【 電視節目預告／22:30《返歸啦俄仔》首播 】
【 除非now e又打柴？！ 】
ViuTV播英格蘭VS巴拿馬最高收視破20點：http://bit.ly/2tFSTBU
今晚開始， ViuTV 不再免費直播世界盃賽事，直至7月3日。
學《家有喜事》裏面的李香琴話齋：「冇電視睇點算呀！哎喲世界末日喇！慘無人道呀！你殘忍呀！你黑心呀！」
黑心的話，很多人情願「now e」又死機。
不過，冇波睇，唔等於冇節目。
「編輯A」 Blue Kung 龔昨藍 告之，話自己試睇ViuTV播韓劇《醫療船》，睇到半路，已經頂唔順，要轉台睇《天命》，「張國強啲戲真係好勁，原來佢都60歲！」，結果轉個頭又發現和珅與乾隆數錢好騎呢，「煲劇女王」 黃潔慧 立即搭嗲：「史高治叔叔！」咦咦咦，咪即係《唐老鴨俱樂部》（Duck Tales）？我的童年回憶呀，一九八七年在翡翠台首播，細細個真的在睇，仲要識得唱英文版主題曲。
Anyway，病到呆吓呆吓，語無倫次。
重點係想講，今晚22:30，ViuTV會首播《返歸啦俄仔》，由真．俄仔 Ansheles 帶大家返去他的家鄉，即係一落機已經零下10度嗰種家鄉，唔使睇，聽見都打個冷震。
今次節目中，Ansheles會帶大家遊歷莫斯科、索契（Sochi）和喀山（Kazan），返母校、見前度女友、見阿媽（親生阿媽，Hi Auntie！！），總之飲飲食食之外亦會去玩去癲，癲到畏高但又會跳Bungee Jump，仲有打大赤肋浸溫泉和嘗試Russian Sauna，俄仔告之，他去Sauna期間，明明有條毛巾遮住，點知最後懵吓懵吓底褲都除埋，「但我動作實在太大喇，搞到要打格仔！」
嘩嘩嘩，唔通係童軍跳彈床？
不過，聽Ansheles講廣東話已經夠好笑啦。
（25062018）
＃游大東 ＃游大東影視筆記 ＃返歸啦俄仔 快樂的 Lamsailong 林細朗 浪遊旅人 林輝：旅遊寫作人 Pazu 薯伯伯 波波 （Ball Ball） 思想。隨筆 Wu Hei Man 胡希文 Yoyo
