灣仔皇后大道東137 號地下
灣仔多野食好多人知， 喺春園街嗰頭就多港式食物 好似雲吞麵 大排檔等 而再行過d有好多西餐或酒吧 , 坐落喺皇后大道東既一間bar and restaurant yolo個人覺得比較特別。
樓高兩層 下層就有bar枱，高櫈 比較適合人少 飲杯酒談下心，而樓上雅坐當然係適合2 人至幾人以上傾計食飯， 裝修以藍色棕色格調為主 牆身上會有畫裝飾
講番食店特別既地方係佢除左有一般食物飲料既外， 仲會以用中式既撕頁月曆黎做menu , 黎個中西合壁每一味菜都十分特別 食物名都諗得好有心機 所以無論內到外都有fusion既感覺
雖然撕頁日曆上有中西對照 但名字方面中文得意d , 所以我就主要用中文
飲品方面點左
紀子紅棗貝里尼 128 蚊
節骨木花酒 紀子紅棗糖水 同香濱
自己學過雞尾酒 所以知道佢易學難精， 份量好緊要 呢味中西融合既雞尾酒整得恰到好處 用香濱杯為容器 美觀得黎 香濱為主 聞落去傳來陣陣接骨木花香 十分舒服， 口感又帶有中式紀子紅棗糖水 同有氣既香濱配合得宜 好味
雪梨冰糖martini 118 蚊
有梨vodka, 雪梨 , 洋甘菊茶， 檸檬汁， 冰糖
整成既martini , 整杯martini梨味香濃 加上酸甜既洋柑菊 酸味十足既檸檬汁 又加點冰糖 令到成杯飲品變成出色既餐前雞尾酒
跟住因為想支持下本土 所以喺不是撕頁月曆既menu揀左一隻香港造既draught手工啤 young master 68 蚊
啤酒帶有清新既香味 色澤大慨係深黃色 而泡比較密， 飲落去有淡淡青草香味 而且由於泡比較滑 所以飲落去幾有口感 唔錯
然後
五香主教 118 蚊
五香紅酒，缽酒， 意大利陳醋，黑加侖子酒， 清檸汁
用一個好靚既中式瓦碗 為容器 同茶杯一樣 上面有d透明 十分特別， 材料主要用紅酒 同如上各式酸甜味濃既飲料組成 飲落完全唔覺得係酒 但味道一試難忘 可能因為好少可cocktail會有倫子酒 同意大利陳醋既融口 嗰種味道好出 , 但最後aftertaste又帶有少少紅酒味 十分特別
食物方面每一樣都睇落別出心栽 忍唔住點左好多 因為有啤酒所以首先黎個佐酒小食先
芝士薯條68 蚊
唔好睇少薯條 要整得好食一d都唔易 薯條切粗身而且熱辣辣 口感外面脆 入面有粉狀既薯蓉口感，。出面配上勁邪惡既芝士蓉 芝士完全融入薯條入面 再加上加上中式既京葱減低肥膩感 配啤酒十分適合
由錢淺入深 再品嘗魚肉
旋切鮭膾 88 蚊
入面包含左三文魚子 鹵水汁三文魚 西洋菜 青蘋果片 自制辣醬
由上面唔同材料每樣少少組成一件件既 旋切鮭膾 外表顏色都好靚， 老板提議若食到就一啖放入口
鹵水汁好正 同三文魚既鮮味好夾 而青蘋果 西洋菜又可中和魚油既肥 配埋juicy既魚子 同自制辣醬 十分特別
問君能有幾多愁
柱候他他生和牛 128 蚊
個名好搞笑 其實就係 炸牛筋 醃蘿白 柱候醬 蜜糖豆 第一次食炸牛筋 口感好似有牛味既薯片甘 用平時粉麵檔常吃既柱候柱連埋他他和牛一齊食 他他牛半生熟 十分鬆軟又帶有煙韌口感 再加上酸蘿白同蜜糖豆 整體感覺十分清新 食多幾舊都仲得
跟住黎主菜
豆板醬迷你豬肉漢堡 108 蚊
睇落普通既漢堡 但入面充滿住中式既豆板醬， 亦可能包身查左糖水去焗 所以辣得黎又帶點甜 包身焊過出面帶有微脆口感入面夠鬆軟 配上豬肉碎 豬肉碎十分綿且密度好高 應該係打得好碎先會甘 同豆板醬連埋一齊 食落好舒服 如果口腔大既朋友一啖一個最滋味
雞 全部都係雞148 蚊
有煎雞胸 炸雞脾 紅蘿白仔 意大利飯 葱油醬汁
固名思義 全部都係雞整成既菜 煎雞胸帶有點香草 而且煎得剛剛好 令到雞胸肉質夠軟林 而炸雞好食當然要外脆內軟 炸粉亦食得出經過悉心既調味 甜同咸度都剛剛好 而意大利飯亦唔錯 , 米粒可能想就番hk人口味 所以算係微硬 加上中式葱油汁 好香又可中和飯汁過濃 而配上紅蘿白絲令到整碟菜更美觀同更有層次感
魚遊釜中 148 蚊
紅立魚 乳酪咖哩汁 ,珍珠葱 洛神花 小棠菜
紅立魚不嬲喺西餐食得多 , 呢味紅立魚整得魚皮十分脆而且魚肉既肉質好有咬口 用既係冇骨部位 食落方便 而下面配以洛神花同小棠菜切粒 清新得黎增加口感 最後配上自制醬汁 有好香既乳酪味 食落慢慢滲番咖哩香味 一定要點醬先突顯到立魚既美味
疱丁解牛 188 蚊
有黑椒汁 炒芥蘭 草菇 喬頭 黑椒汁 薯蓉 仲有主角燉牛頰， 因為本身最鍾意食牛 所以我覺得呢味最正， 用牛面珠登 肉質勁軟滑又林 好容易吸哂濃香既黑椒汁 牛本身若肉質靚就甘食就好味 配以上述既芥蘭 草菇 喬頭 點綴調味 更佳 不得不讚其實佢個薯蓉都好好食 十分 軟林 食落去 完全唔滯 同牛面珠一齊放入口別有一番風味
甜品方面 都特別
亂點鴛鴦78 蚊
焦糖味既蛋糕 蛋糕整得好鬆軟 咬落去有層次感，加上少少朱古力脆脆 上面再配鴛鴦味雪糕 鴛鴦味出又不會過甜，超好味
蕃薯糖水78 蚊
原來唔係流質 係固體食物黎， 用意大利雲吞包住紫薯容 上面有一d有蕃薯香味既脆脆 幾有口感 再配以 vanilla雪糕 全部野一齊放落口就會變成左有蕃薯糖水既味道 既特別好味 又有創意
#YOLOBAR #FUSION菜 #西餐 #BAR #foodblogger
#food #foodie #foodporn #hkfoodie #hkfood #foodstagram #iger #hkig #相機食先 #手機食先 #全力食 #全日食食食
#全日食 #食極唔肥 #為食花太郎
vodka cocktail中文 在 【露營】萊姆伏特加『 VODKA LIME 』，恰如其名的經典調酒 的推薦與評價
... <看更多>