關於 v city鼎泰豐 ，我們在網路上蒐集到這些相關的討論、資訊與評價

#親子好去處 ❣️新地商場食買玩兼打卡 一站式賺埋消費券多重獎賞❣️

平時同小兄妹出街，都會去唔同商場食飯、睇戲、行街放下電，一站式夠哂方便！而家去22個新地商場，唔止特別多卡通人物影相位，用消費券食買玩，仲賺到商場加碼送出嘅多重獎賞。今日同哥哥就去咗新地旗下商場─屯門V city，呢度吃喝玩樂、衣食住行乜都有，暑假嚟仲可以搵埋郊遊造型嘅熊本熊影靚相📸，之後再同小朋友shopping食嘢，消磨一日時間無難度😌

而家喺V city或其餘21個新地商場用消費券🛍️滿指定金額就可以換領《消費券加碼賞》🌟滿$500換$20指定贈券；滿$1,000換$50指定贈券，每日賺高達$70指定贈券😍好似我咁用WeChat Pay HK登記消費券，仲可以使少啲就賺到贈券 (門檻分別係$300同$800)✌🏻 ✌🏻 9月30日前喺V city即日消費滿$2,000仲送總值$200 V city商場贈券添🥳推廣期內，首1,000名會員換領更可額外獲得$100指定贈券添！

因為就快開學，所以去咗誠品書店📕買定啲文具同埋補充練習俾小兄妹😎，跟住去埋新開嘅DECATHLON😜買露營用品💵準備之後同小兄妹去戶外放下電✌🏻輕鬆一下😁！

行到攰就梗係搵個地方坐低開餐啦😋冇得搭飛機去台灣唔緊要，因為我哋可以嚟V city食鼎泰豐😎呢度嘅小籠包真係冇得頂，皮薄餡靚又多汁😛食完再登記做埋The Point by SHKP會員，仲可以參加八達通滋味賞(須於22個新地商場指定餐飲食肆同餐飲零售商戶用八達通消費滿$600)換領$30新地商場電子贈券🤩

今日喺V city賺完獎賞😍過幾日同爸爸再去其他新地商場shopping，繼續日日消費日日賺獎賞先😆(推廣期去到12月31日)

#消費券加碼賞 #消費券雙重享 #新地商場八達通滋味賞 #新地22個商場 #ThePointbySHKP #vcityhk

早兩日收工諗住死線前食埋飯先返屋企，但好多餐廳5點半已經截左單。最後去左屯門新開嘅鼎泰豐食左個光速餐，17:40坐低，未到18:00走人。啲位幾好坐，預計唔係疫情下，人多都唔會太迫。我叫左碟排骨蛋炒飯，個碟好細隻，好似平時茶記2/3咁上下，用左珍珠米黎炒，我個人食炒飯鍾意絲苗多啲，純個人喜好。但個飯炒得好有鑊氣、好香！屬於油比較多嗰種（接受範圍內），唔係好乾爽嗰隻，係唔太健康，但其實咁樣係好食啲嘅 XD 塊豬排好重胡椒味，撈埋飯食風味十足。質地好鬆軟，但又唔係用食粉醃到腍腍爛爛嗰種，加上肥瘦適中，啱晒食肉獸嘅胃口。

阿Kit食牛肉麵，個湯上菜時已經唔熱，只係微暖；但我理解而家有限聚令餐廳收6點，我地入座其實人地已經差唔多要收舖，個湯唔熱情有可原。不過佢地嘅牛肉麵真係好普通，好冇個性，你知道自己食緊牛肉麵，但又講唔出佢同其他「流流地」嘅舖頭有乜分別。另外點左一籠絲瓜蝦仁小籠包，阿Kit一向鍾意呢樣野，我就麻麻地絲瓜。嗰日籠小籠包係即叫即蒸，熱辣辣，塊皮做得好好，薄而不穿。btw，有得揀就唔使食鼎泰豐；但街坊近近地呢間可以幫襯，幾位店員服務仲幾有禮貌。

鼎泰豐
地址: 屯門鄉事會路83號V City商場MTR層M37&M38號舖
電話: (852) 2834 8818