《聽講讀寫邊樣重要啲？》
其實我真係冇讀過好多教育學，最多都係自己去搵下TESOL/TEFL啲教材同影片自學。
但有時聽到同學有啲同學問我啲問題，我好hang機，例如：
❓「學聽講讀寫，邊樣重要啲？」
就好似一個人問營養師，邊樣營養重要啲？維他命A、B、C定D？冇話邊樣重要啲，係**唔同**咁解囉。
唔同質嘅野，唔可以比較。You can't compare apples to oranges.
❓「聽講讀寫，邊樣野學先？」
你回想番我地小朋友嘅時候，一定係不斷聽、聽、聽，跟住先能夠講嘅，不過如果係學聽先，唔通個rule係聽、聽、聽、聽，聽到世界末日，跟住講？
唔合理嘛！我地人唔會咁學野，一定係聽、聽、聽，聽完一排跟住講。跟住講得唔好，又聽番，跟住再講。
閱讀都係一樣，就算係寫野之前要學閱讀，咁冇理由話學閱讀，讀、讀、讀，讀到世界末日先黎寫，一定係讀到咁上下就要寫野，運用出來架嘛。跟住寫得唔好，又讀番，跟住再寫。
所以冇可能咁整齊咁順次序咁學，聽->講->讀->寫，現實嘅次序絕大多數都係勁亂，而亂係冇問題架。
❓「聽講讀寫，我依家應該學邊樣？」
我唔認識你，我唔知道你程度如何，亦唔知道你學英文嘅目的，興趣範疇係咩，好難advise你邊樣野重要啲。
不過我係覺得：
***如果你唔好諗太多學變樣好啲，慳番啲「諗」嘅時間，用多啲時間take action，其實每一樣野，你都有能力學好。***
❓native speaker嘅做法係先學聽讀，後學講寫，要聽幾耐先講，讀幾耐先寫？
我唔覺得有一致嘅答案，每個人環境都唔同、天資亦唔同，都係要睇情況。
native speakers通常係先學聽講後學讀寫，但香港人喺學校學英文，大班，唔係自然環境，好多時都會多多少少先學讀寫，再學聽講，咁係咪fatal mistake，就會死，學唔到？我又唔覺得係咁。
你見到好多人，英文係第二語言，佢地偏向學左寫同讀先，跟住先聽同講，但英文仍然可以學到好好。
冇專業教育學、語言學背景嘅我嘅意見：
唔好諗咁多，學英文冇絕對嘅formula，take massive action，跟住你會知道自己係咩learner，邊樣野叻啲，邊樣野弱啲，跟住對症下藥啦。
_______________
MeWe 專頁（在 MeWe 搜尋「與芬尼」就會找到我」）：
https://mewe.com/p/finnieslanguagearts
每星期兩個Podcast，分享學英文貼士、心得：
https://finnieslanguagearts.buzzsprout.com/
tefl香港 在 Headstart Group - TEFL / TESOL 小知識有聽說過什麼是 ... 的推薦與評價
此外，如果您打算獲得工作簽證並在香港教書，您更需要一個這樣的專業資格。 當然坊間還有更多對TEFL / TESOL的迷思，在之後的兩個星期，我們會逐一為你 ... ... <看更多>