19. 頭先講過，因為皇后最勁，97%嘅賽局啲人都係咁升。實際上唔止97%，有時啲人係玩嘢，或者係因為反正一升呢就會畀人食，所以升乜都冇所謂，求其。但，都真係有啲情況會唔升皇后，特別係啲理論殘局（實戰更加少）。
20. 最常見，唔升后，升乜？應該估到，係「馬」（騎士）。因為騎士嘅行法獨特，同皇后唔同，係唯一唔升皇后嘅理由。個別解殘局要用到。
21. 但更加神化，有冇人唔升皇后又唔升馬，將佢升做「車」（城堡）或者「象」（教士？）？感覺係咪完全唔make sense？因為后已經係「車」同「象」加埋喎。實際上，除咗玩嘢，咁做嘅動機近乎冇。但理論賽局呢？都有啲用，畀你估下有乜情況有實際需要要咁做？唔易估
22. 就扯到落去最尾嘅一樣嘢，將軍
23. 點解有后唔升，要變「車」或「象」？答案係，唔好迫到對方stalemate。有時你變咗隻后出嚟，對方會即時冇棋行（但你冇將軍），stalemate，但當和！唔係當佢輸！所以要變「車」或「象」。呢個stalemate係一個同中國象棋好唔同嘅地方！
24. Stalemate，官方叫做「欠行」（總令我諗起「五行欠打」甚至「五行欠X」）
25. Stalemate係乜？就係「冇棋」。留意「冇棋」唔同將死！「冇棋」即係我冇將你軍，但迫到你冇棋行，你再行就會畀我食咗隻將軍。捉中國象棋都知，迫到對方冇棋，自己就贏。日本將棋亦都係（都打過下機）。但，朝鮮將棋就唔係（冇玩過，但在韓國博物館有講），因為朝鮮將棋可以趴時，唔郁，踢返個波畀你，咬我丫。西洋棋呢？人地「冇棋」，當和，切記！
26. 仲有最後一樣，我都唔100%肯定，但中國象棋，還原基本步，縫拆拆縫拆拆嘅長將，當負。但西洋棋，長將當和（不過唔係自動，要提出）。
27. 講左一輪，其實依我睇，西洋棋嘅規則係真係比較複雜的。當中有好多歷史原因。所以啲友捉西洋棋好易出醜，亦都令到唔少人唔敢玩。中國象棋相對係易上手。但係咪易學難精就好難講了，反正人人都會話自己玩嘅嘢易學難精。
（＊）真人真事，舊公司（唔好講邊間）個HR同我一齊見驚跌地，真係問人識唔識用SUMIF，而個驚跌地都算係某名牌大學讀數學。我諗佢嘅表情一定係希特拉式：「仆街，我今次真係吹鳩脹。」
-------------------------------------------------
Ivan Patreon，港美市場評點，專題號外，每日一圖，好文推介。一個月一舊水唔使，三個月已近700人訂！仲有免費試睇：https://bityl.co/4RBj
-------------------------------------------------
Instagram @ivanliresearch．七成金融（短打）兩成嘢食一成其他嘢。
stalemate西洋棋 在 Re: 西洋棋中的六種和棋狀況.. - 看板chess 的推薦與評價
※ 引述《higger (朝鄉而行)》之銘言：
: 書上寫的和棋規則...
: 有看沒懂...
: 請高手解說一下...
: 謝謝~
: 有六種...
: 1.長將和
: 對方一直將軍...而你避不開
: 2.逼和
: 該你走時...你的棋都沒路可走
: (個人覺得..以上這兩種其實都該算對方勝才是...)
: 3.三次重覆局面和
: 可能大家都沒路走...才會同樣步數走到第三次
: 但好奇的是...
: 要"連續"嗎???
: 這個實際情況應該很少發生吧...
: 因為如果雙方都沒步了...第5點就能和了...
: 4.五十回合規則合
: 這個是要賽前規定好才算吧...
: 5.雙方同意和
: 只要提議...對方接受就能算和...
: 6.一方只有單王時
: 這邊完全不懂...
: 書上只寫一句話...
: "對方超時或封棋著法不合規則，判和"---一字未改
: 對方超時什麼的...當然不合規則...關一方只有單王時這個標題啥事?
: 又封棋著法不合規則...封棋著法不知什麼意思...
: 翻成"下棋的方法"好了...
: 不合規則的下...那當然是要糾正成合乎規則來下...
: 又關單王什麼事???
: 一方只剩單王時...
: 應該沒有和棋的條件吧???
不是很清楚你是在哪本書看到的
不過 wikipedia 上和我印象中的和棋是相吻合的
如下:
節錄自: https://en.wikipedia.org/wiki/Chess
Games also may end in a draw (tie). A draw
can occur in several situations, including draw
by agreement, stalemate, threefold repetition of
a position, the fifty move rule, or a draw by
impossibility of checkmate (usually because of
insufficient material to checkmate).
1. draw by agreement
雙方同意議和, 這個沒啥好說的
2. stalemate
這個是西洋棋特有的, 如果你只剩下 King, 目前
沒有被將軍 (check), 但是無論你走哪一步都會被
將軍, 那麼會因為欠行判和, 這和象棋的欠行判負
是有區別的
3. threefold repetition of a position
三次相同盤面作和 (不需連續出現). 這通常是劣
勢方棋手最後的手段, 通常是劣勢方抓到優勢方的
某個弱點, 走出優勢方不得不應的棋步, (當然也
有可能是優勢方的疏忽, 忘記這個盤面重複出現過,
讓劣勢方有機可乘) 其實這在象棋中也並不會少見,
不過象棋得要沒有連將或連抓(亞洲棋規) 甚至沒
有連殺/連打(大陸棋規) 的循環盤面才能作和.
4. the fifty move rule
這不是走到五十步算和, 而是五十步中雙方都沒有
吃子, 也都沒有小兵(pawn)向前推進, 就可以由一
方提出和局判決. 象棋似乎也有幾步未吃子判和的
規定, 不過我看過就忘了 XD
5. draw by impossibility of checkmate
當雙方子力都無法擒對方的王時, 也會產生和局,
像是西洋棋的雙馬對孤王. 大概像是象棋的例和吧!
--
有時候，遺忘，是令人快樂的。什麼時候？當然是有人傷了你的心的時候。
存心傷你的那個人，固然是故意和你過不去，但是被傷了心而耿耿於懷的你
，卻是和自己過不去了。所以，記性不好的人，通常會是比較快樂的人，也
是比較不容易被擊倒的人。
--
※ 發信站: 批踢踢實業坊(ptt.cc)
◆ From: 140.112.30.54
... <看更多>
相關內容