[活在回憶中,到老一場空呀]狡兔都有三窟,出嚟行要幾張鬼卡。退休點可以只靠一隻股票?
1. 一貫作風,報紙專欄,導讀長過正文。你當係Director’s cut
2. 慣例,post最底有全文,反正免費嘢。或者睇返蘋果亦得: 滙豐如辰衝 廿蚊不是夢(https://bit.ly/2PrVQky)
3. 張圖我幾鍾意,固然辰衝都講咗一個星期,過氣,但我度篇文都幾日前,而第一句湧出嘅就係呢句,「滙豐如辰衝」,廿蚊不是夢係後來加嘅,某讀者提議的
4. 唔鍾意嘅,又會指手劃腳講,廢文,成篇文連業績點差又冇講,公司面對咩問題又唔講,點解係廿蚊又唔講(答案:因為順口,原本想寫 十蚊不是夢)。但,你肯定想聽我講 業績點差 公司面對乜問題 同埋點計估值?我寫幾萬字都得。但你咪玩啦,百壇齋主。畀A你又話冇B,畀B你又話悶,正四方西。你肯撚定?咁不如我地講下份業績,咩係RWA,乜嘢係NRFB ,乜嘢係CET1 ratio 先?Risk Weighted Assets, Non Ring Fenced Bank,Core Equity Tier one ratio,唔好話我拋縮寫啦。你肯定你想我寫呢啲?Glossary你都未撚識睇啦多多事實。咁當然你唔使好波過美斯先可以鬧美斯,但至少都要識球例掛
5. 我想講嘅係,大佬,2020年啦。但依然係行禮如儀,又去講返某人直播落淚,又係搵幾件長情阿叔出嚟講退休金泡湯,然後又搵曾淵滄出嚟講自己啲匯豐鎖在新加坡佢幾蚊時買冇問題—係事實,但,厭唔厭?同樣地,辰衝執笠又係講當年邊個阿叔在呢度溝名校女生,當年點樣丘世文顧西蒙。實情寫嗰個,同埋睇嗰個,都廿年冇去過辰衝。
6. 事實大家早早唔睇書,睇嘅都亞馬遜誠品。同樣地,講匯控創新低,同時間蘋果創緊新高,美團創新高,甚至個「港版納指」嘅恒生科技指數都新高。正如明報星期日有篇文寫得好(https://bit.ly/30rzIgw),「我覺得沒必要討論辰衝,它不配被懷念或被撻伐」。「咁你又寫?」。我唔同,我擺明呃like搵食。而且我係個人Page,唔係霸住個B1頭條寫本人同辰衝嘅私人恩怨嘛
7. 辰衝係文化陸羽(但本人去陸羽其實冇乜嘢,咪舊式酒樓服務),匯控就係銀行界檀島—越做越差。講嘅未必係服務(服務就間間都差架啦),但股價同業績唔呃你。
8. 冇錯,銀行難做,全世界都難做,請去鬧聯儲局同歐洲央行。銀行股普遍都差—但都有冇咁差同最差嘅分別。匯控在上一次危機(金融海嘯),其實股價畀好多銀行都好,因為資本強大云云。但今次就唔係了,在眾多銀行中,佢跑輸好多同業
9. 至於「退休全部靠晒佢啲派息」嘅,固然唔係貪心之徒,但不幸地,都係做咗錯嘅決定。點解你退休嘅錢,可以全部靠晒一隻股票?!朋友話「如果佢買晒亞馬遜你又唔會咁講」,差矣。可能係。但,即使我推介任何投資都好,有冇叫你訓身家買落去?
10. 仲有個深層次啲嘅問題,Alternative Path,Possible Worlds嘅問題。(https://bit.ly/3kbJYBx)。人人都講黑天鵝,你估人人識黑天鵝咩。作者咪講過,Your dentist is rich, very rich。你剝爆卡買中石油,當然係你有膽識你好嘢,但,我唔會叫人去照做一次咯。結果同決策過程,係唔同嘅。所以咩四十歲會計師身家買匯豐(https://bit.ly/3k6O7qe),當然要恥笑。你訓身家買乜我都係咁話,祝你好運。你廿歲我都仲理解,成副身家十萬八萬甚至一萬幾千。但四十歲人,你輸晒之後—唔係冇得翻身,但,半場畀人數咗三球了。
11. 係架,佢訓身家買咗六合彩而家發達添。但如果唔中呢?仲要話退休人士休息喎。匯控出業績嗰日,仲有兩間藍籌出業績,恒生同中電。業績一樣差,但恒生就減派息,中電就保持派息。我當你最初唔係退休靠晒匯豐,買晒呢三隻,都係收少啲息,但至少唔會冇飯開日日嘈,最多係由食半島變檀島。
12. 講過了,買匯豐嘅,「想穩穩陣陣收七厘息嘛」。呢個咪就已經係錯嘅諗法。世界上係冇「穩穩陣收七厘息嘛」,甚至冇「穩穩陣收三厘息嘛」。美國十年長債債息0.5定0.6厘,高過呢個數嘅就係「唔穩陣」。本來風險冇問題,但你唔知自己take 咗就有問題。
13. 周顯有過一個露骨但我好鍾意嘅比喻:你去嫖妓,看似危險,其實安全,等於職業車手賽車,一定做足安全措施。你啲老蘭ONS,以為乾淨,其實等於臭飛渣大膽車地下賽車,呢啲先最危險—因為你以為安全。
14. 買輪嘅,唔會買身家(你會嘅恭喜你)。但買匯控嘅,就買身家—因為以為冇風險「最多個價跌但我夠長命」「穩穩陣收七厘息嘛」。
15. 所以好多人嘅諗法都係有盲點嘅。等於埃汾叫你買金,然後佢訓身家去買,輸咗錢又問我點好 — 叫你買,同叫你訓身家買,係兩回事。What if 我睇錯呢?What if 你睇錯呢?你成副身家信一個未見過嘅人,咁我好多謝你對我嘅信任,但你自己就好危險。
16. 當然你可以話我細膽,隨便你,你今晚訓身家買場波,應該快過你咩買蘋果買亞馬遜升幾倍。但,如果唔中呢?
17. 呢個亦見於我嘅做人哲學,同埋行為。唔止我要求自己盡量高透明度,亦都要求自己坦誠(那怕係戇鳩地坦誠仆街地坦誠)。睇過收費短片嘅可以做證,我唔信聯匯爆煲(事實爆咗未?),但,我一樣叫人轉啲美金 – 因為,可能我估錯呢?同樣地,你今日睇梗係美股好,但我亦唔會叫你買晒—如果我同你都估錯呢?
18. 再舉個例,我要嘅,一早可以買樓添。事實我啲同學好似04 甚至02買樓,我去到13。我係咪人工特別低過佢地?又唔係。甚至唔使13年我都可以呼丕層樓添(濕鳩屯門樓都係樓),但我都係儲到可以呼丕後再一陣先買(固然都係做九成按,留意我可以呼丕,同我去做呼丕,係兩回事)。係架,錯過咗09年個升浪呀,但又如何?下下倒後鏡咩。係架,早年我想換去住太古城添,當然買得起,當時仲有銀行士大夫優惠—但,如果畀人炒呢?如果我想劈炮呢?(結果果然冇耐後我就裸辭,如果嗰時換咗層太古城就應該唔會了)
19. 至少09年後,我全部日子都訓得安穩,今年3月咩股災,冇乜點驚過。我完全冇減倉,仲有加(講股票啦,樓冇買多層,雖然有諗過,咩呀,台灣樓唔係樓?),而家堆嘢價值低位升返五成(其實,即係同標普指數差不多,但夠啦)。你可以睇返個FB post啲人點串我點鬧我(https://fbook.cc/3DW0)。咁我肯定佢地全部而家都表現好過我的,應該係。根本唔使跑贏大市,因為大多數人連呢點都做唔到。
20. 再諗下,咩97移民潮啲友,當時當然覺得香港仆硬街啦,個個都咁講,於是連根拔起,層樓都快手買賣。「但如果你錯呢?」
-----------------------------------
辰衝執笠,我相當心涼,該店出名門高狗大白鴿眼。滙控(005)呢?我並冇特別唔鍾意,但如果辰衝係文化界陸羽(本人去陸羽倒冇不快),滙控就係銀行界檀島。前景坎坷,食老本,全無改善,稍為有尊嚴嘅人都避之則吉。說話係難聽,但三唔識七我冇必要針對小股東,記住苦口良藥。
咩年代呀?個世界要進步的。但辰衝執笠後,照舊係訪問吓啲阿叔當年點溝名校學生妹,照舊講咩一個年代終結。今次滙控業績後,朋友依然係傳某人在電視落淚張相。傳媒循例又訪問下啲長情股東,「我退休靠晒佢㗎啦,但都冇計,惟有希望下年派返息啦。」
滙控創新低嘅同時,蘋果創緊新高。OK,美股巴閉嘛,唔好咁屈機。但「港版納指」一樣創新高。話港股廢嘅,至少騰訊(700)、阿里巴巴(9988)、美團(3690)等,近年差不多任何位買你都贏錢,而我唔係叫你去買細價股喎。
滙控愚人節彈弓手,除咗淨嘅股息都唔派,至今4個月。有本書叫《Who Moved My Cheese?》。你不停咁鬧滙控令你嚿乳酪冇咗,有冇用?冤有頭債有主,而家係英倫銀行搶咗你嚿乳酪喎。
最好笑係,滙控在歐洲蝕到七彩,南北美非洲中東基本上打和,就係亞洲賺埋貼歐洲蝕!而仲要係英倫銀行禁派息!但公司或股東堅持攬住英國做總部,就唔知點解了,莫非英國有乜乜咁巴閉?而家環境,講遷冊香港梗係政治不正確。但,不如諗吓新加坡之類?阿爺可能肯接受,又可能唔使俾人限派息。
滙控鬧劇,畀大家最大嘅教訓係:投資應該分散。每次我講呢句,都會畀人鬧,但事實如此。唔好講「一早買騰訊、蘋果就冇事」之類。實際啲,買滙控嘅係咩人?多數咩心態?我歷年都接觸唔少呢啲小股東,佢哋並唔係貪心嘅人。可惜,好人未必係有好報嘅。唔係你嘅錯,係社會嘅錯。你問個小股東點解買滙控,想像吓佢會點答?佢應該唔會答「我覺得公司可以改變世界升幾百倍」、「覺得管理層好有型」、「覺得銀行超好賺」。
十個有九個答你「我諗住穩穩陣陣收吓息」。不幸地,呢個世界上,係冇「穩穩陣陣6厘息」,甚至冇「穩穩陣陣2厘息」。美國10年債券,而家係0.6厘息左右。任何超過呢個水平嘅息,就即係「有風險」。只不過,有時風險喺你知嘅地方,有時喺你唔知嘅地方。畀得6厘息你,當然係有相當大風險,你食咗唔知啫。
唔想咁樣,可以點樣?風險其實好難避免。除非你甘心拎0.6%回報,否則必定有風險。但,你可以將佢管理得好啲。我見訪問好多退休人士,居然係可以成副身家放晒落滙控。有啲真係話平日開支就靠收4次息。唔覺得咁有問題?佢有事你咪PK?
我無法估下一隻蘋果,因為話唔埋會變下一隻8號仔,況且退休人士唔適合咁進取。但市面大把收息工具,當然,都係必定有風險。但最重要嘅,就係分散。當你最初買啲滙控,但又買啲恒生(11),買啲中電(2),三間咁啱一齊出業績:一間唔派息,一間減,一間維持。咁你最多係由食半島變成食檀島,但總好過乜都冇!你話,咁咪拖低個股息回報囉?係呀!咁,你想食得好定瞓得好吖?拎個中庸之道囉。我幾肯定滙控嘅股東,而家寧願最初有買其他幾隻。
狡兔都有三窟,出嚟行要幾張鬼卡。退休點可以只靠一隻股票?活在回憶中,到老一場空呀,切記。
————————————————————————————————
最新收費影片:第一次推介跑贏大市,同你回顧檢討下。仲有新推介。40分鐘,都係賣返$80
簡介及以前嘅片(未睇可訂):https://bit.ly/3iYMD0F
報名嘅,課程編號CC006:https://bit.ly/3eXVX1K
報完名交咗錢,呢度log in:https://bit.ly/3gYXu9e
之後按最頂「按此觀看」就得
仲搞唔掂嘅,睇埋下面,或者搵客服,或者PM我。
-------------------------------------------------------------------------------
【最新李聲揚收費影片】題目: 回顧第一段專欄片有幾勁!今段落多幾個Number賺死你!40分鐘,都係賣返$80
影片/課程編號:CC006
播放平台:https://homebloggerhk.com/web-class-player/
付款及收看步驟:
1/點擊報名收看 [影片/課程編號:CC006]
2/利用信用卡網上付款
3/及後有登入資料可以立即收看
查詢:whatsapp 63832145
同時也有1部Youtube影片,追蹤數超過4萬的網紅李根興 Edwin商舖創業及投資分享,也在其Youtube影片中提到,【足本版】《Blue Ocean Strategy 藍海策略: 三部曲》 做生意有兩個海。 紅海,就是人做你做,價格競爭,互相廝殺,血染大海。 藍海, 就是你費時同人爭,自己游開去, 當競爭對手無到。 一般的公司,要識得 compete, 片低競爭對手,可惜 ,搞到個海紅曬。真正叻嘅公司,係應該...
tier 1債券 在 諗sir網 收息債券 Facebook 的精選貼文
[債基、直債 - 創興銀行6%]
永續債表面睇沒有明確到期日,投資者可以定期獲得利息的債券,感覺似係「債券中的股票」。事實上大部分永續債包含贖回條款,允許發行方贖回債券,因此永續債也不一定是永久的。
以今次創興銀行發行的永續債(Ba2)為例,利息每半年繳付 1 次,首 5 年票面息為 6%,票面利率將在 2025年 8月 3日重新釐定,並調整為屆時的 5 年期美國國庫債券利率和初始利差的總和,之後會每5年再作調整。募集資金將增強創興銀行的資本基礎,以用作一般企業性用途,營運及未來業務發展所需。
資本充足比率是反影銀行本身資本能力其中一項重要指標,對於面對經濟不景時,企業壞賬率高的環境下尤其重要,比率值愈高反映銀行財政愈穩健。《巴塞爾協議》將銀行資本分為兩類:一類是核心資本,又稱一級資本(Tier One Capital)和產權資本,是指權益資本和公開儲備;另一類是附屬資本,又稱二級資本。核心一級資本即在一級資本裏排除了混合負債後的資本。
那為什麼不直接觀察借貸比率,盡量避免借貸率大的銀行,事關銀行有別於其他企業,是以借貸來獲取收入,即是將借回來的錢轉借給別人來賺取利差,所以負債多主要是銀行的生意模式。
創興2019年財報反映了其資本比率,雖然相比18年略有下調,但銀行整體流動性依然十分穩健,貸款對存款比率為69.46%,流動性維持比率為46.27%, 收入從2018財年的60.3億港元增至73.7億港元,淨利潤從17.6億港元躍升至19.0億港元。同期不良貸款率從0.35%下降至0.33%。
同其他同類的銀行債相比,創興直債仍有其可取之處。買賣之前學生需明白COCO BOND、派息調整機制、正確買賣手法
*本文所包含或提供的資料或材料僅為提供信息,並根本不打算令閣下根據這資料來作交易或投資之用。投資涉及風險,投資人需衡量自己能力後才作出買賣決定。
tier 1債券 在 Goodbye HK, Hello UK Facebook 的精選貼文
【英國居留簽證懶人包3.0】
2020年3月更新,完整英國移民簽證概念
懶到盡頭,完全免費
(好多人當商業秘密放响寶箱㗎)
長氣都要事先聲明,响今日嘅香港嘅情況,每個人選擇離開或者留低可以有億四個理由,無興趣亦無能力左右大家嘅諗法(亦唔想爭拗)。不過必須指出真正逃生門係入籍,而唔係謂移居,相信大家近期見到啲未入籍只有居留權嘅人士上唔到機㗎呵?同時呢個唔只關乎自己將來,亦影響下一代嘅國籍問題(明就明)。
呢個post希望用最簡單去分享基本移民英國嘅概念,明白申請咩類別,而唔再比啲agent中介「塞」啲所謂Plan比大家。因為每個人或者家庭嘅能力、經驗、背景都唔同,係要考慮每種居留簽證嘅批核、要求、攞IRL嘅居住年期、需要續簽與否都唔同,所以詳細內容,會放响下面舊文連結。
如果想移民英國,响現時嘅制度下,攞到居留簽證係第一亦係最重要嘅一步。英國現行最基本嘅移民政策嘅大概念。申請人係要得到居留簽證(Residence Visa),完成每種簽證下指定居留時間,同其它要求、包括要考埋The Life in the UK Test就可以申請永久居留權(Indefinite Leave to Remain (IRL)),呢個時候申請人並未正式成為英國公民。攞到IRL後住滿一年,滿足到入籍的居留日數,就可能申請入籍,就正式成為英國公民(即係英國Passport持有人)。
申請英國居留簽證之前,當然要知自己或者配偶用緊嘅係咩Passport。如果自己或者配偶持有英國公民護照的話,即係居英權或者其它原因係英國公民(唔係BNO嘅英籍)。可以直接申請Settlement/Spouse Visa,要留意自己同配偶、十八歲以下嘅仔女嘅居留時間係一樣,係無太空人呢樣嘢。
由於呢類家庭團聚簽證呢類關乎人口同福利分配,所以對申請人現金或者薪金要求係唔係低嘅。如果係持有特區護照或者BNO,可以達至入籍嘅居留簽證選擇大概分四類,Start up ,Innovator,Point Based Working Visa,Representative of an Overseas Business Visa(同唔希望亦唔想分享嘅難民申請)。响申請英國嘅居留簽證嘅要求或者地位,暫時特區護照同BNO係無明顯分別。本人自問睇英國國內新聞相當多,唔太鐘意吹奏平權打飛機,雖然英國政界的確對BNO有啲改變,但係唔太覺得會一刀切同BC平權。因為當前政府嘅急務係減少移民數目(還北部選票),連EU人嘅居留權响2021年都要跟Point Based System。所以就算BNO身份有改變,居留要求唔會低過Settlement Visa,Home Office肯定會保留審核權,以防Free Rider或者腦殘寶寶。
大家可能响香港啲Agent中介口中,成日都話什麼投資移民英國,其實呢個講法係錯到盡頭嘅。因為投資移民係一個好籠統嘅sell嘢名稱,事實上英國關於投資嘅居留簽證,係細分三個完全唔同要求同概念嘅東西。當中包括T1 Investor、Startup同Innovator三種種Visa。T1 Investor亦即係真正嘅投資移民(買護照!),買上市公司股票或債券,符合簽證政府指定要求嘅基金或者投資產品至少二百萬鎊(數額越大,入籍時間越快)。Global Talent Visa,睇名就知係比响體育、藝術、科研、演藝之如此類,有所成就同認受人士申請,呢個唔一定對香港人係遙不可及,成就同出色係指示機構決定,無話容易或者難,只係唔到你同我(或者啲香港agent)去衡量。
Startup同Innovator响2019年已經取代舊有香港人常用嘅T1 Entrepreneur 簽證,分別比無做生意經驗嘅創業人士同已經有營商背景嘅人申請嘅。Startup主要就係由指定院校(有少量私人機構)做Endosing Body去審批申請人嘅生意概念,無年齡同投資要求,不過生意要响兩年內升級到Innovator(呢段時間唔計入居留期)。而Innovator就係由覆蓋各行盤業嘅指定機構去審批,申請人要响三年後達到某啲業務要求的話,就可以申請永久居留。由於已經實行咗一段時間,Endorsing Bodies已經相當了解政府嘅要求,所以已經無咗之前申請人做白老鼠嘅問題。
好多香港中介Agent因為唔熟悉新制,所以大家都會聽到Representative of an Overseas Business Visa 呢樣嘢。呢個簽證並唔係什麼新東西,概念好簡單,就係一間响外國營運咗一段時間嘅公司,派一個員工(可持有少於50%股份的僱員)去發展英國市場,所以呢個員工需要居留簽證。就係因為新制度已經完整實行,所以內政部會好清楚咩人係應該申請Startup或者Innovator而去貪容易走去做Business Representative,唔好問點解,總之係咁。
最後一種(唔計難民申請)嘅居留簽證,就係工作簽證(Tier 2 Working Visa)。响2021年1月開始,Point Based System會取代現時難過上太空嘅T2 Working Visa。申請人必須要有70分(教育水平等如英國A-Level或以上)先合資格申請,當中有50分係必須要有嘅:
持牌照僱主嘅Job Offer = 20分
需要技術類形嘅工種 = 20分
指定嘅英語水平 = 10分
(即係點都仲係要揾到份工先可申請)
下面嗰啲就係可以互換嘅分數:
年薪
£20,480 – £23,039 = 0分
£23,040 – £25,599 = 10
£25,600 or above = 20分
每年英國特定短缺工種 = 20分
PhD學位同工作有關 = 10分
PhD學位同STEM學科有關 = 20分(STEM即係Science, Technology, Engineering and Maths)
#GoodbyeHkHelloUK
#英國居留簽證懶人包
#其實唔係商業秘密
###########################
個別居留簽證詳細資料舊文傳送門s:
英國公民(包括居英權一二代)申請家庭團聚 http://bit.ly/2QsTguz
計分制工作簽證概念
http://bit.ly/2Tfco1O
Startup與Innovator完整概念
http://bit.ly/2Wt401e
咩係Business Representative Visa?
http://bit.ly/30PimIS
T1 Investor
https://www.gov.uk/tier-1-investor
Global Talent Visa
https://www.gov.uk/global-talent
#########################
****************************
英國移民生活網 重要舊文重溫
www.goodbyehkhellouk.com
****************************
tier 1債券 在 李根興 Edwin商舖創業及投資分享 Youtube 的最佳貼文
【足本版】《Blue Ocean Strategy 藍海策略: 三部曲》
做生意有兩個海。 紅海,就是人做你做,價格競爭,互相廝殺,血染大海。 藍海, 就是你費時同人爭,自己游開去, 當競爭對手無到。
一般的公司,要識得 compete, 片低競爭對手,可惜 ,搞到個海紅曬。真正叻嘅公司,係應該識得 create, 做大個餅,唔使理啲競爭對手, 享受自己嘅碧海暢泳, 因為佢已經游出咗個藍海 。點做? 聽落去你就明。
........
Invitation: Blue Ocean Breakfast @ American Club Central
2019年6月 (星期六 10-12pm) (約4/5位)
報名方法: 請WhatsApp你的卡片到
9218 5223 (聯絡Suki/Monica)
Free, 我請食早餐!
......
而家係法國 INSEAD 商學院嘅 Blue Ocean Strategy Institute 讀書。 自2005年出版以來,呢本 Blue Ocean Strategy 書就翻譯咗44個唔同語言, 全球賣出咗400萬本。 根據Thinkers50, 作者INSEAD 教授 W. Chan Kim 同埋 Renee Mauborgne 都連續五屆成為全球頭五名 Business Thinker 最具影響力嘅商界智囊。
係呢本書,佢哋研究咗全球108間公司推出嘅新產品,發現86%都係一啲叫做紅海嘅產品,即係人做佢做。只得14%係藍海產品。 但係嗰14%嘅藍海產品, 對整體公司收入嘅影響就增加咗38%, 對利潤嘅影響仲增加咗61%。 換句話說,如果你推出藍海嘅產品,你賺錢嘅比率係比紅海高出接近十倍。
咁點樣先能夠搵到藍海呢? 三部曲:
(1) 先要知道邊個係你批客
(2) 了解佢哋由購買、使用、至保養、棄置嘅痛點 Pain Point 喺邊度
(3) 透過ERRC (Eliminate, Reduce, Raise and Create) 去重新佈局自己嘅產品
Step (1) 你先要知道邊個係你批客
係嗰行做生意,好多人覺得最緊要知道嗰行頭嘅核心客人喺邊個。Who are the core customers? 服務得佢地好,咁就賺大錢啦。錯啦!
根據藍海策略,你要打低行家,賺大錢,比 core customers 更加重的就係要知道邊個係 non-customers 非客戶。 你唔係要去 compete, 而係要去 create. 你搵到呢班non-customers喺邊度,吸引佢哋過嚟幫襯你。
Non-customers (非客戶) 有三種。
Tier 1 : "Soon-to-be" non-customers. They are noncustomers who are on the edge of your market waiting to jump ship. 佢哋好唔滿意個行業嘅現況,好想離開唔玩。
Tier 2: "Refusing" non-customers who conciously choose against your market. 呢班人已經決定咗唔幫襯你個行業。
Tier 3: "Unexplored" non-customers who are in markets distant from yours. 呢班人諗都冇諗過幫襯你嗰行。
以我自己為例。喺香港買間街舖平均要三千萬港幣,就當買舖投資係個行業。 有啲人覺得買咗間舖之後租唔出,好煩,以後都唔會再買多間。呢班就係 Tier 1 "soon-to-be" non-customers. 佢哋已經入咗嚟個行業啦,但係好唔滿意個行頭,好想走,以後可能唔再返來。Soon to be not customers anymore.
有啲人睇嚟睇去都冇從入手, 覺得買舖好難, 都係買返住宅工商物業好啲。呢班就係 Tier 2 "refusing" non-customers. 佢哋已經決定咗唔幫襯呢個買舖行業。
Tier 3 "unexplored" non-customers, 呢班人完全諗都冇諗過要買舖投資。 佢哋只有買一般股票、債券,或者將啲錢放銀行就算數啦。
如果我只係target嗰班 core customers 核心客戶, 即係買開舖嗰班老手或者抄家, 咁我間舖就要特別平或者特別靚,core customers 先至會買。 蘋果對蘋果,又要平又要靚,我梗係賺唔到錢啦。
但如果我 target 班 non-customers, 只要我係能夠滿足佢哋想降低風險,唔想煩,但又要有合理回報嘅需求,我charge 嘅收費同埋畀佢批貨就可能好唔同。 而家就係用緊個橙同蘋果比,無得直接比較,咁先有我哋嘅獨特價值。 呢個,亦都我公司商舖基金專注行緊嘅方向。
再講下班入面另一個你同我都一定玩過嘅行業 - 打機。 喺電子遊戲機呀。
一諗起打機,可能你就會覺得 core customers 核心客戶就係嗰班十零廿歲靚仔,日打晚打,坐喺度對咗個screen淨係用隻手指係咁篤。 咁多年最出名嘅應該都係Sony Playstation 同埋 Microsoft Xbox。如果你係第三間打機公司,咁點打低佢哋兩個呢?
咁你要試下 target non-customers。諗真啲其實市場上有三班 non-customers.
Tier 1 soon-to-be non-customers 就係嗰班打開機嘅靚仔,日打夜打已經打到好悶, 分分鐘屋企人又反對,想試下啲新嘢。 佢哋就嚟想離開個行業。
Tier 2 refusing non-customers 就係嗰班女仔或者鍾意運動嘅靚仔, 唔想日日坐喺度篤篤篤打機, 佢哋特登就係唔想玩 Playstation或者Xbox。
Tie 3 unexplored non-customers 就係嗰班老人家,父母, 好似我咁,從來冇諗過要係屋企打機, 仲成日反對個仔女打機㖭。
咁點樣可以吸引到呢三班人呢? Nintedo 就喺2006年推出咗 Wii, 我相信你都可能玩過Wii。Wii 就係唔單止坐係道篤篤篤, 而係配合有好多全身嘅運動, 先至打到tennis ,出到拳, 閃到身。
佢就吸引咗個班已經玩到厭,想試下新嘢嘅 Tier 1 soon-to-be non-customers, 較鍾意運動喐下嘅 tier 2 refusing non-customers, 同埋想同屋企人一齊玩而本身年紀較大嘅 Tier 3 unexplored non-customers,好似我咁。 我當時自己都買咗部Wii同屋企人玩。但Paystation Xbox? 我從來都無買過, 亦都唔打算買。
講完 Step (1) 班客係邊個,再Step (2) 了解班客由購買、使用、至保養、棄置嘅痛點 Pain Point 喺邊度
Wii 點解我會買? 因為解決咗我同好多人嘅痛點, 就係覺得另外嗰兩個牌子啲遊戲太複雜, 唔鍾意成日坐喺度淨係搵手指篤, 但係又唔想好似同時代脫節,見到啲靚仔玩自己又唔識玩。 因此點都要買返部覺得自己 "in" 啲。Wii 就係成功行咗第二步,(2) 了解 non customers 嘅痛點 Pain Point 喺邊度,解決咗佢,吸引新嘅客源。
做生意有本事,你就樣樣嘢都做得好過人。但咁樣,通常成本會過高。樣樣嘢都慳 ,產品就會太渣。 必須要喺一個取捨,就要行第三步
Step (3) ERRC. Eliminate 刪除, Reduce 減少, Raise 增加 and Create 創造,去重新佈局自己嘅產品
呢個就係Wii 當年嘅 Strategy Canvas 戰略佈局圖。佢 eliminate 刪除咗高解像度嘅圖像,eliminate 咗打機以非必要functions 同埋接駁 HDTV 嘅功能。 佢 reduce 減少咗 processing power and online gaming 嘅能力, 由於部機簡單咗,所以價錢亦都比當時嘅入門版 Playstation 3 (賣緊美金$499或599 )同埋 Xbox (賣緊美金$299或399) 平,Wii 2016年推出嘅時候只賣美金249,平均平咗4成半。
雖然平啲,Wii 就 Raise 增加咗部機嘅設計美感,感覺比較有型,同埋推出更加多不同嘅遊戲比玩家選擇。佢create 創造咗 motion gaming ,要全身旭先至能夠打到機, 同埋家庭友善,可以全家人一齊玩嘅遊戲。
亦都因為咁佢就搵到佢嘅藍海 Blue Ocean, 2006年一推出就大受歡迎, 吸引咗嗰班從來無買過Playstation同埋Xbox嘅客戶去買。推出頭一年, Wii 全球賣出咗超過二千萬部, 有超過五成嘅市佔率, 多過playstation同埋Xbox兩個加起嚟。
如果當初Wii 係諗住吸引返同一班打開機嘅核心客戶 core customers ,即係嗰班hard core 打開機嘅靚仔嘅話,肯定冇咁嘅成績。Wii 唔單止 compete, 而係create 咗個新市場叫做 Motion Gaming. 雖然近年少咗人玩Wii,但佢推出短短十年就全球賣出咗超過一億部,come on, I have no complaint, man!
最後,好重要嘅就係藍海嘅產品,例如上面嘅 Wii,係會同時令公司嘅成本降低,但人客嘅價值提升。呢個先係 value innovation 價值創新。 如果你嘅成本無降低到,或者人客嘅價值無提升過,你只係停留緊喺個紅海入面, 鬥平或者鬥靚,未游到出去個藍海。
記住,做生意唔一定要 compete,而係要 create 呀。唸下班 Tier 1, 2, 3 non-customers, 有乜嘢可以降低自己成本,同時又提升客戶嘅價值,吸引班 non-customers 過來, 解決佢哋嘅痛點, 透過ERRC 做大個餅。 我嗰班買舖嘅客,好多都唔會自己單獨去買。 你批客呢? 你個海又係紅定藍呢?
總結 Summary:
《Blue Ocean Strategy 藍海策略: 三部曲》
(1) 尋找到那班 non-customers (非客戶)
Tier 1 : "Soon-to-be" non-customers.
Tier 2: "Refusing" non-customers.
Tier 3: "Unexplored" non-customers.
(2) 了解班 non-customers 由購買、使用、至保養、棄置的痛點 Pain Points 在那裏?
(3) 透過ERRC (Eliminate, Reduce, Raise and Create) 去重新策略佈局公司的產品,游出藍海。
#藍海策略三部曲,#BlueOceanStrategyIn3Steps,#最簡單地解釋藍海策略
盛滙投資商舖基金/買舖/租舖/放舖熱線: 2830 1111 或 whatsapp +852 90361143
盛滙商舖基金 Bridgeway 網頁 www.bwfund.com
李根興創業之友 https://www.facebook.com/EdwinNetwork/
李根興商舖之友 https://www.facebook.com/edwinprimeshop/
李根興 youtube 商舖創業及投資分享商舖創業及投資分享https://www.youtube.com/channel/UCEN66AnLghXESgCDIsz-3Nw
購買李根興的「買舖 要買得 PRO」書,請付款$198,透過以下渠道:
(1) PayMe at +852 90361143
或
(2) 永隆銀行戶口
020-644-0000-3123
![post-title](https://i.ytimg.com/vi/iuR761Q33rU/hqdefault.jpg)
tier 1債券 在 瑞士信貸遭賤賣,什麼是AT1?什麼是CoCo債? - YouTube 的推薦與評價
Comments9 · Bankers go head to head over Tier 1 capital · Tropical disturbance in Atlantic may bring rain to Florida. ... <看更多>