終於做咗一件講咗年幾都未做嘅事,就係行街😂!對你哋嚟講好普通,對好佬、又勁忙嘅我嚟講,簡直係要擇日先得🤣
咁都係果句啦,好嘅要大讚,唔好嘅我哋笑下算數,做人開開心心,為自己身邊製造一個好嘅循環。
話說,我同個朋友傾完電話,就好想食鹹水角,因為朋友話要請我食,但佢喺屯門,咁遠水路,我老人家唔識合去喇🤣於是,我去咗一間有得食嘅。
見餐牌寫住梨子鹹水角,心諗梨子係指個餡,點知,拎到嚟時成個深綠色,我未見過綠成咁嘅梨子,咪問職員囉,又點知,職員一嚟就以避開責任嘅方式答我,話:我咪講咗係梨子囉,有寫㗎!嬲到我叫佢行開。後來,另一個職員話無用色素,係菠菜汁整成,我咪咬一口試吓,再點知,唔脆之餘,仲有少少螢光,我都係唔食喇,唔想個胃發光😂
因為唔飽,於是去食雪糕,我幫襯咗海港城間Venchi好多年,不過我唔係經常光顧,事關我好少食甜嘢,但如果你鍾意,推薦你試試以下:
1)開心果味
開心果味濃,對我嚟講稍甜,鄉里話啱啱好。
2)減糖味特濃朱古力味
好似我教過大家整嘅朱古力雪糕,好香朱古力味、甜味好啱我(但我估你哋食第一口會覺苦,食多幾口就會啱啱好)。
3)Tiramisu味
適合喜歡稍甜,但又愛咖啡味嘅你。
4)松露朱古力味
朱古力雪糕入面有粒粒榛子,唔錯。
順便讚下店員,見佢一個女仔睇店,面對3組客共7個人,仍然好能幹、又好有耐性,我哋讓前面2組客先,佢又好有禮貌咁猛多謝我哋,好到我想請佢返鋪頭做嘢,哈哈!挖角呀挖角🤣!
食飽之後,我真係要鼓起勇氣買化妝品,總唔能夠一套用到第六年,係唔可以嘅,因為化妝品都會過期,就算我再慳家,都要好好護理自己。
返Facesss間 Dior Backstage,諗住買完即走,點知畀我遇到一位化妝顧問Gavin,嘩不得了!佢做事超有心,超好,超體貼,好有耐性咁教我用化妝品,由打陰影、畫眼線、畫眉、掃胭脂……都好盡心咁教我,令到好佬嘅我都好努力咁記住,真係好好好好開心!你睇佢將我塊Pizza面化到幾瘦,眼又有神!完全睇唔出其實我係攰到好似被石頭壓住咁。
今日好圓滿,有件螢光鹹水角笑吓(不過呢,唔好嘅嘢我就唔POST相喇,我唔鍾意啫,可能其他人會好喜歡 :))、又食咗雪糕、又買到化妝品、又遇到好嘅化妝師 + 化妝品顧問,係時候返屋企工作喇!再唔做,眾編輯就會問:靈山請問交得未呢?🤣
(呢個唔係廣告,係我今日行街嘅經歷,有好嘅就讚下,唔好嘅笑吓,全部我自己畀錢架!)
venchi屯門 在 【Life Channel】Harbour City | 海港城Venchi | DJI Pocket 2 的推薦與評價
【Life Channel】Harbour City - Venchi | 海港城 Venchi | DJI Pocket 2 | 2022.01.05 ... 屯門 時代廣場南翼4K | Tuen Mun - Trend Plaza (South Wing) | DJI Pocket 2 ... ... <看更多>
venchi屯門 在 Buyandship 香港- 【義大利Venchi 朱古力|本地價35 折】 ... 的推薦與評價
義大利Venchi 朱古力|本地價35 折】 意大利頂級朱古力Venchi 香港專門店100g 朱古力要$148,但喺義大利官網$148 已經可以買到差唔多300g 朱古力, ... 屯門公路塞車關 ... <看更多>