［念親恩］我知我啲讀者都好孝順，係得我咁不孝架啫
1. 不過，搞咁多嘢，估下有乜回報？
2. 原來係：首50名完成10項挑戰的人士可獲得由Venture Studio送出的家庭攝影體驗套餐 (價值HK$2,500)
3. 仲要預咗到時又會說你升級呀，晒大你老母呀，老豆塊面好黑執下佢呀，家姐個胸太大執下佢呀，晒出嚟300 X 300 放在客廳呀，不如另外怕一執妹妹啦好唔好，唔係母親節幾舊水都慳呀？睇你金融才俊身光頸靚。
4. 你去到影相，可能同你去Lampe Berger 亮碧思聽人講香薰精油（＊），封你做伯爵子爵差不多（＊＊）。想當年呢，去到2000年後，在ICQ啲Random Chat女，好多都係搞呢啲東西 — 「我懷疑呢個先係ICQ衰落嘅主因」
5. 雖然我估做得晒十項嘅咁有毅力嘅，應該可以全身而退。
6. 但又話說回頭，邊個得閒檢驗你？「呀埃汾媽埃汾係咪有同我講我愛你呀？」「冇呀佢淨係話有免費影相」「仲要錫老母？唔怕肺炎？」
7. 當然本專頁嘅核心價值（係有的）就係誠實，絶對唔鼓勵人地明明冇做又去話自己做齊啦
8. 所以退而求其次，在自己能力圈嘅，不如做三樣。佢話做三樣都有獎。
9. 獎品係：首180名完成其中3項挑戰的人士可獲得由CLARINS送出玉手修護霜50ml (價值HK$115)或Jo Malone London香氛糅合™潤膚乳霜體驗套裝 (價值HK$118)。
10. 價值低啲，但凡事唔好睇表面，你拎呢啲東西，我估全身而退嘅機會極大。
11. 唔好意思，由海港城講到亮碧思。海港城就當然係好東西。我仲記得2004年我唔教書，最後在LOGON定乜買禮物（畀邊個？你話呢），然後在Food Deli對住個海寫情信，幾撚浪漫 (https://bit.ly/2VOjRq8)。
12. 然後我冇教書之後，做咗銀行。開始扮中產（雖然人工仲低過教書），平安夜同水姐（當時女朋友）（＊＊＊）返屋企煮飯仔，當然亦係在citysuper 買嘢啦。懶中產嘛。唔通去仁愛街市咩
13. 若干年後，重施故技，又係平安夜返屋企煮飯仔（所以你明白做乜我咁鍾意洛賓），又係海港城citysuper．對象變咗囡囡，即係而家埃汾太。返到屋企發生咩事不太重要（扑嘢啦，唔通報平安夜隬撒咩）。不過就好記得，囡囡去廁所去咗好耐（多人喎，自由行大媽），仲要收唔到電話。嗰十分鐘好似兩個鐘咁長。我以為佢會就咁消失咗，我以為佢在我好幸福嘅一刻就拎走佢（＊＊＊＊），我以為自己有報應— 「結果係冇嘅」。
14. 放心，呢個當然唔係海港城廣告。
15. 係喎，關金融乜事？唔關的，放假嘛。其實我都可以照寫，不過觀眾唔睇啫，所以本頁係會因應平日定放假調整節目的
（＊）本人上過東角的說，當然係年少無知被女呃，明嘅自然明。幸好天生冇大志，知道發達冇我份，做人都係踏實啲好，冇落搭。
（＊＊）聽聞做到咩公爵，十皮嘢月入。咁嗰時梗係覺得好多啦。但而家就覺得：屌你，搞咁撚多嘢，公侯伯子男，升五級，先得十皮嘢？係不錯，但距離發達，真係爭好遠咯。
（＊＊＊）其實我有啲懷疑佢會唔高興我寫呢啲事，但如果佢冇變，我估佢更加介意我提都唔提佢。
（＊＊＊＊）金基德《聖殤》，好睇的說。（https://bit.ly/2Wg57z5）
———————
版務：收費專欄已推出，支持埃汾高質文章。幾舊水睇三個月，一星期三篇
請去呢度訂：bit.ly/2wVXndj
課程編號填: CC01
科咗水後後有Login及Password畀你
逢一三五入去 homebloggerhk.com （見到就睇到《事先張揚》），亦睇得返以前嘅文。一般我都係會黃昏出文嘅。
venture studio好唔好 在 Venture Studios Hong Kong 的推薦與評價
Venture Studios Hong Kong， 尖沙咀. 12095 個讚好· 13 人正在談論這個· 702 次簽到. The Art of Photography. ... <看更多>