記得有一次同人妻出街，當時Shoppen、Modern House等新張開幕，平均至少排個幾鐘先至入到一間鋪頭，但我竟然手機冇哂電。不期然，當日我全程冇望過手機，只係同人妻傾計，所有嘢同佢同步。返到屋企，佢同我講：「今日好開心，你好似返咗嚟咁！」。嗰種喜出望外嘅表情，開心過收到禮物，至今我仍然難忘。
原來，氹女人開心唔係真係咁難。當你同佢一齊嘅時候，專注於佢；當佢講嘢嘅時候，望實佢；當佢需要你嘅時候，即時俾反應佢。（咁你就唔洗買禮物 :D ）雖然呀媽係女人，但好多時明明手機冇響都會望，地震又以為手機震，甚至衰仔到一路tsum tsum一路聽人妻講嘢。
不過，呢排人妻句「你返咗嚟」成日喺我腦袋中出現，後來我自己心裡做咗一個小承諾：
1️⃣當同人妻一齊時，特別係食飯嘅時候，盡可能唔望唔撳手機。如果因為著咗條時尚窄腳褲，而部iPhone Plus又真係好Q大，硬住大脾，點都要拎部機出嚟先舒服，都要反轉放檯面，然後放個銀包上去，提醒自己唔好隨手撳電話。
2️⃣如果冇咩特別公事，較埋靜音，有咩missed call missed message 就拜山先講，丫唔係，之後先講。
3️⃣如果真係需要覆，就要單聲：「唔好意思，等我覆埋個message先」，然後就放返原位，我指擺哂陣嗰隻原位喎。
當我咁樣做嘅時候，我發覺件事好唔同，雖然同樣地我都聽得到聽得明人妻嘅一字一句，但當我專注於佢，你係感覺到佢嘅滿足感，大家嘅心更加Connected。
她的快樂，值得我放下手機❤️
#我知好基本
#但我仍然學習中
#有時都會唔記得
#希望習慣成自然
#其實人與人相處就應該咁啦
#呀我多謝你睇哂呢篇野但希望唔係阻住你同人相處啦
tsum tsum d字頭 在 tsum tsum d開頭的影片 第1集 - YouTube 線上影音下載 的推薦與評價
角色的技能與入手方法也一目瞭然！ 目次▽頭文字「A ... TsumTsum 字首分類@ Kucoyun Land :: 痞客邦:: - TsumTsum 字首分類破任務時經常會碰到"用字首為OX的 ... ... <看更多>