沒事兒,「現在」沒有要中國公司下市的意思
Tags: treasury flows
IEObserve 國際經濟觀察
About author
主要分享國際經濟觀察和產業與重要政經趨勢等分析,希望能夠聚集同好一同討論,切磋心得想法。
興趣是分享國際政經、股市、科技和商業趨勢見聞和心得的部落客(非權威專家),永遠的新知學習者
興趣是分享國際政經、股市、科技和商業趨勢見聞和心得的部落客(非權威專家),永遠的新知學習者
Search
沒事兒,「現在」沒有要中國公司下市的意思
Peter Paker在 @全民媒體 的新貼日本樓,真的吸引嗎?(三)日圓量化寬鬆、Carry Trade 及資產價格
日元量化寬鬆如何影響 carry trade 及資產價格
對香港人來說,買入外國資產投資,投資者要同時面對價格及匯價的波動,理論上,會出現以下四個情況:
• 價升、匯升;
• 價跌、匯跌;
• 價跌、匯升;
• 價升、匯跌;
但是,日元資產只會得「價升、匯跌」 「價跌、匯升」 的情況。日本因20年累積的 QE 及 Carry trade,以致日元匯價與資產價格的走勢係嚴重偏離所有主流教科書內容的趨勢。
日本印左20年銀紙,及維持零息政策,而日央行印的銀紙,已遠超日本本土需求。再加上低息兼且印得多,好多外國人及公司鐘意借低息的日元貸款,去買高息產品、外幣及股票等,從而賺取息差,這叫套息交易(Carry trade)。
當風險資產價格上升時,D 人會借入日元貸款,然後會將借番嚟嘅日元賣出,並買入美元及風險資產,這樣日元匯價會跌,這是日元跌、資產價格升的現象。
當風險資產價格下跌時,D人爭出貨賣走風險資產,收到美元回款後,就會賣出美金及買入日元,並償還日元貸款,因為D人同一時間一齊買日元,就會出現日元升、資產價格跌的現象。
由於 Carry trade volume因20年印銀紙及零息政策而變得超巨大,大到只能「日元升資產跌」、「日元跌資產升」的情況。下圖為過去五年日經指數與日元匯價變化趨勢圖,亦明顯有上述情況出現。
在只得「日元升、資產跌」 或者「日元跌、資產升」的情況下,如果日元資產升值,但日元匯價下跌,就會抵銷左部份資產升值(以美元計)時的升幅。你亦可以話,如果投資蝕,日元匯價升,亦可抵銷部份跌幅。
如果你多手做下野,亂咁走去對沖日元下跌風險(例如:沽日元期貨合約),你就會面對因日元上升,期貨合約馬上輸錢的局面。如果件投資輸左錢又唔賣得住,即是匯升、價跌的 Scenario,投資者會同時面對投資虧損及日元期貨合約輸錢的雙重損失。所以,選擇適合的外匯對沖工具是非常重要。
如果突然唔知邊度爆D咩危機,風險資產價格急跌,由於日元濫印、濫借嚴重,大家一齊賣野,一齊收番D美金,一齊賣美金、一齊買日元、一齊還日元貸款,由於上述所有野係大家一齊做,日元匯價係可以急升。如果沽左日元期貨做對沖,投資者可以失驚無神俾人斬到一頸血。
如果投資者不熟悉日元匯價及資產價格的關係及性質,試問如何投資海外資產、如何對沖呢,以及有冇準備面對這種潛在的雙輸情況?
上述日元股票及物業的例子,好似講到日元期貨合約好冇用。但係日元期貨合約係對沖 Future cash flows 係十分有用,因為期貨合約操作簡單、成本低。
結論
如果香港人去買外國資產,除左睇當地嘅升值潛力外,還要留意相關的外匯風險,因為好多外幣唔係好似人仔咁純情。講咁多,唔係叫你收韁唔好買,只不過係想你停一停、諗多諗啫!
2007 – 2009年,我做緊 Corporate treasury嘅工作,公司經常係日本買貨,如果第日有時間,我可以講下當年係強日元的情況下,企業(當然規模唔細嘅公司)如何管理日元匯價波動的風險。
本文獲作者授權刊出
Peter Parker
property.hk