#NonLoveStory #story24389
[A0呢家嘢 9.0]
A0男女做過最傻的事（適用於所有男女，只係A0大機會做齊）
1．記日子
未拍過拖嘅人成日聽啲情侶講乜唔記得咩日子會點，於是就記低第一次見，第一次出街，第一次睇戲，第一次食飯，第一次鬧交……然後咩特別日你乜都記得，你會記到日日都係特別日，相見100天，第一次出街100天。其實你中意嗰個可能連同你去左睇乜食乜都唔記得。
2．記人地電話號碼
喺呢個入完人電話就唔記得人咩電話，十年都唔打一次電話俾人嘅年代，除左老豆老母自己電話仲點會記得電話號碼。點知A0男女當背人電話係樂趣，睇下自己號碼最後兩個字同中意嘅人電話號碼最後兩個字加埋有冇咩特別，最後3個字加埋係咪520咁，簡單講句，你痴左線。
3．拎人地生日日子做開鎖密碼
如果係情侶做，應該幾sweet，咁啲A0以為咁做就係浪漫，其實係單戀嘅人做，咁都咪話唔odd，講真你中意嗰個人知道左都真係唔知點面對你好。
4．銀包收埋左一張有佢嘅相或者合照／ 電話解鎖係有佢嘅相或者合照
都係一句，如果係情侶做就好正常，如果係單身嘅人做，真係唔知讚你痴情定痴線，
上，講真你中意嗰個人知道左都真係唔知點面對你好。
5．好中意去同佢一齊去過嘅地方／每次去到都係諗起或講起
可能係第一次見嘅地方，上一次／最後一次見嘅地方，可能只係一句hi/bye都夠你諗成日，然後又小鹿亂撞。之後當你唔開心嗰陣，就走去去過嘅地方諗下舊日，去過海邊／碼頭聽海哭的聲音。
6．睇星座攻略
由血型到生日日期到星座到生宵到甚至八字，你都上網睇過夾唔夾，睇啲咩XX座喜歡你的X項特徵，如何追到XX男／女嗰啲post全部睇晒，仿佛你比佢仲熟佢星座，咩最專一最易由朋友變為情人，好感度得分你全部都識。好啦，可能你中意嗰個都信星座，只不過唔係睇你嗰個星座姐。
7．對號入座
佢每一個status，每一個caption都係同自己有關，人地打歌詞就以為講緊一定係自己。之後就係咁問人係咁講緊自己啊。最癲係你回覆人地個post，人地一句“春秋只轉載要事”，你就應人一句“如果愛你欠意義”，咁就出事啦。
8． 送佢中意嘅嘢
人地中意勞蘇，你就買隻公仔俾人，人地中意呀愁，你就送隻呀愁俾人。無錯人地係中意隻公仔，不過唔係你送姐。如果真係要送，就送啲代表到自己嘅嘢，等人記得你都好啦。
9． 自製情侶裝
即係人地有嗰對鞋，有嗰件衫，你就突登買黎同人情侶衫，又或者因為人地著乜名而去襯。最恐怖係見人送衫俾人自己仲買定多件搏同人情侶裝，搞笑咩。
10．跟佢品味
由唔用apple到用apple，跟佢買衫嘅牌子買衫，人著U記你又U記，人地Jack wills你又Jack wills，人地hollister你又hollister ，muji文具乜都跟，以為越行越近，其實兩個心都係冇行近過。
11．中意飲／食佢中意嘅嘢
有人話過，如果你本身好憎榴槤，但因為中意嘅人而改變埋口味，咁就係真愛，只不過前提係人地中意你先得嫁。
12．臨睡時總會呼喊佢個名
有人話“日有所思，夜有所夢”，為左自己可以喺夢入面見到佢，瞓之前叫一叫佢個名，希望喺夢境可以見佢一面。
13． 因為佢一個有意無意嘅說話而轉變
如果係因為佢一句話你買衫褲都好啲，最恐怖係你因為佢一句話改變你生活習慣或者性格，聽過最可怕係有個女仔話擇偶條件要米8同瘦嘅男仔，之後個男食咩增高丸日日飲牛奶，然後三餐都水煮蛋，最後個女仔就同左個冇米8仲肥過自己嘅男仔一齊，你話你係咪戇居。
14． 因為佢個名而改變
呢個係超高層次嘅傻，例如中意嘅女仔叫Jasmine，你就飲jasmine tea，tempo 要用Jasmine味，叫crystal你就去研究水晶，明明完全冇關係，但你會覺得係為左個人而轉變。
15． 表白（不肯定佢中意你嘅情況之下）
呢個係究極級嘅傻，仲停留嗰啲中意一個人就要人知嘅年代，差不多每段戀愛嘅愛情都係曖昧然後加少少動作就確立關係嫁啦，咁你又唔係肯定佢中意你就表白，咪即係破壞呢段關係囉。
不過
***其實做過最傻的事，是不理會所有人的勸說，明知她可能不會想起你，你仍然相信總有一天，有機會跟這個眼前人一起。***
大笨蛋
對啦,我就是笨蛋啦，大笨蛋才能追妳那麼久……
#薄扶林大學 #HKU
===============================
===============================
:) 分享你嘅小秘密 ==>【 http://bit.ly/sharesomething 】
B-) 成為專欄作家，讓更多人睇到你嘅作品 ==>【 http://dry.hk/beblogger/ 】
tea status caption 在 [ Best Of Best ] Tea Captions, Status & Quotes For A Tea ... 的推薦與評價
Best Tea Status · Happiness is a sip of tea. · Be strong then your Excuses. · You are my cup of tea. · Make tea, not war. · Tea has no comparison. ... <看更多>