不丹的虎穴寺出名險要，登山來回要7 個小時左右，對於平時體能差的我，確實是一大的挑戰。
登山前一晚，我打俾男友
我：「我天日要登虎穴寺，我好驚行唔晒，或者行到一半，又累到落唔到山。」
男友：「你一邊行，一邊播住supper moment 嘅無盡，包你行山行到停唔到。」
「踏上這無盡旅途 過去飄散消散失散花火
重燃起 重燃點起鼓舞
或許到最後沒有完美句號
仍然倔強冒險一一去征討」
我：「你唔怕我行到一半，但無體力行番落嚟。我問過導遊，佢話不丹無直升機。」
男友：「我從來都無怕過。」
我困惑：「點解？我係導遊見過體能最差嘅人，佢話阿伯都行得快過我。」
男友一本正經，但咬住蘋果同我講：「因為你唔明一樣嘢，唔係你做唔到，唔係你無能力登頂，所有都只係時間問題，人地用3 個鐘登山，咁你咪用6 個鐘登山，就算比人地用多一倍的時間，你還是可以登頂。」他講完又繼續咬佢未完成的蘋果。
我：「你係咪唔關心我，你放低你個蘋果呀！」
男友：「你唔洗驚喎，你一定登到頂，你從來無令我失望過。」
那天早上六點就出發去登山，成個山都幾斜，行到身水身汗，都慘係唔夠氣，本身係3,000米高山已經有高山反應，頭痛，心跳加速，全部都有，仲要高山的空氣特別稀薄，仲要不停上斜，整個人好像累跨了一樣。
無盡，我終於體會了無盡的意思⋯⋯
我行了又行，但我連目的地都看不到。
你問我那一刻有無想過放棄？
認真一句，「沒有」
未登山時，總在想不如放棄，或是我朋友自己去登山，我係山腳飲住咖啡等佢算啦。
但當雙腳踏入山的範圍，心中只有一個好簡單的想法，快去快回，我一定可以係落雨前趕得切落山，我一定可以成功登頂。
我一上斜坡，不停喘氣，導遊話不如休息幾分鐘，我話；「我地休息幾十秒好，我地要快去快回。」
就這樣行下停下，由無盡看不到盡頭，到我慢慢看到佛寺，我終於登頂了。登頂所需的時間，是一個正常的時間，沒有延遲。
由3,000 多米海拔的高山，徒步而下，之前登山覺得辛苦，但現在卻無比輕鬆。
人生就像一個又一個的登山過程，
有時我們會懷疑自己；
有時幻想中的恐懼比真實的恐懼更大 ；
有時不想再走下去，很累，很想休息；
有時又不停的在死胡同裡輪迴著。
但答應我，走完全程好嗎？
能登頂與否，只是時間的問題，比別人用多一點的時間又如何，只要最後能到達目的地，又有什麼所謂呢？
人生跟經濟一樣，是一個循環，經濟沒有永遠走下坡的道理，去到某一個點，就是轉敗而勝的轉捩點。
人生總有高有低，總有行衰運的時候，那就讓自己的思緒沉澱一下，整頓自己再重新出發吧！
其實出路你一早就明暸，只是你沒有足夠的勇氣去面對接踵而來的挑戰。
答應我，走完全程好嗎？
你會發現另一個新的天地，新的機會，新的人事⋯⋯
Fake 文青好鍾意大自然，而去過的冰島，瑞士和新西蘭，佢地都好靚，但就算幾靚都好，但就係無不丹那種沉實，簡單的美，像仙景一樣的地方，那一刻體會到什麼叫做簡單，但很美。
圖中係我地導遊💁🏻♀️
——————————
IG: Fakemanching1607
Telegram: Https//t.me/fakemanching1607
