Laiying エミー TANG 鄧麗英 真係一個好有才華嘅演員
亦都係香港近年好少有嘅女喜劇演員
[方以文問兩句] [Laiying エミー TANG 鄧麗英][教束]
[立即重溫 鄧麗英 精彩表演:《教束》https://viu.tv/encore/limited-education]
「不老騎士,為你做事﹗」當日一句「你哋需要我呀?」就吔住隻糯米雞應承加入不老騎士內閣嘅阿Mo,喺劇裡面唔算多戲份,但每次出場都好搶鏡,唔係因為佢成日食住嘢,而係因為佢啲反白眼同埋不屑嘅表情,真係震攝咗全天下。到底麗英佢係點練成一身輕蔑世間萬物嘅武功呢?
———————
問:你喺咩機緣之下參與《教束》嘅拍攝呢?喺拍《教束》之前有冇參與過其他演出?有冇演戲訓練背景呢?
答:喺上上年碌Facebook嗰陣時,就見到《教束》嗰個演員招募。佢個poster好得意嘅,有政府印出嚟嗰個兩個公仔[ 按:係小一入學申請表嗰兩個出現咗幾十年嘅男女同學仔] ,所以就去咗睇。咁見到裡面招募嘅角色都超得意,好似「零死角缺點王」之類嘅形容,覺得幾得意喎,咁所以諗都冇諗就遞咗表喇。
《教束》之前都有參與其他演出嘅,有學生作品,如果公開作品嘅話就有劉德華先生嗰套《熱血合唱團》、甄子丹先生嘅《大師兄》。因為自己一直都好鍾意演戲,所以一有機會都會去試吓。我中學時候有參加過三年劇社,之後畢業到依家都有參加啲戲劇workshop,係一啲常規課程,一個星期一次去做啲戲劇訓練。
———————
問:阿Mo呢個角色好鬼爆同埋hyper,係劇組同導演本身嘅設定?抑或係你自己加啲瘋狂元素落去呢?你本人同阿Mo又似唔似呢?
答:阿Mo呢個角色係導演組諗,本身諗呢個女仔係超級為食,仲好似食零食食到有癮咁。啲瘋狂元素,好似係咬魷魚絲同埋啲詭異笑容神態就係我自己加。可能當初casting導演都係睇到我呢樣嘢先搵我做阿Mo,所以都好多謝佢。
我真人同阿Mo唔係好似,我唔係成日食零食,嘢都唔係話成日食,呢個係最唔似嘅地方。另外,阿Mo啲表情咪超級誇張嘅,有時感覺係有啲creepy,真實嘅我就梗係正常好多啦,係同啲好熟好熟好熟嘅朋友,先會用呢啲誇張表情同奇怪動作去玩吓。
———————
問:拍劇時你食嘅零食係平時嘅幾多倍?有冇肚痛?
答:拍戲嗰時係我平日食零食嘅兩三倍,拍《教束》之前完全好少掂零食,係喺劇組裡面狂食,基本上每一次拍我都要帶住個零食袋,裡面就裝住啲魷魚絲、百力滋,拍嘅時候係咁食。拍完呢套劇我覺得自己都有少少上癮,會食吓零食咁。慘喇,今次真係肥喇。
———————
問:阿Mo同狗榮有好多糾纏嘢,仲有同神婆嘅三角關係。你同 #程人富、 #盧蓁宜 兩個係點夾呢?
答:我同程人富同神婆就冇特別夾嘅,好好彩我哋三個都係好傾得埋。我諗最大功勞應該係人富,佢平時都好主動叫我同神婆Claudia一齊去睇電影,佢成日推介周星馳,又會同我哋一齊傾偈。我平時係同Claudia玩多啲嘅,會唱吓歌呀、分享吓心事,因為不老騎士得我哋兩個女仔嘛~ 就係咁樣,慢慢熟絡起來。
———————
問:有咩想同程人富講?
答:超開心喺《教束》識到程人富,佢成日等埋位時又會同我哋唱吓歌、玩吓咁樣。我覺得佢真係超級有趣嘅人,好開心好開心識到佢,希望之後我哋都繼續咁好朋友啦,但如果係狗榮就,嘩,不了,哈哈,你快啲同神婆一齊啦。
———————
問:成套劇播到第16集,你絕大部分時間都係嘻嘻哈哈。到你埋數揭發學生會有人穿櫃桶嗰段又幾好睇喎,沉落嚟都做得到。你覺得hyper定係沉實難做啲呀?演hyper同埋沉實又邊樣好玩啲?
答:好多謝你覺得我嗰段做得唔錯呀,多謝。我自己覺得沉實係比較難做,我覺得自己演喜劇係比較好,要好大動作或者去做啲搞怪嘅表情、放開自己呢樣嘢會比較拿手少少。演嘅時候就難度不大,因為日常當中都差唔多有呢啲嘢透滲喺裡面。
但係沉著嘅戲呢,我哋唔可以一場戲如果唔開心嘅話,個表情唔郁或者唔笑就okay,咁係唔得嘅。因為內在要有種tension,做啲沉實嘅戲先會好睇。我聽 #劉俊謙 同埋 #朱栢謙 分享都係咁講,我覺得係要學嘅嘢。
Hyper同埋沉實我好難揀,因為兩樣演嘅時候都好鍾意好enjoy,因為hyper可以有好多種方法去表達出嚟,癲之餘仲可以更加癲。沉實對我就一定係個挑戰,因為我自己唔叻,要去學,要搵個方法令自己快啲入到種感覺,或者點樣可以喺鏡頭前面更加表現到出嚟,可以令到人感動。
———————
問:你自己最鍾意邊一幕?如果可以重拍你會有咩想改善呢?
答:我最鍾意係阿Mo一開頭食糯米雞嗰一幕。嗰一幕係一睇就知佢係個好為食嘅女仔,同我自己係好唔似。我拍嗰時都有少少驚,但出到嚟又幾好睇,好似真係有人係咁食嘢,所以我都滿意嘅。如果重拍嘅話,我諗係學生會自我介紹嗰一幕啦,因為我覺得可以做多少少表情或者其他嘢,可以更加放,咁樣阿Mo嘅性格會更加出。同埋嗰時對於鏡頭嘅位置唔係好知,好多時都望咗去地下啲位、塊臉又唔知擰咗去邊度呀,sense有啲差,如果可以嘅話都想喺呢啲位改善吓。
———————
問:你把聲好正喎,喺劇中有扮聲之外,我見你有upload自彈自唱嘅片,成日都唱日本動畫歌,有冇諗過做聲優 / 歌手? [按:麗英自彈自唱 >> https://www.facebook.com/laiyingdesu/videos/414798579296560/ ]
答:喂呀多謝晒多謝晒。我細個嗰時有諗過做歌手,去到中學就冇。咁嗰時大家都顧住讀書啦,好少有話追夢咁。多數聽到人講最緊要入大學、搵份好工呢啲。都係畢業之後先諗吓去做自己鍾意做嘅嘢。如果有呢個機會都想試吓唱歌,都唔錯嘅。不過歌手就真係冇乜諗,應該話係唔敢諗,因為有咁多人,又咁靚女,係都佢哋做歌手先啦。配音員係有諗過做嘅,所以有一排都狂玩嗰啲配音app同埋拍啲聲音經過處理嘅片。
———————
問:演戲、唱歌、配音,如果都有工作搵你,你個priority係點?
答:同你畀我嘅排序一樣,第一演戲、第二唱歌、第三配音,嘻嘻。因為演戲實在係太好玩喇,你會無啦啦喺個角色度發現自己係一個點嘅人,太神奇喇,所以如果可以嘅話都係演戲排先。
我喺阿Mo身上發現我冇佢咁勇敢。如果畀我中學嘅話,我唔會為咗學生嘅權利去出聲,我會係專心讀好自己書嗰類,所以我覺得阿Mo同埋成班不老騎士真係超叻。
———————
問:有咩短期同長期目標?嚟緊會喺邊度見到你嘅演出呢?
答:我短期目標係希望一個月有一兩個有關演戲嘅job啦~ [ 按:工作請聯絡 ginylaii@gmail.com ] 長期目標就,因為依家都仲讀緊書,希望畢業之後可以做到自己鍾意嘅嘢,同埋維持到生活 [按:依家麗英喺浸大國際學院讀緊創意寫作學士]。我都想趁後生入演藝學院進修一吓嘅,自己要努力啲,要做到七分努力,同埋要睇吓嗰三分運氣可唔可以畀我做到佢哋學生,入到我最想入嗰科drama。下一部見到嘅作品係《熱血合唱團》,到時大家支持一吓啦~
———————
[photo credit : 編劇 吳振忠]
#方以文問兩句 #鄧麗英 #ViuTV #教束 #熱血合唱團 #大師兄
同時也有10000部Youtube影片,追蹤數超過2,910的網紅コバにゃんチャンネル,也在其Youtube影片中提到,...
「viutv演員招募」的推薦目錄:
- 關於viutv演員招募 在 程人富 Facebook 的最佳貼文
- 關於viutv演員招募 在 Prudence Liew 劉美君 Facebook 的最讚貼文
- 關於viutv演員招募 在 コバにゃんチャンネル Youtube 的精選貼文
- 關於viutv演員招募 在 大象中醫 Youtube 的精選貼文
- 關於viutv演員招募 在 大象中醫 Youtube 的最佳貼文
- 關於viutv演員招募 在 全演員招募區 - Facebook 的評價
- 關於viutv演員招募 在 【臨記】臨時演員大剖析!茄呢啡唔易做渠道/待遇/薪金/注意 ... 的評價
- 關於viutv演員招募 在 viutv演員招募2021 :: 攝影師掛保證 的評價
- 關於viutv演員招募 在 演員招募2022的推薦,PTT、DCARD、YOUTUBE 的評價
- 關於viutv演員招募 在 演員招募2022的推薦,PTT、DCARD、YOUTUBE 的評價
- 關於viutv演員招募 在 演員招募2022的推薦,PTT、DCARD、YOUTUBE 的評價
viutv演員招募 在 Prudence Liew 劉美君 Facebook 的最讚貼文
Good morning from #GrandmaPru , fresh off the bath ( not boat 🤣 )!
#nomakeup #nofilter #nobeautycam
.
I need your help 👇.
.
ViuTV溫情劇演員招募:
監製:伍健雄、劉美君
導演:陸天華
拍攝日期:2018年11-12月
演員要求:
女性
約12-16歲
精靈可愛
口齒伶俐
操流利廣東話
有演戲天份,具演出經驗更佳
*拍攝時間會盡量遷就,惟預計必需向學校請假
有意請將以下資料電郵到:
[email protected]
1)相片
2)姓名
3)年齡
4)身高
5)班級
6)有否演出經驗
7)聯絡電話
viutv演員招募 在 【臨記】臨時演員大剖析!茄呢啡唔易做渠道/待遇/薪金/注意 ... 的推薦與評價
![影片讀取中](/images/youtube.png)
茄哩啡#茄呢啡#臨時 演員 #臨記#臨演Instagram: @twitwi_tang https://www.instagram.com/twitwi_tang/ 窮人製作: @poorguy_hk_ ... ... <看更多>
viutv演員招募 在 viutv演員招募2021 :: 攝影師掛保證 的推薦與評價
攝影師掛保證,viutv臨時演員招募,臨時演員招聘2021,viutv演員招募2022,viutv小演員招募2022,電影演員招募,tvb臨時演員招募2021,viutv試鏡,viutv童星招募. ... <看更多>
viutv演員招募 在 全演員招募區 - Facebook 的推薦與評價
歡迎大家帶更多對演藝有興趣既朋友加入本群( ´▽` )ノ有興趣人士請將履歷及相片whatsapp紫甄65586345^_^ (相片要求:正面全身、正面半身、側面全身) 本群會不定時張貼 ... ... <看更多>