關於 uber眼點解 ，我們在網路上蒐集到這些相關的討論、資訊與評價

呢個學生本身2018年前已經跟我做gym, 都減得唔錯，但之後返返英國就唔知點解變咗圖左，當我第一眼望到張相，我係想恭喜佢(絕對無黑心，因為我以為佢有咗🤣🤣🤣)
返返香港後，佢終於忍唔住，決定認真操返嘢，雖然仲有好大進步空間，但已經無咁嚴重😌
我想講，如果有一日你肥到一個點係自己接受唔到自己嘅話，咁你就要好好plan吓認真改變飲食習慣同開始做運動了，如果唔係都幾大獲🙈

以下係大多數人嘅致肥嘅原因，你又中咗幾多樣？而你又肯唔肯去改變？

- 飲甜嘢(罐裝汽水，紙包飲品，珍珠奶茶，cocktail等等)
- 食甜嘢(朱古力，雪糕，中式糕點，西式糕點，甜品等等)
- 食高脂肪食物(中餐，中式點心，油炸嘢，Burger，加工食品等等)
- 壓力太大(工作壓力，家庭壓力，情人壓力等等)
- 唔夠休息(每日唔夠6小時睡眠)
- 情緒影響(失戀，失身，失業，失學等等)
- 少運動(即係除咗喺屋企會行吓之外，一岀門口就Uber或者的士，放假會寧願做妲己都唔岀街行吓嗰啲，但明明已經係返office齋坐)
- 食得太少(玩斷食，但係以星期咁計，無時間食正餐但有時間食零食或者食宵夜)
- 食得太多(以增磅為理由，唔計份量狂食，以自己胃口做指標，每餐食得勁快，食到過哂火都唔知）

其實仲有好多原因不能盡錄，所以大家要注意多一點。

以上資訊由 @ptpro_fitness 提供💪💪💪

接上月文章

一直以為台灣可以守得住呢次疫情，點知5月中起一下爆得咁勵害，警戒令下分店幾乎停業三個月，雖然8月中已經全部正常營運，但街上人流依然寥寥可數，其實同停業冇咩分別。

台北店係首衝影響最大，因配合旺季，每年4月開始員工會由三名增至五名，而當中會有兩名正職及三名兼職（時薪員工）。

里奧叔叔（Edward）保留兩名正職同事放有薪假由5月中至6月底，但時薪員工只好先行資遣，以為可以頂到正職同事既人工不變。但最後疫情繼續升溫，7-8月仍要停業的情況下亦只好以停薪留職安排。

而台中及高雄同事都有類似安排，好彩大家都明白目前處境，放假、減班、停薪都少不免

台灣勞基法比香港勞工法例難搞，好多時都會有意想不到的問題發生，少少野做錯就比人罰錢，為安全不犯法起見，好多公司都會以年費（大約3-5萬台幣）聘請律師當法律顧問，而服務範圍多數是面對勞基法和顧客問題，當然 與員工保持良好溝通和商討比一切都重要，對簿公堂還是可免則免。

好多人會話，轉戰網購可以嗎？

唉…消費需求大減轉去邊度戰都係一樣，做咗十幾年生意真係從來未遇過咁壞既情況，呢幾個月每日返到公司都係與同事你眼望我眼，等運到😅 而生意最好嘅公司，應該只有Uber eat & Food panda

政府推出舒困

當然冇人想拿到舒困金，因為要生意下跌超過一半先拿到以每名正職員工4萬的補助，咁政府到底用咩標淮嚟分別兼職同埋正職呢？

今次就以4月30日入職而且有投正職勞保作標淮，亦即係話有D為咗慳錢而冇幫員工投勞保嘅公司就拿唔到舒困金，勞資法亦有規定，不論正職與兼職，上班第一日就需要投保，否則犯法。

里奧台北、台中、高雄合共正職員工10名，其他都係時薪員工，每名正職4萬都有40萬，咁緊係要申請啦，文件齊全的話好快就批出，前後大約只用左2星期。

打開銀行戶口一睇…What ? 點解得8萬既？

當時心情沉咗一沉，原來係人事部同事處理投保時經網上投保，正職員工及時薪員工上的選項誤將8名正職填了時薪員工。

大家諗下當時里奧係咩心情？想痛駡一頓呢個同事嗎？（絕對想）
但發脾氣又有咩用呢，炒咗呢位同事亦無補於事，最後只好與經勞保局，經濟局溝通解釋，寫十封八封email解釋一下，希望有彎轉啦。

搞咗成個月，到今日都依然未搞掂，到有結果時再同大家分享。

而呢位人事部嘅同事可能怕我追佢承擔責任（其實邊有得追，只能怪自己管理不善）一出事就話家人送佢去美國打疫苗要辭職，所以話呢，有乜野比有父蔭更幸福。

台灣政府下個月又推消費卷啦，相信一定對消費市場有幫助，但都要疫情真正減退先啦，呢方面我對政府仍然有信心的。

#台灣做生意話難唔難
#真係要係台灣認真做過幾年生意先講自己有經驗
#台灣人事VS香港人事

#移民台灣
#投資移民
#日希移民

［Food，Panda］熊貓扑嘢都有受惠股！日本股市真好玩。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

TLDR：東京上野動物園熊貓交配，上野餐廳股即時炒起！不過以前都試過食詐糊。你知啦，熊貓嘅嘢，你急佢唔急。

1. 股市淡靜，東京股市最大嘅新聞，就係呢隻「東天紅」8181（東證一部的說）， 一度抽高30%，收市都仲升9%。乜東東？中華料理。點解升？因為上野動物園隻熊貓有咗！關乜事？話預之後好多人去睇喎，「東天紅」總店就在上野公園，不忍池側邊。有利生意呀！

2. 咁都得？車，AMC都係咁升啦。況且，熊貓扑嘢雖然似鐵樹開花，但都唔係百年一遇。2017年都炒過一次！第時真係日日睇住啲熊貓扑嘢去買股（住上野嘅朋友可以得閒去睇下）！其實官方3月已經宣佈，「真真」同「力力」 已經扑咗兩鑊（原諒我的粗鄙）。當時已經炒咗一轉，真係一早可以買定等派彩。

3. 另一間上野精養軒（9734），亦係在上野公園。個名雖然鹹濕（？），但其實係明治時期赫赫有名嘅西洋理料店，「太平館咁上下」。股價亦都勁升10%

4. 同時間，星期五亦剛剛係上野動物園重開。「似乎啲熊貓都係悶得滯就扑嘢」。之前有乜做？其實都冇嘢做，但成日畀啲港媽港孩睇住，怕醜嘛。閉園咪專心扑嘢。

5. 眾所周知，熊貓都真係好難繁殖的。但並唔係佢地懶到嘢都唔扑（懶得過你？），其實野生熊貓係絶大多數識扑嘢的，但閉佢入動物園後就變咗唔識。所以，啲友發明咗一樣嘢：就係睇四仔！睇乜？咁你睇乜丫。你都係睇其他人扑啫，唔通睇熊貓？咁熊貓咪睇返熊貓扑咯，唔通睇吉澤明步？（話時話剛剛睇完佢本自傳，有機會寫讀書報告）。如果熊貓睇吉澤明步，咪同你去睇熊貓四仔差不多變態。（咁當然性幻想嘅嘢唔害到人，或者熊貓，就OK）

6. 至於另一江湖傳聞，話熊貓嘅陽具係S型的，我就冇證實。我睇過（有幾奇？）好似唔係，唔知呢個傳聞點嚟，好似係黃霑嘅「不文集」。倒係後來見過熊貓陰部，唔係四方，不過都係個倒V型，十分難搞，自己搵相（我個人係好有求學精神的）

7. 不過呢，炒股如扑嘢，係有風險的。都試過食詐糊。2013年都以為有咗，但結果係中空寶。股價即時大瀉。

＝＝＝＝＝＝＝＝＝＝＝＝＝＝＝＝＝＝＝＝＝＝
8. That’s all for 熊貓扑嘢，講返日本同金融。首先，呢間東天紅，市值30億……yen。兩億幾港紙，算吧啦。2000年時差不多20000 yen一股，2018都仲有3000，而家得1100

9. 中華料理嚟的，我當然冇去過！一個香港人可以有幾放棄自己先可以在日本食中華料理？「不過我在京都都食KFC」。間嘢望落個樣都似正常，tabelog 評分3.3—還好啦，聽聞日本人十分之閹尖腥悶，最緊要都係性價比（仲傳染咗去台灣），唔係平靚正就好難高分。或者生性保守，唔似鬼佬咁乜都excellent，個個Uber Rating都4.9（本人4.77，已經畀人懷疑我係咪反社會人格）。

10. 同香港OpenRice間撚間都隱世小店邪惡拉絲相映成趣，你見Tabelog好少舖頭可以去到4字頭，even 咩南千住尾花鰻魚飯都只係3.8，早年有4字頭，啲友話貴喎。不過，小野二郎檔嘢就有4字頭，但我冇食過，唔好問我。「唔係食唔起」「不過唔抵」「即係食唔起」。

11. 講返，我算肯使錢食嘢，但食過嗰啲覺得好得嘅，都冇乜邊間有4字頭。Even結婚周年同埃汾太食米芝蓮兩星法蘭西餐都只係3字頭。「唔係食唔起三星」「不過唔抵」「即係食唔起」。

12. BTW，之前見日本餐廳老細寫書，話呢啲（即係我）睇Tabelog評分嘅人，正一西客。唔尊重料理業者乜鬼喎，你看到匠人精神，我就看到保護主義，no competition please, Dad knows best，你啲友邊識分咩係好嘢。

13. 講返，呢段新聞觸動咗我，除咗因為Andrew Wiles出文就梗係寫日本最好，亦因為我去東京，絶大多數都係住上野。原因？好簡單，因為第一次去嗰時就係住嗰度。有一期我twitter個username就叫「上野廣小啤」。因為個站叫「上野廣小路」（多得廣末涼子我知道嗰個係廣字）（其實細細個打機都知啦，趙雲個仔趙廣嘛）

14. 即係而家啲小朋友，在老母個子宮度，未出世都已經一年去咗幾次日本。但本人呢，去到2015年，37歲先第一次去，完全係loser，難怪港女睇唔起（幸得埃汾太唔嫌棄，但埃汾太好似廿歲前已經去咗十次日本）。

15. 2015年冬天嗰次，我第一次去日本，仲係某日本公司請嘅。出trip去日本，諗起都興奮，完全就係「小男人週記 錯在新宿」，可惜冇關芝琳，同行識咗幾個香港朋友，有個死撚埋添（有幾出奇？人就係會死架啦）。

16. 咁公司就安排我地住上野，相當之……modest嘅酒店，包保唔會畀人話。所以在我東京自己食嘅第一餐飯，就係燈燈燈燈，上野站嘅一蘭拉麵。當時香港都有，點解仲要去食？因為24小時嘛！半夜走出去食。

17. 及後再住上野，上野站嗰間 Wendy’s First Kitchen依然係次次食，因為香港冇得食（但，香港後，第一次我食返，係在吉隆坡，也是出trip）．當然不忍池對面嘅「伊豆榮」鰻魚飯都係相當不錯。冇「尾花」咁好食，但我唔使去南千住仲要排到仆街。

18. 食完就係去上野動物園，睇企鵝兼睇熊貓。呢個上野公園，亦係我2015年出trip，stay behind解散嘅地方。嗰次就咁行個公園就行咗半日，除咗門口嘅西鄉隆盛同隻薩摩犬，就係港女台女大陸女在著和服影相。有時更加有黑人女人影。

19. （呢度我真係冒住畀人鬧都要講，喂，港女台女大陸女就算啦。但，白人亞洲人去黑人打扮扎辮仔，又話文化挪用，溝操亞蒲丕A唇。咁做乜黑人去著和服就唔係溝操亞蒲丕A唇？當然如果白女例如Melody Marks或者Emma Lawrence我就唔介意的）

20. 我仲記得，我第一次去上野動物園，仲買咗幾隻公仔。一隻企鵝，一隻係…..都唔知狗定熊嘅嘢，後來上返官網睇，居然每隻公仔都有話你知係乜。「拿你睇人地做嘢幾認真」

21. 唔止，當年我仲在上野配埋眼鏡（好快拎得），平靚正，仲有日本妹同我驗眼（梗係講英文，雖然佢有嘗試講普通話）。仲買咗幾對波鞋。「然後覺得香港嘢啲嘢真係搵笨實」

22. 當然呢啲日本人服務優良背後甚麼代價呀，就你可以寫多幾千字批判了。我就只係知道，以上種種，都回不去了。

23. 咁固然，如果你住日本咪得，我都有香港朋友住日本，Patreon讀者都有幾個（十分謝！）。咁住親嘅都唔鍾意，好合理嘅，你做遊客一回事，住嗰度又另一回事啦。正如我好鍾意馬其頓（而家叫北馬其頓），但我唔會搬去住嘛！

24. 但，真係唔緊要呀下，心存樂觀，總會開返。最緊要鬥長命。同埋，記住儲多啲錢。你唔係諗住仲有幾百蚊機票下話？

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

杜氏數學 官方網站： http://www.HermanToMath.com
賭Sir 幫你急救 DSE 數學： https://HermanToMath.skx.io
----------
?️賭Sir是杜氏數學Herman To Math的始創人
?全港唯一「完爆」【DSE Core+M1+M2】、【IAL 12科Maths】、【AL Pure+Applied】、【CE Maths+A.Maths】的數學導師
?全港第一最多訂閱粉絲的數學教育YouTuber
?YouTube觀看次數超越700萬、訂閱粉絲超過50000人
?著作：《YouTuber新手到網紅》、《5**數學男人嫁得過》、《碌葛男人嫁得過》、《賭波男人嫁得過》(獲Google嚴選2018年度50大最佳書籍)
----------
賭Sir收集著數派街坊:

❤️YouTuber Go網絡課程 全港最平+獨家 報讀優惠：
?報讀初班 $600 (原價$800)：https://www.youtubergo.com/payment/b-hermantomath-0600.html
?報讀初班+中班 $1500 (原價$1800)：https://www.youtubergo.com/payment/bm-hermantomath-1500.html
官方網頁：https://www.youtubergo.com/

❤️無限操數王(epractice) 全港最平+獨家 優惠(可同時使用)：
?50%OFF 半價優惠碼：MC83-AI93-NFW0-331E
?25%OFF 額外邀請碼：J7N9-RDRP-NFAH-OH13
官方網頁：https://www.dsemth.com/

❤️Tidebit全港最穩妥的比特幣(Bitcoin)交易所：http://bit.ly/2LIWA4J

❤️Uber免費送你$25優惠：https://www.uber.com/invite/2utyzr
----------
杜氏數學 官方網站 http://www.hermantomath.com
----------
《五夜講場 - 哲學有偈傾 2018：對面的馬克思看過來》
https://www.youtube.com/watch?v=HMG7iUGXJ_I

《【聚光燈】為甚麼陶傑認為年青人不應該讀哲學？ - 01哲學》
https://www.youtube.com/watch?v=Zj3Tyh8w6ig

《哲學有偈傾 45集全》
https://www.youtube.com/playlist?list=PLAgZMoOPRu98K20bqeySYcN_u0-LaB1xC

《The Low Mays - 马克思 MARX [MV]》
https://www.youtube.com/watch?v=pxmfaJsKibIo
----------
好多人一聽到馬克思，就聯想起共產主義；諗起共產主義，就會連繫到「做又36唔做又36」、「專養懶人」、「口講公平但實際上唔公平」……

中國最偉大嘅馬氏三兄弟－－馬雲、馬化騰、馬克思，馬克思可以話係極權到出曬面，名都話你知，克思克思，要克制人嘅思想，令人嘅生活缺乏自由……

但上述嘅評論，原來唔單只係誤解咗馬克思，馬克思直頭係用上述嘅論點，批評資本主義。

吓！咩話？當我地崇尚資本主義，批評馬克思嗰套「專養懶人兼剝削自由」嘅同時，原來馬克思批評資本主義「專養懶人兼剝削自由」？

情況就好似你嗌人八婆，但原來人地一直嗌緊你係八婆，咁究竟邊個先至係八婆呢？

前排翻睇咗個節目，叫做《哲學有偈傾》，其中一集係講馬克思。當中探討咗好多例子，大家睇完呢條片，可以撳嚟翻睇，接下來我揀咗其中一個例子同大家分享分享：

馬克思相信人嘅創造性，就算無人安排工作畀佢做，佢都會自發做一啲好想做嘅嘢，實現自我。嘉賓提出咗個例子，話有考古學家掘到啲原始人嘅石器，證實係無功能嘅，推敲其實係原始人嘅藝術品，助證人嘅本性就係會自發透過工作嚟實現自我。

聽到啲咁離地嘅嘢，我地呢啲資本主義生物，梗係衝出嚟反駁啦：「阿馬生，你呢啲咪錯誤判斷人性囉，你睇依家香港就知啦，人係中意Hea嘅生物，無威逼無利誘就唔做嘢㗎啦！諗得咁理想，咪最終養懶人囉！」

呢個時候，哲學佬舉咗一個例子，佢話：今時今日嘅人中意Hea，其實正正係因為資本主義，令到人過份忙碌，打壓咗人嘅自由，令人淨係打份牛工都已經得返半條人命，無心神實現自我。舉個例，有好多人就算識煮飯，但因為放工已經攰到爆，根本唔想煮，更加唔想洗碗。可能佢好中意煮嘢食，但實在太忙，無辦法享受烹飪嘅樂趣。

但另一邊廂，好多闊太少奶奶唔使返工，好鬼中意煮嘢食，甚至一日煮到黑，仲周圍請啲朋友食。正正係證明咗，人無嘢係會搵嘢嚟做。

仲有個問題值得深思：究竟邊個先係懶人？

點解可以有人無嘢做，又有錢，洗十世都洗唔完，得閒到一日煮到黑，周圍請埋朋友食？似乎資本主義之下，正正養住好多呢啲有閒階級嘅懶人，二世祖、富二代、少奶奶……

講開香港就啱啦，大家族、大地主嘅後代，簡直係24小時得閒，同時荷包洗極都有，每秒都賺緊錢。靠嘅就係收地租，好聽就叫租務，實情就等如黑社會收陀地，穩穩陣陣乜Q都唔使做，零生產甚至負生產，都賺錢多過草根階層成世人辛辛苦苦、營營役役搵嘅錢。除非爛賭，否則真係唔知可以點樣敗家。唔只做又36唔做又36，直頭係「唔做又36億，做又36億！」仲可能係美金。

主持人進一步指出，資本主義嘅賣點係效率，即係付出最少，獲得最多。呢個原則嘅極致，就正正係不勞而獲，零付出，但坐享其成，似乎結構上資本主義先至係養懶人喎。

唔知你點睇呢？利益申報，我嘅答案係：無眼睇。我呢啲低端人口，唔講咁多，錄埋呢句算數，快快手拍多幾條片，賺多幾個臭錢養家，再見！