［第九餐］［台北美食日常］文慶雞。雞，全部都係雞
1. 埃汾幾鍾意食海南雞飯，N年前元朗西菁街間「鄉村小廚」直頭一絶（＊），而家可能食「栢檔」，或者，ChatterBox （K11 Musea，亦即係新加坡文華酒店）。當然以前上環返工時，泰妃雞我都食，絶對唔係好食，但開得夜。你問，喂，「水門」呢？實情未變排隊黃店時我已經食，之後反而少，因為有個姐姐仔啲態度相當……有個性。咁當然冇問題，我咪唔買咯。而尖咀間「水門」我都有食。
2. That’s all for Hong Kong．泰谷紅色綠色都去過，不過我只去過一次曼谷（轉機唔計），留畀其他專家講。新加坡我倒去過幾次，而且有一鑊仲要食咗七餐雞飯。
3. 再次強調，都冇話正唔正宗之類。但首先，應知道新加坡啲雞飯冇香港嗰啲咁大碟，冇咁大舊雞。咁另外，當然係無骨的—呢個亦係埃汾食海南雞飯嘅原因。因為，懶（＊＊），冇骨，你由我成日食叉燒燒肉飯就知。
4. Anyway，嗰次去新加坡寫足七餐雞飯，後悔冇出返七篇文。但好似比較出名嘅，我都有食。我最鍾意嘅都係文華酒店，請屌。同場仲可以食珍多冰同椰子雪糕。加上其實去坡國多數出trip，有得claim。又話說星展對我都不錯，去坡國都住靚酒店，但就冇住過文華。
5. 咁你話唔抵，就肯定唔抵架啦。比較抵嘅？好多人講天天。真係平，但我係普通的。係平咯，冇啦。香港都開咗，更加不知所謂。
6. 另外食過好嘅，有「逸群」，我特別鍾意佢老店格局。仲有，牛車水附近間中峇魯。另外唔知做乜有一日走咗去東區（應該因為太夜，而反正可以claim 的士錢），有間五星亦不錯。
7. 至於唔得嘅？就係文東記。
8. 講咗一大輪，今餐我在台北食嘅，就係文東記。在台北叫「文慶記」，可能啲註冊問題？但總之的確係新加坡嘅文東記。而我明明已經食過一次，但冇留意就係文東記，反而埃汾太係知的
9. 上次食過都冇乜特別，但唔知做乜又決定叫外賣。結果，喂，好食喎！
10. 首先，份量係夠的。有時在台灣叫最平嘅餐真係有啲空虛，多數要右嘢。咁一來我大食，二來台灣人食嘢的確冇香港人咁大份量。佢地十分驚訝香港人可以早餐食個沙爹牛麵然後仲腸仔蛋多士。
11. 咁另外，雞固然不錯（我呢個係雞腿肉）。但個飯真係正。而埃汾太話我知係泰國米，我話，嘩，咁你都知。佢話睇形狀就知，台灣米唔係咁。所以真係埃汾太先係高手。
12. 另外，右邊嗰個，肉骨荼。普普通通。但肉骨茶呢味嘢又係有啲個人口味，有坡式同馬拉式。亦即係潮式vs福建式（＊＊＊）。我呢個咁色水嘅就係福建/馬拉式。坡式/潮式嘅係乜？黃亞細嗰種。而我係鍾意黃亞細的。又，台北都有黃亞細，可以再試。
13. 呀，如果講台北，海南雞最強，應該係「慶城海南雞」。我都食過多次。就在慶城街，而不遠有間春水堂，十次有十次我都係買杯春水堂然後拎入去飲—記住，在台灣呢個係十分正常嘅事，唔畀外食先會貼住，一般冇話唔畀即係可以。又係文化不同了。
14. 不過「慶城海南雞」冇得叫UBEREAT或Food Panda，要用「卡個位」。本質上係有啲唔同的，就係搵人幫你排隊。即係南亞仔買演唱會飛或波鞋咁上下。
15. 前面嗰杯，唔係有人加料，亦唔係豆漿。而係……薏米水。夾埋晒就375
（＊）檔嘢其他嘢都十分好食，椒鹽鮮魷呀，奶茶呀都好。可惜都收咗皮好多年了
（＊＊）埃汾太幫埃汾剝蝦殼嘅事情震驚咗好多朋友。咩啫，我強調返我唔係唔識剝。大閘閘我都（睇完youtube後）識拆。但，要碌電話嘛，所以一般打邊爐都係埃汾太代勞。另外有一鑊，早年埃汾埃汾太（未結婚）同埃汾媽一齊打邊爐，埃汾媽見到埃汾太剝蝦殼呢下嘢，完全係不能接受—結果佢喝令佢老公（非我老豆，早早離咗婚）幫佢剝蝦殼。
（＊＊＊）講過一樣幾有趣嘅嘢，你有冇發現，台灣係冇「潮洲人」呢回事？甚至冇「潮洲菜」乜滯。去晒邊？簡單嚟講，當年歸類係被當埋係福建人。好似係日本仔唔識。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
月頭訂最抵，Ivan Patreon，港美市場評點，專題號外，每日一圖，好文推介。每星期6篇，月費100蚊唔使，4個月已800人訂！（https://bityl.co/4Y0h）
ubereat註冊問題 在 [問題] Ubereats註冊問題- 看板FoodDelivery - 批踢踢實業坊 的推薦與評價
我要註冊機車美食外送，在註冊頁面也都選擇了機車，文件上傳審查也都是要我上傳機車駕
照行照，但是到了app開啟以後在幫助裡的行程相關費用都是跟Uber Taxi的內容，想請教這
是怎麼回事？
--
※ 發信站: 批踢踢實業坊(ptt.cc), 來自: 42.77.227.6 (臺灣)
※ 文章網址: https://www.ptt.cc/bbs/FoodDelivery/M.1630977609.A.970.html
※ 編輯: MacMac (42.77.227.6 臺灣), 09/07/2021 09:21:48
... <看更多>