［唯快不破：傳控足球已死，防反再抬頭？都可以咁講）
寫呢刻係比利時對巴西半場，比利時領先巴西兩球。如果巴西出局，即係連續四屆係歐洲隊捧盃，今屆甚至歐洲包辦四強。亦代表今屆啲「名牌」死得七七八八，死剩叫做最冇名牌味嘅法國。咁當然名唔名牌有排拗，有啲球迷輸波就扮underdog贏波就話一早睇好，或者攻擊對手嗰時就巴西贏係應份嘅輸就根本過譽。咁唔使做呢啲口舌之爭，睇賠率咪知。巴西命懸一線，死埋的話，只得法國一隊係「熱門」。咩熱門？就係開賽前賠率十倍以下嘅隊。講過幾次，近廿年都係十倍以下捧盃，對上一次例外係1998
講返主題，德國分組出局，西班牙亦都十六強在一致睇好下出局。西班牙仲要破紀錄，傳波過千次，都痴Ｑ線的。係，場波百二分鐘，但都係好誇張。西班牙「只有」七成半嘅控球，即係玩住個波頂多九十分鐘，未計啲波在空中呀飛出界嗰啲時間。九十分鐘猜一千腳波，你話痴唔痴線？眾所周知德國唔多唔少係抄西班牙嘅，兩隊傳控足球代言人收檔，難免令人覺得呢套戰術己經過時。當然無論西班牙定德國同最初嘅tiki taka都有唔同，但大約都仲有個譜睇得到。即使唔多睇波嘅都會指出德國西班牙將啲波拖到慢一慢，等人返晒去先慢慢玩，然後在外圍搓搓差又唔到肉，一入肉就失控球權輸反擊輸到笑。巴西情況就好少少，但巴西傳統都係控球較多唔玩防反嘅隊，今場上半場見到，初段對比利時都仲有啲優勢，但幾次失機，然後半黒仔輸球十二碼後，情況就大逆轉。比利時即時縮後，巴西就要控球在腳，突破唔到對方防線仲係咁輸反擊。失第二球真係時間問題。廢話講句就係輸兩球係少。
咁都係返返去最初嘅問題：係咪傳控已經玩完，防反先係王道？唔完全係，但都可以算係，特別係呢屆世界盃就幾明顯係。至於點解？都唔係好知。
當然我之前都做過篇文（又，韋拿踢法似我，蔡子強都做過類似嘅嘢），統計返至少在分組賽，勝方反而控球率較多。但大家都知呢啲文質素唔高，我亦提出過局限：例如英格蘭大炒巴拿馬嘅，梗係由得你慢慢控啦。況且，淘汰賽又係另一回事。睇數字一回事，但你見德國西班牙甚至巴西對對住比利時都吃盡苦頭，又似乎係事實。比利時法國之類快手運個波上前面，前傳多過橫傳，似乎先統治今屆嘅賽事。
貼上一篇文時有啲網友提返，唔係話傳控玩完，問題係啲球員唔係咁適合玩，老了。或者再簡單啲，其實唔係傳唔傳控嘅問題，係唔使急最緊要快。你夠快嘅傳控都冇問題，你太慢嘅唔傳控都救唔到你。聽落都幾廢，所以梗係搵啲人地嘅數據呀結果呀支持下。
係喎，進攻快速真係好重要，至少今屆好重要。至於點解今屆先重要之前冇咁重要就唔知。
FT同埋佢哋嘅統計伙伴（係喎，又係Stat，反統計嘅可以返山洞避下先），搜集咗幾隊熱門嘅進攻埋門，整咗呢個偉大嘅圖。X軸係進攻速度，Y軸就有意思，係由邊個位開始進攻，最底係人哋嘅龍門線，最頂係自己龍門線。
界開四份，即係左上角係自己後場開始，慢進攻。右上係自己後場開始，快攻（理論上快好似一定好過慢，但唔好忘記自己都可能唔夠人）。左下係對面半場開始嘅慢進攻，右下係對面半場開始嘅快攻。明啦可？
每個圈就係一個進攻，入球或者搏到十二碼就係實心圓。結論寫在圖上啦：
好簡單，右上角呢堆入球率係最高的：由自己後場開始嘅快攻，超過四份一機會入波。至於左邊呢？左下同左上，分別不大，即係只要你唔夠快，無論係對面半場開始攻定自己後場開始，入球率都係得8%。
當然呢個係統計出嚟嘅結果，點解？就等其他波神去研究了
而事實上德國同阿根廷正係輸最多呢啲畀人己後場開始快攻嘅餐士，所以早早收檔。
好啦，順手睇埋，邊啲球員組織最多呢啲反擊：自己盤球或者交波都計。最活躍（計盤扭或傳波令個波移上前嘅距離）第一位嘅係夏薩特，應該唔會令你覺得好意外，反正比利時入咁多波（英格蘭都多，但好多係死球十二碼）。夏薩特盤扭同傳波製造咗六個快速反擊機會。
克羅地亞名不經傳，踼法蘭克福嘅列比治（即係對阿根廷先開紀錄嗰個），都做好多嘢，但製造機會只有五個。反而莫迪歷製造咗九個機會，好誇張。法國嘅麥巴比同普巴都做到唔少嘢。留意麥巴比作為射手，多數係自己盤多過交波，正如克羅地亞嘅佩利錫只盤不傳。巴西方面，尼馬古天奴韋利安都係主力。
所以作者預期比利時對巴西呢場應該幾好睇。打完篇文踼到近八十分鐘，巴西追返球。作者預期嘅相似風格冇出現，都講過了，其實巴西點都冇比利時咁「防反」。況且呢場開壞個頭，巴西失波後好長時間係比利時縮後打反擊。巴西輸夠兩球後，反而見好多攻勢係人少打人多，我估係忌憚比利時再打反擊，寧願少啲人進攻，用個人天才技術想試追返球。暫時成功追到第一球
（寫完篇文巴西收埋工了）
tiki taka意思 在 [問題] 認真分析中場傳控戰術本本屆失效的原因? - 看板WorldCup 的推薦與評價
如題
德國隊小組賽淘汰了
本屆表現好的球隊
幾乎都是攻擊力偏強 或是踢防守反擊的球隊
打中場傳控的隊伍好像都變的有點鳥鳥的
德國同樣的戰法在上幾屆各種碾壓
結果這一屆變成超級沒路用
只有中場控球時間高 卻打不了門 一點用都沒有
有沒有人能分析這一屆會這樣發展的原因?
謝謝
--
※ 發信站: 批踢踢實業坊(ptt.cc), 來自: 59.127.247.218
※ 文章網址: https://www.ptt.cc/bbs/WorldCup/M.1530118276.A.4E7.html
... <看更多>